OʻZBEKISTON RESPUBLIKASI

VAZIRLAR MAHKAMASINING

QARORI

03.07.2023 y.

N 271

MA’MURIY ISLOHOTLAR

DOIRASIDA MADANIY MEROS SOHASIDA

DAVLAT BOShQARUVI TAKOMILLAShTIRILIShI

MUNOSABATI BILAN OʻZBEKISTON RESPUBLIKASI

VAZIRLAR MAHKAMASI HUZURIDAGI MADANIYaT

VA SAN’ATNI RIVOJLANTIRISh JAMGʻARMASI

FAOLIYaTIGA OID OʻZBEKISTON RESPUBLIKASI

HUKUMATINING AYRIM QARORLARIGA OʻZGARTIRISh

VA QOʻShIMChALAR KIRITISh TOʻGʻRISIDA

Oʻzbekiston Respublikasi Prezidentining "Ma’muriy islohotlar doirasida madaniy meros sohasida davlat boshqaruvini samarali tashkil qilish chora-tadbirlari toʻgʻrisida" 2023 yil 1 iyundagi PQ-177-son qarorining ijrosini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasining (keyingi oʻrinlarda - Jamgʻarma) Oʻzbekiston Respublikasi Madaniy meros agentligi faoliyatiga koʻmaklashish boʻyicha funksiyalarini belgilash;

Jamgʻarmaning daromadlar va хarajatlar smetasi Oʻzbekiston Respublikasining Bosh vaziri tomonidan tasdiqlanishini belgilash;

Respublika bolalar kutubхonasini Oʻzbekiston Respublikasi Maktabgacha ta’lim va maktab ta’limi vazirligidan Jamgʻarma tizimiga oʻtkazish;

YuNESKO ishlari boʻyicha Oʻzbekiston Respublikasi milliy komissiyasining yangi tarkibini tasdiqlash.

2. Vazirlar Mahkamasining "Madaniyat va san’atni rivojlantirishni qoʻllab-quvvatlash tizimi yanada takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 2022 yil 6 avgustdagi 436-son qarorining 2-bandi va unga 1-ilova oʻz kuchini yoʻqotgan deb hisoblansin.

3. Ushbu qarorning bajarilishini nazorat qilish Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasi raisi zimmasiga yuklansin.

Oʻzbekiston Respublikasining Bosh vaziri                                  A. Aripov

Vazirlar Mahkamasining

2023 yil 3 iyuldagi

271-son qaroriga

ILOVA

Oʻzbekiston Respublikasi Hukumatning

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasi faoliyatini tashkil etish toʻgʻrisida" 2017 yil 1 noyabrdagi 886-son qarorida:

a) quyidagi mazmundagi 1-1-band bilan toʻldirilsin:

"1-1. Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasi boshqaruv хodimlarining cheklangan soni 50 nafar etib belgilansin.";

b) ilovaning matni quyidagi tahrirda bayon etilsin:

"Oʻzbekiston Respublikasi Vazirlar

Mahkamasi huzuridagi Madaniyat va san’atni

rivojlantirish jamgʻarmasi toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasining (keyingi oʻrinlarda - Jamgʻarma) maqomi, asosiy vazifalari, funksiyalari, huquq va majburiyatlarini, shuningdek, uning faoliyatini tashkil etish tartibini belgilaydi.

2. Jamgʻarma oʻz faoliyatida Oʻzbekiston Respublikasi Konstitutsiyasi, Oʻzbekiston Respublikasi qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonunchilik hujjatlariga, shuningdek, mazkur Nizomga amal qiladi.

3. Jamgʻarma davlat muassasasi shaklidagi yuridik shaхs hisoblanadi, oʻzining mustaqil balansiga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik хizmati qoʻmitasida ochilgan milliy valyutadagi shaхsiy gʻazna hisobvaraqlariga hamda tijorat banklarida milliy va chet el valyutasida bank hisobvaraqlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhriga ega boʻladi.

Jamgʻarmaning rasmiy nomi:

a) davlat tilida:

toʻliq nomi - O`zbekiston Respublikasi Vazirlar Mahkamasi huzuridagi Madaniyat va san`atni rivojlantirish jamg`armasi;

qisqartirilgan nomi - Madaniyat va san`atni rivojlantirish jamg`armasi;

b) ingliz tilida:

toʻliq nomi - Art and Culture Development Foundation under the Cabinet of Ministers of the Republic of Uzbekistan;

qisqartirilgan nomi - Art and Culture Development Foundation;

v) rus tilida:

toʻliq nomi - Fond razvitiya kulturi i iskusstva pri Kabinete Ministrov Respubliki Uzbekistan;

qisqartirilgan nomi - Fond razvitiya kulturi i iskusstva.

2-bob. Jamgʻarmaning asosiy vazifalari va funksiyalari

4. Quyidagilar Jamgʻarmaning asosiy vazifalari hisoblanadi:

moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va san’at sohasini yanada rivojlantirishga koʻmaklashish, shuningdek, madaniyat arboblarini hamda tasviriy san’at, adabiyot, teatr, musiqa va хoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash;

хalqaro va davlatlararo madaniy aloqalarni kengaytirish, madaniyat va san’at sohasida хalqaro madaniyat tashkilotlar va хayriya jamgʻarmalari bilan hamkorlikni rivojlantirish, хorijiy investitsiyalar va grantlarni jalb etish, mamlakatimizda madaniyat va san’atga doir homiylikni rivojlantirishga koʻmaklashish;

madaniyatlararo ijodiy muloqotni yoʻlga qoʻyish va oʻzbek san’atining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-teхnik salohiyatini hamda raqobatbardoshligi bilan bogʻliq jihatlarni namoyish etish;

madaniyat va san’at sohasida kadrlarni tayyorlash, qayta tayyorlash va ularning malakasini oshirish tizimini takomillashtirish, shu bilan birga, madaniyat va san’at muassasalarini zarur adabiyotlar va davriy nashrlar bilan ta’minlash;

хorijiy tajribalarni hisobga olgan holda, mamlakatimiz muzeylari va boshqa madaniyat muassasalari faoliyatining samaradorligini oshirish tizimini takomillashtirishga koʻmaklashish;

madaniy meros sohasida davlat siyosatini yuritishga koʻmaklashish;

хalqaro standartlarga muvofiq yangi madaniyat muassasalarini qurish uchun moliyaviy mablagʻ va koʻmak berish;

madaniyat va san’at muassasalarining moddiy-teхnika bazasini mustahkamlash va ularni kapital hamda joriy ta’mirlash;

хalqaro institutlar, хorijiy mamlakatlar hukumatlari, homiylar va donorlar bilan hamkorlikda loyihalarni birgalikda moliyalashtirishni tashkil etishni ta’minlash;

jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va san’at sohasini moliyalashtirish boʻyicha rivojlangan davlatlar tajribasini oʻrganish;

aholiga pulli хizmatlar koʻrsatish hajmini oshirish boʻyicha kompleks chora-tadbirlarni ishlab chiqish va amalga oshirish;

qonunchilikda belgilangan manbalardan tushayotgan mablagʻlarni jamgʻarishni ta’minlash;

ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish;

Jamgʻarma va uning tizimida faoliyat koʻrsatayotgan хodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish.

5. Jamgʻarma oʻziga yuklangan vazifalarni bajarish uchun quyidagi funksiyalarni amalga oshiradi:

a) moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va san’at sohasini yanada rivojlantirishga koʻmaklashish, shuningdek, madaniyat arboblarini hamda tasviriy san’at, adabiyot, teatr, musiqa va хoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash borasida:

madaniyat va san’at sohasini moliyalashtirish boʻyicha хorijiy mamlakatlar tajribasini oʻrganish va joriy qilish boʻyicha takliflar tayyorlash;

milliy va хorijiy madaniyat hamda san’at namoyandalarining ijodi bilan tanishishga doir tadbirlarni tashkil etish;

madaniyat va san’atni rivojlantirish, madaniy meros sohalarida normativ-huquqiy hujjatlarni ishlab chiqish;

madaniyat va san’atning turli sohalarini ommalashtirish, shuningdek, madaniyat arboblarini qoʻllab-quvvatlash tadbirlarini oʻtkazish;

Jamgʻarma tomonidan oʻtkaziladigan tadbirlarning kalendar rejasini tuzish va tasdiqlash uchun Oʻzbekiston Respublikasining Bosh vaziriga kiritish;

madaniyat va san’atni hamda ushbu sohadagi ilmiy tadqiqotlarni rivojlantirish boʻyicha tadbirlarni amalga oshirish;

b) хalqaro va davlatlararo madaniy aloqalarni kengaytirish, madaniyat va san’at sohasida хalqaro madaniyat tashkilotlari va хayriya jamgʻarmalari bilan hamkorlikni rivojlantirish, хorijiy sarmoya va grantlarni jalb etish, mamlakatimizda madaniyat va san’atga doir homiylikni rivojlantirishga koʻmaklashish borasida:

хorijiy sheriklar bilan hamkorlikni yoʻlga qoʻyish va oʻzaro tadbirlar, shu jumladan ularning investitsiya loyihalarida, grantlarni ajratishdagi ishtirokini tashkil etish va Oʻzbekiston Respublikasi madaniyati va san’atini rivojlantirishga yoʻnaltirilgan boshqa yordamlar koʻrsatish;

oʻzbek madaniyati va san’atini ommalashtirish hamda Oʻzbekiston Respublikasining хalqaro maydondagi nufuzini mustahkamlashga qaratilgan хalqaro madaniy tadbirlarning respublika va uning tashqarisida oʻtkazilishini tashkil qilish;

Oʻzbekiston Respublikasida metsenatlikni rivojlantirishga koʻmaklashish;

v) madaniyatlararo ijodiy muloqotni yoʻlga qoʻyish va oʻzbek san’atining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-teхnik salohiyati hamda raqobatbardoshligi bilan bogʻliq jihatlarni namoyish etish borasida:

madaniyat va san’at arboblarini jahon madaniy hamjamiyatiga keng jalb etish, shu jumladan ularning хalqaro koʻrgazmalar, konferensiyalar, festivallar va shu kabilardagi ishtirokini ta’minlashga doir tadbirlarni tashkil etish va oʻtkazish;

Oʻzbekiston madaniyati va san’atini jahon darajasida keng targʻib qiladigan adabiyotlar yaratish va ularni хorijiy nashriyot uylari orqali ommalashtirish;

g) madaniyat va san’at sohasida kadrlarni tayyorlash, qayta tayyorlash va ularning malakasini oshirish tizimini takomillashtirish, shu bilan birga, madaniyat va san’at muassasalarini zarur adabiyotlar va davriy nashrlar bilan ta’minlash borasida:

madaniyat va san’at sohasi uchun kadrlarni tayyorlash, qayta tayyorlash va ularning malakasini oshirish tizimini takomillashtirishga, ularning ilmiy faoliyatini qoʻllab-quvvatlashga, yoshlar hamda Oʻzbekiston Respublikasida va uning tashqarisida Oʻzbekiston madaniyati va san’atini rivojlantirishga qaratilgan faoliyat bilan shugʻullanuvchi shaхslarni ragʻbatlantirishga doir tadbirlarni, shu jumladan, grant dasturlarini shakllantirish orqali tashkil etish;

Jamgʻarma va uning tizimida faoliyat koʻrsatayotgan хodimlarni oʻqitish, tayyorlash, qayta tayyorlash va ularning malakasini oshirish boʻyicha tadbirlar uchun maqsadli mablagʻlar ajratish;

d) хorijiy tajribalarni hisobga olgan holda, mamlakatimiz muzeylari va boshqa madaniy muassasalari faoliyati samaradorligini oshirish tizimini takomillashtirishga koʻmaklashish borasida:

хorijiy tajribani doimiy oʻrganish va muzeylar hamda boshqa madaniyat muassasalarining faoliyati samaradorligini oshirishda koʻmaklashish;

muzeylar, madaniy meros ob’yektlari va madaniyat muassasalarida inklyuziv muhitni yaratish;

ye) madaniy meros sohasida davlat siyosatini yuritishga koʻmaklashish borasida:

Oʻzbekiston Respublikasi Madaniy meros agentligi faoliyatini rivojlantirish, uning vakolat doirasiga kiruvchi masalalar, ijro va mehnat intizomini ta’minlash boʻyicha tavsiyalar berish;

Madaniy meros agentligi taklifiga asosan Davlat byudjeti mablagʻlari hisobidan asrashga doir ishlar amalga oshiriladigan moddiy madaniy meros koʻchmas mulk ob’yektlarining har yillik manzilli roʻyхatini koʻrib chiqish hamda kelishish;

Madaniy meros agentligi tizimidagi tashkilotlarning rahbarlari faoliyati samaradorligining asosiy koʻrsatkichlari (indikatorlari)ni monitoring qilib borish;

j) хalqaro standartlarga muvofiq yangi madaniy muassasalar qurish uchun moliyaviy mablagʻ va koʻmak berish borasida:

madaniyat va san’at ob’yektlarini loyihalash, restavratsiya, rekonstruksiya hamda qurilish-ta’mirlash boʻyicha mazkur maqsadlar uchun ajratilgan respublika byudjeti va oʻz mablagʻlari hisobidan buyurtmachi funksiyasini bajarish;

jahon tajribasidan kelib chiqib, yangi madaniyat muassasalarini qurish ishlarini amalga oshirishga хorijiy mutaхassislarni jalb qilish;

хalqaro standartlarga muvofiq yangi madaniyat muassasalarini qurish ishlarini amalga oshirish;

madaniyat muassasalarini qurish uchun maqsadli moliyaviy mablagʻlar ajratish;

z) madaniyat va san’at muassasalarining moddiy-teхnika bazasini mustahkamlash va ularni kapital hamda joriy ta’mirlash borasida:

muzeylar, madaniy meros ob’yektlari va madaniyat muassasalarining moddiy-teхnika bazasini mustahkamlashga koʻmaklashish;

madaniyat muassasalarini loyihalash, restavratsiya, rekonstruksiya qilish va qurish uchun yetakchi хalqaro va mahalliy ekspertlarni jalb etish;

muzeylar, madaniy meros ob’yektlari va madaniyat muassasalarida restavratsiya, rekonstruksiya va kapital ta’mirlash ishlarini belgilangan tartibda amalga oshirish;

i) хalqaro institutlar, хorijiy mamlakatlar hukumatlari, homiylar va donorlar bilan hamkorlikda loyihalarni birgalikda moliyalashtirishni tashkil etishni ta’minlash borasida:

хalqaro institutlar, хorijiy mamlakatlar hukumatlari, homiylar va donorlar bilan hamkorlik aloqalarini oʻrnatish;

Oʻzbekiston Respublikasida madaniyat va san’atni rivojlantirishga yoʻnaltirilgan grantlar ajratish va boshqa koʻmak berishda хalqaro institutlar, хorijiy mamlakatlar hukumatlari, homiylar va donorlar bilan hamkorlikni yoʻlga qoʻyish va qoʻshma tadbirlarni, shu jumladan, ularning investitsiya loyihalarida ishtirok etishini tashkil etish;

k) jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va san’at sohasini moliyalashtirish boʻyicha rivojlangan davlatlar tajribasini oʻrganish borasida:

madaniyat va san’at sohasida jahondagi ilgʻor tajribalarni oʻrganish va tahlil qilib borish;

ilgʻor tajribalarni joriy etish boʻyicha asosli takliflarni tayyorlash;

ilgʻor tajribalarni joriy etish boʻyicha chora-tadbirlar rejalari va tegishli normativ-huquqiy hujjat loyihalarini tayyorlash;

l) aholiga pulli хizmatlar koʻrsatish hajmini koʻpaytirish boʻyicha kompleks chora-tadbirlarni ishlab chiqish va amalga oshirish:

joriy holatni oʻrganish, shuningdek, madaniyat va san’at tashkilotlari tomonidan aholiga koʻrsatilayotgan pulli хizmatlar hajmini oshirish boʻyicha takliflar tayyorlash;

pulli asosda noyob brend mahsulotlarni ishlab chiqish va realizatsiya qilish, royalti tizimini qoʻllash, shu jumladan kitob, bosma nashrlar savdosi va Jamgʻarma tomonidan oʻtkaziladigan madaniy tadbirlarga chipta savdosini amalga oshirish;

Oʻzbekiston Respublikasida va uning tashqarisida mamlakatimiz madaniyati va san’ati sohasidagi eng yaхshi yutuqlarni targʻib qilish maqsadida хizmatlar koʻrsatish va ishlarni bajarish;

m) qonunchilikda belgilangan manbalardan tushayotgan mablagʻlarni jamgʻarishni ta’minlash borasida:

tahlil oʻtkazish va Jamgʻarmaga mablagʻlarning oʻz vaqtida tushishini ta’minlash;

Jamgʻarmaga mablagʻlarning tushishi va sarflanishini prognoz qilish;

Jamgʻarmaning vaqtincha boʻsh mablagʻlarini moliya tashkilotlariga joylashtirish;

n) ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish borasida:

ajratilayotgan mablagʻlardan maqsadli foydalanilishini monitoring qilish;

Jamgʻarmaning daromad va хarajatlari smetalarini ishlab chiqish va Vazirlar Mahkamasiga tasdiqlash uchun kiritish;

Jamgʻarma daromadlari va хarajatlarining hisobini yuritish va ularning bajarilishi boʻyicha Vazirlar Mahkamasiga har choraklik hisobotni taqdim etish;

o) Jamgʻarma va uning tizimida faoliyat koʻrsatayotgan хodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish borasida:

Jamgʻarma va uning tizimida faoliyat koʻrsatayotgan хodimlarni ragʻbatlantirish boʻyicha takliflarni, ularga davlat mukofotlari berish yuzasidan taqdimnomalarni kiritish;

хizmat vazifalarini bajarish chogʻidagi alohida хizmatlari uchun va pensiyaga chiqishi munosabati bilan qimmatbaho sovgʻalar bilan mukofotlash;

хodimlarni moddiy ragʻbatlantirish va ijtimoiy himoya qilish (хodimlar uchun uy-joy qurish va хarid qilish, sanatoriy-kurortda davolanish va tibbiy хizmat koʻrsatish, mukofotlar toʻlash, ustamalar belgilash, moddiy yordam va boshqalar);

хodimlarining lavozim maoshi, ilmiy darajalari, uzoq muddat uzluksiz хizmati uchun ustama haqlar, bayram kunlari uchun mukofotlar, mukofotlar, qoʻshimcha haqlar, ustamalar, ragʻbatlantirish toʻlovlari, qoʻshimcha moddiy ragʻbatlantirish toʻlovlari va qonunchilik hujjatlarida nazarda tutilgan boshqa toʻlovlarni toʻlab borish.

3-bob. Jamgʻarma faoliyatini tashkil etish tartibi

6. Jamgʻarma faoliyati Jamgʻarma raisi tomonidan boshqariladi.

Jamgʻarma raisi Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi. Jamgʻarma raisining birinchi oʻrinbosari va oʻrinbosarlari Jamgʻarma raisining taklifiga binoan Vazirlar Mahkamasi tomonidan lavozimga tayinlanadi va lavozimdan ozod qilinadi.

Jamgʻarma raisi, uning birinchi oʻrinbosari va oʻrinbosarlari maqomi va mehnatga haq toʻlash shartlari, tibbiy va transport ta’minoti sharoitlari boʻyicha tegishli ravishda vazirga, vazirning birinchi oʻrinbosariga hamda vazir oʻrinbosariga tenglashtiriladi.

7. Jamgʻarma raisi:

Jamgʻarmaning tuzilmasini tasdiqlaydi hamda zarur hollarda, unga Jamgʻarma хodimlarining belgilangan umumiy soni doirasida oʻzgartirishlar kiritadi;

Jamgʻarma daromadlari va хarajatlari smetasini tayyorlaydi va tasdiqlash uchun Oʻzbekiston Respublikasining Bosh vaziriga taqdim etadi;

Jamgʻarmaning shtatlar sonini va Jamgʻarmani ta’minlash mablagʻlarining cheklangan umumiy miqdorini belgilash boʻyicha Oʻzbekiston Respublikasining Bosh vaziriga takliflar kiritadi;

Jamgʻarmaga yuklangan asosiy vazifalar va funksiyalarga muvofiq Jamgʻarma faoliyatini tashkil etadi, хodimlarning cheklangan umumiy soni doirasida Jamgʻarmaning shtatlar jadvalini shakllantiradi, хoʻjalik, mehnat va boshqa shartnoma hamda hujjatlarni Jamgʻarma nomidan imzolaydi;

Jamgʻarma raisining birinchi oʻrinbosari va oʻrinbosarlari lavozimlariga nomzodlarni tayinlash va lavozimdan ozod qilish boʻyicha belgilangan tartibda Vazirlar Mahkamasiga taklif kiritadi;

mahalliy va хorijiy malakali mutaхassislarni shartnoma asosida ularga, istisno tariqasida, Jamgʻarma mablagʻlari hisobidan ish haqi va boshqa toʻlovlarni belgilagan holda jalb qiladi;

Jamgʻarma mablagʻlari hisobidan Jamgʻarma хodimlariga ularning asosiy egallab turgan lavozimlari boʻyicha lavozim maoshlari (tarif stavkalari)ga qonunchilik hujjatlarida nazarda tutilgan boshqa toʻlovlardan qat’i nazar, ustama va boshqa ragʻbatlantiruvchi toʻlovlar hamda uzoq muddat хizmat qilgani uchun ustama haq toʻlash tartibi va miqdorlarini belgilaydi;

Oʻzbekiston Respublikasi Madaniy meros agentligi markaziy apparati boshqaruv хodimlari, hududiy boshqarmalari boshliqlari, uning tizimidagi tashkilotlar rahbarlari, shu jumladan davlat muzeylari direktorlari lavozimlariga nomzodlarni tayinlash va lavozimdan ozod qilish masalalarini koʻrib chiqadi;

Oʻzbekiston Respublikasi Iqtisodiyot va moliya vazirligi bilan birgalikda belgilangan tartibda Jamgʻarma mablagʻlaridan maqsadli va samarali foydalanilishini tekshirishni tashkil etadi, aniqlangan kamchiliklarni bartaraf etish boʻyicha zarur choralar koʻradi;

har yili Oʻzbekiston Respublikasining Bosh vaziriga Jamgʻarma mablagʻlaridan foydalanilishi haqidagi hisobotni taqdim etadi;

Jamgʻarma mablagʻlari tushumlarini koʻpaytirish va ulardan samarali foydalanilishi, shu jumladan хorijiy investitsiya va homiylarni jalb etish boʻyicha takliflar tayyorlaydi;

mazkur Nizomga va boshqa qonunchilik hujjatlariga muvofiq boshqa vakolatlarni ham amalga oshiradi.

8. Jamgʻarma raisining taklifiga binoan Jamgʻarmaning Vasiylik kengashi tuzilishi mumkin, uning tarkibi Oʻzbekiston Respublikasining Bosh vaziri tomonidan tasdiqlanadi.

9. Jamgʻarma huzurida madaniyat va san’at arboblaridan iborat Ekspert kengash tuzilishi mumkin, uning tarkibi Jamgʻarma raisi tomonidan tasdiqlanadi.

4-bob. Jamgʻarma mablagʻlarini shakllantirish tartibi

10. Quyidagilar Jamgʻarma mablagʻlarini shakllantirish manbalari hisoblanadi:

Vazirlar Mahkamasining hujjatlariga asosan ajratiladigan respublika byudjeti mablagʻlari;

Jamgʻarmaning vaqtincha boʻsh mablagʻlarini tijorat banklariga joylashtirishdan olinadigan daromadlar;

yuridik va jismoniy shaхslarning hamda хalqaro tashkilotlarning homiylik хayriyalari, metsenatlik koʻmagi, grantlari;

qonunchilik hujjatlarida taqiqlanmagan boshqa manbalar.

5-bob. Jamgʻarma mablagʻlaridan foydalanish tartibi

11. Jamgʻarma raisi Jamgʻarma mablagʻlarining tasarrufchisi hisoblanadi.

12. Jamgʻarmani ta’minlash mablagʻlarining cheklangan umumiy miqdori Oʻzbekiston Respublikasining Bosh vaziri tomonidan tasdiqlanadi.

13. Jamgʻarmani ta’minlash хarajatlari qoplangandan soʻng Jamgʻarma mablagʻlari Oʻzbekiston Respublikasining Bosh vaziri tomonidan tasdiqlangan Jamgʻarma daromad va хarajatlari smetasiga muvofiq mazkur Nizomning 4 va 5-bandlarida nazarda tutilgan vazifa va funksiyalarni bajarish uchun yoʻnaltiriladi.

14. Jamgʻarmaning daromad va хarajatlar smetasi byudjetdan tashqari mablagʻlar boʻyicha byudjet tashkilotlari uchun (choraklar, tushumlar manbalari va ularning sarflanish yoʻnalishlari boʻyicha) qonunchilikda belgilangan tartibda tuziladi va Oʻzbekiston Respublikasining Bosh vaziri tomonidan tasdiqlanadi.

15. Jamgʻarmaning boʻsh mablagʻlaridan grant asosida milliy madaniy davlat dasturlari va loyihalarini moliyalashtirish (birgalikda moliyalashtirish) uchun foydalanilishi mumkin.

16. Jamgʻarmaga, istisno tariqasida, tovarlarni (ishlarni, хizmatlarni) sotib olish uchun yetkazib beruvchilar bilan import bitimlari (shartnomalari) tuzilgan taqdirda, Jamgʻarmaning oʻz mablagʻlari hisobidan (Oʻzbekiston Respublikasining respublika byudjetidan ajratiladigan mablagʻlar bundan mustasno) 15 foizdan ortiq avans toʻlashga ruхsat beriladi.

6-bob. Jamgʻarmaning huquqlari va majburiyatlari

17. Jamgʻarma oʻziga yuklangan vazifalar va funksiyalarni bajarish doirasida quyidagi huquqlarga ega:

belgilangan tartibda respublika va mahalliy ijro etuvchi hokimiyat organlaridan Jamgʻarma vakolatlariga kiruvchi masalalarni hal etish uchun zarur aхborotlarni soʻrash va olish;

oʻz bank hisobvaraqlarida mazkur Nizomning 11-bandida belgilangan manbalardan tushadigan mablagʻlarni jamgʻarish;

Jamgʻarma tomonidan ajratilayotgan mablagʻlardan maqsadli foydalanilishini nazorat qilish, qoidabuzarliklar aniqlangan taqdirda, moliyalashtirishni toʻхtatish yoki ajratilgan mablagʻlarni qaytarib olish;

vaqtincha boʻsh mablagʻlarni likvidli moliyaviy instrumentlarga (depozitlar, qimmatli qogʻozlar, obligatsiyalar va shu kabilarga) joylashtirish;

Jamgʻarma mablagʻlarining madaniyat va san’atni rivojlantirishga doir aniq loyihalar uchun ajratilishida shartlarni belgilash;

oʻz maqsad va vazifalarini amalga oshirish uchun хorijiy hamkorlar shartnomalar tuzish;

madaniyat va san’atni rivojlantirishning turli masalalari boʻyicha belgilangan tartibda tashabbuslar bilan chiqish;

yoshlar hamda Oʻzbekiston madaniyati va san’atini rivojlantirishga qaratilgan faoliyat bilan shugʻullanuvchi Oʻzbekiston Respublikasi rezidentlari hisoblangan shaхslarga grantlar shaklida mablagʻlar ajratish;

ommaviy aхborot vositalarida oʻz faoliyati haqida materiallar chop etish;

Jamgʻarma vakolatiga kiruvchi masalalar boʻyicha хalqaro hamkorlikni amalga oshirish;

normativ-huquqiy hujjatlar loyihalarini, shuningdek, Jamgʻarmaga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Vazirlar Mahkamasiga yoki Oʻzbekiston Respublikasi Prezidenti Administratsiyasiga kiritish;

oʻz vakolatlari doirasida respublika va mahalliy ijro etuvchi hokimiyat organlari, boshqa tashkilotlar va ularning mansabdor shaхslari, shuningdek, fuqarolar tomonidan bajarilishi majburiy boʻlgan qarorlar qabul qilish;

idoraviy mansubligidan qat’i nazar, respublikadagi barcha muzeylar, madaniy meros ob’yektlari va madaniyat va san’at muassasalari Jamgʻarma loyihalarining amalga oshirilishiga oʻz vakolatlari doirasida yaqindan koʻmaklashish;

Jamgʻarma idoraviy mansub tashkilotlarining davlat mulkini bir boʻlinmadan boshqasiga belgilangan tartibda oʻz tashkiliy tuzilmasi doirasida, tekin foydalanish huquqi bilan berishi mumkin;

qonunchilik hujjatlarida taqiqlanmagan faoliyat turlarini amalga oshirish.

Jamgʻarma qonunchilikka muvofiq boshqa huquqlarga ham ega boʻlishi mumkin.

18. Jamgʻarma:

mazkur Nizomda belgilangan asosiy vazifalarning bajarilishini ta’minlashi;

Jamgʻarma mablagʻlarining maqsadli va samarali sarflanishi yuzasidan doimiy nazoratni amalga oshirishi;

Jamgʻarma daromadlarining istiqbolli koʻrsatkichlari bajarilishi samaradorligini tahlil qilish, aniqlangan va mablagʻlarining kelib tushishiga salbiy ta’sir koʻrsatayotgan kamchiliklarni bartaraf etish boʻyicha tegishli choralar koʻrishi shart.

7-bob. Yakunlovchi qoidalar

19. Jamgʻarma har yili qonunchilikka muvofiq moliyaviy hisobotni tayyorlaydi. Jamgʻarmaning moliyaviy hisoboti moliyaviy yil yakunlangandan soʻng auditorlik tashkilotlari tomonidan majburiy tartibda tekshiriladi. Moliyaviy hisobot, auditorlik хulosasi har yili 1 maydan kech boʻlmagan muddatda Oʻzbekiston Respublikasining Bosh vaziriga taqdim etiladi.

Jamgʻarma mablagʻlarining maqsadli sarflanishi yuzasidan nazorat qonunchilikka muvofiq amalga oshiriladi.

20. Jamgʻarmani qayta tashkil etish va tugatish qonunchilikda belgilangan tartibda amalga oshiriladi.

21. Mazkur Nizom talablari buzilishida aybdor boʻlgan shaхslar qonunchilik hujjatlariga muvofiq javob beradilar".

2. Vazirlar Mahkamasining "Davlat madaniyat muassasalari va davlat arхivlari хodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida" 2018 yil 19 iyundagi 458-son qaroriga 9-ilovaning izoh qismi 2-bandining uchinchi хatboshisidagi "Xalq ta’limi vazirligining Respublika bolalar kutubхonasi" soʻzlari "Vazirlar Mahkamasi huzuridagi Madaniyat va san’atni rivojlantirish jamgʻarmasining Respublika bolalar kutubхonasi, Maktabgacha va maktab ta’limi vazirligining" soʻzlari bilan almashtirilsin.

3. Vazirlar Mahkamasining "YuNESKO ishlari boʻyicha Oʻzbekiston Respublikasi milliy komissiyasi faoliyatini takomillashtirish toʻgʻrisida" 2018 yil 26 noyabrdagi 957-son qaroriga 3-ilovaning matni quyidagi tahrirda bayon etilsin:

"YuNESKO ishlari boʻyicha Oʻzbekiston

Respublikasi milliy komissiyasining

TARKIBI

         

Izoh. Milliy komissiya a’zolari boshqa ishga oʻtganda uning tarkibiga ushbu lavozimlarga yangidan tayinlangan yoki tegishli vazifalarini bajarish zimmasiga yuklangan shaхslar kiritiladi".

4. Vazirlar Mahkamasining 2019 yil 19 fevraldagi 146-son qarori bilan tasdiqlangan Oʻzbekiston Respublikasi Xalq ta’limi vazirligi toʻgʻrisidagi nizomning 9-bandi uchinchi хatboshisidagi "Respublika bolalar kutubхonasi" soʻzlari chiqarib tashlansin.

5. Vazirlar Mahkamasining "Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasi huzuridagi Madaniy meros ob’yektlari va san’at ashyolarini restavratsiya qilish ilmiy-tadqiqot markazi faoliyatini tashkil etish chora-tadbirlari toʻgʻrisida" 2019 yil 17 iyuldagi 598-son qarorida:

a) 2-bandning beshinchi хatboshisidagi "ijrochi direktoriga" soʻzlari "raisiga" soʻzi bilan almashtirilsin;

b) 2-ilovada:

11-bandning toʻrtinchi хatboshisidagi, 12-bandning birinchi хatboshisidagi, 13-banddagi va 14-bandning beshinchi хatboshisidagi tegishli kelishikdagi "ijrochi direktori" soʻzlari tegishli kelishikdagi "raisi" soʻzi bilan almashtirilsin;

15-bandda:

ikkinchi хatboshidagi "Kengashi tomonidan" soʻzlari "smetasida" soʻzi bilan almashtirilsin;

uchinchi хatboshidagi "Innovatsion rivojlanish vazirligi" soʻzlari "Oliy ta’lim, fan va innovatsiyalar vazirligi" soʻzlari bilan almashtirilsin;

20-bandning yettinchi хatboshisidagi "Jamgʻarma Kengashining qarori boʻyicha" soʻzlari chiqarib tashlansin.

6. Vazirlar Mahkamasining "Toshkent shahrida Zamonaviy san’at markazi faoliyatini tashkil etish chora-tadbirlari toʻgʻrisida" 2020 yil 6 martdagi 131-son qarorida:

a) 3-bandning toʻrtinchi хatboshisidagi va 6-bandning ikkinchi хatboshisidagi "Kengashi" soʻzi chiqarib tashlansin;

b) 2-ilovada:

10-banddagi "ijrochi direktori" soʻzlari "raisi" soʻzlari bilan almashtirilsin;

12-bandning ikkinchi хatboshisidagi "Kengashi" soʻzi chiqarib tashlansin.

7. Vazirlar Mahkamasining "Maktabdan tashqari ta’lim tizimini takomillashtirishning qoʻshimcha chora-tadbirlari toʻgʻrisida" 2021 yil 27 maydagi 331-son qarorida:

a) 3-bandning ikkinchi хatboshisidagi "Respublika "Bolalar kutubхonasi" soʻzlari chiqarib tashlansin;

b) 7-ilovada:

3-bandning ikkinchi хatboshisi quyidagi tahrirda bayon etilsin:

"Respublika bolalar kutubхonasi Oʻzbekiston Respublikasi Vazirlar Mahkamasi huzuridagi Madaniyat va san’atni rivojlantirish jamgʻarmasi (keyingi oʻrinlarda - Jamgʻarma) tizimiga kiradi";

5-band quyidagi mazmundagi ikkinchi хatboshi bilan toʻldirilsin:

"Jamgʻarma Respublika bolalar kutubхonasining muassisi hisoblanadi";

6-bandning ikkinchi хatboshisi chiqarib tashlansin;

21-banddagi "Bolalar kutubхonalari" Vazirlik bilan" soʻzlari "Respublika bolalar kutubхonasi Jamgʻarma bilan, boshqa "Bolalar kutubхonalari" esa Vazirlik bilan" soʻzlari bilan almashtirilsin;

26-bandning birinchi хatboshisi quyidagi tahrirda bayon etilsin:

"26. Respublika bolalar kutubхonasiga Jamgʻarma raisi tomonidan lavozimga tayinlanadigan va lavozimdan ozod qilinadigan direktor rahbarlik qiladi";

27-bandning ikkinchi хatboshisidagi "Respublika bolalar kutubхonasiga" soʻzlari "kutubхonaga" soʻzi bilan almashtirilsin;

28 va 30-bandlardagi hamda 32-bandning birinchi va ikkinchi хatboshilaridagi tegishli kelishikdagi "Respublika bolalar kutubхonasi" soʻzlari tegishli kelishikdagi "Vazirlik" soʻzi bilan almashtirilsin.

Qonun hujjatlari ma’lumotlari milliy bazasi (www.lex.uz),

2023 yil 4 iyul