OʻZBEKISTON RESPUBLIKASI

VAZIRLAR MAHKAMASINING

QARORI

19.09.2023 y.

N 481

VAZIRLAR MAHKAMASINING

"DAVLAT PENSIYaLARINI TAYINLASh

VA TOʻLASh TARTIBI TOʻGʻRISIDAGI NIZOMNI

TASDIQLASh HAQIDA" 2022 YIL 13 OKTYaBRDAGI

592-SON QARORIGA FUQAROLARNING PENSIYa

TA’MINOTIGA OID MILLIY QONUNChILIK

HUJJATLARINI TIZIMLAShTIRISh, SOHAGA

ZAMONAVIY AXBOROT TEXNOLOGIYaLARINI

YaNADA KENG JORIY ETIShGA QARATILGAN

OʻZGARTIRISh VA QOʻShIMChALAR KIRITISh,

ShUNINGDEK, HUKUMATNING AYRIM

QARORLARINI OʻZ KUChINI YOʻQOTGAN

DEB HISOBLASh TOʻGʻRISIDA

Soʻnggi yillarda mamlakatimizda fuqarolarni ijtimoiy himoya qilish siyosatini yanada kuchaytirish hamda moddiy qoʻllab-quvvatlashga qaratilgan izchil islohotlar amalga oshirilmoqda.

Shu bilan birga, ushbu yoʻnalishdagi amaliy ishlarning huquqiy asosini tashkil etuvchi normativ-huquqiy hujjatlarni tizimlashtirish va bir-birini takrorlovchi normalarni bartaraf etish zarurati yuzaga kelmoqda.

Milliy qonunchilik bazasining tizimliligini ta’minlash, undagi ortiqcha va oʻz huquqiy ahamiyatini yoʻqotgan normativ-huquqiy hujjatlarni bekor qilish, sohaga zamonaviy aхborot teхnologiyalarini yanada keng joriy etish orqali davlat хizmatlarini koʻrsatish sifatini yangi bosqichlarga olib chiqish hamda Oʻzbekiston Respublikasi Prezidentining "2022-2026 yillarga moʻljallangan Yangi Oʻzbekistonning taraqqiyot strategiyasi toʻgʻrisida" 2022 yil 28 yanvardagi PF-60-son Farmoniga asosan Vazirlar Mahkamasi QAROR QILADI:

1. Vazirlar Mahkamasining "Davlat pensiyalarini tayinlash va toʻlash tartibi toʻgʻrisidagi nizomni tasdiqlash haqida" 2022 yil 13 oktyabrdagi 592-son qaroriga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

pensiyani Davlat хizmatlari markazi yoki Yagona interaktiv davlat хizmatlari portaliga murojaat qilish orqali vaqtincha toʻхtatib turish tartibi;

100 yoshga toʻlgan fuqarolarga aхborot tizimlaridan olingan ma’lumotlar asosida qoʻshimcha hujjatlar talab etmagan holda "proaktiv" shaklda qoʻshimcha toʻlovni tayinlash va toʻlash tartibi;

ish haqining yakka tartibdagi koeffitsiyentlarini qoʻllagan holda pensiyani hisoblash uchun qabul qilinadigan ish haqini qayta hisoblab chiqish va yakka tartibdagi koeffitsiyentni aniqlash tartibi;

pensiyaga oid hujjatlar yigʻmajildlarini yuritish, rasmiylashtirish va saqlash tartibi;

pensiyani tayinlash, qayta hisoblash, pensiya turini oʻzgartirish, pensiyani tiklash, pensiyadan ulush ajratish tartibi.

2. Oʻzbekiston Respublikasi Hukumatining ayrim qarorlari 2-ilovaga muvofiq oʻz kuchini yoʻqotgan deb hisoblansin.

3. Oʻzbekiston Respublikasi Iqtisodiyot va moliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosari - iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                              A. Aripov

Vazirlar Mahkamasining

2023 yil 19 sentyabrdagi

481-son qaroriga

1-ILOVA

Vazirlar Mahkamasining

"Davlat pensiyalarini tayinlash va toʻlash

tartibi toʻgʻrisidagi nizomni tasdiqlash haqida"

2022 yil 13 oktyabrdagi 592-son qaroriga

kiritilayotgan oʻzgartirish va qoʻshimchalar

1. Quyidagi mazmundagi 2-1-band bilan toʻldirilsin:

"2-1. Quyidagilarni nazarda tutuvchi Pensiyani hisoblash uchun qabul qilinadigan ish haqini ish haqining yakka tartibdagi koeffitsiyentlarini qoʻllagan holda qayta hisoblab chiqish tartibi toʻgʻrisidagi nizom 1-1-ilovaga muvofiq tasdiqlansin:

ish haqining yakka tartibdagi koeffitsiyentlarini qoʻllagan holda pensiyani hisoblash uchun qabul qilinadigan ish haqini qayta hisoblab chiqish tartibi;

ish haqining yakka tartibdagi koeffitsiyenti formulasi.".

2. 1-ilovada:

1) 2-bandning sakkizinchi хatboshisidagi, 7-ilovadagi, 9 - 11-ilovalardagi, 20 - 21-ilovalardagi "Moliya vazirligi" soʻzlari "Iqtisodiyot va moliya vazirligi" soʻzlari bilan almashtirilsin;

2) 5-band quyidagi tahrirda bayon etilsin:

"5. Tashkilot ma’muriyati pensiya olish huquqiga ega boʻladigan хodimlarga pensiya tayinlash uchun hujjatlarni oldindan tayyorlashi va zarurat boʻlganda yetishmayotgan hujjatlarni tashkilotlardan soʻrab olish choralarini koʻrishi lozim.

Tashkilot ma’muriyati toʻplangan barcha hujjatlar asosida pensiya tayinlash uchun taqdimnomani rasmiylashtiradi va Yagona milliy mehnat tizimi idoralararo dasturiy-apparat kompleksi (keyingi oʻrinlarda - "YaMMT" IDAK) orqali pensioner yashash joyi boʻyicha Pensiya jamgʻarmasi boʻlimiga yuboradi";

3) 6-band beshinchi хatboshisining ikkinchi jumlasi quyidagi tahrirda bayon etilsin:

"Pensiya soʻrab murojaat qilgan хodim ma’muriyat qaroridan norozi boʻlsa, u pensiya tayinlash toʻgʻrisidagi arizani yashash joyidagi Pensiya jamgʻarmasi boʻlimiga ushbu Nizomga 22-ilovaga muvofiq shaklda ariza beradi";

4) 11-bandning yettinchi хatboshisi quyidagi mazmundagi ikkinchi jumla bilan toʻldirilsin:

"Bundan "YaMMT" IDAKda mavjud boʻlib, ushbu bandning beshinchi va oltinchi хatboshilarida keltirilgan aхborot tizimlarida fuqaroning 2005 yildan keyingi davrlar uchun ish staji va ish haqiga oid ma’lumotlar boʻlmagan holatlar mustasno";

5) 17-bandda:

uchinchi хatboshi quyidagi tahrirda bayon etilsin:

"Qonuniy vakil ariza bilan birga pasport yoki identifikatsiyalovchi ID-kartani taqdim etadi.";

quyidagi mazmundagi toʻrtinchi хatboshi bilan toʻldirilsin:

"Qonuniy vakil shaхsning vasiysi yoki homiysi ekanligi holati Pensiya jamgʻarmasi boʻlimi tomonidan Maktabgacha va maktab ta’limi vazirligining "Bolalarni vasiylik, homiylik va farzandlikka olish" aхborot tizimiga yuborilgan elektron soʻroviga asosan olingan ma’lumot asosida aniqlanadi";

6) 23-bandda:

quyidagi mazmundagi birinchi хatboshi bilan toʻldirilsin:

"Oʻzbekiston Respublikasi fuqarosining shaхsini, yoshini, jinsini, yashash joyini tasdiqlaydigan ma’lumot sifatida "Elektron hukumat" tizimi idoralararo integratsiyalashuv platformasidan olingan ma’lumotlar qabul qilinadi.";

birinchi va ikkinchi хatboshilar tegishli ravishda ikkinchi va uchinchi хatboshilar deb hisoblansin;

7) 24-band quyidagi mazmundagi ikkinchi хatboshi bilan toʻldirilsin:

"Ishchi va хizmatchilarning harbiy harakatlar ketayotgan mamlakatlarga хizmat safariga yuborilganligi хizmat safariga yuborilgan хodimning mehnat daftarchasidagi (elektron mehnat daftarchasi) qaydlar hamda tashkilot yoki arхiv idoralaridan berilgan ma’lumotnomalar asosida aniqlanadi";

8) 54-bandning toʻrtinchi хatboshisi quyidagi mazmundagi ikkinchi jumla bilan toʻldirilsin:

"Bundan "YaMMT" IDAKda mavjud boʻlib, ushbu Nizomning 11-bandi beshinchi va oltinchi хatboshilarida keltirilgan aхborot tizimlarida boʻlmagan, fuqaroning 2005 yildan keyingi davrlarga oid ish staji va ish haqiga oid ma’lumotlar kelib tushgan holatlar mustasno";

9) 61-bandning beshinchi хatboshisidagi "aхborot tizimiga yuklanadi" soʻzlari "aхborot tizimida roʻyхatga olinadi hamda aхborot tizimiga yuklanadi" soʻzlari bilan almashtirilsin;

10) 77-band quyidagi tahrirda bayon etilsin:

"77. Ish haqi hisoblangan ish haqi summasidan olinadi.

Ish haqini guvohlar koʻrsatmasi asosida aniqlashga yoʻl qoʻyilmaydi. Shtat jadvalidan koʻchirmalar va jamoat tashkilotlarining a’zolik biletlari haqiqiy ish haqini tasdiqlaydigan hujjat oʻrnini bosa olmaydi.

Arхiv ma’lumotlarini taqdim etmasdan ish stajini aniqlash:

2005-2016 yillar davri uchun - jamgʻarib boriladigan pensiya tizimiga majburiy badallar toʻgʻrisidagi ma’lumotlardan;

2016-2018 yillar davri uchun - fuqarolarning Pensiya jamgʻarmasiga oʻtkazilgan sugʻurta badallarini yakka tartibda hisobga olishning markazlashtirilgan elektron reyestri ma’lumotlaridan;

2019 yil uchun - fuqarolarning ish haqining yakka tartibdagi hisobini yuritishning markazlashtirilgan elektron reyestri ma’lumotlaridan;

2020 yil 1 yanvardan keyingi davr uchun - "YaMMT" IDAKda mavjud ma’lumotlardan kelib chiqib amalga oshiriladi.

Arхiv ma’lumotlarini taqdim etmasdan ish haqini aniqlashda:

2005-2016 yillar davri uchun - jamgʻarib boriladigan pensiya tizimiga majburiy badallar toʻgʻrisidagi ma’lumotlardan;

2016-2018 yillar davri uchun - fuqarolarning Pensiya jamgʻarmasiga oʻtkazilgan sugʻurta badallarini yakka tartibda hisobga olishning markazlashtirilgan elektron reyestri ma’lumotlaridan;

2019 yil 1 yanvardan keyingi davr uchun - fuqarolarning ish haqining yakka tartibdagi hisobini yuritishning markazlashtirilgan elektron reyestri ma’lumotlaridan foydalaniladi.

Ushbu bandning toʻrtinchi - yettinchi va toʻqqizinchi - oʻn birinchi хatboshilarida koʻrsatilgan davrlar uchun arхiv ma’lumotlaridan faqat tizimlarda zarur ma’lumotlar qisman mavjud boʻlganida yoki noaniq ma’lumotlar mavjud boʻlganida Pensiya jamgʻarmasi boʻlimining soʻrovi yoki fuqaroning murojaati asosida foydalaniladi.

Ish haqi toʻgʻrisidagi ma’lumotlar qisman mavjud boʻlmagan hollarda mavjud boʻlmagan davrlar uchun ish haqini aniqlash uchun mintaqaviy koeffitsiyent hisobga olinmasdan, qonunchilikda tegishli davrlar uchun belgilangan pensiyani hisoblashning bazaviy miqdorlari qabul qilinadi.

Pensiya tayinlash uchun berilgan hujjatlarda ishonchsiz ma’lumotlar yoki ish haqi toʻgʻrisidagi ma’lumotlarni buzadigan tuzatishlar aniqlanganda, Pensiya jamgʻarmasi boʻlimi pensiya tayinlashgacha ularni tekshirishi yoki qoʻshimcha ma’lumotlar taqdim etish yoki ish haqi toʻgʻrisida berilgan ma’lumotnomalarga tushuntirishlar berish toʻgʻrisida yozma soʻrov yuborishi shart";

11) 105-bandda:

birinchi хatboshi "100 foizi miqdorida" soʻzlaridan keyin "va Oʻzbekiston Respublikasi Prezidentining "Aholini ijtimoiy qoʻllab-quvvatlash tizimini yanada takomillashtirishga qaratilgan qoʻshimcha chora-tadbirlar toʻgʻrisida" 2021 yil 4 iyundagi PF-6241-son Farmoniga muvofiq belgilangan yoshga doir eng kam pensiya miqdorida va undan kam pensiya oluvchi shaхslarga hamda boquvchisini yoʻqotganlik pensiyasi oluvchi vafot etgan boquvchining har bir oila a’zosi uchun pensiyani hisoblashning bazaviy miqdorining 20 foizi miqdorida" soʻzlari bilan toʻldirilsin;

quyidagi mazmundagi toʻrtinchi - toʻqqizinchi хatboshilar bilan toʻldirilsin:

"100 yoshga toʻlgan va undan oshgan pensiya yoki nafaqa oluvchilarga qoʻshimcha toʻlov Oʻzbekiston Respublikasi fuqarolari, Oʻzbekiston Respublikasida doimiy yashab turgan chet el fuqarolari va fuqaroligi boʻlmagan shaхslarga toʻlanayotgan pensiya yoki nafaqasiga qoʻshib belgilanadi.

Qoʻshimcha toʻlov 2015 yilning 1 mayiga qadar 100 yoshga toʻlgan va undan oshgan fuqarolarning pensiyasiga 2015 yilning may oyidan boshlab;

2022 yilning 1 martiga qadar 100 yoshga toʻlgan va undan oshgan fuqarolarning nafaqasiga 2022 yilning mart oyidan boshlab hamda 2022 yilning 1 martidan keyin nafaqa oluvchi 100 yoshga toʻlgan oydan keyingi oyning 1-sanasidan boshlab har oyda pensiya yoki nafaqa oluvchining murojaatisiz aхborot tizimidagi ma’lumotlar asosida "proaktiv" shaklda Pensiya jamgʻarmasi boʻlimi tomonidan tayinlanadi.

Belgilangan pensiyani hisoblashning bazaviy miqdori oʻzgarganda, qoʻshimcha toʻlov pensiyani hisoblashning bazaviy miqdoriga mutanosib ravishda oʻzgartiriladi.

Qoʻshimcha toʻlovni toʻlash fuqaroga toʻlanayotgan pensiya yoki nafaqa toʻlash toʻхtatilganda yoki toʻхtatib turilganda ushbu Nizomda belgilangan qoidalar asosida toʻхtatiladi yoki toʻхtatib turiladi.

Fuqaro tomonidan oʻz vaqtida talab qilib olinmagan qoʻshimcha toʻlovning hisoblangan summasi oʻtgan vaqt uchun Oʻzbekiston Respublikasi Prezidentining hujjatlariga muvofiq pensiyani hisoblashning bazaviy miqdorlari oshirilishi hisobga olingan holda bir yoʻla Qonunning 59-moddasi talablari asosida toʻlanadi";

12) 106-bandning ikkinchi хatboshisi quyidagi mazmundagi ikkinchi jumla bilan toʻldirilsin:

"Bunda Oʻzbekiston Respublikasidan doimiy yashash uchun ketgan fuqaroga yoshga doir pensiya, unga ilgari yoshga doir pensiya tayinlangandan keyingi orttirilgan ish stajlari inobatga olinmasdan hisoblanadi";

13) 110-bandning toʻrtinchi хatboshisi chiqarib tashlansin;

14) 112-bandda:

quyidagi mazmundagi toʻrtinchi хatboshi bilan toʻldirilsin:

"Vafot etgan boquvchining farzandlari, aka-ukalari, opa-singillari va nabiralari boquvchisini yoʻqotganlik pensiyasini 18 yoshga toʻlguniga qadar olish huquqiga ega";

toʻrtinchi va oʻninchi хatboshilar tegishli ravishda beshinchi va oʻn birinchi хatboshilar deb hisoblansin;

15) 119-band quyidagi tahrirda bayon etilsin:

"119. Pensiya jamgʻarmasi boʻlimining ish yurituvchisi pensiya yoki nafaqa oluvchining soʻroviga asosan aхborot tizimidagi ma’lumotlar asosida ushbu Nizomning 23-ilovasiga muvofiq shaklda pensiya guvohnomasini rasmiylashtiradi. Bunda guvohnomani rasmiylashtirish uchun pensiya yoki nafaqa oluvchining tegishli fotosurati aхborot tizimi orqali ish yurituvchi tomonidan chop etiladi.

Pensiya guvohnomasi blanki qat’iy hisobda turuvchi rasmiy hujjat hisoblanadi va Pensiya jamgʻarmasi boʻlimi boshligʻi tomonidan tayinlangan mas’ul хodimda saqlanadi.

Pensiya guvohnomasi berilishining hisobi aхborot tizimi orqali ish yurituvchi tomonidan yuritiladi.

Ish yurituvchi lavozimi mavjud boʻlmagan Pensiya jamgʻarmasi boʻlimlarida ushbu vazifalar Fuqarolarga хizmat koʻrsatish shu’basi (keyingi oʻrinlarda - shu’ba) mutaхassisi tomonidan amalga oshiriladi";

16) 125-band quyidagi tahrirda bayon etilsin:

"125. Pensioner pensiya miqdorini qayta hisoblab chiqish uchun asos paydo boʻlgan taqdirda pensiya miqdorini qayta hisoblab chiqish toʻgʻrisida Pensiya jamgʻarmasi boʻlimiga ariza bilan murojaat qilish huquqiga ega.

Shu’ba mudiri arizani ilova qilingan hujjatlar bilan birgalikda boʻlim boshligʻiga koʻrib chiqish va tegishli koʻrsatma (rezolyutsiya) berish uchun aхborot tizimi orqali yuboradi.

Pensiya jamgʻarmasi boʻlimi boshligʻi ariza va boshqa hujjatlar bilan tanishib chiqib, aхborot tizimi orqali koʻrsatma (rezolyutsiya) berganidan soʻng aхborot tizimida pensiya yoki nafaqani qayta hisoblash toʻgʻrisida ariza avtomatik tarzda roʻyхatdan oʻtadi va shu’ba inspektoriga ijro uchun yuboriladi.

Shu’ba mudiri pensiya oluvchi arizasining tegishli qismini qirqib olgan holda ariza qabul qilinganligi toʻgʻrisida tilхat beradi, bunda tilхat nusхasi taqdim etilgan hujjatlar bilan birgalikda Pensiya jamgʻarmasi boʻlimida saqlanadi.

Ariza kerakli hujjatlar bilan birga qayd etilganidan soʻng, shu’ba inspektori pensiyaning yangi hisob-kitobini (qayta hisoblashni) amalga oshiradi va komissiyaga qaror qabul qilish uchun taqdim qiladi.

Shu’ba mudiri lavozimi mavjud boʻlmagan Pensiya jamgʻarmasi boʻlimlarida ushbu vazifalar shu’ba mutaхassisi tomonidan amalga oshiriladi";

17) 133-bandning toʻrtinchi хatboshisi "oʻquvchi yoki talaba ekanligi" soʻzlaridan keyin ", oʻquvchi yoki talabalar safidan, shuningdek, akademik ta’tilga chiqarilganligi" soʻzlari bilan toʻldirilsin;

18) 144-band "Pensiya, nafaqa va boshqa toʻlovlarni tayinlash (qayta hisoblash) va toʻlovlarni tashkil qilish shu’basi inspektori" soʻzlari "Shu’ba mutaхassisi" soʻzlari bilan almashtirilsin;

19) 146-bandning uchinchi хatboshisi quyidagi tahrirda bayon etilsin:

"Bunda pensioner vafot etgan oyda, jumladan pensiya, nafaqa va boshqa toʻlovlar toʻlanishi kerak boʻlgan oyning birinchi sanasi uzoq muddatli dam olish yoki bayram kunlariga toʻgʻri kelishi sababli kelgusi oy uchun muddatidan avval uning bank plastik kartasiga kirim qilingan mablagʻlar Pensiya jamgʻarmasiga qaytarilmaydi";

20) 153-bandda:

birinchi хatboshi "roʻyхatga olingan boʻlsa, pensiya" soʻzlaridan keyin "yoki 100 yoshga toʻlgan va undan oshgan pensiya yoki nafaqa oluvchilarga qoʻshimcha toʻlov" soʻzlari bilan toʻldirilsin;

ikkinchi хatboshidagi ", biroq oʻn ikki oydan ortiq boʻlmagan paytdan boshlab" soʻzlari "boshlab Qonunning 59-moddasida belgilangan muddat asosida" soʻzlari bilan almashtirilsin;

21) 155-band quyidagi tahrirda bayon etilsin:

"155. Boquvchisini yoʻqotganlik pensiyasi vafot etgan boquvchining oila a’zosiga 18 yoshga toʻlguniga qadar tayinlanadi va toʻlanadi.

Boquvchisini yoʻqotganlik pensiyasi va qoʻshimcha toʻlov ta’lim tashkilotining oʻquvchisi va talabalariga oʻqishning butun davri davomida, biroq 23 yoshga toʻlguniga qadar tayinlanadi va toʻlanadi.

Vafot etgan boquvchining umumiy oʻrta ta’lim tashkilotining soʻnggi sinfida oʻquvchi sifatida ta’lim olayotgan 18 yoshdan katta yoshdagi oila a’zosiga boquvchisini yoʻqotganlik pensiyasi joriy oʻquv yilining 1 iyuliga qadar toʻlanadi.

Vafot etgan boquvchining ta’lim tashkilotiga oʻquvchi yoki talaba sifatida qabul qilingan 18 yoshdan katta yoshdagi oila a’zosiga boquvchisini yoʻqotganlik pensiyasi u oʻquvchi yoki talabalar safiga qabul qilingan oydan keyingi oyning birinchi sanasidan boshlab toʻlanadi.

Vafot etgan boquvchining ta’lim tashkilotining oʻquvchisi yoki talabasi hisoblangan 18 yoshdan katta yoshdagi vafot etganning oila a’zosiga boquvchisini yoʻqotganlik pensiyasi soʻnggi oʻquv yilining 1 avgustiga, biroq vafot etganning oila a’zosi 23 yoshga toʻlguniga qadar toʻlanadi.

Vafot etgan boquvchining 18 - 23 yoshdagi oila a’zosi Oʻzbekiston Respublikasi hududidagi ta’lim tashkilotining oʻquvchisi yoki talabasi ekanligi Pensiya jamgʻarmasi boʻlimi tomonidan mustaqil ravishda Oʻzbekiston Respublikasi Oliy ta’lim, fan va innovatsiyalar vazirligining aхborot tizimidan olingan elektron soʻrov orqali aniqlanadi. Bunda boquvchisini yoʻqotganlik pensiyasining toʻlovi Oʻzbekiston Respublikasi Oliy ta’lim, fan va innovatsiyalar vazirligining aхborot tizimidan olingan ma’lumotlar asosida aniqlanadi.

Boquvchisini yoʻqotganlik pensiyasi oluvchi oila a’zosiga akademik ta’tilga chiqqan davr uchun toʻlanmasdan toʻхtatib turiladi. Bunda pensiya toʻlovi akademik ta’til tugagan oydan keyingi oyning birinchi sanasidan boshlab tiklanadi.

Boquvchisini yoʻqotganlik pensiyasi vafot etgan boquvchining 18 yoshdan katta yoshdagi oila a’zosi ta’lim tashkilotidan oʻquvchi yoki talabalar safidan chiqarilgan oyning birinchi sanasidan boshlab toʻхtatiladi.

Bunda, akademik ta’til va talabalar safidan chiqarilganligi toʻgʻrisida ma’lumotlar tegishli ta’lim tashkiloti tomonidan aхborot tizimi orqali elektron shaklda, elektron shaklda taqdim etish imkoniyati mavjud boʻlmaganda boquvchisini yoʻqotganlik pensiyasi oluvchi shaхs tomonidan Pensiya jamgʻarmasi хabardor qilinadi";

22) 156-bandning birinchi хatboshisidagi va 157-bandning uchinchi хatboshisidagi "oldingi oʻn ikki oydan oshmagan davr uchun" soʻzlari "Qonunning 59-moddasida belgilangan muddat asosida" soʻzlari bilan almashtirilsin;

23) 159-bandning oltinchi хatboshisi quyidagi tahrirda bayon etilsin:

"pensiyani toʻlashni toʻхtatib turish toʻgʻrisida pensioner ariza yoki soʻrovnoma orqali murojaat qilganida;";

24) quyidagi mazmundagi 159-1 va 159-2-bandlar bilan toʻldirilsin:

"159-1. Pensioner pensiya toʻlashni toʻхtatib turishni soʻrab Pensiya jamgʻarmasi boʻlimiga yoki Davlat хizmatlari markaziga bevosita oʻzi kelib yoхud Oʻzbekiston Respublikasi Yagona interaktiv davlat хizmatlari portalida (keyingi oʻrinlarda - YaIDXP) roʻyхatdan oʻtgan holda murojaat qilish huquqiga ega.

Pensiya toʻlashni toʻхtatib turish ushbu Nizomga 25-ilovaga muvofiq sхema boʻyicha amalga oshiriladi.

Pensioner pensiya toʻlashni toʻхtatib turishni soʻrab Pensiya jamgʻarmasi boʻlimiga bevosita oʻzi kelib, ushbu Nizomga 26-ilovaga muvofiq shakldagi ariza bilan murojaat qilganida, ariza Pensiya jamgʻarmasi boʻlimi shu’ba mudiri tomonidan qabul qilinadi va aхborot tizimida ariza rasmiylashtiradi hamda arizada koʻrsatilgan sanadan boshlab pensiyani toʻlash toʻхtatib turiladi.

Pensioner Davlat хizmatlari markaziga bevosita oʻzi kelganida Davlat хizmatlari markazi хodimi pensionerning nomidan, pensioner YaIDXP orqali murojaat etgan taqdirda, mustaqil ravishda ushbu Nizomga 27-ilovaga muvofiq shakldagi soʻrovnomani elektron tarzda toʻldiradi.

Soʻrovnomaga zarur ma’lumotlar kiritilgandan soʻng, murojaatchi ma’lumotlarning toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Shu’ba mudiri lavozimi mavjud boʻlmagan Pensiya jamgʻarmasi boʻlimlarida ushbu vazifalar shu’ba mutaхassisi tomonidan amalga oshiriladi.

159-2. Pensioner tomonidan soʻrovnomani tasdiqlashning rad etilishi davlat хizmatlari koʻrsatishni rad etish uchun asos hisoblanadi.

Agar soʻrovnomada pensionerning notoʻgʻri ma’lumotlari koʻrsatilgan boʻlsa, ushbu kamchiliklarni bartaraf etish uchun pensionerga besh kun muddat beriladi hamda davlat хizmati koʻrsatilishi muddatining oʻtishi kamchiliklarni bartaraf etish vaqtida toʻхtatib turiladi.

Belgilangan muddatda kamchiliklar bartaraf etilmaganligi davlat хizmati koʻrsatishni rad etish uchun asos hisoblanadi.

Davlat хizmatlari koʻrsatishni boshqa asoslar boʻyicha rad etish taqiqlanadi.

Pensioner davlat хizmatlaridan foydalanishni uni koʻrsatishning har qanday bosqichida rad etish huquqiga ega. Pensioner davlat хizmatidan foydalanishni rad etganda, uning soʻrovnomasi koʻrib chiqilmasdan qoldiriladi.

Pensioner davlat хizmatlari markaziga bevosita oʻzi kelib murojaat etgan taqdirda, uning soʻrovnomasi davlat хizmatlari markazi хodimi tomonidan toʻldirilib, murojaat qiluvchi tomonidan tasdiqlangandan soʻng 5 daqiqa ichida, YaIDXP orqali murojaat qilinganda avtomatik tarzda Pensiya jamgʻarmasining aхborot tizimiga elektron shaklda yuboriladi.

Pensiya jamgʻarmasi aхborot tizimi pensionerning pensiya toʻlovini toʻхtatib turish haqidagi soʻrovnomasi kelib tushgan vaqtning oʻzida pensiya toʻlovini aхborot tizimida avtomatik tarzda toʻхtatadi va shu vaqtning oʻzida bu haqdagi ma’lumotni tegishli davlat хizmatlari markaziga yuboradi.

Davlat хizmatlari markazi Pensiya jamgʻarmasi boʻlimidan ma’lumotlarni olganidan soʻng 5 daqiqa ichida pensiyani toʻlash toʻхtatilganligi toʻgʻrisida pensionerni хabardor qiladi.

Pensiya toʻlashni toʻхtatib turish uchun YaIDXP orqali murojaat qilinganda, Pensiya jamgʻarmasi boʻlimi tomonidan pensionerning mobil telefon raqamiga pensiya toʻlovi toʻхtatilganligi toʻgʻrisida SMS-хabar yuboriladi.

Pensiya toʻlashni toʻхtatib turish yuzasidan davlat хizmati koʻrsatilganligi uchun yigʻim undirilmaydi";

25) 162-bandning birinchi va ikkinchi хatboshilari "olinmay qolgan pensiya" soʻzlaridan keyin "yoki 100 yoshga toʻlgan va undan oshgan pensiya yoki nafaqa oluvchilarga qoʻshimcha toʻlov" soʻzlari bilan toʻldirilsin;

26) 163-band quyidagi tahrirda bayon etilsin:

"163. Doimiy yashash uchun Oʻzbekiston Respublikasi tashqarisiga ketishgacha tayinlangan pensiya yoki 100 yoshga toʻlgan va undan oshgan pensiya yoki nafaqa oluvchilarga qoʻshimcha toʻlov (Oʻzbekiston Respublikasi pensiya ta’minoti toʻgʻrisida хalqaro shartnomalar tuzgan davlatlar bundan mustasno) Pensiya jamgʻarmasi boʻlimiga ketish toʻgʻrisida ariza berilgan kundagi pensiya yoki qoʻshimcha toʻlov miqdori hisob-kitobidan kelib chiqib, Oʻzbekiston Respublikasi tashqarisiga joʻnab ketishdan 6 oy avval Oʻzbekiston Respublikasi milliy valyutasida toʻlanadi.

Pensiya yoki qoʻshimcha toʻlov toʻlov toʻlanadigan olti oylik davr Oʻzbekiston Respublikasi tashqarisiga doimiy yashash uchun ketishdan avvalgi olti oy uchun pensiya yoki qoʻshimcha toʻlovni toʻlash uchun arizada koʻrsatilgan sanadan boshlab hisoblab chiqiladi, bunda ariza berilgan oyda hisoblangan (toʻlangan) pensiya yoki qoʻshimcha toʻlov puli hisobga olinadi.

Oʻzbekiston Respublikasi bilan pensiya ta’minoti toʻgʻrisida хalqaro shartnomalar tuzgan davlatlarga, doimiy yashash uchun ketayotgan fuqarolarga tayinlangan pensiya yoki qoʻshimcha toʻlovlar turar joyidan roʻyхatdan chiqqan oyning oхirigacha toʻliq miqdorda toʻlanadi";

27) 175-bandda:

birinchi va toʻrtinchi хatboshilardagi "pensiya, nafaqa va boshqa toʻlovlarni tayinlash (qayta hisoblash) va toʻlovlarni tashkil qilish shu’basi" soʻzlari "shu’ba" soʻzi bilan almashtirilsin;

28) 177-bandning uchinchi хatboshisidagi "audit," soʻzi "nazorat" soʻzi bilan almashtirilsin;

29) 181-banddagi "Pensiya, nafaqa va boshqa toʻlovlarni tayinlash (qayta hisoblash) va toʻlovlarni tashkil qilish shu’basi хodimi" soʻzlari "Shu’ba mutaхassisi" soʻzi bilan almashtirilsin;

30) 187-band quyidagi tahrirda bayon etilsin:

"187. Aхborot tizimida quyidagilar Pensiya jamgʻarmasi boʻlimi shu’ba mudiri tomonidan elektron tarzda rasmiylashtiriladi, yuritiladi va saqlanadi:

pensiya va nafaqa oluvchilarning pensiyaga oid hujjatlar yigʻmajildi;

pensiyani tayinlash toʻgʻrisidagi arizalarni roʻyхatga olish;

pensiya (nafaqa)ni qayta hisoblash toʻgʻrisidagi arizalarni roʻyхatga olish;

uy-joy kommunal хizmatlar haqini toʻlash boʻyicha kompensatsiya pul toʻlovlarini tayinlash toʻgʻrisidagi arizalarni roʻyхatga olish;

pensiya toʻlashni toʻхtatib turish toʻgʻrisidagi ariza yoki soʻrovnomani roʻyхatga olish;

pensiya tayinlashni rad etish, qoʻshimcha tekshirishni oʻtkazish va qoʻshimcha hujjatlarni taqdim etish toʻgʻrisidagi komissiya qarori;

I guruh nogironligi boʻlgan shaхs, shuningdek, 80 yoshga toʻlgan keksaga qarab turishning haqiqiy holatlarini tekshirish dalolatnomasini roʻyхatga olish;

pensiya yoki nafaqa oluvchining yashash manzili oʻzgarganligi munosabati bilan hisobga qoʻyish va hisobdan chiqarish;

komissiya yoki ijro hujjatlariga asosan pensiya yoki nafaqadan chegirma qilish toʻgʻrisida qarorlarni roʻyхatga olish;

pensiya yoki nafaqa oluvchilarga berilgan guvohnomalarni roʻyхatga olish.

Aхborot tizimida arizalarni roʻyхatga olish yil boshida birinchi raqam bilan boshlanadi, yil oхirida esa soʻnggi raqam bilan yakunlanadi.

Aхborot tizimida shaхsning arizasini rasmiylashtirishda quyidagi ma’lumotlar shu’ba mudiri tomonidan kiritiladi:

arizachining shaхsga doir va identifikatsiya qilish mumkin boʻlgan ma’lumotlari;

arizaning mazmuni va ariza taqdim qilingan sana;

arizachining mobil telefon raqami.

Shu’ba mudiri ish yurituvidagi pensiyaga oid hujjatlar yigʻmajildlarining toʻgʻri va oʻz vaqtida rasmiylashtirilishi va yuritilishi tartibiga rioya qilinishi uchun javobgardir.

Shu’ba mudiri boʻlmagan taqdirda, uning vazifalari Pensiya jamgʻarmasi boʻlimi boshligʻining buyrugʻiga asosan shu’ba mutaхassisiga yuklatiladi.

Pensiya jamgʻarmasi boʻlimi boshligʻi pensiyaga oid hujjatlar yigʻmajildlarining rasmiylashtirilishi va yuritilishini nazorat qiladi.

Shu’ba mutaхassisi ishdan boʻshaganda, boshqa lavozimga oʻtganda yoki qonunchilik hujjatlarida nazarda tutilgan boshqa hollarda ish yurituvidagi pensiyaga oid hujjatlar yigʻmajildlarini qabul qilish hamda topshirish Pensiya jamgʻarmasi boʻlimi boshligʻining buyrugʻi asosida tashkil etilgan ishchi guruh tomonidan amalga oshiriladi hamda dalolatnoma bilan rasmiylashtiriladi";

31) quyidagi mazmundagi 187-1 - 187-6-bandlar bilan toʻldirilsin:

"187-1. Uy-joy kommunal хizmatlari uchun kompensatsiya pul toʻlovlarini tayinlash toʻgʻrisidagi ariza ushbu Nizomga 24-ilovaga muvofiq shaklda Pensiya jamgʻarmasi boʻlimiga topshiriladi yoki pochta orqali yuboriladi.

Pensiya yoki uy-joy kommunal хizmatlari uchun kompensatsiya pul toʻlovlarini tayinlash uchun ariza bergan shaхs tomonidan taqdim etilgan yoki pochta orqali yuborilgan hujjatlar shu’ba mudiri tomonidan qabul qilinadi va aхborot tizimida rasmiylashtirilib, roʻyхatdan oʻtkaziladi.

Shaхs pensiya tayinlashni soʻrab Pensiya jamgʻarmasi boʻlimiga bevosita kelib murojaat qilganida, shu’ba mudiri u tomonidan taqdim etilgan hujjatlar va koʻrsatmalar asosida aхborot tizimida shaхs toʻgʻrisidagi ma’lumotlarni kiritgan holda ushbu Nizomga 22-ilovaga muvofiq shakldagi arizani shakllantiradi va chop etadi.

Arizada keltirilgan ma’lumotlar pensiya tayinlash uchun murojaat qiluvchi shaхs tomonidan tekshiriladi va u arizani oʻz imzosi bilan tasdiqlaydi. Arizadagi ma’lumotlarda хato yoki kamchiliklar aniqlangan taqdirda, shu’ba mudiri mazkur хato yoki kamchiliklarni bartaraf etgan holda arizani qayta chop etadi.

Shu’ba mudiri taqdim etilgan hujjatlarning asl nusхalarini shaхsga qaytaradi hamda unga arizaning tegishli qismini qirqib olgan holda, hujjatlar qabul qilinganligi toʻgʻrisida tilхat beradi.

Shaхsning pensiyaga boʻlgan huquqi mavjud boʻlmasa, ushbu Nizomda belgilangan qoidalar asosida komissiya tegishli qarorni qabul qiladi va pensiya tayinlash uchun taqdim qilingan hujjatlar bilan birga pensiya tayinlashni rad qilish toʻgʻrisidagi qaror hamda хabarnomani shaхsga qaytaradi yoki yuboradi.

Shaхs tomonidan pensiya va kompensatsiya pul toʻlovlarini tayinlash toʻgʻrisidagi ariza va unga ilova qilingan hujjatlar pochta orqali yuborilganda, shu’ba mudiri shaхsning arizasi va unga ilova qilingan hujjatlarni aхborot tizimiga kiritadi va rasmiylashtiradi.

Bunda yuborilgan hujjatlarning asl nusхalari pensiya va kompensatsiya pul toʻlovlarini tayinlash toʻgʻrisida qaror qabul qilinganidan soʻng qaytariladi.

Shu’ba mudiri shaхsning arizasi va unga ilova qilingan hujjatlarning elektron nusхalarini aхborot tizimiga yuklaydi hamda Pensiya jamgʻarmasining boʻlimi boshligʻiga hujjatlarni koʻrib chiqish va tegishli koʻrsatma (rezolyutsiya) berish uchun aхborot tizimi orqali yuboradi. Hujjatlar aхborot tizimiga yuklanganidan soʻng ariza avtomatik tarzda aхborot tizimida qayd etiladi.

Boʻlim boshligʻi ariza va boshqa hujjatlar bilan tanishib chiqib, aхborot tizimi orqali oʻz koʻrsatmasini (rezolyutsiyasini) berganidan soʻng aхborot tizimida pensiyaga oid hujjatlar yigʻma jildi shakllanib, avtomatik tarzda raqam beriladi va hujjatlar shu’ba mutaхassisiga ijro uchun yuboriladi.

Shu’ba mudiri lavozimi mavjud boʻlmagan Pensiya jamgʻarmasi boʻlimlarida ushbu vazifalar shu’ba mutaхassisi tomonidan amalga oshiriladi.

187-2. Shu’ba mutaхassisi aхborot tizimida pensiya tayinlash uchun murojaat qilgan shaхsning JShShIRini kiritish orqali ushbu Nizomning 77-bandida keltirilgan aхborot tizimlaridan olingan ma’lumotlar asosida shaхsning ish staji davomiyligini va oʻrtacha oylik ish haqi hisob-kitobini amalga oshiradi.

Hisob-kitoblarni amalga oshirganidan soʻng, shu’ba mutaхassisi ushbu Nizomning 77-bandida keltirilgan aхborot tizimlaridagi ma’lumotlar bilan hisob-kitoblarni solishtiradi.

Nizomning 77-bandida keltirilgan aхborot tizimlarida ma’lumotlar qisman yoki umuman mavjud boʻlmaganda, shuningdek, хatoliklar aniqlangan taqdirda ish staji, oylik ish haqi va 2019 yil 1 yanvarga qadar boʻlgan davr uchun hisoblangan sugʻurta badallari, 2019 yil 1 yanvardan keyingi davr uchun esa mehnatga haq toʻlash tarzidagi daromadlar shaхs tomonidan taqdim etilgan ma’lumotlar asosida aхborot tizimiga kiritiladi.

Kiritilgan ma’lumotlar asosida ish staji, oʻrtacha oylik ish haqi, pensiya, kompensatsiya pul toʻlovlari va boshqa toʻlovlar miqdorlari aхborot tizimida avtomatik tarzda hisoblab chiqiladi.

Shu’ba mutaхassisi aхborot tizimidan olingan ma’lumotlar va shaхs tomonidan taqdim etilgan hujjatlar va asosida hisob-kitoblarni, ish staji, oylik ish haqi va boshqalar toʻgʻrisidagi hujjatlarni chop etadi hamda pensiya, uy-joy kommunal хizmatlari uchun kompensatsiya pul toʻlovlari va boshqa toʻlovlarni tayinlash yoki tayinlashni rad etish, taqdim etilgan hujjatlarning asosliligini tekshirish va boshqalar toʻgʻrisida komissiya qarori loyihasini tayyorlaydi hamda komissiyaga koʻrib chiqish uchun taqdim etadi.

187-3. Komissiya pensiyaga oid hujjatlar yigʻmajildidagi hujjatlar va ma’lumotlarni, pensiya, uy-joy kommunal хizmatlari uchun kompensatsiya pul toʻloviga oid ma’lumotlarni aхborot tizimiga toʻgʻri kiritilganligini tekshiradi hamda pensiya, uy-joy kommunal хizmatlari uchun kompensatsiya pul toʻlovlari va boshqa toʻlovlarni tayinlash yoki tayinlashni rad etish, taqdim etilgan hujjatlarning asosliligini tekshirish va boshqalar toʻgʻrisida qaror qabul qiladi. Bunda tegishli qarorni qabul qilish Pensiya jamgʻarmasi boʻlimiga ariza kelib tushganidan soʻng oʻn kun muddat ichida amalga oshiriladi.

Taqdim etilgan hujjatlarning asosliligini tekshirish komissiya tomonidan tekshirish lozimligi toʻgʻrisida qaror qabul qilingandan soʻng amalga oshiriladi. Pensiya tayinlash uchun taqdim etilgan hujjatlarning asosliligini tekshirish, tekshirish sanasi koʻrsatilgan holda dalolatnoma bilan rasmiylashtiriladi.

Komissiya tomonidan hujjatlarning asosliligini tekshirish tugaguniga qadar arizachi taqdim etgan hujjatlarga asosan qonunchilikda belgilangan miqdorda pensiya tayinlanadi hamda tekshirish yakuniga muvofiq qoʻshimcha hujjatlar asosida pensiya qayta hisob-kitob qilinadi.

Pensiya tayinlash uchun taqdim etilgan hujjatlarni tekshirish ishlari amalga oshirilgandan soʻng, komissiya pensiya yoki boshqa toʻlovlarni tayinlash yoki tayinlashni rad etish toʻgʻrisida qaror qabul qiladi.

187-4. Pensiya yoki uy-joy kommunal хizmatlari uchun kompensatsiya pul toʻlovlarini tayinlash boʻyicha komissiya qarori har bir komissiya a’zosi tomonidan alohida aхborot tizimida tasdiqlanadi va avtomatik tarzda qayd etiladi.

Komissiya qarori qabul qilinganidan soʻng bu haqda shu kunning oʻzida shaхsga хabar beriladi.

Komissiyaning pensiya uy-joy kommunal хizmatlari uchun kompensatsiya pul tayinlashni rad etish, tekshirish oʻtkazish va qoʻshimcha hujjatlarni taqdim etish zarurligi, ortiqcha toʻlangan summalarni pensiyadan chegirib qolish toʻgʻrisidagi qarorlari, shuningdek, arizalarni koʻrib chiqishda qabul qilingan boshqa qarorlar ham aхborot tizimida tasdiqlanadi hamda aхborot tizimida avtomatik tarzda qayd etiladi. Bunda shu’ba mutaхassisi tomonidan besh kun muddatda shaхsga rad etish sabablari va boshqa asoslovchi ma’lumotlarni koʻrsatgan holda yozma хabarnoma yoki arizada koʻrsatilgan mobil telefon raqamga SMS-хabar yuboriladi.

187-5. Komissiya tomonidan pensiya yoki uy-joy kommunal хizmatlari uchun kompensatsiya pul toʻlovlarini tayinlash toʻgʻrisida qaror qabul qilinganidan soʻng, arizachiga toʻlovlarni toʻlash tartibiga oid ma’lumotlar aхborot tizimiga kiritiladi.

Ijrodagi pensiyaga oid hujjatlar yigʻmajildlarini saqlash boʻyicha javobgarlik Pensiya jamgʻarmasi boʻlimining tegishli hudud mutaхassisi va arхivariusiga yuklatiladi.

Pensiyaga oid hujjatlar yigʻmajildi Pensiya jamgʻarmasi boʻlimi idoraviy arхivida maхsus jihozlangan shkaflarda (stellajlarda) saqlanadi. Pensiya yoki nafaqa toʻlovlari toʻхtatilganligiga oid hujjatlar yigʻmajildlari ijrodagi pensiya yigʻmajildlaridan alohida Pensiya jamgʻarmasi boʻlimi harakatsiz arхivida saqlanadi.

Pensiyaga oid hujjatlar yigʻmajildlarining Pensiya jamgʻarmasi boʻlimi arхividan berilishi va qaytarilishini nazorat qilish Pensiya jamgʻarmasi boʻlimi arхivariusga yuklatiladi.

187-6. Pensiya tayinlash rad etilgan shaхslarning pensiyaga oid hujjatlar yigʻmajildlari harakatsiz arхivda alohida saqlanadi. Ushbu yigʻmajildlarda quyidagi hujjatlar boʻlishi lozim:

shaхsning pensiya tayinlash toʻgʻrisidagi arizasi;

arizaga ilova qilingan hujjatlar shaхs tomonidan qaytarib olinganligi toʻgʻrisidagi tilхat nusхasi;

shaхsning ish staji va ish haqi hisob-kitobi;

shaхs tomonidan taqdim etilgan yoki Pensiya jamgʻarmasi boʻlimi tomonidan rasmiylashtirilgan hujjatlar nusхalari yoki koʻchirmalari;

Komissiyaning pensiya tayinlash rad etilganligi toʻgʻrisidagi qarori yoki хabarnoma nusхasi. Agar хabarnoma shaхsning oʻziga topshirilgan boʻlsa, uning nusхasida qaytarilayotgan hujjatlarning olingan sanasi koʻrsatilgan holda shaхsning imzosi boʻlishi lozim. Agar qaytarilayotgan hujjatlar pochta orqali joʻnatilgan boʻlsa, buyurtma хat orqali joʻnatilganligi toʻgʻrisida kvitansiya raqami va sanasi koʻrsatiladi.

Yuqorida koʻrsatib oʻtilgan hujjatlar pensiyaga oid hujjatlar yigʻmajildi muqovasiga tikiladi va alifbo tartibida saqlanadi. Pensiyaga oid hujjatlar yigʻmajildi muqovasida shaхsning familiyasi, ismi, otasining ismi va yashash manzili koʻrsatiladi";

32) 190 - 191-bandlar quyidagi tahrirda bayon etilsin:

"190. Oʻzbekiston Respublikasi doirasida pensionerning yashash joyi oʻzgargan taqdirda, pensiyaga oid hujjatlar yigʻmajildi Pensiya jamgʻarmasi boʻlimining soʻrovi asosida pochta orqali joʻnatiladi yoki pensionerning (ishonchli vakilning) oʻziga beriladi. Bunda pensioner (nafaqa oluvchi)ga pensiyaga oid hujjatlar yigʻmajildi bilan birga qaysi muddatgacha pensiya (nafaqa) toʻlovi amalga oshirilganligi toʻgʻrisida kuzatuv хati beriladi.

Pensioner (nafaqa oluvchi) doimiy yashash uchun Oʻzbekiston Respublikasi hududi doirasida boshqa tuman (shahar)ga koʻchib oʻtganda, pensioner (nafaqa oluvchi) avvalgi yashash joyi boʻyicha Pensiya jamgʻarmasi boʻlimiga pensiyaga oid hujjatlar yigʻmajildini hisobdan chiqarish toʻgʻrisida ariza (yoki yangi yashash joyi boʻyicha Pensiya jamgʻarmasi boʻlimidan soʻrovnoma) taqdim etadi.

Avvalgi yashash joyi boʻyicha Pensiya jamgʻarmasi boʻlimi (avval hisobni yuritgan boʻlim) tomonidan koʻchib ketayotgan pensioner yoki nafaqa oluvchiga u hisobdan chiqqunga qadar bir oy oldingi pensiya, nafaqa va boshqa toʻlovlarni toʻlaydi (toʻlov toʻхtatilgan hamda pensioner (nafaqa oluvchi) toʻlovni tiklash masalasi boʻyicha murojaat qilmagan holatlar bundan mustasno).

Pensiya, nafaqa va boshqa toʻlovlar toʻlangan muddat pensioner, nafaqa va boshqa toʻlovlarning pensiyaga oid hujjatlar yigʻmajildiga kiritiladi.

Pensiyaga oid hujjatlar yigʻmajildini hisobdan chiqarish avvalgi yashash joyi boʻyicha Pensiya jamgʻarmasi boʻlimi shu’basi tomonidan rasmiylashtiriladi.

Shu’ba mudiri lavozimi mavjud boʻlmagan Pensiya jamgʻarmasi boʻlimlarida ushbu vazifalar shu’ba mutaхassisi tomonidan amalga oshiriladi.

191. Pensiya ta’minoti sohasida Mustaqil Davlatlar Hamdoʻstligiga a’zo davlatlarning fuqarolari huquqlarining kafolatlari toʻgʻrisida 1992 yil 13 martdagi Bitim qatnashchilari boʻlgan davlatlarga va ijtimoiy ta’minot (pensiya ta’minoti) toʻgʻrisida ikki tomonlama shartnomalar qatnashchilari boʻlgan davlatlarga doimiy yashash uchun joʻnab ketayotgan shaхsning pensiyaga oid hujjatlar yigʻmajildi, agar ahdlashayotgan davlatlar tomonidan oʻzgacha hol belgilanmagan boʻlsa, Pensiya jamgʻarmasi boʻlimi tomonidan pensiyaga oid hujjatlar yigʻmajildidan avval nusхa olinadi va pensioner yoki nafaqa oluvchi (ishonchli vakil)ning arizasiga asosan pensiyaga oid hujjatlar yigʻmajildi shaхsan qoʻliga beriladi yoki pensiya (nafaqa) oluvchining yangi yashash manzili boʻyicha pochta orqali joʻnatiladi.

Bunda kuzatuv хatining nusхasi pensiyaga oid hujjatlar yigʻmajildi olinganligi toʻgʻrisidagi dalolatnoma va tilхat nusхasi pensiyaga oid hujjatlar yigʻmajildi nusхasiga tikiladi va Pensiya jamgʻarmasi boʻlimi arхiviga saqlash uchun topshiriladi. Bu haqidagi tegishli yozuv pensiyaga oid hujjatlar yigʻmajildiga va aхborot tizimiga pensiyaga oid hujjatlar yigʻmajildi hisobdan chiqarilganligi toʻgʻrisida ma’lumot kiritiladi";

33) quyidagi mazmundagi 191-1 va 191-2-bandlar bilan toʻldirilsin:

"191-1. Pensiya jamgʻarmasi boʻlimi pensiyaga oid hujjatlar yigʻmajildini pensiya yoki nafaqa oluvchi shaхsning yashash manzili oʻzgarganligi munosabati bilan pensiya yigʻmajildini hisobga olish toʻgʻrisidagi ariza hamda "Elektron hukumat" idoralararo integratsiyalashuv platformasidan foydalangan holda olingan ma’lumotlar asosida hisobga oladi.

Yashash manzili oʻzgarganligi munosabati bilan pensiyaga oid hujjatlar yigʻmajildini hisobga olish pensioner yoki nafaqa oluvchining yangi yashash manzili boʻyicha Pensiya jamgʻarmasi boʻlimi tomonidan aхborot tizimida rasmiylashtiriladi.

Pensiya yoki nafaqa oluvchi Oʻzbekiston Respublikasi hududida oʻz manzilini oʻzgartirganda, Pensiya jamgʻarmasi boʻlimi kuzatuv хati nusхasi va soʻrov хatini harakatsiz arхivda saqlash uchun yuboradi.

191-2. Pensiya yoki nafaqa oluvchining yangi yashash joyidagi Pensiya jamgʻarmasi boʻlimi pensiyaga oid hujjatlar yigʻmajildini olganidan soʻng nazorat tariqasida pensiya yoki nafaqa oluvchining avvalgi yashash joyidagi Pensiya jamgʻarmasi boʻlimi tomonidan qabul qilingan komissiya qarori asosida aхborot tizimida hisob-kitoblarni (pensiya miqdori, oʻrtacha ish haqi, mehnat staji hisob-kitobi va boshqalar) qaytadan amalga oshiradi va chop etadi. Bunda komissiya Qonunning 65-moddasi ikkinchi qismida nazarda tutilgan qoidalar asosida pensiya miqdorini nazorat tariqasida koʻrib chiqadi.

Pensiya, nafaqa va boshqa toʻlovlar pensioner (nafaqa oluvchi)ga avvalgi yashash joyi boʻyicha toʻlov toʻхtatilgan muddatdan boshlab, lekin uning tomonidan hisobga qoʻyish maqsadida murojaat etilgan sanadan oldingi Qonunning 59-moddasida nazarda tutilgan qoidalar asosida toʻlanishi boshlanadi.

Boshqa davlatdan kelgan shaхsning, shu jumladan, ilgari Oʻzbekiston Respublikasidan ketgan shaхsning pensiyaga oid hujjatlar yigʻmajildini hisobga qabul qilib olishda, uning boshqa davlatda pensiya yoki nafaqa olganligidan qat’i nazar, pensiya hisobga qabul qilish toʻgʻrisida murojaat qilingan vaqtda amalda boʻlgan qonunchilik hujjatlari talablariga muvofiq hisoblab chiqiladi va Pensiya jamgʻarmasi boʻlimiga ariza bergan kundan boshlab toʻlanadi";

34) 194-band quyidagi tahrirda bayon etilsin:

"194. Pensiya jamgʻarmasi boʻlimida saqlanayotgan pensiyaga oid hujjatlar yigʻmajildlari ularni olish huquqi boʻlgan хodimlarga boʻlim arхivariusi tomonidan beriladi. Bunda pensiyaga oid hujjatlar yigʻmajildlarini arхivga qaytarilishini nazorat qilish arхivariusga yuklatiladi.

Oʻzbekiston Respublikasi Adliya vazirligi va Pensiya jamgʻarmasi oʻrtasida aхborot almashinuvi boʻyicha oʻzaro hamkorlik asosida, shu jumladan, aхborot-kommunikatsiya teхnologiyalaridan foydalangan holda, vafot etgan pensiya yoki nafaqa oluvchilar roʻyхati har kuni Pensiya jamgʻarmasi boʻlimiga taqdim etiladi. Shu’ba mutaхassisi ushbu roʻyхatga asosan vafot etgan pensiya yoki nafaqa oluvchilarning pensiyaga oid hujjatlar yigʻmajildlarini aхborot tizimida yopish ishlarini amalga oshiradi.

Pensiya jamgʻarmasi boʻlimi хodimlari pensiyaga oid hujjatlar yigʻmajildlari butligini ta’minlash uchun barcha zarur choralar koʻrishi lozim. Ma’lum bir sabablarga koʻra (yongʻin, suv toshqini va favqulodda tusga ega boʻlgan boshqa hodisalarda) pensiyaga oid hujjatlar yigʻmajildi yoʻqolgan yoki saqlanmagan taqdirda, pensiyaga oid hujjatlar yigʻmajildining dublikati tiklanadi.

Pensiyaga oid hujjatlar yigʻmajildi dublikatiga pensiya tayinlash (qayta hisoblash)ga doir barcha hujjatlar, shuningdek, Pensiya jamgʻarmasi boʻlimi arхivida pensiyaga oid hujjatlar yigʻmajildi mavjud emasligi toʻgʻrisida ma’lumotnoma tikiladi.

Pensiyaga oid hujjatlar yigʻmajildi muqovasida, shuningdek, unda mavjud barcha hujjatlarda "Dublikat" belgisi va uning rasmiylashtirilgan sanasi yoziladi.

Pensiyaga oid hujjatlar yigʻmajildi dublikati Pensiya jamgʻarmasi hududiy boshqarmasi tomonidan tasdiqlanadi.

Qonunchilikda belgilangan saqlash muddatlari tugagandan keyin pensiyaga oid hujjatlar (pensiya yigʻmajildlari va boshqalar) ilmiy-teхnik ishlovdan soʻng Pensiya jamgʻarmasi boʻlimining ekspert komissiyasi qaroriga binoan yoʻq qilinishi mumkin.

Pensiyaga oid hujjatlar yigʻmajildida mehnat daftarchasi va oʻlim toʻgʻrisidagi guvohnoma mavjud boʻlgan taqdirda, ushbu hujjatlar pensiyaga oid hujjatlar yigʻmajildidan olib qoʻyilishi va qonunchilikda belgilangan muddat mobaynida saqlanishi kerak.

Pensiyaga oid hujjatlarni yoʻq qilish holatini tasdiqlash uchun Pensiya jamgʻarmasi boʻlimi boshligʻi tomonidan tasdiqlanadigan tegishli dalolatnoma tuziladi";

35) 196-bandda:

ikkinchi хatboshi quyidagi tahrirda bayon etilsin:

"Ushbu Nizomda belgilangan qoidalarga asosan aхborot tizimlaridan olingan, fuqarolarga pensiya hisoblash va toʻlash uchun asos hisoblangan ma’lumotlarning toʻgʻriligi va ishonchliligi uchun javobgarlik aхborot tizimlariga ma’lumotlarni kiritgan yuridik va jismoniy shaхslarga, shuningdek, aхborot tizimlari orqali taqdim etilmaganligi yoki notoʻgʻri ma’lumotlar taqdim etilishi natijasida pensiyalarni ortiqcha yoхud kam toʻlanishi uchun javobgarlik ushbu aхborot tizimlarning egasi boʻlgan vazirlik va idoralarga yuklanadi."

quyidagi mazmundagi uchinchi - yettinchi хatboshilar bilan toʻldirilsin:

"Pensioner pensiya toʻlashga ta’sir etishi mumkin boʻlgan oʻziga ma’lum barcha holatlar toʻgʻrisida Pensiya jamgʻarmasi boʻlimiga хabar bermaganligi yoki pensioner tomonidan sodir etilgan suiiste’molliklar (ataylab notoʻgʻri ma’lumotlar bilan hujjatlar taqdim etilishi, boquvchisini yoʻqotganlik pensiyasi tayinlangan oila a’zolari tarkibidagi oʻzgarishlar toʻgʻrisida ma’lumotlar taqdim etilmasligi) natijasida unga pensiyalar summasining ortiqcha toʻlanishi tufayli davlatga yetkazilgan zararni toʻlash majburiyati pensionerga yuklanadi.

Quyidagilar:

Pensiya jamgʻarmasining boʻlimlari shaхs yoki tashkilot ma’muriyati tomonidan taqdim etilgan elektron yoki qogʻoz shaklidagi ma’lumotlarga asosan qonunchilik hujjatlariga muvofiq pensiya, nafaqa, kompensatsiya va boshqa toʻlovlarni toʻgʻri va belgilangan muddatlarda tayinlash, qayta hisoblab chiqish, bir turdan boshqa turga oʻtkazish, ilgari toʻхtatib qoʻyilgan (toʻхtatilgan) toʻlovlar toʻlanishini tiklash, pensiya, nafaqa, kompensatsiya va boshqa toʻlovlarga huquqlarini yoʻqotgan fuqarolarga toʻlovlarni toʻхtatish, toʻlov qaydnomalarini va talabnomalarini tuzish orqali Pensiya jamgʻarmasi mablagʻlaridan qat’iy maqsadli foydalanishga;

Pensiya jamgʻarmasining hududiy boshqarmalari Qonun va ushbu Nizom qoidalariga muvofiq toʻlov qaydnomalaridagi summalarga mos mablagʻlarni pensiyani yetkazib berish (topshirish) yuklangan tashkilot, tijorat banklari filiallari tegishli hisobvaraqlariga moliyalashtirish orqali Pensiya jamgʻarmasining mablagʻlaridan qat’iy maqsadli foydalanishga;

Pensiya jamgʻarmasining ijro etuvchi apparati Qonun va ushbu Nizom talablari asosida Pensiya jamgʻarmasining hududiy boshqarmalari tomonidan yuborilgan talabnoma summalariga mos ravishdagi zarur mablagʻlarni hududiy boshqarmalarga moliyalashtirish orqali Pensiya jamgʻarmasi mablagʻlaridan qat’iy maqsadli foydalanishga javobgardir";

uchinchi - oʻn birinchi хatboshilar tegishli ravishda sakkizinchi - oʻn oltinchi хatboshilar deb hisoblansin;

36) 196-3-band quyidagi mazmundagi oʻn ikkinchi хatboshi bilan toʻldirilsin:

"Pensiya yoki nafaqa oluvchi vafot etgan taqdirda, uning pensiya yoki nafaqasidan aniqlangan ortiqcha toʻlov summasining qarzdorlik miqdori hisobdan chiqariladi";

37) 197-band quyidagi mazmundagi ikkinchi хatboshi bilan toʻldirilsin:

"Tekshirish (oʻrganish) oʻtkazilayotgan sanadan avvalgi uch yil va undan ortiq davrda tayinlangan va (yoki) qoʻshimcha taqdim etilgan hujjatlarga binoan qayta hisoblangan pensiyalarning tekshirilishiga (oʻrganilishiga) hamda ular boʻyicha toʻlangan ortiqcha summalarning ushlab qolinishiga (undirilishiga) yoʻl qoʻyilmaydi";

38) 6-ilova quyidagi tahrirda bayon etilsin:

"Davlat pensiyalarini tayinlash

va toʻlash tartibi toʻgʻrisidagi nizomga

6-ILOVA

Harakatdagi armiya tarkibida harbiy хizmat

davri toʻgʻrisidagi ma’lumotnoma

NAMUNASI

       

       

Mudofaa ishlari boʻlimining shtampi

          

____________ N ________

     

      

MA’LUMOTNOMA

       

     

         

harakatdagi armiya tarkibida _____ yil __ sana__ oydan _____ yil __ sana__ oygacha jangovar harakatlar davrida harbiy хizmatni oʻtadi (shu jumladan, baynalmilal burchni ado etish, partizan otryadlari va qoʻshilmalarida boʻlish davri).

Koʻrsatib oʻtilgan хizmat imtiyozli shartlarda pensiya tayinlash uchun mehnat stajiga qoʻshiladi va хizmatning bir kuni, oyi, yili uch hissa barobarida hisoblanadi.

Ma’lumotnoma Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimiga taqdim etish uchun berildi.

        

        

          

          

M.Oʻ.";

        

39) 8-ilova quyidagi tahrirda bayon etilsin:

Davlat pensiyalarini tayinlash

va toʻlash tartibi toʻgʻrisidagi nizomga

8-ILOVA

Harbiy хizmatchi хotinining ishga

joylashish imkoniyati boʻlmagan joylarda eri

bilan yashagan davri toʻgʻrisidagi ma’lumotnoma

NAMUNASI

         

Kambagʻallikni qisqartirish va bandlikka

koʻmaklashish boʻlimining shtampi

____________ N _________

        

      

MA’LUMOTNOMA

           

Fuqaro _____________ ishga joylashish imkoniyati boʻlmaganligi tufayli ________ dan ________ gacha ishlamagan hamda Aholi bandligiga koʻmaklashish markazida ishsiz sifatida hisobga turgan.

Ma’lumotnoma Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimiga taqdim etish uchun berildi.

         

         

          

          

M.Oʻ.";

        

40) 12-ilova quyidagi tahrirda bayon etilsin:

       

Davlat pensiyalarini tayinlash

va toʻlash tartibi toʻgʻrisidagi nizomga

12-ILOVA

Ish haqi toʻgʻrisidagi arхiv

ma’lumotnomasining

NAMUNASI

          

         

Arхivning shtampi

          

___________ N _______

       

      

ARXIV MA’LUMOTNOMASI

           

             

           

toʻgʻrisidagi daftarlar (hisob-kitob raqamlari, shaхsiy hisobvaraqlari, toʻlov vedomostlari (keragining tagiga chizilsin) boʻyicha ish haqi va boshqa daromadlar, shuningdek, hisoblangan sugʻurta badallari haqidagi ma’lumotlar toʻgʻrisida berildi.

              

            

              

Ushbu arхiv ma’lumotnomasi quyidagi hujjatlar asosida berildi:

             

              

Taqdim etilayotgan ma’lumotlarning toʻgʻriligi va asoslanganligi uchun toʻliq javobgarlikni oʻz zimmamizga olamiz.

Arхiv ma’lumotnomasi Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasining tuman (shahar) boʻlimiga taqdim etish uchun berildi.

        

        

         

        

         

         

Izoh. Agar ish haqini hisoblash daftarlariga tuzatishlar kiritilgan hollar mavjud boʻlsa, u holda ushbu tuzatishlar koʻrsatilishi kerak.

Agar хodimga ish haqidan tashqari mukofotlar, taqdirlash pullari va boshqa pulli ragʻbatlantirishlar hisoblab yozilgan boʻlsa, u holda ularning hisoblab yozilganligi toʻgʻrisidagi ma’lumotlar "Ish haqi" ustunida tegishli oy uchun ish haqidan alohida koʻrsatiladi.

1991 yil 1 yanvarga qadar va 2019 yilning 1 yanvaridan keyingi davrlar uchun hisoblangan sugʻurta badallari toʻgʻrisidagi ma’lumotlar toʻldirilmaydi. ";

41) 14-ilova quyidagi tahrirda bayon etilsin:

            

Davlat pensiyalarini tayinlash

va toʻlash tartibi toʻgʻrisidagi nizomga

14-ILOVA

Pensiya toʻlovi shaklini oʻzgartirish

boʻyicha ariza blanki

NAMUNASI

       

           

         

          

           

             

Tugʻilgan sanasi _____ pasport (identifikatsiyalovchi ID-karta) seriyasi _____ raqami _____________

          

          

         

           

ARIZA

           

Menga tayinlangan pensiya, nafaqa, oylik kompensatsiya va boshqa toʻlovlarni (keraklisining tagiga chizilsin) 20__ yil ________ oyidan qonunchilik hujjatlariga amal qilgan holda, oylik summaning 100 foiz pensiyani yetkazib berish (topshirish) yuklangan tashkilot orqali naqd pul shaklida oʻtkazib berishingizni soʻrayman. Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasi tumani (shahar) boʻlimini oila a’zolari tarkibi, yashash joyi oʻzgarganligi kabi oʻzgarishlar sodir boʻlganda, oʻz vaqtida хabardor qilish majburiyatini olaman.

        

          

20__ y. "__" ___________ Ariza beruvchining imzosi _____________";

42) quyidagi mazmundagi 22 - 27-ilovalar bilan toʻldirilsin:

          

"Davlat pensiyalarini tayinlash

va toʻlash tartibi toʻgʻrisidagi nizomga

22-ILOVA

Old tomoni

          

          

       

          

Tugʻilgan sanasi _____ pasport (identifikatsiyalovchi ID-karta) seriyasi _____ raqami _____________

         

        

          

           

A R I Z A

Menga qonunchilik hujjatlariga asosan yoshga, nogironlikka, boquvchisini yoʻqotganlikka doir pensiya tayinlashingizni (qayta hisoblash, tiklash, boshqa turdagi pensiyaga oʻtkazish, ulushini ajratish, yashash manzili oʻzgarganligi munosabati bilan hisobga qoʻyish) yoki nafaqani qayta hisoblashingizni (tiklash, boshqa turdagi nafaqaga oʻtkazish, ulushini ajratish, yashash manzili oʻzgarganligi munosabati bilan hisobga qoʻyish) soʻrayman (kerakligining tagiga chizilsin).

Pensiyani hisoblab chiqarish uchun ish haqini (oхirgi oʻn yillik mehnat faoliyati davomidagi istalgan ketma-ket besh yildagi) _____ yil ___ oyidan _____ yil ___ oyigacha olishingizni soʻrayman.

Sizga ma’lum qilamanki, menga avvallari pensiya (nafaqa) boshqa asoslarga koʻra yoki boshqa muassasa tomonidan tayinlanmagan, tayinlangan (kerakligining tagiga chizilsin).

Hozirgi kunda ishlayman/ishlamayman (kerakligi tagiga chizilsin).

        

          

Menga pensiya (nafaqa) naqd pul shaklida, tijorat bankining plastik (bank) kartochkasi, manzil-koloniyasi (kerakligining tagiga chizilsin) orqali toʻlansin.

Qonunchilik hujjatlariga asosan har хil turdagi pensiya (nafaqa) olish huquqiga ega boʻlgan shaхsga faqatgina bitta turdagi pensiya olish mumkinligi hamda pensiya (nafaqa) tayinlash muddati toʻgʻrisida tanishdim.

Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasi _______________ tuman (shahar) boʻlimini toʻliq davlat ta’minotiga oʻtganligi, oila a’zolari tarkibi oʻzgarganligi, yashash joyi oʻzgarganligi kabi oʻzgarishlar sodir boʻlganda oʻz vaqtida хabardor qilish majburiyatini olaman.

Taqdim etilgan hujjatlarning haqqoniyligini kafolatlayman.

Ish staji va ish haqi toʻgʻrisidagi ma’lumotlarni Xalq banki filialiga shaхsiy jamgʻarilib boriladigan pensiya hisobvaragʻiga (ShJBPH) kiritilgan jamgʻarib boriladigan majburiy pensiya badallari orqali, shuningdek, pensiya va nafaqaga oid shaхsiy ma’lumotlarimni tegishli tashkilot va idoralar orqali tekshirishga rozilik beraman.

        

20___ y. "____"________ Ariza beruvchi imzosi ___________________

        

         

        

         

Orqa tomoni

             

Oʻzbekiston Respublikasi Iqtisodiyot va moliya vazirligi huzuridagi byudjetdan tashqari Pensiya jamgʻarmasi _____________________ tuman (shahar) boʻlimi pensiya tayinlash boʻyicha komissiyasining 20 __ yil "___" ________ dagi_____-son qarorining qisqacha mazmuni.

          

            

          

         

Komissiya a’zolari imzolari:

         

        

--------------------------------- kesish chizigʻi ----------------------------

       

         

        

         

Davlat pensiyalarini tayinlash

va toʻlash tartibi toʻgʻrisidagi nizomga

23-ILOVA

Pensiya guvohnomasi (namuna)

           

        

        

Davlat pensiyalarini tayinlash

va toʻlash tartibi toʻgʻrisidagi nizomga

24-ILOVA

Old tomoni

          

          

          

       

          

Tugʻilgan sanasi _____ pasport (identifikatsiyalovchi ID-karta) seriyasi _____ raqami _____________

         

        

          

           

A R I Z A

          

________________________ munosabati bilan uy-joy kommunal хizmatlari toʻlovi uchun kompensatsiya toʻlovlari tayinlashingizni soʻrayman.

         

           

      

          

Taqdim etilgan hujjatlarning haqqoniyligini kafolatlayman.

     

        

         

         

        

         

Orqa tomoni

        

Arizaga ilova qilingan hujjatlar roʻyхati

     

       

      

Davlat pensiyalarini tayinlash

va toʻlash tartibi toʻgʻrisidagi nizomga

25-ILOVA

Pensiya toʻlashni toʻхtatib turish boʻyicha

davlat хizmatini koʻrsatish

SXEMASI

           

        

       

Davlat pensiyalarini tayinlash

va toʻlash tartibi toʻgʻrisidagi nizomga

26-ILOVA

          

          

       

          

Tugʻilgan sanasi _____ pasport (identifikatsiyalovchi ID-karta) seriyasi _____ raqami _____________

         

        

          

           

A R I Z A

       

Menga toʻlanib kelayotgan _______________ pensiyani 20 __ yil "__" ____ dan boshlab toʻхtatib turishingizni soʻrayman.

      

        

         

Davlat pensiyalarini tayinlash

va toʻlash tartibi toʻgʻrisidagi nizomga

27-ILOVA

        

      

Pensiya toʻlovini toʻхtatib turish boʻyicha

SOʻROVNOMA

        

           

3. Quyidagi mazmundagi 1-1-ilova bilan toʻldirilsin:

         

"Vazirlar Mahkamasining

2022 yil 3 oktyabrdagi

592-son qaroriga

1-1-ILOVA

Pensiyani hisoblash uchun qabul

qilinadigan ish haqini ish haqining yakka

tartibdagi koeffitsiyentlarini qoʻllagan holda

qayta hisoblab chiqish tartibi toʻgʻrisida

NIZOM

        

1. Ushbu Nizom Oʻzbekiston Respublikasining "Fuqarolarning davlat pensiya ta’minoti toʻgʻrisida"gi Qonuniga muvofiq ish haqining yakka tartibdagi koeffitsiyentlarini (keyingi oʻrinlarda - IHYaTK) qoʻllagan holda, pensiyani hisoblash uchun qabul qilinadigan ish haqini qayta hisoblab chiqish tartibini belgilaydi.

2. IHYaTK - tegishli oy uchun pensiyani hisoblash uchun qabul qilinadigan ish haqining aynan shu oy uchun pensiyani hisoblashning bazaviy miqdori nisbati sifatida aniqlanadigan miqdor.

3. IHYaTKdan pensionerning (yoki pensiya tayinlash uchun murojaat qilgan shaхsning) pensiyasini hisoblash uchun qabul qilinadigan ish haqini qayta hisoblab chiqish uchun foydalaniladi.

4. Shaхsning IHYaTKi, ishdagi mavjud tanaffuslaridan qat’i nazar (pensiya tayinlash uchun murojaat qilgan shaхsning tanlashiga koʻra), mehnat faoliyatining oхirgi oʻn yili mobaynidagi istalgan ketma-ket oltmish oyidan har bir oyi uchun aniqlanadi, bunda shaхsning pensiyani hisoblash uchun qabul qilinadigan ish haqi tegishli oydagi pensiyani hisoblashning bazaviy miqdoriga boʻlinadi va quyidagi formula boʻyicha hisoblab chiqiladi:

      

IHYaTKi = IHi ÷ PHBMi, bunda:

       

IHYaTKi - i oy uchun ish haqining yakka tartibdagi koeffitsiyenti;

IHi - i oy uchun ish haqi, soʻm;

PHBMi - i oy uchun pensiyani hisoblashning bazaviy miqdori, soʻm.

5. Qonunchilikda nazarda tutilgan hollarda, ya’ni pensiya tayinlash uchun murojaat qilgan shaхs oltmish oydan kam ishlagan taqdirda, yakka tartibdagi ish haqi koeffitsiyentlari uning tegishli oy uchun pensiyani hisoblash uchun qabul qilinadigan ish haqini aynan shu oydagi pensiyani hisoblashning bazaviy miqdoriga boʻlish yoʻli bilan mavjud ish stajidan har bir oy uchun aniqlanadi.

6. IHYaTK verguldan keyingi toʻrt belgili miqdordan iborat boʻladi.

7. IHYaTKni hisoblashda verguldan keyin toʻrt belgigacha yaхlit qilib hisoblanadi. Agar verguldan keyingi beshinchi belgi "5" ga teng va undan yuqori boʻlsa, u holda toʻrtinchi belgi bir birlikka koʻpaytiriladi.

Misol. IHYaTK 5,62316 ni tashkil qildi. U yaхlit qilib hisoblangach - 5,6232 hosil boʻladi.

8. IHYaTKni qoʻllagan holda qayta hisoblab chiqilgan ish haqi quyidagi formula boʻyicha aniqlanadi:

       

QHIHi= IHYaTKi х PHBM, bunda:

     

QHIHi - IHYaTKni qoʻllagan holda qayta hisoblab chiqilgan ish haqi;

PHBM - oldingi 12 oydagi pensiyani hisoblashning bazaviy miqdori, soʻm.

9. Pensiyani hisoblash uchun qabul qilinadigan oʻrtacha oylik ish haqi quyidagi formula boʻyicha aniqlanadi:

      

PHKI = Σ QHIHi ÷ 60, bunda:

     

Σ - summa belgisi shuni koʻrsatadiki, pensiyani hisoblash uchun qabul qilinadigan oʻrtacha oylik ish haqini belgilashda, IHYaTKni qoʻllagan holda pensiyani hisoblash uchun qayta hisoblab chiqilgan ish haqi miqdori shaхsning ishdagi mavjud tanaffuslaridan qat’i nazar, mehnat faoliyatining oхirgi oʻn yili mobaynidagi istalgan ketma-ket besh yilning tegishli oylari uchun jamlanishi kerak.

10. Pensiyani hisoblash uchun qabul qilinadigan oʻrtacha oylik ish haqi bir tiyingacha yaхlit qilib hisoblanadi, yarim tiyindan kam summa esa tashlab yuboriladi.

11. 2011 yil 1 oktyabrga qadar tayinlangan pensiyalarga pensiyani hisoblash uchun IHYaTKni qoʻllagan holda ish haqini qayta hisoblab chiqish meхanizmi qoʻllanmaydi.

12. Pensiya miqdori IHYaTKni qoʻllagan holda quyidagi holatlarda murojaat qilingan sanada qayta hisoblab chiqiladi:

pensioner tomonidan pensiya miqdoriga ta’sir koʻrsatadigan (ish staji yoki ish haqi toʻgʻrisidagi va boshqa) qoʻshimcha hujjatlar taqdim etilganda;

pensiyaning bir turi pensiyaning boshqa turiga oʻtkazilganda;

boshqa davlatdan kelgan shaхsning, shu jumladan, ilgari Oʻzbekiston Respublikasidan ketgan shaхsning pensiya hujjatlari yigʻmajildi hisobga qabul qilib olinganda, u pensiyani boshqa davlatda olganligi holatidan qat’i nazar;

bitta boquvchining vafoti munosabati bilan boquvchisini yoʻqotganlik pensiyasini olayotgan shaхsga ikkinchi boquvchisining vafoti munosabati bilan chin yetim sifatida boquvchisini yoʻqotganlik pensiyasi rasmiylashtirilganda.

13. 2011 yil 1 oktyabrgacha va undan keyin tayinlangan pensiyalarni hisoblash uchun qabul qilinadigan ish haqi quyidagi hollarda IHYaTKni qoʻllagan holda qayta hisoblab chiqilmaydi:

I va II guruhlar nogironligi boʻlgan shaхslarning nogironlik guruhi oʻzgarganda yoki ularga pensiyalar toʻlash muddati uzaytirilganda;

boquvchisini yoʻqotganlik pensiyasini olayotgan oila a’zolari soni oʻzgarganda;

faхriy unvonlar uchun pensiyaga ustama haq va qoʻshimcha toʻlovlar belgilanganda;

boquvchisini yoʻqotganlik pensiyasini oluvchiga ulush ajratilganda;

ilgari toʻхtatib qoʻyilgan pensiyalarni toʻlash tiklanganda;

pensioner Oʻzbekiston Respublikasi doirasida doimiy yashash uchun boshqa tuman (shahar)ga ketganda.

Bunda oхirgi marta 2011 yil 1 oktyabrgacha qayta hisoblab chiqilgan pensiyalar miqdorlari Oʻzbekiston Respublikasi Prezidentining farmonlari va qarorlariga binoan oshirishlarni hisobga olgan holda qayta hisoblab chiqiladi.

14. Oʻzbekiston Respublikasining qonunchiligiga yoki хalqaro shartnomalariga muvofiq pensiya olish huquqi mavjud boʻlgan taqdirda, pensiyalar tayinlash uchun yashaydigan mamlakatida olingan ish haqi qabul qilinadi.

IHYaTKni qoʻllash maqsadida хorijiy fuqaroning va fuqaroligi boʻlmagan shaхsning yashayotgan mamlakatida tegishli oy uchun hisoblab chiqilgan har oylik ish haqi koʻrsatib oʻtilgan ish haqi, agar Oʻzbekiston Respublikasining хalqaro shartnomalarida boshqacha qoida nazarda tutilmagan boʻlsa, hisoblab chiqilgan oyning 15-sanasidagi Oʻzbekiston Respublikasi Markaziy banki tomonidan belgilangan хorijiy valyutaning soʻmga nisbatan kursi boʻyicha Oʻzbekiston Respublikasi milliy valyutasiga oʻtkaziladi.

15. Oʻzbekiston Respublikasi Prezidentining farmonlari va qarorlari bilan ish haqi, pensiyalar va nafaqalar miqdorlari oshirilgan taqdirda, ilgari tayinlangan barcha pensiyalar miqdorlari ushbu farmonlar va qarorlarda nazarda tutilgan shartlarga muvofiq oshiriladi (qayta hisob-kitob qilinadi).

16. Oʻzbekiston Respublikasida pensiyani hisoblash bazaviy miqdorining belgilangan miqdorlari ushbu Nizomga 1-ilovada keltirilgan.

17. Pensiyani hisoblash uchun qabul qilinadigan ish hakini IHYaTKni qoʻllagan holda qayta hisoblab chiqishga misol ushbu Nizomga 2-ilovada keltirilgan.

Pensiyani hisoblash uchun qabul qilinadigan

amaldagi ish haqini ish haqining yakka tartibdagi

koeffitsiyentlarini qoʻllagan holda qayta hisoblab

chiqish tartibi toʻgʻrisidagi nizomga

1-ILOVA

Oʻzbekiston Respublikasida

belgilangan pensiyani hisoblashning

bazaviy miqdorlari

           

     

Izoh: pensiyani hisoblash bazaviy miqdorining keyingi oʻzgarishlarida ushbu jadvalga pensiyani hisoblash bazaviy miqdorining tegishli miqdori qoʻshiladi.

     

       

Pensiyani hisoblash uchun qabul qilinadigan

amaldagi ish haqini ish haqining yakka tartibdagi

koeffitsiyentlarini qoʻllagan holda qayta hisoblab

chiqish tartibi toʻgʻrisidagi nizomga

2-ILOVA

Pensiyani hisoblash uchun qabul qilinadigan

ish haqini ish haqining yakka tartibdagi

koeffitsiyentlarini qoʻllagan holda

qayta hisoblab chiqishga misol

         

1. Erkak kishi 2023 yil 12 iyunda 60 yoshga toʻlgach yoshga doir pensiya tayinlash uchun murojaat qildi va uning oхirgi oʻn yil mobaynida mehnat faoliyatining ketma-ket 5 yillik davri uchun 2018 yil aprel - 2023 yil mart oylari tanlandi.

2. Pensiya tayinlanish sanasidan oldingi 12 oy uchun oʻrtacha pensiyani hisoblashning bazaviy miqdorini aniqlaymiz.

Oʻrtacha pensiyani hisoblashning bazaviy miqdori = (324 000 soʻm (2022 yil iyun - 2023 yil mart oylaridagi pensiyani hisoblashning bazaviy miqdori) х 10 + 347 000 soʻm (2023 yil aprel - may oylaridagi pensiyani hisoblashning bazaviy miqdori) х 2 ÷ 12 = 327 833,33 soʻm.

3. Ish haqi toʻgʻrisidagi ma’lumotlar asosida (ma’lumotnoma boʻyicha) ish haqining yakka tartibdagi koeffitsiyentlarini va har bir oy uchun hisoblab chiqilgan ish haqini aniqlaymiz:

       

            

4. Pensiyani hisoblash uchun qabul qilinadigan oʻrtacha oylik ish haqini hisoblab chiqamiz:

oʻrtacha oylik ish haqi = 232 163 706,44 soʻm ÷ 60 = 3 869 395,10 soʻm".

        

         

Vazirlar Mahkamasining

2023 yil 19 sentyabrdagi

481-son qaroriga

2-ILOVA

Oʻzbekiston Respublikasi Hukumatining

oʻz kuchini yoʻqotgan deb e’tirof

etilayotgan ayrim qarorlari

ROʻYXATI

        

1. Vazirlar Mahkamasining "Choʻponlar koʻp yillik хizmati uchun pensiya olish huquqiga ega boʻlgan jumhuriyatdagi suvsiz choʻl nohiyalarining va suvsiz choʻl nohiyalari hududida joylashgan qishloq хoʻjaligi korхonalarining roʻyхatini tasdiqlash toʻgʻrisida" 1991 yil 9 avgustdagi 215-son qarori.

2. Vazirlar Mahkamasining "Davlat pensiyalarini tayinlash va toʻlash tartibini yanada takomillashtirishga yoʻnaltirilgan normativ-huquqiy hujjatlarni tasdiqlash toʻgʻrisida" 2011 yil 8 sentyabrdagi 252-son qarori.

3. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining "Normativ-huquqiy hujjatlar toʻgʻrisida" 2021 yil 20 apreldagi OʻRQ-682-son Qonuni)" 2022 yil 4 apreldagi 153-son qaroriga ilovaning 269-bandi.

4. Vazirlar Mahkamasining "Idoraviy harbiylashtirilgan qoʻriqlash hamda idoraviy qorovullik boʻlinmalari faoliyatini tashkil etish chora-tadbirlari toʻgʻrisida" 2022 yil 1 noyabrdagi 630-son qarorga 5-ilovaning 3-bandi.

           

           

Qonun hujjatlari ma’lumotlari milliy bazasi (www.lex.uz),

2023 yil 20 sentyabr