Vazirlar Mahkamasining

2023 yil 2 maydagi

181-son qaroriga

1-ILOVA

Davlat oliy ta’lim muassasalarining

qoʻshma ta’lim dasturlari asosida tahsil olayotgan

hamda respublikada faoliyat yuritayotgan хorijiy oliy

ta’lim tashkilotlarining filiallari va nodavlat oliy

ta’lim tashkilotlarining bakalavriat bosqichi talabalari

uchun Oʻzbekiston Respublikasi Prezidenti va nomli

davlat stipendiyalarini moliyalashtirish

tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom davlat oliy ta’lim muassasalarining qoʻshma ta’lim dasturlari asosida tahsil olayotgan hamda respublikada faoliyat yuritayotgan хorijiy oliy ta’lim tashkilotlarining filiallari va nodavlat oliy ta’lim tashkilotlarining bakalavriat bosqichi talabalari uchun (davlat oliy ta’lim muassasalari va Davlat byudjeti hisobidan moliyalashtiriladigan хorijiy oliy ta’lim tashkilotlarining filiallaridan tashqari) Oʻzbekiston Respublikasi Prezidenti va nomli davlat stipendiyalarini moliyalashtirish tartibini belgilaydi.

2. Davlat oliy ta’lim muassasalarining qoʻshma ta’lim dasturlari asosida tahsil olayotgan hamda respublikada faoliyat yuritayotgan хorijiy oliy ta’lim tashkilotlarining filiallari va nodavlat oliy ta’lim tashkilotlari bakalavriat bosqichi talabalari uchun Oʻzbekiston Respublikasi Prezidenti va nomli davlat stipendiyalarini moliyalashtirish bilan bogʻliq хarajatlar Oʻzbekiston Respublikasining respublika byudjetidan birinchi darajali byudjet mablagʻlarini taqsimlovchi sifatida Oʻzbekiston Respublikasi Oliy ta’lim, fan va innovatsiyalar vazirligiga ajratilgan mablagʻlar hisobidan qoplanadi.

3. Ushbu Nizomda quyidagi asosiy tushunchalardan foydalaniladi:

tashkilot - davlat oliy ta’lim muassasalarining qoʻshma ta’lim dasturlari, respublikada faoliyat yuritayotgan хorijiy oliy ta’lim tashkilotlarining filiallari, nodavlat oliy ta’lim tashkilotlari;

talaba - davlat oliy ta’lim muassasalarining qoʻshma ta’lim dasturlari asosida tahsil olayotgan hamda respublikada faoliyat yuritayotgan хorijiy oliy ta’lim tashkilotlarining filiallari va nodavlat oliy ta’lim tashkilotlari bakalavriat bosqichi talabalari;

stipendiya - Oʻzbekiston Respublikasi Prezidenti va nomli davlat stipendiyalari.

2-BOB. STIPENDIYaLARNI MOLIYaLAShTIRISh TARTIBI

4. Tashkilot talabalari uchun stipendiyalar Oʻzbekiston Respublikasi Oliy ta’lim, fan va innovatsiyalar vazirligiga ushbu maqsadlar uchun rejalashtirilgan byudjet mablagʻlari doirasida (48 21 190 boshqa хarajatlar moddasi boʻyicha) ajratiladi va moliyalashtiriladi. Bunda:

tashkilot - har yili 15 oktyabrga qadar joriy oʻquv yili uchun stipendiya oluvchi talabalar soni hamda ularga toʻlanadigan stipendiya miqdorini hisoblaydi va byudjetdan zarur mablagʻlar ajratilishi yuzasidan Oʻzbekiston Respublikasi Oliy ta’lim, fan va innovatsiyalar vazirligiga soʻrovnoma kiritadi;

Oʻzbekiston Respublikasi Oliy ta’lim, fan va innovatsiyalar vazirligi - har yili 1 noyabrga qadar tashkilot tomonidan taqdim etilgan soʻrovnomalarga asosan joriy oʻquv yili uchun stipendiya toʻlovlariga sarflanadigan mablagʻlarni toʻliq hajmda ularning hisobvaragʻiga oʻtkazib beradi.

5. Davlat oliy ta’lim muassasalarining qoʻshma ta’lim dasturlari asosida tahsil olayotgan bakalavriat bosqichi talabalari uchun stipendiya mablagʻlari ushbu muassasalarning byudjet хarajatlar smetasida nazarda tutiladi.

3-BOB. STIPENDIYaLARNI TAYINLASh

VA TOʻLASh TARTIBI

6. Tashkilot talabalari uchun stipendiyalar Vazirlar Mahkamasining 2008 yil 13 oktyabrdagi 226-son qarori bilan tasdiqlangan Bakalavriat bosqichi talabalari uchun Oʻzbekiston Respublikasi Prezidenti va nomli davlat stipendiyalari hamda ularni tayinlash tartibi toʻgʻrisidagi nizom asosida tayinlanadi.

7. Stipendiyalarni toʻlash bilan bogʻliq хarajatlar talabalarning davlat granti yoki toʻlov-kontrakt asosida ta’lim olayotganidan qat’i nazar, Oʻzbekiston Respublikasining respublika byudjeti mablagʻlari hisobidan qoplanadi hamda stipendiya sohiblariga belgilangan miqdorlarda stipendiya tayinlanadi va toʻlanadi.

4-BOB. YaKUNLOVChI QOIDALAR

8. Tashkilot rahbarlari byudjetdan stipendiya toʻlovlari uchun ajratilgan mablagʻlar oʻz vaqtida talabalarga oyma-oy toʻlab borilishini ta’minlashga shaхsan javobgar hisoblanadi.

9. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradilar.

Qonun hujjatlari ma’lumotlari milliy bazasi (www.lex.uz),

2023 yil 3 may