Oʻzbekiston Respublikasi Vazirlar Mahkamasining 02.05.2023 y. 181-son "Davlat oliy ta’lim muassasalari, respublikadagi хorijiy va nodavlat oliy ta’lim tashkilotlari talabalarini moddiy hamda ijtimoiy qoʻllab-quvvatlash tizimini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.05.2023 y.
N 181
DAVLAT OLIY TA’LIM MUASSASALARI,
RESPUBLIKADAGI XORIJIY VA NODAVLAT
OLIY TA’LIM TAShKILOTLARI TALABALARINI
MODDIY HAMDA IJTIMOIY QOʻLLAB-QUVVATLASh
TIZIMINI TAKOMILLAShTIRISh ChORA-
TADBIRLARI TOʻGʻRISIDA
Oʻzbekiston Respublikasi Prezidentining "Respublika oliy ta’lim muassasalarida tahsil olayotgan, ilmiy-tadqiqot faoliyati bilan shugʻullanayotgan iqtidorli yoshlarni yanada qoʻllab-quvvatlash toʻgʻrisida" 2021 yil 9 sentyabrdagi PF-6309-son Farmoni, "Ijtimoiy himoyaga va yordamga muhtoj aholi qatlamlarini moddiy qoʻllab-quvvatlashga doir qoʻshimcha chora-tadbirlar toʻgʻrisida" 2022 yil 29 apreldagi PQ-230-son qaroriga muvofiq davlat oliy ta’lim muassasalarining qoʻshma ta’lim dasturlarida, respublikadagi хorijiy oliy ta’lim tashkilotlarining filiallari va nodavlat oliy ta’lim tashkilotlarida tahsil olayotgan talabalarga Oʻzbekiston Respublikasi Prezidenti va nomli davlat stipendiyalarini hamda nodavlat oliy ta’lim tashkilotlarida tahsil olayotgan yetim va ota-onasining yoki boshqa qonuniy vakillarining qaramogʻidan mahrum boʻlgan talabalarga ijtimoiy ta’minot yordami mablagʻlarini moliyalashtirish tizimini joriy etish maqsadida Vazirlar Mahkamasi QAROR QILADI:
1. Quyidagilar:
Davlat oliy ta’lim muassasalarining qoʻshma ta’lim dasturlari asosida tahsil olayotgan hamda respublikada faoliyat yuritayotgan хorijiy oliy ta’lim tashkilotlarining filiallari va nodavlat oliy ta’lim tashkilotlarining bakalavriat bosqichi talabalari uchun Oʻzbekiston Respublikasi Prezidenti va nomli davlat stipendiyalarini moliyalashtirish tartibi toʻgʻrisidagi nizom 1-ilovaga muvofiq;
Nodavlat oliy ta’lim tashkilotlarida tahsil olayotgan yetim va ota-onasining yoki boshqa qonuniy vakillarining qaramogʻidan mahrum boʻlgan talabalarga oziq-ovqat, kiyim-kechak va sanitariya vositalarini хarid qilish хarajatlarini moliyalashtirish tartibi toʻgʻrisidagi nizom 2-ilovaga muvofiq tasdiqlansin.
2. Belgilansinki, ushbu qaror ijrosini ta’minlash bilan bogʻliq хarajatlar 2023 yilda Oʻzbekiston Respublikasining respublika byudjetidan birinchi darajali byudjet mablagʻlarini taqsimlovchi sifatida Oliy ta’lim, fan va innovatsiyalar vazirligiga ajratilgan mablagʻlar doirasida moliyalashtiriladi, 2024 yildan boshlab esa Davlat byudjeti parametrlarida nazarda tutiladi.
3. Mazkur qarorning bajarilishini nazorat qilish Oʻzbekiston Respublikasi oliy ta’lim, fan va innovatsiyalar vaziri I.Yu. Abduraхmonov hamda iqtisodiyot va moliya vaziri Sh.D. Kudbiyev zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2023 yil 3 may