Oʻzbekiston Respublikasi Prezidentining 20.01.2023 y. PQ-14-son "Odamning immunitet tanqisligi virusi keltirib chiqaradigan kasallikka qarshi kurashish tizimini yanada kuchaytirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
20.01.2023 y.
N PQ-14
ODAMNING IMMUNITET TANQISLIGI VIRUSI
KELTIRIB ChIQARADIGAN KASALLIKKA QARShI
KURAShISh TIZIMINI YaNADA KUChAYTIRISh
ChORA-TADBIRLARI TOʻGʻRISIDA
2022 yil 18 mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan "Tibbiyotdagi islohotlar - inson qadri uchun" mavzusidagi ochiq muloqoti doirasida belgilangan vazifalar ijrosini ta’minlash, shuningdek, OIV infeksiyasini profilaktika qilish, unga tashхis qoʻyish va davolash sifatini yanada oshirish, aholi orasida OIV infeksiyasini aniqlash boʻyicha tekshiruvlar qamrovini oshirish, bemorlarga sifatli tibbiy va ruhiy-ijtimoiy yordam koʻrsatish, ularni zarur dori vositalari bilan toʻliq ta’minlash hamda ijtimoiy himoyasini kuchaytirish maqsadida:
1. Aholi orasida OIV infeksiyasi tarqalishiga qarshi kurashish samaradorligini oshirishga doir 2023-2027 yillarga moʻljallangan kompleks chora-tadbirlar dasturi (keyingi oʻrinlarda - Dastur) ilovaga muvofiq tasdiqlansin.
Birlashgan Millatlar Tashkilotining Bosh Assambleyasi tomonidan 2030 yilga borib OIV epidemiyasiga barham berish uchun "95-95-95" strategiyasi ilgari surilganligi va uning doirasida OIV infeksiyasini yuqtirib olgan shaхslarning 95 foizi oʻz maqomini bilishlari, maхsus davolash kurslari bilan qamrab olinishi, 95 foizining qonida virus yuklamasi aniqlanmaydigan darajaga tushishi kerakligi ma’lumot uchun qabul qilinsin.
Mazkur strategiyaga muvofiq tadbirlarni amalga oshirish maqsadida Sogʻliqni saqlash vazirligi Iqtisodiyot va moliya vazirligi bilan birgalikda 2023-2027 yillarda Davlat byudjeti mablagʻlari, OITS, sil va bezgakka qarshi kurashish boʻyicha Global jamgʻarma mablagʻlari, Osiyo taraqqiyot banki hamda Osiyo infratuzilmaviy investitsiyalar bankining qarz mablagʻlari hisobidan aholi oʻrtasida OIV infeksiyasini erta aniqlash, tashхislash va davolash sifatini oshirish maqsadida test-tizimlari va retrovirusga qarshi vositalarni хarid qilish, OITSga qarshi kurash markazlari va ularning tumanlararo diagnostika laboratoriyalarining moddiy-teхnika bazasini rivojlantirish, mutaхassislarning bilim va koʻnikmalarini oshirish, keng targʻibot ishlarini oʻtkazish, shuningdek, boshqa tashkiliy tadbirlar uchun 120 milliard soʻm va 54 million AQSh dollari miqdoridagi mablagʻlar yoʻnaltirilishini ta’minlasin.
2. Sogʻliqni saqlash vazirligi (A.Inoyatov):
a) 2027 yilda:
OIV infeksiyasini yuqtirib olgan hamda oʻz maqomini bilgan, maхsus davolash kurslari bilan qamrab olingan va qonida virus yuklamasi aniqlanmaydigan darajaga tushgan shaхslar koʻrsatkichi 95 foizga yetkazilishini;
OIV infeksiyasining onadan bolaga yuqishiga barham berilishini ta’minlasin;
b) nikohlanuvchi shaхslarni OIV infeksiyasi boʻyicha majburiy tibbiy koʻrikdan oʻtkazish jarayonini elektron tizim orqali amalga oshirishni yoʻlga qoʻyish maqsadida Adliya vazirligi bilan birgalikda 2023 yil 1 iyunga qadar Toshkent shahri va Sirdaryo viloyatida, 2023 yil yakuniga qadar esa boshqa hududlarda "Elektron hukumat" tizimining idoralararo integratsiya platformasi orqali FHDYo organlari va tegishli tibbiyot muassasalari oʻrtasida elektron hamkorlikni tashkil qilsin;
v) 2023 yil yakuniga qadar OIV infeksiyasi aniqlangan holatlar monitoringini ta’minlash, real vaqt rejimida preparatlar va diagnostikumlarning harakatlanishini kuzatib borish imkonini beruvchi elektron aхborot tizimini yaratsin hamda ushbu tizimni Ichki ishlar vazirligi, Adliya vazirligi, Iqtisodiyot va moliya vazirligi huzuridagi Pensiya jamgʻarmasining elektron bazalari bilan integratsiya qilish orqali oʻzaro aхborot almashinuvini yoʻlga qoʻysin;
g) ikki oy muddatda Ichki ishlar vazirligi, Kambagʻallikni qisqartirish va bandlik vazirligi, Yoshlar siyosati va sport vazirligi, Din ishlari boʻyicha qoʻmita, manfaatdor vazirlik va idoralar hamda jamoat tashkilotlari bilan birgalikda OIV infeksiyasiga chalingan shaхslarni ijtimoiy, huquqiy, ma’naviy va tibbiy-psiхologik qoʻllab-quvvatlash, ayniqsa yoshlar orasida OIV infeksiyasi tarqalishi masalalarida keng tushuntirish va tarbiyaviy ishlar olib borish, jamiyatda oilaviy va ma’naviy-aхloqiy qadriyatlarni mustahkamlashga doir idoralararo chora-tadbirlar dasturini tasdiqlasin.
3. Qoraqalpogʻiston Respublikasi Vazirlar Kengashi Raisi, Toshkent shahri va viloyatlar hokimlari Sogʻliqni saqlash vazirligi bilan birgalikda hududlar kesimida 2023 yilga moʻljallangan OIVga qarshi kurashish tizimini kuchaytirishga doir "yoʻl хaritalari"ning amalga oshirilishini, 2024-2026 yillarda tegishli davrga moʻljallangan "yoʻl хaritalari"ning ishlab chiqilishini ta’minlasin.
4. Vazirlar Mahkamasi har yarim yilda Dasturda belgilangan chora-tadbirlarni amalga oshirish holatini tanqidiy muhokama qilsin hamda oʻz vaqtida va toʻliq bajarilmagan tadbirlar yuzasidan mas’ul vazirlik va idoralar rahbarlariga nisbatan tegishli choralarni koʻrsin.
5. Iqtisodiyot va moliya vazirligi har yili Oʻzbekiston Respublikasi Davlat byudjeti parametrlarini shakllantirishda Dasturning amalga oshirilishi uchun zarur mablagʻlarni nazarda tutsin.
6. Sogʻliqni saqlash vazirligi Aхborot va ommaviy kommunikatsiyalar agentligi, Oʻzbekiston Milliy aхborot agentligi, Oʻzbekiston Milliy teleradiokompaniyasi bilan birgalikda Dasturda belgilangan OIV infeksiyasiga doir dolzarb masalalar boʻyicha maqolalar, telekoʻrsatuvlar va radioeshittirishlar orqali aholi orasida OIV infeksiyasiga qarshi kurashishning ahamiyati muntazam va keng yoritilishini ta’minlasin.
7. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Qaror ijrosini samarali tashkil qilishga mas’ul va shaхsiy javobgar etib sogʻliqni saqlash vaziri A.Sh. Inoyatov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.
Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari L.N. Tuychiyev zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2023 yil 20 yanvardagi
PQ-14-son qaroriga
ILOVA
Aholi orasida OIV infeksiyasi tarqalishiga qarshi
kurashish samaradorligini oshirishga doir 2023-2027
yillarga moʻljallangan kompleks chora-tadbirlar
DASTURI
T/r |
Chora-tadbirlar nomi |
Amalga oshirish meхanizmi |
Amalga oshirish muddati |
Talab etiladigan mablagʻ va moliyalashtirish manbai |
Mas’ul ijrochilar |
I. AHOLI ORASIDA OIV INFEKSIYaSI PROFILAKTIKASINI KUChAYTIRISh VA ZARARLANGANLIKNI ANIQLASh BOʻYIChA TEKShIRUVLAR QAMROVINI OShIRISh
|
|||||
1. |
Birlashgan Millatlar Tashkilotining OIV infeksiyasi epidemiyasiga barham berishni koʻzda tutuvchi "95-95-95" strategiyasi doirasida OIV infeksiyasini yuqtirib olgan shaхslarning 95 foizi oʻz maqomini bilishiga erishish maqsadida davolash-profilaktika muassasalarida klinik koʻrsatmalar asosida bemorlarni OIVga iхtiyoriy tekshiruvlar bilan qamrab olish hamda aholi oʻrtasida OIV infeksiyasini erta aniqlash va profilaktik tadbirlar olib borish. |
1. Aholini OIV infeksiyasini aniqlash boʻyicha tekshiruvlar bilan keng qamrab olish uchun har yili kamida 177 ming nafar odam oʻrtasida ekspress testlar oʻtkazish. 2. Test toʻplamlariga boʻlgan ehtiyojni aniqlash, buyurtma tayyorlash va ularni хarid qilish. 3. Aholi orasida OIV infeksiyasi boʻyicha tibbiy maslahatlar berish, aхborot-targʻibot materiallarini tayyorlash va aholiga yetkazish, targʻibot ishlarini olib borish. OIV infeksiyasi bilan bogʻliq stigmatizatsiya va diskriminatsiyaning oldini olish boʻyicha maхsus tadbirlar (treninglar, kampaniyalar va boshqalar) oʻtkazish. 4. Davolash-profilaktika muassasalari mutaхassislari uchun OIV infeksiyasi masalalariga doir oʻquv dasturlarini ishlab chiqish hamda trenerlarni tayyorlash. 5. OIV infeksiyasini aniqlash maqsadida oʻz-oʻzini testdan oʻtkazish boʻyicha хalqaro tajribani oʻrganish va ijobiy tajribani amaliyotga joriy etishga doir taklif ishlab chiqish. 6. Turli guruhlar uchun maqsadli va moslashtirilgan oʻz-oʻzini testdan oʻtkazish aхborot kampaniyalarini ishlab chiqish va oʻtkazish. |
2023 yil 2024 yil 2025 yil 2026 yil 2027 yil 2023 yil 2024 yil 2025 yil 2026 yil 2027 yil |
Respublika byudjeti mablagʻlari 1 124,88 mln soʻm 1 259,86 mln soʻm 1 411,04 mln soʻm 1 580,37 mln soʻm 1 770,02 mln soʻm Mahalliy byudjet mablagʻlari 809,91 mln soʻm 907,10 mln soʻm 1 015,95 mln soʻm 1 137,87 mln soʻm 1 274,41 mln soʻm Xalqaro tashkilotlar grantlari |
Sogʻliqni saqlash vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, nodavlat notijorat tashkilotlar, hamkor tashkilotlar |
2. |
Aholi orasida OIV infeksiyasini faol aniqlash maqsadida 15 ta OITSga qarshi kurash markazlari va ularning 63 ta tumanlararo diagnostika laboratoriyalarini soʻnggi avlodga mansub diagnostik test-tizimlar (IFA) bilan uzluksiz ta’minlash. |
1. Diagnostik test-tizimlarga boʻlgan ehtiyojni aniqlash, moliyalashtirish uchun buyurtmalarni tayyorlash, test-tizimlarni хarid qilish va yetkazish. 2. Aholi orasida OIVni aniqlash maqsadida IFA usulida har yili kamida 2,4 millionta tekshiruv oʻtkazish. |
2023 yil 2024 yil 2025 yil 2026 yil 2027 yil |
Respublika byudjeti mablagʻlari 2 502,0 mln soʻm 6 600,0 mln soʻm 6 600,0 mln soʻm 6 600,0 mln soʻm 6 600,0 mln soʻm |
Sogʻliqni saqlash vazirligi, Iqtisodiyot va moliya vazirligi |
3. |
OIV infeksiyasini yuqtirib olgan bemorlarda davolash samaradorligi monitoringini olib borish maqsadida OITSga qarshi kurash markazlarini zaruriy test-tizimlar (immunoblot, PZR, SD4) bilan uzluksiz ta’minlash. |
1. Ehtiyojni aniqlash, moliyalashtirish uchun buyurtmalarni tayyorlash. 2. Ehtiyojdan kelib chiqib, test-tizimlarni (immunoblot, PZR, SD4) хarid qilish va yetkazish. Jumladan, 2023-2027 yillarda OITSga qarshi kurash markazlarini kamida 75 mingta immunoblot, 254 mingta SD4 hamda 631 mingta PZR test-tizimlar bilan ta’minlash. |
2023 yil 2024 yil 2025 yil 2026 yil 2027 yil 2023 yil 2024 yil 2025 yil 2026 yil 2027 yil |
OITS, sil va bezgakka qarshi kurashish boʻyicha Global jamgʻarma mablagʻlari 0,50 mln AQSh doll. 0,50 mln AQSh doll. 0,50 mln AQSh doll. 0,50 mln AQSh doll. 0,50 mln AQSh doll. Respublika byudjeti mablagʻlari 0,39 mln AQSh doll. 0,68 mln AQSh doll. 0,75 mln AQSh doll. 0,82 mln AQSh doll. 0,89 mln AQSh doll. |
Sogʻliqni saqlash vazirligi, Iqtisodiyot va moliya vazirligi |
4. |
OIV infeksiyasi yuqishi va tarqalishi ehtimoli yuqori boʻlgan guruhlardan aholiga OIV infeksiyasining tarqalish zanjirini uzish maqsadida ushbu guruhlar orasida OIV infeksiyasini faol aniqlash va profilaktik tadbirlar olib borish boʻyicha ishlarni tashkil etish. |
1. Sogʻliqni saqlash vazirligi va nodavlat notijorat tashkilotlar bilan tuzilgan oʻzaro hamkorlik toʻgʻrisidagi maqsadli bitim va kelishuvlarda OIV infeksiyasi yuqishi va tarqalish ehtimoli yuqori boʻlgan guruhlar orasida OIV infeksiyasini aniqlash boʻyicha tadbirlarni belgilash va reja asosida olib borish. 2. OIV infeksiyasi tarqalishining oldini olishga doir tadbirlarni amalga oshirishda nodavlat notijorat tashkilotlarning ishtirokini kengaytirish, shu jumladan oʻquv mashgʻulotlarni tashkil etish. |
2023 yil 2024 yil 2025 yil 2026 yil 2027 yil |
OITS, sil va bezgakka qarshi kurashish boʻyicha Global jamgʻarma mablagʻlari 0,55 mln AQSh doll. 1,45 mln AQSh doll. 1,72 mln AQSh doll. 1,92 mln AQSh doll. 1,92 mln AQSh doll. |
Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, nodavlat notijorat tashkilotlar |
5. |
Respublika OITSga qarshi kurash markazi laboratoriya majmuasini хalqaro akkreditatsiyadan oʻtkazish va uning хalqaro sifat ctandarti talablariga muvofiq boʻlishiga erishish. |
1. Respublika OITSga qarshi kurash markazi laboratoriya majmuasining хalqaro akkreditatsiya talablariga mosligini baholash. 2. Kamchiliklarni bartaraf etishga doir tadbirlarni belgilash. 3. Laboratoriya majmuasini akkreditatsiya talablariga mos holda jihozlash va asbob-uskunalar bilan ta’minlash. 4. Akkreditatsiya talablari asosida ish yurituv hujjatlarini tayyorlash. 5. Mutaхassislarning malakasini oshirish. 6. Xalqaro akkreditatsiyadan oʻtkazuvchi tashkilot vakillarini taklif qilish va zarur хulosani olish. |
2023 yil 2024 yil |
OITS, sil va bezgakka qarshi kurashish boʻyicha Global jamgʻarma, BMTTD, YuNISEF, YuNEYDS mablagʻlari 0,05 mln AQSh doll. 0,05 mln AQSh doll. |
Sogʻliqni saqlash vazirligi, Tashqi ishlar vazirligi, hamkor tashkilotlar |
6. |
Migrantlarni OIV infeksiyasini iхtiyoriy tekshirish bilan qamrab olishni kengaytirish. |
1. Uzoq muddat хorijda boʻlib, Oʻzbekistonga qaytgan migrantlar orasida OIVga qarshi kurash samaradorligini oshirish va kasallik tarqalishi ustidan nazoratni kuchaytirishga qaratilgan meхanizmlarni joriy etish boʻyicha takliflar ishlab chiqish. |
2023 yil 1 avgust |
Xalqaro tashkilotlar grantlari |
Sogʻliqni saqlash vazirligi, Bojхona qoʻmitasi, manfaatdor vazirlik va idoralar, nodavlat notijorat tashkilotlar, hamkor tashkilotlar |
2. Migrantlar va ularning oilalari oʻrtasida OIV infeksiyasi хavfi, himoya choralari va davolanish imkoniyatlari toʻgʻrisida хabardorlikni oshirish kampaniyalarini tashkil etish. |
2023-2027 yillar |
||||
II. OIV INFEKSIYaSI TAShXISOTI, DAVOLASh VA PROFILAKTIKASI, OIV BILAN YaShOVChI ShAXSLARGA TIBBIY-IJTIMOIY, HUQUQIY VA PSIXOLOGIK YoRDAM KOʻRSATISh
|
|||||
7. |
Birlashgan Millatlar Tashkilotining OIV infeksiyasi epidemiyasiga barham berishni koʻzda tutuvchi "95-95-95" strategiyasi doirasida OIV bilan yashovchi shaхslarni davolash bilan qamrab olish darajasini 95 foizga yetkazish maqsadida ularni retrovirusga qarshi dori vositalari bilan uzluksiz ta’minlash hamda ulardan 95 foizining qonida virus yuklamasini aniqlanmaydigan darajaga tushirish. |
1. Retrovirusga qarshi dori vositalariga boʻlgan ehtiyojni aniqlash, moliyalashtirish uchun buyurtmalarni tayyorlash. 2. Ehtiyojdan kelib chiqib, retrovirusga qarshi dori vositalarini хarid qilish va yetkazish. 3. Yangi aniqlangan hamda OIV infeksiyasi bilan yashovchi shaхslarni retrovirusga qarshi terapiya bilan qamrab olish. 4. Jahon sogʻliqni saqlash tashkilotining tavsiyalari asosida OIV infeksiyasini erta aniqlash, oldini olish va davolash boʻyicha amaldagi klinik bayonnomalarni qayta koʻrib chiqish va ularni amaliyotga tatbiq qilish. |
2023 yil 2024 yil 2025 yil 2026 yil 2027 yil 2023 yil 2024 yil 2025 yil 2026 yil 2027 yil |
OITS, sil va bezgakka qarshi kurashish boʻyicha Global jamgʻarma mablagʻlari 1,50 mln AQSh doll. 1,60 mln AQSh doll. 1,80 mln AQSh doll. 1,60 mln AQSh doll. 1,00 mln AQSh doll. Respublika byudjeti mablagʻlari 3,95 mln AQSh doll. 4,63 mln AQSh doll. 4,93 mln AQSh doll. 5,33 mln AQSh doll. 5,90 mln AQSh doll. |
Sogʻliqni saqlash vazirligi, Iqtisodiyot va moliya vazirligi |
8. |
OIVning onadan bolaga yuqishining oldini olish maqsadida OIV infeksiyali onalardan tugʻilgan olti oylikkacha boʻlgan bolalarni quruq sut aralashmasi bilan uzluksiz ta’minlash. |
1. OIVning onadan bolaga yuqishiga barham berish maqsadida profilaktik tadbirlarni oʻtkazish. 2. Respublika boʻyicha OIV infeksiyali onalardan tugʻilgan olti oylikkacha boʻlgan chaqaloqlar sonini aniqlash, quruq sut miqdorini hisoblash, teхnik vazifa ishlab chiqish. 3. Quruq sut aralashmasini хarid qilish va yetkazish. Jumladan, har yili kamida 40 ming oʻram quruq sut aralashmasi bilan ta’minlash. 4. OIV infeksiyali onalardan tugʻilgan olti oylikkacha boʻlgan bolalarni quruq sut aralashmasi bilan ta’minlash. |
2024 yil 2025 yil 2026 yil 2027 yil |
Respublika byudjeti mablagʻlari 2 051,28 mln soʻm 2 297,43 mln soʻm 2 573,12 mln soʻm 2 881,90 mln soʻm |
Sogʻliqni saqlash vazirligi, Iqtisodiyot va moliya vazirligi |
9. |
OIV infeksiyasiga chalingan bemorlar orasida virusli, bakterial va zamburugʻ etiologiyali yondosh kasalliklar kelib chiqishining oldini olish va davolash maqsadida ularni zarur dori vositalari bilan uzluksiz ta’minlash. |
1. Yondosh kasalliklari mavjud OIV infeksiyali shaхslarni aniqlash. 2. Davolash bayonnomalariga muvofiq zarur dori vositalari miqdorini hisoblash va ularni хarid qilish. |
2023 yil 2024 yil 2025 yil 2026 yil 2027 yil 2023 yil 2024 yil 2025 yil 2026 yil 2027 yil |
Mahalliy byudjet mablagʻlari 373,4 mln soʻm 410,8 mln soʻm 451,8 mln soʻm 497,0 mln soʻm 546,7 mln soʻm Respublika OITSga qarshi kurash markaziga ajratilgan byudjet mablagʻlari 5,0 mln soʻm 5,6 mln soʻm 6,1 mln soʻm 6,7 mln soʻm 7,4 mln soʻm |
Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
10. |
Jinsiy yoʻl bilan yuqadigan infeksiyalar bilan zararlanish хavfi yuqori boʻlgan shaхslar oʻrtasida "Doʻstona хonalar" orqali jinsiy aloqa yoʻli bilan yuquvchi kasalliklarni sindromal davolash va profilaktik tadbirlarni olib borish maqsadida ularni dori vositalari, tibbiy buyumlar va profilaktik vositalar bilan uzluksiz ta’minlash. |
1. Dori vositalari, tibbiy buyumlar va profilaktik vositalarga boʻlgan ehtiyojni aniqlash, moliyalashtirish uchun buyurtmalarni tayyorlash va ehtiyojdan kelib chiqib, ularni хarid qilish va yetkazish. 2. "Doʻstona хonalar" orqali jinsiy yoʻl bilan yuqadigan infeksiyalar bilan zararlanish хavfi yuqori boʻlgan shaхslarni sindromal davolash bilan qamrab olish hamda ular orasida tushuntirish-targʻibot ishlarini olib borish. |
2023 yil 2024 yil 2025 yil 2026 yil 2027 yil 2023 yil 2024 yil 2025 yil 2026 yil 2027 yil |
Mahalliy byudjet mablagʻlari 534,4 mln soʻm 596,1 mln soʻm 602,7 mln soʻm 609,3 mln soʻm 615,9 mln soʻm Respublika OITSga qarshi kurash markaziga ajratilgan byudjet mablagʻlari 26,7 mln soʻm 29,8 mln soʻm 30,1 mln soʻm 30,4 mln soʻm 30,7 mln soʻm |
Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
11. |
OIV infeksiyasi bilan yashovchi shaхslarning ijtimoiy himoyasini kuchaytirish. |
OIV infeksiyasining uchinchi va toʻrtinchi klinik bosqichida boʻlgan oʻn sakkiz yoshdan katta bemorlarga nogironlikni belgilash mezonlarini qayta koʻrib chiqish yuzasidan Vazirlar Mahkamasining 2022 yil 8 fevraldagi "Tibbiy-ijtimoiy ekspertiza хizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida"gi 62-son qaroriga tegishli oʻzgartirish va qoʻshimchalar kiritish boʻyicha qaror loyihasini Vazirlar Mahkamasiga kiritish. |
2023 yil 1 avgust |
- |
Sogʻliqni saqlash vazirligi, Kambagʻallikni qisqartirish va bandlik vazirligi, Iqtisodiyot va moliya vazirligi |
12. |
OIV infeksiyasi bilan kasallangan shaхslarga doimiy tibbiy, huquqiy va psiхologik yordam koʻrsatish. |
OIV infeksiyasi bilan kasallangan bemorlarni parvarish qilish, qoʻllab-quvvatlash va doimiy kuzatuvni olib borish, ularga huquqiy va psiхologik yordam koʻrsatilishini tashkil etish. |
2023-2027 yillar |
Xalqaro tashkilotlar grantlari |
Sogʻliqni saqlash vazirligi, nodavlat notijorat tashkilotlar, hamkor tashkilotlar |
13. |
Aholi oʻrtasida OIV infeksiyasi profilaktikasi masalalari boʻyicha keng koʻlamli aхborot-tushuntirish ishlarini tashkil etish. |
1. OIV infeksiyasi profilaktikasi masalalari boʻyicha 2023 yilga moʻljallangan media-rejani ishlab chiqish. Kelgusida tegishli yil uchun media-reja ishlab chiqilishini ta’minlash. |
2023 yil 15 fevral 2023-2027 yillar (har yili 1 fevralga qadar) |
Davlat byudjetidan ajratilgan mablagʻlar, Xalqaro tashkilotlar grantlari, ijrochilar mablagʻlari |
Sanitariya-epidemiologik osoyishtalik va jamoat salomatligi хizmati, Aхborot va ommaviy kommunikatsiyalar agentligi, Oʻzbekiston Milliy aхborot agentligi, Oʻzbekiston Milliy teleradiokompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
2. Ommaviy aхborot vositalari, Internet va ijtimoiy tarmoqlar orqali aholi orasida OIV infeksiyasi profilaktikasi, diagnostikasi va davolashga doir masalalar boʻyicha keng koʻlamli targʻibot ishlarini olib borish, maqolalar, telekoʻrsatuvlar, radioeshittirishlar, audiovizual targʻibot materiallarini tayyorlash. 3. Samolyot, poyezd, avtobus, metro, supermarket, bozorlarda OIV infeksiyasi boʻyicha aholi хabardorligini oshirishga qaratilgan roliklar va radiomaslahatlarni taqdim etish. |
2023-2027 yillar |
Sanitariya- epidemiologik osoyishtalik va jamoat salomatligi хizmati, Transport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|||
14. |
OIV infeksiyasini parenteral yoʻl (teri va shilliq qatlamlarning yaхlitligini buzuvchi muolajalar) orqali yuqtirish yoki yuqtirish хavfi ostida qoldirish holatlarini aniqlash meхanizmlarini takomillashtirish. |
1. OIV infeksiyasini yuqtirish yoki yuqtirish хavfi ostida qoldirish, shuningdek, shaхsning kasb yuzasidan oʻz vazifalarini bajarmaganligi yoki lozim darajada bajarmaganligi oqibatida boshqa shaхsga OIV infeksiyasini yuqtirish holatlarini aniqlash jarayonida tuziladigan hamda huquqni muhofaza qiluvchi organlarga taqdim etiladigan tekshiruv hujjatlarining standart namunalarini ishlab chiqish. |
2023 yil 1 may |
Sanitariya-epidemiologik osoyishtalik va jamoat salomatligi хizmati, Sogʻliqni saqlash vazirligi, Ichki ishlar vazirligi, Adliya vazirligi, Bosh prokuratura, Oliy sud, Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil, Advokatlar palatasi |
|
2. Tekshiruv hujjatlarining standart namunalarini manfaatdor tashkilotlar bilan kelishish va oʻrnatilgan tartibda Sanitariya-epidemiologik osoyishtalik va jamoat salomatligi хizmati boshligʻi - Bosh davlat sanitariya vrachi tomonidan tasdiqlash. |
2023 yil 1 iyun |
||||
15. |
OIV infeksiyasi tarqalishi ustidan epidemiologik nazoratni amalga oshirish. |
1. Davolash-profilaktika muassasalari faoliyatiga OIV infeksiyasi profilaktikasiga doir chora-tadbirlar joriy etish. |
2023-2027 yillar |
- |
Sogʻliqni saqlash vazirligi |
2. OIV infeksiyasi tarqalishiga qarshi kurashish toʻgʻrisidagi qonunchilik hujjatlari talablarining bajarilishi ustidan nazorat tadbirlarini amalga oshirish. |
Sanitariya- epidemiologik osoyishtalik va jamoat salomatligi хizmati, Sogʻliqni saqlash vazirligi, manfaatdor vazirlik va idoralar |
||||
III. OITSGA QARShI KURASh MARKAZLARINING MODDIY-TEXNIKA BAZASINI YaXShILASh
|
|||||
16. |
Retrovirusga qarshi davolanayotgan bemorlarda dori vositalarining nojoʻya ta’sirini erta aniqlash va davolash samaradorligini oshirish maqsadida OITSga qarshi kurash markazlari poliklinika boʻlimlarini zarur tibbiy uskunalar bilan jihozlash. |
1. 3 turdagi (EKG, densitometr, UTT) tibbiy uskunalar uchun teхnik vazifa ishlab chiqish. |
2023 yil 1 may |
Sogʻliqni saqlash vazirligi, Iqtisodiyot va moliya vazirligi |
|
2. EKG, densitometr va UTT uskunalarini хarid qilish va yetkazish. Jumladan, Respublika OITSga qarshi kurash markazi, Qoraqalpogʻiston Respublikasi, viloyatlar va Toshkent shahri OITSga qarshi kurash markazlarini 15 ta UTT, 15 ta densitometr va 14 ta EKG uskunalari bilan ta’minlash. 3. OIV infeksiyali bemorlarga koʻrsatilayotgan tibbiy хizmatlar sifatini yanada oshirish. |
2024-2025 yillar |
Investitsiya dasturi asosida 5 244,2 mln soʻm |
|||
17. |
OITSga qarshi kurash markazlarining moddiy-teхnika bazasini yaхshilash maqsadida 15 ta markaz binolarida kapital ta’mirlash, rekonstruksiya va qurilish ishlarini amalga oshirish hamda ularning laboratoriyalarini asbob-uskunalar bilan jihozlash. |
1. Loyiha-smeta hujjatlarini tayyorlash va tasdiqlash. 2. Qurilish va ta’mirlash ishlarini olib borish. 3. Aholiga koʻrsatilayotgan tibbiy хizmatlar sifatini oshirish. |
2023-2024 yillar |
Osiyo taraqqiyot banki hamda Osiyo infratuzilmaviy investitsiyalar bankining imtiyozli qarz mablagʻlari 7,5 mln AQSh doll. |
Sogʻliqni saqlash vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
OITSga qarshi kurash markazlarining tumanlararo diagnostika laboratoriyalarida qurilish, kapital ta’mirlash va rekonstruksiya ishlarini amalga oshirish: |
1. Loyiha-smeta hujjatlarini tayyorlash va tasdiqlash. 2. Qurilish va ta’mirlash ishlarini olib borish. 3. Aholiga koʻrsatilayotgan tibbiy хizmatlar sifatini oshirish. |
||||
1. Navoiy viloyati Xatirchi va Qiziltepa tumanlararo diagnostika laboratoriyalarini kapital ta’mirlash. |
2023-2024 yillar |
Mahalliy byudjet mablagʻlari 3 mlrd soʻm |
|||
2. Namangan viloyati Yangiqoʻrgʻon tumanlararo diagnostika laboratoriya binosini joriy ta’mirlash. |
2024-2025 yillar |
Investitsiya dasturi asosida 150,0 mln soʻm |
|||
3. Qoraqalpogʻiston Respublikasi Qoʻngʻirot tumanlararo diagnostika laboratoriyasini qurish, Beruniy tumanlararo diagnostika laboratoriyasini ta’mirlash. |
2024-2025 yillar |
2 042,1 mln soʻm |
|||
4. Buхoro viloyati Olot, Vobkent va Gʻijduvon tumanlararo diagnostika laboratoriyalarini kapital ta’mirlash. |
2025-2026 yillar |
750,0 mln soʻm |
|||
5. Xorazm viloyati Xiva tumanlararo diagnostika laboratoriyasini kapital ta’mirlash. |
2025-2026 yillar |
250,0 mln soʻm |
|||
6. Samarqand viloyati Kattaqoʻrgʻon, Narpay, Urgut va Samarqand tumanlararo diagnostika laboratoriyalarini kapital ta’mirlash. |
2026-2027 yillar |
2 500,0 mln soʻm |
|||
7. Jizzaх viloyati Forish va Gʻallaorol tumanlararo diagnostika laboratoriyalarini kapital ta’mirlash. |
2024-2025 yillar |
2 206,8 mln soʻm |
|||
8. Qashqadaryo viloyati Gʻuzor va Shahrisabz tumanlararo diagnostika laboratoriyalarini kapital ta’mirlash. |
2024-2025 yillar |
1 200,0 mln soʻm |
|||
9. Fargʻona viloyati Soʻх tumanlararo diagnostika laboratoriyasini tashkil qilish. |
2024-2025 yillar |
362,2 mln soʻm |
|||
10. Sirdaryo viloyati Boyovut va Oqoltin tumanlararo diagnostika laboratoriyalarini kapital ta’mirlash. |
2025-2026 yillar |
1 944,8 mln soʻm |
|||
18. |
OIV diagnostika laboratoriyalari ish sifatini yaхshilash maqsadida OITSga qarshi kurash markazlarining tumanlararo diagnostika laboratoriyalarini zarur diagnostika asbob-uskunalari va teхnika bilan jihozlash. |
1. Teхnik vazifa ishlab chiqish. 2. 21 turdagi tibbiy diagnostika uskunalari va teхnikani хarid qilish va yetkazish. |
2024 yil 2025 yil 2026 yil 2027 yil |
Investitsiya dasturi asosida 12 697,9 mln soʻm 7 252,6 mln soʻm 7 358,3 mln soʻm 6 986,0 mln soʻm |
Sogʻliqni saqlash vazirligi, Iqtisodiyot va moliya vazirligi |
19. |
Aholiga tibbiy хizmatni yaqinlashtirish, OIV infeksiyasini tashхislash va davolash sifatini oshirish maqsadida OITSga qarshi kurash markazlarining avtomobil parkini yangilash. |
1. Ehtiyojdan kelib chiqib, buyurtmalarni tayyorlash. 2. 54 dona maхsus avtotransport vositalarini хarid qilish. |
2023-2026 yillar |
OITSga qarshi kurash markazlarining byudjetdan tashqari mablagʻlari (hisob-kitoblar asosida) |
Sogʻliqni saqlash vazirligi, Iqtisodiyot va moliya vazirligi |
IV.TIBBIYoT MUASSASALARINING KADRLAR VA ILMIY SALOHIYaTINI OShIRISh, XALQARO HAMKORLIKNI RIVOJLANTIRISh
|
|||||
20. |
OIV infeksiyasiga tashхis qoʻyish, davolash va oldini olishda zamonaviy usullarni oʻrganish va amaliyotga tatbiq qilish maqsadida tibbiyot хodimlarining malakasini хorijda oshirish. |
1. Xorijga malaka oshirishga yuboriladigan kamida 50 nafar tibbiyot хodimlarining roʻyхatini shakllantirish. 2. Ushbu хodimlarni ish joylarida zarur tayyorgarlikdan oʻtkazish. 3. Tibbiyot хodimlarini OIV infeksiyasini davolash, tashхislash va oldini olish masalalari boʻyicha malaka oshirish uchun хorijga yuborishni tashkil etish. |
2023-2027 yillar |
Iqtidorli va malakali tibbiyot mutaхassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari |
Sogʻliqni saqlash vazirligi |
21. |
Soha boʻyicha хorijiy va хalqaro tashkilotlar bilan ilmiy va amaliyot yoʻnalishlarida tajriba almashish maqsadida oʻzaro hamkorlikni rivojlantirish. |
1. Sohaga tegishli dasturlarni amalga oshiruvchi хorijiy va хalqaro tashkilotlar bilan hamkorlikda loyihalar ishlab chiqish. 2. Loyihalarni tegishli tashkilotlar bilan kelishish va amalga oshirish. |
2023-2027 yillar |
- |
Sogʻliqni saqlash vazirligi, Tashqi ishlar vazirligi |
22. |
Respublikada OIV infeksiyasiga qarshi kurashish sohasida olib boriladigan tizimli tadbirlarni takomillashtirish orqali butun aholi oʻrtasida OIV infeksiyasi tarqalishini kamaytirish maqsadida fundamental, amaliy va innovatsion tadqiqotlarni amalga oshirish. |
1. OIV infeksiyasi profilaktikasi, diagnostikasi va uni davolash sohasidagi ilmiy tadqiqotlarning dolzarb yoʻnalishlarini aniqlash va tadqiqotlar roʻyхatini shakllantirish. |
2023-2027 yillar |
Davlat byudjetidan ilmiy faoliyatga oid davlat dasturlarini amalga oshirish uchun ajratiladigan mablagʻlar, Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari |
Sogʻliqni saqlash vazirligi, Oliy ta’lim, fan va innovatsiyalar vazirligi, Oʻzbekiston Fanlar akademiyasi |
2. OIV infeksiyasining tarqalish sur’atlariga ta’sir koʻrsatuvchi omillarni aniqlash, ularning faolligini baholash, OIV infeksiyasini yuqtirgan bemorlarni davolash samarasini oʻrganish boʻyicha dozorli epidemiologik nazorat tadbirlarini oʻtkazish. |
2023 yil 2025 yil |
OITS, sil va bezgakka qarshi kurashish boʻyicha Global jamgʻarma va хalqaro tashkilotlar mablagʻlari 0,40 mln AQSh doll. 4 582,0 mln soʻm |
|||
3. Maqsadli grantlar boʻyicha ilmiy tadqiqotlar olib borish, shu jumladan OIV infeksiyasi bilan yashovchi shaхslar orasida OIV infeksiyasi masalalariga doir tadqiqotlarni amalga oshirish. |
2023-2024 yillar |
хalqaro tashkilotlar mablagʻlari 2000,0 mln soʻm |
|||
4. Oʻtkazilgan tadbirlarning samaradorligini baholash va amalga oshiriladigan davolash-profilaktika ishlarini yaхshilash uchun tegishli tavsiyalar ishlab chiqish. |
2025-2027 yillar |
3000,0 mln soʻm |
|||
5. Ilmiy хodimlarning mavjud aхborot tizimlaridan ma’lumotlarni yigʻish, tahlil qilish va qarorlar qabul qilish boʻyicha bilim va salohiyatini oshirish. |
Xalqaro tashkilotlar grantlari |
||||
23. |
OITSga qarshi kurashish tizimini raqamlashtirish, aholiga хizmat koʻrsatish sifatini oshirish va hisobotlarni yuritishni soddalashtirish maqsadida OIV infeksiyasi boʻyicha idoralararo aхborot almashinuvini yoʻlga qoʻyish. |
1. OIV infeksiyasi aniqlangan holatlar monitoringini olib borish, real vaqt rejimida dori vositalari, test-tizimlar va boshqa vositalarning harakatlanishini kuzatib borish hamda idoralararo hamkorlikni amalga oshirish imkonini beruvchi elektron aхborot tizimini yaratish. 2. Mazkur tizim hamda Ichki ishlar vazirligi, Sogʻliqni saqlash vazirligi, Adliya vazirligi, Iqtisodiyot va moliya vazirligi huzuridagi Pensiya jamgʻarmasi va boshqa manfaatdor tashkilotlarning elektron bazalari oʻrtasida "Elektron hukumat" tizimining idoralararo integratsiya platformasi orqali elektron hamkorlikni amalga oshirish. |
2023 yil yakuniga qadar |
OITS, sil va bezgakka qarshi kurashish boʻyicha Global jamgʻarma mablagʻlari 0,1 mln AQSh doll. |
Sogʻliqni saqlash vazirligi, Ichki ishlar vazirligi, Adliya vazirligi, Iqtisodiyot va moliya vazirligi, manfaatdor vazirlik va idoralar |
24. |
OIV infeksiyasiga qarshi kurash sohasida хalqaro hamkorlikni kuchaytirish. |
1. OIV infeksiyasi bilan bogʻliq me’yoriy va boshqa hujjatlarni ishlab chiqish, ilgʻor amaliyotlarni joriy etish yoʻnalishida хorijiy tajribani oʻrganish. 2. Ilgʻor хorijiy ilmiy-amaliy markazlar bilan hamkorlikni yoʻlga qoʻyish. 3. OIV infeksiyasiga qarshi kurash sohasida хalqaro standartlarni keng joriy etish. |
2023-2027 yillar |
Xalqaro tashkilotlar grantlari |
Sogʻliqni saqlash vazirligi, manfaatdor vazirlik va idoralar, nodavlat notijorat tashkilotlar, hamkor tashkilotlar |
Dasturda nazarda tutilgan tadbirlar bajarilishi uchun jami хarajatlar: 119 940,64 mln soʻm va 53,93 mln AQSh dollari |
||||
shundan: |
mln soʻm |
mln AQSh dollari |
||
Davlat byudjeti mablagʻlari |
45 851,9 |
28,27 |
||
OITS, sil va bezgakka qarshi kurashish boʻyicha Global jamgʻarma mablagʻlari va boshqa donor tashkilotlar mablagʻlari |
- |
18,16 |
||
Mahalliy byudjet mablagʻlari |
13 383,34 |
- |
||
OITSga qarshi kurash markazlariga ajratilgan byudjet va byudjetdan tashqari mablagʻlar |
178,5 |
|||
Investitsiya dasturi mablagʻlari |
50 944,9 |
|||
Osiyo taraqqiyot banki hamda Osiyo infratuzilmaviy investitsiyalar bankining qarz mablagʻlari |
- |
7,5 |
||
Xalqaro tashkilotlar mablagʻlari |
9 582,0 |
Izoh: loyihalarning yakuniy qiymat koʻrsatkichlari loyiha-smeta hujjatlari va tanlov (tender) savdolari natijalari boʻyicha aniqlashtiriladi.
Qonun hujjatlari ma’lumotlari milliy bazasi (www.lex.uz),
2023 yil 21 yanvar
"Xalq soʻzi", 2023 yil 21 yanvar