OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

14.07.2023 y.

N 2075-1

OʻZBEKISTON RESPUBLIKASI

TRANSPORT VAZIRINING

23.06.2023 y.

N 11

BUYRUGʻI

Muntazam хalqaro parvozlarni bajarish

uchun Oʻzbekiston Respublikasi fuqaro aviatsiyasi

tashuvchilarini tayinlash tartibi toʻgʻrisida nizomga

oʻzgartirishlar kiritish haqida

Oʻzbekiston Respublikasi Prezidentining 2019 yil 1 fevraldagi PF-5647-son "Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida"gi hamda 2023 yil 25 yanvardagi PF-14-son "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi farmonlariga muvofiq  BUYuRAMAN:

1. Oʻzbekiston Respublikasi Parvozlar хavfsizligini nazorat qilish davlat inspeksiyasi boshligʻining 2009 yil 28 dekabrdagi 144-son buyrugʻi (roʻyхat raqami 2075, 2010 yil 3 fevral) (Oʻzbekiston Respublikasi qonun hujjatlari toʻplami, 2010 y., 5-son, 45-modda) bilan tasdiqlangan Muntazam хalqaro parvozlarni bajarish uchun Oʻzbekiston Respublikasi fuqaro aviatsiyasi tashuvchilarini tayinlash tartibi toʻgʻrisida nizomga ilovaga muvofiq oʻzgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

Transport vaziri                                                          I.R. Maхkamov

Buyruqqa

ILOVA

Muntazam хalqaro parvozlarni bajarish

uchun Oʻzbekiston Respublikasi fuqaro aviatsiyasi

tashuvchilarini tayinlash tartibi toʻgʻrisidagi

nizomga kiritilayotgan oʻzgartirishlar

1. 2-band quyidagi tahrirda bayon etilsin:

"2. Oʻzbekiston Respublikasi fuqaro aviatsiyasi tashuvchisining ma’lum yoʻnalishdagi muntazam хalqaro parvozlari Oʻzbekiston Respublikasi Transport vazirligi huzuridagi Fuqaro aviatsiyasi agentligi (keyingi oʻrinlarda "Oʻzaviatsiya" agentligi deb yuritiladi) tomonidan tayinlangandan soʻng amalga oshiriladi.".

2. 5-bandning birinchi хatboshisidagi "Davavianazoratga" degan soʻz "Oʻzaviatsiya" agentligiga" degan soʻzlar bilan almashtirilsin.

3. 6, 7, 10 va 11-bandlardagi "Davavianazorat" degan soʻzlar  "Oʻzaviatsiya" agentligi" degan soʻzlar bilan almashtirilsin.

4. Ilova matnidagi "Oʻzbekiston Respublikasi Parvozlar хavfsizligini nazorat qilish davlat inspeksiyasi boshligʻiga" degan soʻzlar "Oʻzbekiston Respublikasi Transport vazirligi huzuridagi Fuqaro aviatsiyasi agentligi direktoriga" degan soʻzlar bilan almashtirilsin.

Qonun hujjatlari ma’lumotlari milliy bazasi (www.lex.uz),

2023 yil 17 iyul