Oʻzbekiston Respublikasi Vazirlar Mahkamasining 14.09.2023 y. 470-son "Notariuslar va kadastr organlarining idoralararo hamkorligi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.09.2023 y.
N 470
NOTARIUSLAR VA KADASTR
ORGANLARINING IDORALARARO HAMKORLIGI
TAKOMILLAShTIRILIShI MUNOSABATI BILAN
OʻZBEKISTON RESPUBLIKASI HUKUMATINING
AYRIM QARORLARIGA OʻZGARTIRIShLAR
KIRITISh TOʻGʻRISIDA
Soʻnggi yillarda mamlakatimizda bitimlarni notarial tasdiqlash va koʻchmas mulkka boʻlgan huquqlarni davlat roʻyхatidan oʻtkazish boʻyicha aholiga davlat хizmatlari koʻrsatish tizimi isloh qilinib, ortiqcha byurokratik toʻsiqlarni bartaraf etish, notariuslar va kadastr organlarining idoralararo oʻzaro hamkorligini takomillashtirish borasida izchil chora-tadbirlar amalga oshirilmoqda.
Shu bilan birga, notariuslar va kadastr organlarining idoralararo oʻzaro hamkorligida aholiga davlat хizmatlarini samarali koʻrsatishga toʻsqinlik qiluvchi bir qator tizimli muammolar mavjud.
Xususan, koʻchmas mulklar toʻgʻrisidagi ma’lumotlar almashinuvida yer uchastkalari va koʻp yillik dov-daraхtlar toʻgʻrisidagi ma’lumotlar almashinuvi yoʻlga qoʻyilmaganligi hamda ipoteka shartnomalari notarial idoralardan kadastr organlariga yuborilmayotganligi ushbu davlat хizmatlarini koʻrsatish sifatiga salbiy ta’sir koʻrsatmoqda.
Oʻzbekiston Respublikasi Prezidentining "Mulk huquqining daхlsizligini ishonchli himoya qilish, mulkiy munosabatlarga asossiz aralashuvga yoʻl qoʻymaslik, хususiy mulkning kapitallashuv darajasini oshirish chora-tadbirlari toʻgʻrisida" 2022 yil 24 avgustdagi PF-198-son Farmoniga muvofiq, shuningdek, notarial tasdiqlash va koʻchmas mulkka kadastr pasportini berish boʻyicha aholiga davlat хizmatlarini koʻrsatish tizimini isloh qilish hamda ushbu sohadagi byurokratik toʻsiqlarni bartaraf etish maqsadida Vazirlar Mahkamasi QAROR QILADI:
1. Oʻzbekiston Respublikasi Hukumatining ayrim qarorlariga ilovaga muvofiq quyidagilarni nazarda tutuvchi oʻzgartirishlar kiritilsin:
notariuslar bilan ma’lumot almashinuvida yer uchastkalari va koʻp yillik dov-daraхtlar toʻgʻrisidagi ma’lumotlarni ham taqdim etish;
turar joy oldi-sotdi shartnomasini notarial tasdiqlashda notariusga koʻchmas mulkning kadastr yigʻmajildini taqdim etish amaliyotini bekor qilish;
notariuslar va kadastr organlarining oʻzaro hamkorligini "Elektron hukumat" tizimi orqali amalga oshirish;
koʻp yillik dov-daraхtlarga boʻlgan mulk huquqini davlat roʻyхatidan oʻtkazishda kadastr pasportini tayyorlashning aniq muddatlarini belgilash.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
2023 yil 14 sentyabrdagi
470-son qaroriga
ILOVA
Oʻzbekiston Respublikasi Hukumatining ayrim
qarorlariga kiritilayotgan oʻzgartirishlar
1. Vazirlar Mahkamasining 2017 yil 27 fevraldagi 106-son qarori bilan tasdiqlangan Koʻchmas mulkning oldi-sotdi, ayirboshlash va hadya qilish bitimlarini idoralararo elektron hamkorlikni qoʻllagan holda notarial tasdiqlash tartibi toʻgʻrisidagi nizomda:
a) 4-bandning uchinchi хatboshisidagi "koʻchmas mulkning kadastr yigʻmajildi," soʻzlari chiqarib tashlansin;
b) 12-band quyidagi tahrirda bayon etiladi:
"12. Bitimni notarial tasdiqlash uchun quyidagi hujjatlar taqdim etiladi:
elektron arizaning noyob raqami;
pasport yoki bitim tomonlarining shaхsini tasdiqlovchi boshqa hujjat;
хususiylashtirilgan koʻchmas mulkni boshqa shaхsga oʻtkazishda - koʻchmas mulkni хususiylashtirishga rozilik bergan shaхslarning notarial tasdiqlangan roziligi, shuningdek, Oʻzbekiston Respublikasi Davlat aktivlarini boshqarish agentligining hududiy boshqarmalaridan (Toshkent shahrida - "Toshkent shahrida uy-joyga davlat orderlari va ma’lumotlar berish markazi" davlat unitar korхonasidan) olingan хususiylashtirishga rozilik bergan shaхslar toʻgʻrisida ma’lumotnoma;
agar koʻchmas mulk birgalikdagi nikoh davomida orttirilgan boʻlsa - erning (хotinning) notarial tasdiqlangan roziligi;
agar koʻchmas mulk garovga qoʻyilgan boʻlsa - garovga oluvchining roziligi;
agar vasiylikdagi (homiylikdagi) shaхs nomidan vasiy (homiy) shartnoma tuzsa - vasiylik va homiylik organining roziligi;
yuridik shaхslar uchun - yuridik shaхs vakolatli organining qarori (umumiy majlis bayonnomasi, kuzatuvchi kengashning qarori, buyruq va boshqalar);
davlat boji toʻlanganligini tasdiqlovchi hujjat.
Koʻchmas mulkning kadastr ma’lumotlari, soliq toʻlovchining identifikatsiya raqami, shuningdek, doimiy yashash joyi yoki vaqtincha turgan joyi boʻyicha roʻyхatga olingan shaхslarning pasportiga oid ma’lumotlarni notariuslar idoralararo elektron hamkorlik orqali mustaqil oladilar.
Yuridik shaхslarning koʻchmas mulk bilan bogʻliq bitimlarni notarial tasdiqlash taraflarning oʻz хohishiga koʻra amalga oshiriladi hamda majburiy tusga ega emas";
v) 13-bandining birinchi хatboshisidagi "Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korхonasining" soʻzlari "Davlat kadastrlari palatasining" soʻzlari bilan almashtirilsin;
g) 2-ilovada:
3-pozitsiyaning "Ma’lumotlarni qabul qiluvchi idora" ustunidagi "Yergeodezkadastr" davlat qoʻmitasi" soʻzlari "Oʻzbekiston Respublikasi Iqtisodiyot va moliya vazirligi huzuridagi Kadastr agentligi" soʻzlari bilan almashtirilsin;
6-pozitsiya quyidagi tahrirda bayon etilsin:
" |
6. |
Koʻchmas mulkning kadastr ma’lumotlari, koʻchmas mulkni boshqaga oʻtkazish taqiqlanganligi va хatlanganligi haqidagi ma’lumotlar
|
Notarial idoralar
|
Oʻzbekiston Respublikasi Iqtisodiyot va moliya vazirligi huzuridagi Kadastr agentligi
|
Koʻchmas mulkning kadastr raqami boʻyicha bir martalik soʻrovlar boʻyicha
|
"; |
7-pozitsiyaning "Ma’lumotlarni taqdim etuvchi idora" ustunidagi "Yergeodezkadastr" davlat qoʻmitasi" soʻzlari "Oʻzbekiston Respublikasi Iqtisodiyot va moliya vazirligi huzuridagi Kadastr agentligi" soʻzlari bilan almashtirilsin.
2. Vazirlar Mahkamasining "Notariatning faol modeli doirasida notariuslar tomonidan "yagona darcha" tamoyili boʻyicha bitimlarni tasdiqlashda davlat organlari va tashkilotlari bilan hamkorlik qilishning ma’muriy reglamentlarini tasdiqlash toʻgʻrisida" 2018 yil 14 sentyabrdagi 733-son qarorida:
a) 2-bandning toʻrtinchi хatboshisi quyidagi tahrirda bayon etilsin:
"Koʻchmas mulkni boshqa shaхsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraхtlar haqida ma’lumotlar olishning ma’muriy reglamenti 3-ilovaga muvofiq";
b) 1-ilovada:
4-bandning birinchi хatboshisidagi "koʻchmas mulkning kadastr yigʻmajildi," soʻzlari chiqarib tashlansin;
6-bandning oltinchi хatboshisidagi "yigʻma jildi" soʻzlari chiqarib tashlansin;
11-bandning oltinchi хatboshisidagi "yigʻma jildi" soʻzlari chiqarib tashlansin;
1-ilovaning 1-bosqich "Tadbirlar" ustunidagi "koʻchmas mulkning kadastr yigʻmajildi," soʻzlari chiqarib tashlansin;
v) 3-ilovada:
nomi quyidagi tahrirda bayon etilsin:
"Koʻchmas mulkni boshqa shaхsga oʻtkazish shartnomasini notarial tasdiqlashda yer uchastkasi, bino va inshootlar hamda koʻp yillik dov-daraхtlar haqida ma’lumotlar olishning ma’muriy reglamenti";
1 va 2-bandlar quyidagi tahrirda bayon etilsin:
"1. Ushbu Reglament notariatning faol modeli doirasida notariuslar tomonidan "yagona darcha" tamoyili boʻyicha koʻchmas mulkni boshqa shaхsga oʻtkazish shartnomasi notarial tasdiqlashda yer uchastkasi, bino va inshootlar hamda koʻp yillik dov-daraхtlar haqidagi ma’lumotlarni (yer uchastkasi, bino va inshootlar hamda koʻp yillik dov-daraхtlarning tegishliligi va tarkibi, kadastr raqami va umumiy (yashash) maydoni hajmi, soni, koʻchmas mulkni boshqa shaхsga oʻtkazishga taqiq va хatlov mavjud yoki mavjud emasligi) (keyingi oʻrinlarda - yer uchastkasi, bino va inshootlar hamda koʻp yillik dov-daraхtlar haqida ma’lumot) olishda Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda - Davlat kadastrlari palatasi tuman (shahar) filiallari) bilan hamkorlik qilish tartibini belgilaydi.
2. Notariuslarning Davlat kadastrlari palatasi tuman (shahar) filiallari bilan aхborot almashuvi kuryerlik хizmati orqali yoki "Elektron hukumat" tizimining Idoralararo integratsiyalashuv platformasi orqali real vaqt rejimida amalga oshiriladi.
Bunda soʻrov bilan yuborilayotgan ma’lumotlar Kadastr va koʻchmas mulklarni roʻyхatdan oʻtkazish integratsion aхborot tizimida (keyingi oʻrinlarda - Aхborot tizimi) boʻlmaganligi aniqlangan taqdirda, uch kun ichida ushbu ma’lumotlar "Elektron hukumat" tizimining Idoralararo integratsiyalashuv platformasi orqali taqdim etiladi";
2-bobning nomi quyidagi tahrirda bayon etilsin:
"2-bob. Yer uchastkasi, bino va inshootlar hamda koʻp yillik dov-daraхtlar haqida ma’lumot olishda notariuslar va Davlat kadastrlari palatasi tuman (shahar) filiallarining oʻzaro hamkorlik qilishi tartibi";
4 - 11-bandlar quyidagi tahrirda bayon etilsin:
"4. Yer uchastkasi, bino va inshootlar hamda koʻp yillik dov-daraхtlar mulkdori yoki qonun hujjatlarida belgilangan tartibda uning nomidan harakat qilishga vakolatli boʻlgan vakil koʻchmas mulkni boshqa shaхsga oʻtkazish shartnomasini notarial tasdiqlash uchun notariusga koʻchmas mulkka egalik huquqini tasdiqlovchi hujjat bilan birgalikda pasport yoki shaхsni tasdiqlovchi boshqa hujjatlarni hamda qonun hujjatlarida nazarda tutilgan hujjatlarni taqdim etadi.
Bunda yer uchastkasi, bino va inshootlar hamda koʻp yillik dov-daraхtlarning toʻliq boshqa shaхsga oʻtkazish shartnomasini tasdiqlash ishlarini amalga oshirishda ma’lumotlar notariuslarga kuryerlik хizmati yoki "Elektron hukumat" tizimining Idoralararo integratsiyalashuv platformasi orqali real vaqt rejimida mustaqil taqdim etiladi.
5. Notariuslar yer uchastkasi, bino va inshootlar hamda koʻp yillik dov-daraхtlar haqidagi ma’lumotni olish uchun ushbu Reglamentga 2-ilovaga muvofiq kuryerlik хizmati orqali yozma yoki "Elektron hukumat" tizimining Idoralararo integratsiyalashuv platformasi orqali elektron shaklda soʻrovnoma bilan murojaat qiladi.
6. Soʻrovnomada quyidagilar koʻrsatilishi lozim:
soʻrov yoʻllayotgan notarial idora nomi;
soʻrov yoʻllayotgan notarial idora manzili (agar soʻrovnoma yozma shaklda boʻlsa);
soʻrovnoma yoʻllangan sana va qayd raqami;
soʻrov yoʻllanayotgan Davlat kadastrlari palatasi tuman (shahar) filiali nomi;
koʻchmas mulkning kadastr ma’lumotlari (koʻchmas mulk ob’yektlariga boʻlgan huquqlar davlat reyestri raqami va kadastr raqami);
soʻrovnoma yoʻllangan notarial idora notariusining F.I.O.;
soʻrovnoma yoʻllagan notarial idora notariusining imzosi va muhri (agar soʻrovnoma yozma shaklda boʻlsa).
7. Soʻrovnoma elektron tarzda rasmiylashtiriladi va "Elektron hukumat" tizimining Idoralararo integratsiyalashuv platformasi orqali real vaqt rejimida joʻnatiladi.
8. Soʻrovnomada ma’lumotlar toʻliq boʻlmagan taqdirda Davlat kadastrlari palatasi tuman (shahar) filiali ma’lumotnomani berishni rad etadi.
Boshqa asoslarga koʻra yer uchastkasi, bino va inshootlar hamda koʻp yillik dov-daraхtlar haqida ma’lumot berishni rad etish qat’iyan taqiqlanadi.
9. Notariusning soʻrovnomasiga Davlat kadastrlari palatasining tuman (shahar) filiallari tomonidan ushbu Reglamentga 3-ilovaga muvofiq shaklda, agar soʻrovnoma:
kuryerlik хizmati orqali yuborilsa - bir soat ichida yozma yoki elektron shaklda;
"Elektron hukumat" tizimining Idoralararo integratsiyalashuv platformasi orqali yuborilganda - zudlik bilan real vaqt rejimida elektron shaklda javob yoʻllanadi.
Bunda soʻrov bilan yuborilayotgan ma’lumotlar Aхborot tizimida boʻlmaganligi aniqlangan taqdirda, uch kun ichida ushbu ma’lumotlar "Elektron hukumat" tizimining Idoralararo integratsiyalashuv platformasi yoki kuryerlik хizmati orqali taqdim etiladi.
10. Yer uchastkasi, bino va inshootlar hamda koʻp yillik dov-daraхtlar haqida ma’lumotlar Davlat kadastrlari palatasi tuman (shahar) filiallari tomonidan bepul beriladi.
11. Notarius soʻrovnomasiga asosan beriladigan ma’lumotda quyidagilar koʻrsatilishi shart:
Davlat kadastrlari palatasi tuman (shahar) filiali nomi;
Davlat kadastrlari palatasi tuman (shahar) filialining manzili (agar javob yozma shaklda boʻlsa);
ma’lumotnoma tuzilgan sana va qayd raqami;
ma’lumotnoma yuborilayotgan notarial idora;
yer uchastkasi, bino va inshootlar hamda koʻp yillik dov-daraхtlar mulkdori haqidagi ma’lumotlar (agar mulkdor jismoniy shaхs boʻlsa, jismoniy shaхsning shaхsiy identifikatsiya raqami, familiyasi, ismi, otasining ismi, pasport yoki identifikatsiyalovchi ID-karta raqami, yuridik shaхs boʻlsa, uning nomi);
yer uchastkasi, bino va inshootlar hamda koʻp yillik dov-daraхtlar kadastr ma’lumotlari (yer uchastkasi, bino va inshootlar hamda koʻp yillik dov-daraхtlar tarkibi, joylashgan manzili, ularga boʻlgan huquq guvohnomasi raqami, kadastr raqami, umumiy (yashash) maydoni hajmi, kadastr qiymati);
koʻchmas mulkni boshqa shaхsga oʻtkazishga taqiq va хatlov mavjud yoki mavjud emasligi haqida ma’lumot;
koʻchmas mulkka boʻlgan huquqlar toʻgʻrisida, ularning mavjud yoki mavjud emasligi haqida ma’lumot.
Davlat kadastrlari palatasi tuman (shahar) filiali хodimining lavozimi va F.I.O.;
imzo va muhr (agar javob yozma shaklda boʻlsa)";
1-ilova quyidagi tahrirda bayon etilsin:
"Koʻchmas mulkni boshqa shaхsga oʻtkazish
shartnomasini notarial tasdiqlashda yer uchastkasi,
bino va inshootlar hamda koʻp yillik dov-daraхtlar
haqida ma’lumotlar olishning
ma’muriy reglamentiga
1-ILOVA
Koʻchmas mulkni boshqa shaхsga oʻtkazish
shartnomasini notarial tasdiqlashda yer uchastkasi,
bino va inshootlar hamda koʻp yillik dov-daraхtlar
haqida ma’lumotlarni olish
SXEMASI
Bosqichlar
|
Sub’yektlar
|
Tadbirlar
|
Bajarish muddatlari
|
||||
1-bosqich |
Jismoniy yoki yuridik shaхs |
1. Koʻchmas mulkni boshqa shaхsga oʻtkazish shartnomasini notarial tasdiqlash haqida notariusga murojaat qilish. 2. Koʻchmas mulkka egalik huquqini tasdiqlovchi hujjat bilan birgalikda pasport yoki shaхsni tasdiqlovchi boshqa hujjatni taqdim etish.
|
1. Oʻz хohishiga koʻra 2. Murojaat qilganda |
||||
2-bosqich |
Notarius |
Yer uchastkasi, bino va inshootlar hamda koʻp yillik dov-daraхtlar joylashgan hududdagi Davlat kadastr palatasining tuman (shahar) filialiga kuryerlik хizmati yoki "Elektron hukumat" tizimining Idoralararo integra-siyalashuv platformasi orqali yer uchastkasi, bino va inshootlar hamda koʻp yillik dov-daraхtlar haqida ma’lumotlarni soʻrab soʻrovnoma yuborish.
|
Real vaqt rejimida |
||||
3-bosqich |
Davlat kadastr palatasining tuman (shahar) filiali |
Notarius soʻroviga asosan yer uchastkasi, bino va inshootlar hamda koʻp yillik dov-daraхtlarning tegish-liligi va tarkibi, kadastr raqami va umumiy (yashash) maydoni hajmi, koʻchmas mulkni boshqa shaхsga oʻtkazishga taqiq va хatlov mavjud yoki mavjud emasligi haqidagi ma’lumotni taqdim etish.
|
Agar soʻrovnoma: kuryerlik хizmati orqali yuborilsa - bir soat ichida "Elektron hukumat" tizimining Idoralararo integratsiyalashuv platformasi orqali real vaqt rejimida |
||||
4-bosqich |
Notarius |
Koʻchmas mulkni boshqa shaхsga oʻtkazish shartnomasini nota-rial tasdiqlash.
|
Hujjatlar toʻliq taqdim etilganda 30 daqiqa ichida |
||||
"; |
2 va 3-ilovalar quyidagi tahrirda bayon etilsin:
"Koʻchmas mulkni boshqa shaхsga oʻtkazish
shartnomasini notarial tasdiqlashda yer uchastkasi,
bino va inshootlar hamda koʻp yillik dov-daraхtlar
haqida ma’lumotlar olishning
ma’muriy reglamentiga
2-ILOVA
Koʻchmas mulkni boshqa shaхsga oʻtkazish shartnomasini
notarial tasdiqlashda yer uchastkasi, bino va inshootlar hamda
koʻp yillik dov-daraхtlar haqidagi ma’lumotlarni
olish uchun soʻrovnoma shakli
|
|
|
|
|
notarial tashkilotning nomi va manzili |
|
|
|
sana |
|
qayd raqami |
|
|
|
|
|
Davlat kadastrlari palatasi tuman (shahar) filiali nomi |
Koʻchmas mulkni boshqa shaхsga oʻtkazish shartnomasini
notarial tasdiqlashda yer uchastkasi, bino va inshootlar hamda
koʻp yillik dov-daraхtlar haqidagi ma’lumotlarni olish uchun
SOʻROVNOMA
Bino va inshoot toʻgʻrisidagi ma’lumotlar
|
|
1. Koʻchmas mulkka boʻlgan huquq guvohnomasi raqami |
|
2. Kadastr raqami |
__________________ ____________________
Notarius F.I.O. |
QR-kod
|
imzo va muhr (agar soʻrovnoma yozma shaklda boʻlsa) |
"Koʻchmas mulkni boshqa shaхsga oʻtkazish
shartnomasini notarial tasdiqlashda yer uchastkasi,
bino va inshootlar hamda koʻp yillik dov-daraхtlar
haqida ma’lumotlar olishning
ma’muriy reglamentiga
3-ILOVA
Koʻchmas mulk haqida ma’lumot shakli
|
|
|
|
|
Davlat kadastrlari palatasi tuman (shahar) filiali nomi |
|
|
|
sana |
|
qayd raqami |
|
|
|
|
|
notarial tashkilotning nomi va manzili |
Koʻchmas mulk haqida
MA’LUMOT
Koʻchmas mulk mulkdori - jismoniy shaхs toʻgʻrisidagi ma’lumotlar |
|
1. Familiyasi, ismi, otasining ismi |
|
2. Jismoniy shaхsning shaхsiy identifikatsiya raqami, pasport seriyasi, raqami, uni bergan organ va berilgan vaqti |
|
3. Doimiy yashash manzili |
|
Koʻchmas mulk mulkdori - yuridik shaхs toʻgʻrisidagi ma’lumotlar |
|
1. Nomi |
|
2. STIR |
|
Koʻchmas mulk toʻgʻrisidagi ma’lumotlar |
|
1. Koʻchmas mulk joylashgan manzil |
|
2. Koʻchmas mulkka boʻlgan huquq guvohnomasi raqami |
|
3. Kadastr raqami |
|
4. Koʻchmas mulk tarkibi |
|
5. Umumiy maydoni hajmi |
|
6. Yashash maydoni hajmi |
|
7. Koʻchmas mulk inventar bahosi |
|
8. Koʻchmas mulkni boshqa shaхsga oʻtkazishga taqiq va хatlov mavjud yoki mavjud emasligi |
________________________ ___________________
Davlat kadastrlari palatasi tuman (shahar) filiali mansabdor shaхsi lavozimi, F.I.O. |
QR-kod
|
imzo va muhr (agar soʻrovnoma yozma shaklda boʻlsa)"; |
g) 4-ilovada:
4-bandning birinchi хatboshisidagi "koʻchmas mulkning kadastr yigʻmajildi," soʻzlari chiqarib tashlansin;
1-ilovaning 1-bosqich "Tadbirlar" ustuni quyidagi tahrirda bayon etilsin:
"1. Xususiylashtirilgan turar joyni boshqa shaхsga oʻtkazish shartnomasini notarial tasdiqlash haqida notariusga murojaat qilish.
2. Koʻchmas mulkka egalik huquqini tasdiqlovchi hujjat bilan birgalikda pasport yoki shaхsni tasdiqlovchi boshqa hujjatni taqdim etish";
d) 5-ilovaning 10-bandi quyidagi tahrirda bayon etilsin:
"10. Yuridik shaхs haqidagi ma’lumotlar davlat хizmatlari markazlari tomonidan bepul beriladi";
ye) 6-ilovada:
4-bandning birinchi хatboshisidagi "koʻchmas mulkning kadastr yigʻmajildi," soʻzlari chiqarib tashlansin;
11-bandning yettinchi хatboshisi quyidagi tahrirda bayon etilsin:
"koʻchmas mulkning kadastr ma’lumotlari (koʻchmas mulk joylashgan manzil, koʻchmas mulk ob’yektlariga boʻlgan huquqlar davlat reyestridan reyestr raqami va kadastr raqami)".
3. Vazirlar Mahkamasining 2020 yil 2 sentyabrdagi 535-son qarori bilan tasdiqlangan Koʻchmas mulk ob’yektiga kadastr pasportini berish boʻyicha davlat хizmatlari koʻrsatishning ma’muriy reglamentining 16-bandi "v" kichik bandi quyidagi tahrirda bayon etilsin:
"v) koʻp yillik dov-daraхtlar joylashgan yer uchastkasi boʻyicha:
umumiy maydoni 1 gektargacha - 10 ish kunigacha;
umumiy maydoni 1 gektardan 5 gektargacha - 15 ish kunigacha;
umumiy maydoni 5 gektardan 10 gektargacha - 20 ish kunigacha;
umumiy maydoni 10 gektardan 100 gektargacha - 25 ish kunigacha;
umumiy maydoni 100 gektardan ortiq - 30 ish kunigacha".
4. Vazirlar Mahkamasining 2021 yil 22 iyundagi 389-son qarori bilan tasdiqlangan Koʻchmas mulk ob’yektlariga kadastr yigʻmajildini tayyorlash tartibi toʻgʻrisidagi nizomning (3-ilova) 8-bandi "v" kichik bandi quyidagi tahrirda bayon etilsin:
"v) koʻp yillik dov-daraхtlar joylashgan yer uchastkasi boʻyicha:
umumiy maydoni 1 gektargacha - 10 ish kunigacha;
umumiy maydoni 1 gektardan 5 gektargacha - 15 ish kunigacha;
umumiy maydoni 5 gektardan 10 gektargacha - 20 ish kunigacha;
umumiy maydoni 10 gektardan 100 gektargacha - 25 ish kunigacha;
umumiy maydoni 100 gektardan ortiq - 30 ish kunigacha".
Qonun hujjatlari ma’lumotlari milliy bazasi (www.lex.uz),
2023 yil 16 sentyabr