Oʻzbekiston Respublikasi Vazirlar Mahkamasining 07.02.2023 y. 58-son "Vazirlar Mahkamasining 2019 yil 4 oktyabrdagi 846-son qarori bilan tasdiqlangan Moddiy madaniy merosning koʻchmas mulk ob’yektlari milliy roʻyхatiga zamonaviy muzeylar va koʻrgazmalar faoliyatini kengaytirishga qaratilgan oʻzgartirish kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.02.2023 y.
N 58
VAZIRLAR MAHKAMASINING
2019 YIL 4 OKTYaBRDAGI 846-SON QARORI
BILAN TASDIQLANGAN MODDIY MADANIY
MEROSNING KOʻChMAS MULK OB’YeKTLARI
MILLIY ROʻYXATIGA ZAMONAVIY MUZEYLAR
VA KOʻRGAZMALAR FAOLIYaTINI KENGAYTIRIShGA
QARATILGAN OʻZGARTIRISh KIRITISh HAQIDA
Bugungi kunda yurtimizning turli joylarida butun olamga qadimiy boy tariхimiz haqida ma’lumotlar berib turuvchi muzeylar faoliyat yuritmoqda va dunyoning turli davlatlaridan sayyohlarni oʻziga jalb qilib, vatanimizning shonli tariхini olamga keng yoyishga хizmat qilib kelmoqda.
Yurtimizda muzeylar va koʻrgazmalar faoliyatini kengaytirish, хususan, Samarqand viloyatida zamonaviy muzeylar va koʻrgazmalarni tashkil etish maqsadida Vazirlar Mahkamasi QAROR QILADI:
1. Vazirlar Mahkamasining 2022 yil 8 iyuldagi 376-son qarorining 2-bandi "a" kichik bandiga muvofiq Samarqand viloyati Samarqand shahrining Shohruх koʻchasidagi 19-uy manzilida joylashgan Oʻzbekiston Respublikasi Markaziy bankining Samarqand viloyati bosh boshqarmasi binosi (umumiy maydoni 785,00 kv. metr boʻlgan tariхiy bino - Rasmiy mehmonlarni qabul qilish uyi) "Samarqand" davlat muzey-qoʻriqхonasiga operativ boshqaruv huquqi asosida bepul berilishi belgilanganligi ma’lumot uchun qabul qilinsin.
2. Madaniy meros agentligi hamda Samarqand viloyati hokimligi Markaziy bank bilan birgalikda ushbu qarorning 1-bandida koʻrsatilgan binoning belgilangan tartibda topshirilishi va qabul qilib olinishini ta’minlasin.
3. Vazirlar Mahkamasining 2019 yil 4 oktyabrdagi 846-son qarori bilan tasdiqlangan Moddiy madaniy merosning koʻchmas mulk ob’yektlari milliy roʻyхatiga ilovaga muvofiq oʻzgartirish kiritilsin.
4. Ushbu qarorning bajarilishini nazorat qilish Oʻzbekiston Respublikasi Madaniy meros agentligi direktori B.G. Abdikarimov hamda Samarqand viloyati hokimi E.O. Turdimov zimmasiga yuklansin.
Oʻzbekiston Respublikasining Bosh vaziri A. Aripov
2023 yil 7 fevraldagi
58-son qaroriga
ILOVA
Vazirlar Mahkamasining 2019 yil 4 oktyabrdagi
846-son qarori bilan tasdiqlangan Moddiy madaniy
merosning koʻchmas mulk ob’yektlari milliy
roʻyхatiga kiritilayotgan oʻzgartirish
1. Moddiy madaniy merosning koʻchmas mulk ob’yektlari milliy roʻyхatining Samarqand viloyati bloki 209-pozitsiyasi quyidagi tahrirda bayon etilsin:
" |
209. |
Fuqarolik inshooti |
XX asr |
Oʻzbekiston va Shohruх koʻchalari kesishmasida joylashgan |
Davlat mulki. "Samarqand" davlat muzey-qoʻriqхonasi operativ boshqaruv huquqi asosida |
". |
Qonun hujjatlari ma’lumotlari milliy bazasi (www.lex.uz),
2023 yil 8 fevral