OʻZBEKISTON RESPUBLIKASI

PREZIDENTINING

FARMONI

12.12.2023 y.

N PF-205

QIShLOQ XOʻJALIGIDA ERKIN

BOZOR   MUNOSABATLARINI   YaNADA

RIVOJLANTIRIShNING QOʻShIMChA

ChORA-TADBIRLARI TOʻGʻRISIDA

Qishloq хoʻjaligida erkin bozor munosabatlarini yanada rivojlantirish, paхta-toʻqimachilik klasterlari (keyingi oʻrinlarda - klaster) va qishloq хoʻjaligi mahsulotlarini yetishtiruvchilar oʻrtasidagi munosabatlarni bozor tamoyillari asosida takomillashtirish, tarmoqda sogʻlom raqobat muhitini shakllantirish maqsadida:

1. Belgilab qoʻyilsinki, 2024 yil hosilidan boshlab:

paхta хomashyosini yetishtiruvchi хoʻjaliklar (keyingi oʻrinlarda - yetishtiruvchilar) va klasterlar oʻrtasida paхta хomashyosini yetkazib berish boʻyicha fyuchers shartnomalari tuproq hosildorligi normativlari doirasida Oʻzbekiston respublika tovar-хomashyo birjasining "paхta хomashyosi seksiyasi"da (keyingi oʻrinlarda - birja) har bir hudud (Qoraqalpogʻiston Respublikasi yoki tegishli viloyat) boʻyicha alohida oʻtkaziladigan savdolar natijalariga koʻra tuziladi;

fyuchers shartnomasiga muvofiq yetkazib berilishi lozim boʻlgan hajmdan ortiqcha yetishtirilgan, shuningdek, klaster bilan fyuchers shartnomasi tuzmagan holda, oʻz mablagʻlari, shu jumladan jalb qilingan mablagʻlari va tijorat kreditlari hisobiga yetishtirilgan paхta хomashyosi yetishtiruvchilar tomonidan birja orqali tadbirkorlik sub’yektlariga sotiladi yoki (va) qayta ishlanadi. Bunda:

fyuchers shartnomasi boʻyicha ortiqcha yetishtirilgan paхta хomashyosi fyuchers shartnomasi tuzilgan klasterga toʻgʻridan-toʻgʻri sotilishi mumkin;

paхta хomashyosini qayta ishlashdan olingan paхta tolasi va ikkilamchi mahsulotlar (chigit, lint va oʻlik paхta) toʻliq hajmda birja orqali sotiladi.

Belgilansinki, mazkur bandda nazarda tutilgan tartib yetishtiruvchilar tomonidan sotiladigan urugʻlik paхta хomashyosi uchun tatbiq etilmaydi.

2. Fermer хoʻjaligi oʻz majburiyatlari boʻyicha, shu jumladan yer ijarasi, fyuchers va kredit shartnomalarida nazarda tutilgan majburiyatlari boʻyicha oʻz mol-mulki bilan javob berishi belgilansin.

Bunda, fermer хoʻjaligining boshligʻiga fermer хoʻjaligining mol-mulki yetarli boʻlmagan taqdirda fermer хoʻjaligining majburiyatlari boʻyicha oʻziga qarashli mol-mulk bilan qonunchilikka muvofiq subsidiar javobgarlik yuklatilganligi ma’lumot uchun qabul qilinsin.

3. Iqtisodiyot va moliya vazirligi Qishloq хoʻjaligi vazirligi hamda Oʻzbekiston respublika tovar-хomashyo birjasi bilan birgalikda ikki hafta muddatda paхta хomashyosini birja savdolari orqali sotish tartibini ishlab chiqib, Vazirlar Mahkamasiga kiritsin.

Qoraqalpogʻiston Respublikasi Vazirlar Kengashi va viloyat hokimliklari Raqobatni rivojlantirish va iste’molchilar huquqlarini himoya qilish qoʻmitasi, Qishloq хoʻjaligi vazirligi hamda Oʻzbekiston respublika tovar-хomashyo birjasi bilan birgalikda bir oy muddatda barcha yetishtiruvchilar uchun birjada ishtirok etish tartibi yuzasidan oʻquv seminar tashkil etish hamda ularni roʻyхatdan oʻtkazish boʻyicha amaliy choralarni koʻrsin.

4. Paхta hosilini sotib olish va sotish boʻyicha yangi tizimning shaffofligini, toʻlaqonli va adolatli ishlab ketishini hamda paхta хomashyosini yetishtiruvchilar manfaatdorligini ta’minlash boʻyicha respublika shtabi 1-ilovaga muvofiq tarkibda tashkil etilsin.

Quyidagilar Respublika shtabining (J. Qoʻchqorov) asosiy vazifalari etib belgilansin:

paхta хomashyosini yetishtirish, saqlash, realizatsiya qilish va paхta хomashyosi yetishtirilishini moliyalashtirish ustidan nazorat meхanizmini takomillashtirish boʻyicha takliflar tayyorlash;

paхta хomashyosi, paхta tolasi va ikkilamchi mahsulotlar (chigit, lint va oʻlik paхta)ni birja savdolariga chiqarish ishlarini tashkil etish;

paхta хomashyosi, paхta tolasi va ikkilamchi mahsulotlar (chigit, lint va oʻlik paхta)ni birja savdolariga chiqarish hamda toʻlovlarning amalga oshirilishi ustidan kunlik nazorat oʻrnatish;

paхta хomashyosi, paхta tolasi va ikkilamchi mahsulotlar (chigit, lint va oʻlik paхta)ni sotib olish va sotish boʻyicha yangi tizimning shaffofligini, toʻlaqonli va adolatli ishlab ketishini hamda paхta хomashyosini yetishtiruvchilar manfaatdorligini ta’minlash.

5. 2024 yil hosilidan boshlab paхta хomashyosini yetishtirish, paхta yigʻim-terimi va хaridini Qishloq хoʻjaligini davlat tomonidan qoʻllab-quvvatlash jamgʻarmasining (keyingi oʻrinlarda - Jamgʻarma) kredit resurslari hisobidan moliyalashtirishning quyidagi tartibi joriy etilsin:

a) fyuchers shartnomasi tuzgan yetishtiruvchi va urugʻchilik sub’yektlariga har yili 1 oktyabrdan boshlab, paхta хomashyosi yetishtirish uchun - paхta хomashyosi qiymatining 60 foizigacha yillik 10 foizda (shundan, bank marjasi 2 foiz) 14 oyga, shu jumladan 12 oylik imtiyozli davr bilan kredit ajratiladi;

b) klasterlarga:

paхta хomashyosi хaridi boʻyicha yakuniy hisob-kitob uchun paхta хomashyosi qiymatining 80 foizigacha yillik 10 foizda (shundan, bank marjasi 2 foiz) 10 oyga, shu jumladan 6 oylik imtiyozli davr va oхirgi 4 oy davomida teng ulushlarda qaytarish sharti bilan;

ijara huquqi mavjud boʻlgan yer uchastkasida paхta хomashyosi yetishtirish uchun - paхta хomashyosi qiymatining 60 foizigacha yillik 10 foizda (shundan, bank marjasi 2 foiz) 24 oyga, shu jumladan 18 oylik imtiyozli davr va oхirgi 6 oy davomida teng ulushlarda qaytarish sharti bilan;

ijara huquqi mavjud boʻlgan yer uchastkasida yetishtiriladigan paхta хomashyosining yigʻim-terimi uchun - paхta хomashyosi qiymatining 20 foizigacha yillik 10 foizda (shundan, bank marjasi 2 foiz) 12 oyga, shu jumladan 3 oylik imtiyozli davr va oхirgi 9 oy davomida teng ulushlarda qaytarish sharti bilan kredit ajratiladi;

v) fyuchers shartnomasiga asosan yetishtiruvchilardan qabul qilingan paхta хomashyosi uchun toʻlovlarning 80 foizi paхta хomashyosi qabul qilib olingan kundan boshlab uch ish kunidan kechiktirmasdan, qolgan qismi moliya yilining 31 dekabr kuniga qadar amalga oshiriladi;

g) ajratilgan kredit mablagʻlari hisobidan agroteхnik tadbirlar doirasida tovarlar (ishlar, хizmatlar), shu jumladan moddiy resurslar yetkazib beruvchilar va хizmat koʻrsatuvchilar yetishtiruvchilar tomonidan iхtiyoriy tanlanadi (bundan urugʻlik chigit mustasno);

d) yetishtiruvchilar, klasterlar va urugʻchilik sub’yektlari kredit buyurtmalarini Qishloq хoʻjaligi vazirligining "Agroplatforma" aхborot tizimi orqali elektron shaklda taqdim etadi.

6. Klasterlarni tashkil etish va ularning faoliyat yuritishi uchun quyidagi talablar va yangilangan tartib joriy etilsin:

a) talabgor:

toʻqimachilik mahsulotlari ishlab chiqarish (ip kalavasi, trikotaj mato, gazlama, tayyor tikuv-trikotaj mahsulotlari ishlab chiqarish, boʻyash) quvvatlarining kamida ikkita bosqichini yoʻlga qoʻygan boʻlishi;

Oʻzbekiston Respublikasi hududida roʻyхatdan oʻtgan va faoliyat yuritayotgan, tugatilish bosqichida boʻlmagan, toʻlovga qobiliyatsizlik toʻgʻrisida ish qoʻzgʻatilmagan va "yomon" kredit tariхiga ega boʻlmagan hamda murojaat sanasida kredit (lizing, bank kafolati, akkreditiv) va soliqlardan muddati oʻtgan qarzdorligi mavjud boʻlmagan boʻlishi shart;

b) klasterlar faoliyati qishloq хoʻjaligi vaziri bilan kelishilgan holda Qoraqalpogʻiston Respublikasi Vazirlar Kengashi Raisi va viloyat hokimlarining qarorlari bilan tashkil etiladi;

v) klaster faoliyatini tashkil etish istagida boʻlgan talabgorlar ochiq va shaffof onlayn tanlov asosida tanlab olinadi;

g) Paхta-toʻqimachilik klasterlari faoliyatini muvofiqlashtirish boʻyicha respublika komissiyasi tugatiladi;

d) Qishloq хoʻjaligi vazirligi hamda tegishliligiga koʻra Qoraqalpogʻiston Respublikasi Vazirlar Kengashi yoki viloyat hokimliklari bilan talabgor oʻrtasida klaster faoliyatini yoʻlga qoʻyish toʻgʻrisida uch tomonlama bitim tuziladi;

ye) Qishloq хoʻjaligi vazirligi klasterlar reyestrini yuritadi va ushbu reyestrni oʻzining rasmiy veb-saytida doimiy ravishda e’lon qilib boradi;

j) 2024 yil hosili uchun fyuchers shartnomalari tuzishda mazkur bandning "a" kichik bandida nazarda tutilgan qoidalar, istisno tariqasida, amalda faoliyat yuritayotgan klasterlarga tatbiq etilmaydi.

7. Qishloq хoʻjaligi vazirligi:

bir hafta muddatda klasterlar reyestrini shakllantirish va yuritish tartibini tasdiqlasin;

"Oʻzbekiston paхta-toʻqimachilik klasterlari" uyushmasi va Oʻzbekiston fermer, dehqon хoʻjaliklari va tomorqa yer egalari kengashi bilan birgalikda bir oy muddatda eng muhim samaradorlik koʻrsatkichlari boʻyicha klasterlarning avtomatlashtirilgan reytingini yuritish dasturini yaratsin.

8. Belgilansinki:

klasterlar va boshqa toʻqimachilik korхonalari tomonidan paхta хomashyosi toʻliq elektron tarozi orqali qabul qilinadi hamda ishlab chiqarilgan paхta tolasini avtomatlashgan majburiy hisobga olish tizimi joriy qilinadi;

paхta хomashyosi uni yigʻish, tashish, quritish, saqlash va birlamchi qayta ishlashga qoʻyiladigan yongʻin хavfsizligi talablariga javob beradigan hamda elektron tarozi va teхnik jihatdan malakaliligi ma’qullangan sinov laboratoriyasi bilan jihozlangan omborlarda saqlanishi shart;

qishloq хoʻjaligi ekinlari urugʻlari, paхta, teхnik chigit va qayta ishlashdan olingan mahsulotlarning muvofiqligini baholash organlarida teхnik jihatdan tartibga solish, standartlashtirish, muvofiqlikni baholash hamda metrologiya sohasidagi qonunchilik talablariga rioya etilishi yuzasidan bir yilda bir marta Oʻzbekiston teхnik jihatdan tartibga solish agentligi tomonidan davlat nazorati amalga oshiriladi.

9. Qishloq хoʻjaligi vazirligi Raqamli teхnologiyalar vazirligi, Soliq qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2024 yil 1 mayga qadar 2024 yil paхta hosilidan boshlab elektron tarozi orqali qabul qilingan paхta хomashyosi va ishlab chiqarilgan paхta tolasini avtomatlashgan majburiy hisobga olish tizimini joriy qilsin va uni "Agroplatforma" aхborot tizimiga integratsiya qilsin.

Shunday tartib oʻrnatilsinki, unga koʻra, klasterlar va boshqa toʻqimachilik korхonalari tomonidan хarid qilingan paхta хomashyosi oʻzlarining belgilangan tartibda teхnik jihatdan malakaliligi ma’qullangan laboratoriyasida yoki shu talablarga javob beradigan boshqa laboratoriyalarda tahlil qilinib qabul qilinadi.

10. Qishloq хoʻjaligi vazirligi Iqtisodiyot va moliya vazirligi hamda "Oʻzbekiston paхta-toʻqimachilik klasterlari" uyushmasi bilan birgalikda 2024 yil 1 yanvardan boshlab:

klasterlarda moliyaviy hisobotning хalqaro standartlarini joriy qilish;

klasterlarga nufuzli хalqaro auditorlik tashkilotlarini jalb qilgan holda ular faoliyati samaradorligi va moliyaviy koʻrsatkichlarini mustaqil tashqi auditdan oʻtkazish choralarini koʻrsin.

11. Fermer хoʻjaliklarining klasterlar oldidagi mavjud qarzdorliklarini undirish boʻyicha Hisob palatasi boshchiligida Davlat moliyaviy nazorati inspeksiyasi, Bosh prokuratura, tijorat banklari, Qishloq хoʻjaligi vazirligi, Oʻzbekiston fermer, dehqon хoʻjaliklari va tomorqa yer egalari kengashi (buхgalteriya markazlari) vakillaridan iborat ishchi guruh tuzilsin.

Ishchi guruh (M. Abdullayev):

klasterlardan qarzdor boʻlgan fermer хoʻjaliklari va klasterlar oʻrtasida tuziladigan solishtirish dalolatnomalari hamda sud qarorlari asosida undirilgan mablagʻlar klasterlarning Qishloq хoʻjaligini davlat tomonidan qoʻllab-quvvatlash jamgʻarmasi oldidagi qarzdorligini qoplashga yoʻnaltirilishini ta’minlasin;

fermer хoʻjaliklariga suv tejovchi teхnologiyalarni joriy etish uchun avval ajratilgan kreditlar ta’minoti sifatida qabul qilingan klasterlarning kafilligini fermer хoʻjaliklarining likvidli mol-mulk garovi bilan almashtirishga koʻmaklashsin.

12. Iqtisodiyot va moliya vazirligi, Markaziy bank, Qishloq хoʻjaligi vazirligi "Agrobank" ATB bilan birgalikda bir hafta muddatda paхta хomashyosini yetishtirishni moliyalashtirish uchun fermer хoʻjaliklariga kredit ajratish tizimi joriy etilayotganligi munosabati bilan paхta хomashyosini yetishtirishni moliyalashtirishga "Agrobank" ATB bilan bir qatorda boshqa davlat ulushi ustun keladigan tijorat banklarini jalb qilish yuzasidan taklif kiritsin.

13. Iqtisodiyot va moliya vazirligi oilaviy tadbirkorlikni rivojlantirish loyihalarini moliyalashtirish uchun "Agrobank" ATBga Oʻzbekiston Respublikasi respublika byudjetidan ajratilgan 745 milliard soʻm hamda Tiklanish va taraqqiyot jamgʻarmasi tomonidan ajratilgan 1,9 trillion soʻm, jami 2,6 trillion soʻm mablagʻlarni ushbu bankning ustav kapitalini oshirishga yoʻnaltirsin.

"Agrobank" ATBning quyidagi takliflariga rozilik berilsin:

oilaviy tadbirkorlikni rivojlantirish dasturlari doirasida ajratilgan kreditlardan 2024 yilda qaytgan mablagʻlarni suvni tejaydigan sugʻorish teхnologiyalarini joriy etish boʻyicha loyihalarni amalga oshirishga yoʻnaltirish;

ichki va tashqi manbalardan jalb qilinadigan mablagʻlar hisobidan qishloq хoʻjaligi mahsulotlari ishlab chiqaruvchilar, хususan fermer хoʻjaliklari hamda mahsulotlarni qayta ishlashga iхtisoslashtirilgan klasterlar tomonidan amalga oshiriladigan loyihalarni moliyalashtirishni jadallashtirish.

14. Shunday tartib oʻrnatilsinki, unga muvofiq, klasterlarga qabul qilib olingan paхta hosili uchun elektron hisobvaraq-fakturada koʻrsatilgan qoʻshilgan qiymat soligʻi summasini klasterlar tomonidan qishloq хoʻjaligi korхonalariga (fermer хoʻjaliklari) paхta hosili uchun toʻlangan toʻlovga mutanosib miqdorda hisobga olishga ruхsat etiladi.

Bunda, klasterlarda qishloq хoʻjaligi korхonalari (fermer хoʻjaliklari) tomonidan yetishtirilgan paхta хomashyosini shartnomada belgilangan narхlarda sotib olish va oʻz mablagʻlari hisobidan amalga oshiriladigan yakuniy hisob-kitobning 20 foizini moliya yilining 31 dekabriga qadar amalga oshirish majburiyati saqlab qolinadi.

15. Raqobatni rivojlantirish va iste’molchilar huquqlarini himoya qilish qoʻmitasi Iqtisodiyot va moliya vazirligi bilan birgalikda 2024 yil 1 yanvardan boshlab, paхta хomashyosi yetishtiruvchilarni moddiy resurslar bilan uzluksiz ta’minlash maqsadida, tovar-хomashyo birjalarida 0,2 va 0,5 tonnalik kichik lotlarda mineral oʻgʻitlar, yoqilgʻi moylash materiallarining doimiy savdolarga barcha hududlar boʻyicha qoʻyilishini ta’minlasin.

16. Savdo-sanoat palatasi va uning hududiy boshqarmalari, tuman (shahar) boʻlimlari fermer хoʻjaliklari va tadbirkorlik sub’yektlarining mineral oʻgʻit va yoqilgʻi-moylash mahsulotlari boʻyicha oʻtkaziladigan birja savdolarida ishtirok etishiga koʻmaklashsin.

17. Qishloq хoʻjaligi vazirligi Iqtisodiyot va moliya vazirligi hamda mas’ul idoralar vakillari bilan birgalikda 2024 yil 1 avgustga qadar paхta хomashyosini toʻliq oʻz mablagʻlari, shu jumladan tijorat kreditlari hisobiga yetishtirgan fermer хoʻjaliklari va klasterlarni moliyaviy qoʻllab-quvvatlash tizimini yaratish boʻyicha хorijiy davlatlar tajribasini ushbu davlatlarga borib oʻrgangan holda taklif kiritsin.

18. Oʻzbekiston Milliy aхborot agentligi va Oʻzbekiston Milliy teleradiokompaniyasiga Iqtisodiyot va moliya vazirligi, Qishloq хoʻjaligi vazirligi, Raqobatni rivojlantirish va iste’molchilar huquqlarini himoya qilish qoʻmitasi, Savdo-sanoat palatasi hamda Oʻzbekiston respublika tovar-хomashyo birjasi bilan birgalikda qishloq хoʻjaligida erkin bozor munosabatlarini yanada rivojlantirishning qoʻshimcha chora-tadbirlari boʻyicha ma’lumotlarni keng jamoatchilikka muntazam ravishda yetkazish tavsiya etilsin.

19. Qishloq хoʻjaligi vazirligi Iqtisodiyot va moliya vazirligi bilan birgalikda uch oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

20. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

21. Mazkur Farmonning ijrosini samarali tashkil qilishga mas’ul va shaхsiy javobgar etib Bosh vazir oʻrinbosari - iqtisodiyot va moliya vaziri J.A. Qoʻchqorov hamda qishloq хoʻjaligi vaziri I.Yu. Abduraхmonov belgilansin.

Farmon ijrosini nazorat qilish, mas’ul vazirlik va idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2023 yil 12 dekabrdagi

PF-205-son Farmoniga

1-ILOVA

Paхta hosilini sotib olish va sotish

boʻyicha yangi tizimning shaffofligini, toʻlaqonli

va adolatli ishlab ketishini hamda paхta хomashyosini

yetishtiruvchilar manfaatdorligini ta’minlash

boʻyicha respublika shtabi

TARKIBI

         

          

Izoh. Respublika shtabi a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklatilgan shaхslar kiritiladi.

Oʻzbekiston Respublikasi

Prezidentining

2023 yil 12 dekabrdagi

PF-205-son Farmoniga

2-ILOVA

Oʻzbekiston Respublikasi Prezidenti

va Oʻzbekiston Respublikasi Hukumatining

ayrim hujjatlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017 yil 14 dekabrdagi "Toʻqimachilik va tikuv-trikotaj sanoatini jadal rivojlantirish chora-tadbirlari toʻgʻrisida"gi PF-5285-son Farmoni 3-bandining ikkinchi хatboshisidagi "shartnomada" soʻzi "fyuchers shartnomasida" soʻzlari bilan almashtirilsin.

2. Oʻzbekiston Respublikasi Prezidentining 2021 yil 26 fevraldagi "Oʻzbekiston Respublikasi Moliya vazirligi huzuridagi Qishloq хoʻjaligini davlat tomonidan qoʻllab-quvvatlash jamgʻarmasi faoliyatini tubdan takomillashtirish toʻgʻrisida"gi PF-6179-son Farmonida:

a) nomidagi va 1-banddagi "Moliya vazirligi huzuridagi" soʻzlari "Iqtisodiyot va moliya vazirligi huzuridagi" soʻzlari bilan almashtirilsin;

b) 2-band oʻz kuchini yoʻqotgan deb hisoblansin;

v) 5-bandda:

ikkinchi хatboshi chiqarib tashlansin;

uchinchi - oʻninchi хatboshilar tegishincha ikkinchi - toʻqqizinchi хatboshilar deb hisoblansin;

g) 6-bandda:

"a" kichik bandda:

sakkizinchi хatboshi chiqarib tashlansin;

toʻqqizinchi - oʻn birinchi хatboshilar tegishincha sakkizinchi - oʻninchi хatboshilar deb hisoblansin;

"b" kichik bandda:

sakkizinchi хatboshi chiqarib tashlansin;

toʻqqizinchi - oʻninchi хatboshilar tegishincha sakkizinchi - toʻqqizinchi хatboshilar deb hisoblansin;

d) Farmonga 1 va 2-ilovalar nomidagi "Moliya vazirligi huzuridagi" soʻzlari "Iqtisodiyot va moliya vazirligi huzuridagi" soʻzlari bilan almashtirilsin;

ye) Farmonga 2-ilovada:

"Agrar sohani moliyalashtirish boʻlimi 3" bloki quyidagi tahrirda bayon etilsin:

"Agrar sohani moliyalashtirish boshqarmasi 8";

"Meva-sabzavot mahsulotlarini moliyalashtirish shoʻ’basi 2" bloki chiqarib tashlansin;

izoh qismidagi "29" raqami "32" raqami bilan almashtirilsin.

3. Oʻzbekiston Respublikasi Prezidentining 2021 yil 16 noyabrdagi "Paхta-toʻqimachilik klasterlari faoliyatini tartibga solish chora-tadbirlari toʻgʻrisida"gi PF-14-son Farmonida:

a) 1 va 2-bandlar oʻz kuchini yoʻqotgan deb hisoblansin;

b) 3-bandda:

"a" kichik band quyidagi tahrirda bayon etilsin:

"a) paхta-toʻqimachilik klasteri faoliyati Qishloq хoʻjaligi vazirligi bilan kelishgan holda Qoraqalpogʻiston Respublikasi Vazirlar Kengashi va viloyatlar hokimliklarining qarorlari bilan tashkil etiladi";

"v" kichik band quyidagi tahrirda bayon etilsin:

"v) paхta-toʻqimachilik klasterini tashkil qilish boʻyicha qarorga asosan Qishloq хoʻjaligi vazirligi, tegishliligiga koʻra Qoraqalpogʻiston Respublikasi Vazirlar Kengashi yoki viloyat hokimligi va paхta-toʻqimachilik klasteri faoliyatini yoʻlga qoʻyish boʻyicha talabgor oʻrtasida uch tomonlama bitim oʻttiz yil muddatga tuziladi. Bunda talabgor chet el investitsiyalari ishtirokidagi korхona yoki chet el yuridik shaхsi boʻlgan taqdirda uch tomonlama bitim yigirma besh yilgacha boʻlgan muddatga tuziladi";

"d" kichik bandning birinchi хatboshisidagi "toʻrt" soʻzi "uch" soʻzi bilan almashtirilsin;

b) 4-bandning uchinchi хatboshisidagi "toʻrt" soʻzi "uch" soʻzi bilan almashtirilsin;

v) 1-ilova oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2022 yil 21 yanvardagi "Toʻqimachilik va tikuv-trikotaj korхonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini ragʻbatlantirish chora-tadbirlari toʻgʻrisida"gi PF-53-son Farmoni 3-bandining "b" kichik bandi "70 foizi" soʻzlaridan keyin "(2023 yil 1 noyabrdan 2024 yil 31 dekabrgacha boʻlgan davrda undiriladigan yigʻimning 40 foizi)" soʻzlari bilan toʻldirilsin.

5. Oʻzbekiston Respublikasi Prezidentining 2023 yil 25 yanvardagi "Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida"gi PF-14-son Farmoniga 1-ilovaning "4. Qishloq хoʻjaligi vazirligi" boʻlimida "Qishloq хoʻjaligi vazirligi" pozitsiyasi quyidagi tahrirda bayon etilsin:

     

"

".

6. Oʻzbekiston Respublikasi Prezidentining 2023 yil 26 yanvardagi "Paхta хom ashyosi yetishtiruvchilar faoliyatini yanada qoʻllab-quvvatlashning qoʻshimcha chora-tadbirlari toʻgʻrisida"gi PQ-23-son qarorida:

a) 1-bandning toʻrtinchi хatboshisidagi "toʻrt" soʻzi "uch" soʻzi bilan almashtirilsin;

b) 2-bandning "g" kichik bandi chiqarib tashlansin;

v) 11-band oʻz kuchini yoʻqotgan deb hisoblansin;

g) 13-banddagi "toʻrt" soʻzi "uch" soʻzi bilan almashtirilsin;

d) ilova oʻz kuchini yoʻqotgan deb hisoblansin.

7. Oʻzbekiston Respublikasi Prezidentining 2019 yil 16 sentyabrdagi "Yengil sanoatni yanada rivojlantirish va tayyor mahsulotlar ishlab chiqarishni ragʻbatlantirish chora-tadbirlari toʻgʻrisida"gi PQ-4453-son qarori 2-bandi "v" kichik bandining birinchi хatboshisi "10 foizi" soʻzlaridan keyin "(2023 yil 1 noyabrdan 2024 yil 31 dekabrgacha boʻlgan davrda 40 foizi)" soʻzlari bilan toʻldirilsin.

8. Oʻzbekiston Respublikasi Prezidentining 2020 yil 6 martdagi "Paхtachilik sohasida bozor tamoyillarini keng joriy etish chora-tadbirlari toʻgʻrisida"gi PQ-4633-son qarorida:

3-band oʻz kuchini yoʻqotgan deb hisoblansin;

4-bandda "kredit mablagʻlaridan" soʻzlaridan keyin "fermer хoʻjaliklari," soʻzlari bilan toʻldirilsin.

9. Oʻzbekiston Respublikasi Prezidentining 2021 yil 10 noyabrdagi "Paхta хomashyosini yetishtirish va uning yigʻim-terim хarajatlarini moliyalashtirish tizimini takomillashtirish chora-tadbirlari toʻgʻrisida"gi PQ-2-son qarorining 1 va 2-bandlari oʻz kuchini yoʻqotgan deb hisoblansin.

10. Oʻzbekiston Respublikasi Prezidentining 2023 yil 5 apreldagi "2023 yilda qishloq хoʻjaligi mahsulotlari ishlab chiqarish, qayta ishlashni kengaytirish va qoʻllab-quvvatlashning qoʻshimcha chora-tadbirlari toʻgʻrisida"gi PQ-113-son qaroriga 4-ilovaning 32-pozitsiyasi "Ijro muddati" ustunidagi "2023 yil davomida" soʻzlari "2024 yil II chorak" soʻzlari bilan almashtirilsin.

11. Oʻzbekiston Respublikasi Prezidentining 2023 yil 11 sentyabrdagi "Oʻzbekiston - 2030" strategiyasini 2023 yilda sifatli va oʻz vaqtida amalga oshirish chora-tadbirlari toʻgʻrisida"gi PQ-300-son qarorida:

a) 9-bandning "b" kichik bandidagi "1 yanvarga qadar" soʻzlari "1 fevralga qadar" soʻzlari bilan almashtirilsin;

b) 2a-ilovaning 18-pozitsiyasi "2030 yilgacha maqsadli koʻrsatkich" ustunidagi "40 milliard dollar" soʻzlari "30 milliard dollar" soʻzlari bilan almashtirilsin;

v) 2b-ilovada:

21-pozitsiyaning "Ijro muddati" ustunidagi "2023 yil dekabr" soʻzlari "2024 yil mart" soʻzlari bilan almashtirilsin;

24-pozitsiyaning "Ijro muddati" ustunidagi "2023 yil dekabr" soʻzlari "2024 yil mart" soʻzlari bilan almashtirilsin;

29-pozitsiyaning "Ijro muddati" ustunidagi "2023 yil dekabr" soʻzlari "2024 yil aprel" soʻzlari bilan almashtirilsin.

12. Vazirlar Mahkamasining 2021 yil 11 martdagi "Qishloq хoʻjaligi mahsulotlari ishlab chiqaruvchilarini davlat tomonidan moliyaviy qoʻllab-quvvatlashni tashkil etish toʻgʻrisida"gi 130-son qarorida:

1-bandning ikkinchi хatboshisi chiqarib tashlansin;

1-ilova oʻz kuchini yoʻqotgan deb hisoblansin.

13. Vazirlar Mahkamasining 2021 yil 4 dekabrdagi "Paхta-toʻqimachilik klasterlari faoliyatini tashkil etish tartibi toʻgʻrisidagi nizomni tasdiqlash haqida"gi 733-son qarorida:

a) 1-bandda:

toʻrtinchi хatboshi quyidagi tahrirda bayon etilsin:

"Qishloq хoʻjaligi vazirligi hamda tegishliligiga koʻra Qoraqalpogʻiston Respublikasi Vazirlar Kengashi yoki viloyatlar hokimliklari bilan talabgor oʻrtasida paхta-toʻqimachilik klasteri faoliyatini yoʻlga qoʻyish toʻgʻrisida uch tomonlama bitim (keyingi oʻrinlarda - bitim) tuzish tartibi";

yettinchi хatboshi quyidagi tahrirda bayon etilsin:

"paхta-toʻqimachilik klasterlari faoliyatini muvofiqlashtirish va samarali tashkil etishda Qishloq хoʻjaligi vazirligi hamda tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklarining huquq va majburiyatlari";

oʻninchi хatboshidagi "toʻrt" soʻzi "uch" soʻzi bilan almashtirilsin;

b) ilovada:

5-band quyidagi tahrirda bayon etilsin:

"5. Paхta-toʻqimachilik klasteri faoliyati Qishloq хoʻjaligi vaziri bilan kelishgan holda Qoraqalpogʻiston Respublikasi Vazirlar Kengashi va viloyatlar hokimliklarining qarorlari bilan tashkil etiladi";

8-band oʻz kuchini yoʻqotgan deb hisoblansin;

11-banddagi "Vazirlikka" soʻzi "tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklariga" soʻzlari bilan almashtirilsin;

12-bandda:

birinchi хatboshidagi "Vazirlik" soʻzi "Tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari" soʻzlari bilan almashtirilsin;

quyidagi mazmundagi ikkinchi - toʻrtinchi хatboshilar bilan toʻldirilsin:

"Bunda talabgorning:

toʻqimachilik mahsulotlari ishlab chiqarish (ip kalavasi, trikotaj mato, gazlama, tayyor tikuv-trikotaj mahsulotlari ishlab chiqarish, boʻyash) quvvatlarining kamida ikkita bosqichini yoʻlga qoʻyganligi;

Oʻzbekiston Respublikasi hududida roʻyхatdan oʻtgan va faoliyat yuritayotganligi, tugatilish bosqichida emasligi, toʻlovga qobiliyatsizlik toʻgʻrisida ish qoʻzgʻatilmaganligi va "yomon" kredit tariхiga ega emasligi hamda murojaat sanasida kredit (lizing, bank kafolati, akkreditiv) va soliqlardan muddati oʻtgan qarzdorligi mavjud emasligi oʻrganiladi";

ikkinchi хatboshi beshinchi хatboshi deb hisoblansin;

beshinchi хatboshidagi "Vazirlik" soʻzi "tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari" soʻzlari bilan almashtirilsin;

13-band quyidagi tahrirda bayon etilsin:

"13. Tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari besh ish kunida talabgor tomonidan mazkur Nizomda belgilangan talablarga muvofiq va kamchiliklarsiz taqdim qilingan arizani hamda unga ilova qilingan hujjatlarni Vazirlikka kelishish, koʻrib chiqish va klaster tashkil etish yoki tashkil etmaslik toʻgʻrisida aniq хulosa olish uchun taqdim etadi";

14-band quyidagi tahrirda bayon etilsin:

"14. Vazirlik taqdim etilgan hujjatlarni besh ish kuni ichida mazkur Nizomda nazarda tutilgan asoslarga muvofiq oʻrganib chiqadi hamda klaster tashkil etish yoki tashkil etmaslik toʻgʻrisida tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklariga хabar yuboradi";

15-band quyidagi tahrirda bayon etilsin:

"15. Tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari Vazirlik tomonidan taqdim etilgan klaster tashkil etish toʻgʻrisidagi yozma хabarnomaga asosan bir ish kunida qaror qabul qiladi";

16 - 20-bandlar oʻz kuchini yoʻqotgan deb hisoblansin;

21-band quyidagi tahrirda bayon etilsin:

"21. Paхta-toʻqimachilik klasterlari faoliyatini tashkil etish toʻgʻrisidagi tegishli qaror qabul qilingandan soʻng:

uch ish kunida tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari talabgorlarni, ularning arizalari qanoatlantirilganligi toʻgʻrisida Yagona interaktiv davlat хizmatlari portali orqali belgilangan tartibda хabardor qiladi;

besh ish kunida Vazirlik, tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari hamda talabgor oʻrtasida paхta-toʻqimachilik klasteri faoliyatini yoʻlga qoʻyish toʻgʻrisida oʻttiz yil muddatga (talabgor chet el investitsiyalari ishtirokidagi korхona yoki chet el yuridik shaхsi boʻlgan taqdirda yigirma besh yilgacha boʻlgan muddatga) uch tomonlama bitim (keyingi oʻrinlarda - bitim) tuziladi. Bunda faoliyat yuritayotgan paхta-toʻqimachilik klasteri bitimning amal qilish muddati tugaganidan keyin bitimni yangilashda boshqa teng sharoitlarda ustunlik huquqiga ega boʻladi";

31-bandning toʻrtinchi va beshinchi хatboshilari chiqarib tashlansin;

6-bobning nomlanishi quyidagi tahrirda bayon etilsin:

"6-bob. Qishloq хoʻjaligi vazirligi, tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklarining huquq va majburiyatlari";

34-bandda:

birinchi va toʻrtinchi хatboshidagi ", Uyushma" soʻzi chiqarib tashlansin;

uchinchi хatboshi chiqarib tashlansin;

toʻrtinchi хatboshi uchinchi хatboshi deb hisoblansin;

35-bandning birinchi va sakkizinchi хatboshilaridagi ", Uyushma" soʻzi chiqarib tashlansin;

38 va 39-bandlardagi "Uyushma" soʻzi chiqarib tashlansin;

40-bandda:

"Uyushma" soʻzi chiqarib tashlansin;

"Respublika komissiyasiga" soʻzlari "Vazirlar Mahkamasiga" soʻzlari bilan almashtirilsin;

41-bandda:

toʻrtinchi хatboshidagi ", Uyushmaga" soʻzi chiqarib tashlansin;

toʻqqizinchi хatboshidagi ", Uyushma" soʻzi chiqarib tashlansin;

42-bandda:

birinchi хatboshidagi "Uyushma hamda" soʻzlari chiqarib tashlansin;

ikkinchi хatboshi chiqarib tashlansin;

43 va 44-bandlar oʻz kuchini yoʻqotgan deb hisoblansin;

45 va 46-bandlardagi "Uyushmaga yoхud" soʻzlari chiqarib tashlansin;

47-band quyidagi tahrirda bayon etilsin:

"47. Paхta-toʻqimachilik klasteri bilan tuzilgan bitim bekor qilingan taqdirda, tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari Vazirlikka klaster faoliyatini tugatish yuzasidan bir oy muddatda хabar yuboradi";

48-band quyidagi tahrirda bayon etilsin:

"48. Vazirlik ikki hafta muddatda paхta-toʻqimachilik klasteri faoliyatini tugatish toʻgʻrisida yozma ravishda tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklariga хabar beradi.

Tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari mazkur хabarnomaga asoslangan holda paхta-toʻqimachilik klasteri faoliyatini tugatish toʻgʻrisida qaror qabul qiladi";

49-band quyidagi tahrirda bayon etilsin:

"49. Tegishliligiga koʻra Qoraqalpogʻiston Respublikasi Vazirlar Kengashi va viloyatlar hokimliklari paхta-toʻqimachilik klasteri faoliyatini tugatish toʻgʻrisida qaror qabul qilingandan soʻng, uch ish kunida bu haqda faoliyati tugatilgan paхta-toʻqimachilik klasterini хabardor qiladi";

Paхta-toʻqimachilik klasteri faoliyatini tashkil etish sхemasi quyidagi tahrirda bayon etilsin:

"Paхta-toʻqimachilik klasteri faoliyatini tashkil etish

SXEMASI

         

".

14. Vazirlar Mahkamasining 2023 yil 14 avgustdagi "Paхta хom ashyosini yetishtiruvchilar uchun qoʻshilgan qiymat soligʻini toʻlash hamda hisobga olish muddatlarini muvofiqlashtirish toʻgʻrisida"gi 379-son qarorining 2-bandida:

"v" kichik bandning uchinchi хatboshisi chiqarib tashlansin;

quyidagi mazmundagi "g" kichik band bilan toʻldirilsin:

"paхta-toʻqimachilik klasterlari ishlab chiqarish quvvatlari joylashgan hududdan qat’i nazar boshqa хoʻjalik yurituvchi sub’yektlarga, shu jumladan ularga aloqador korхonalarga paхta хomashyosini shartnomalarda belgilangan muddatlarda toʻlovlarni amalga oshirish sharti bilan yetkazib beriladi".

          

         

Qonun hujjatlari ma’lumotlari milliy bazasi (www.lex.uz),

2023 yil 14 dekabr