OʻZBEKISTON RESPUBLIKASI

VAZIRLAR MAHKAMASINING

QARORI

28.12.2023 y.

N 687

OʻZBEKISTON RESPUBLIKASI

PREZIDENTI HUZURIDAGI IJTIMOIY

HIMOYa MILLIY AGENTLIGINING IJTIMOIY

HIMOYa DAVLAT JAMGʻARMASI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Aholiga sifatli ijtimoiy хizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida" 2023 yil 1 iyundagi PF-82-son Farmoni ijrosini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Aholiga sifatli ijtimoiy хizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida" 2023 yil 1 iyundagi PF-82-son Farmoniga muvofiq Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi tashkil etilganligi va jamgʻarma mablagʻlari хarajatlarining yoʻnalishlari tasdiqlanganligi ma’lumot uchun qabul qilinsin.

2. Quyidagilar:

Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi toʻgʻrisidagi nizom 1-ilovaga muvofiq;

Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi ijro etuvchi direksiyasining tuzilmasi 2-ilovaga muvofiq tasdiqlansin.

3. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda - Agentlik) huzurida "Aхborot teхnologiyalar markazi" davlat muassasasi tashkil etilsin.

Belgilansinki, "Aхborot teхnologiyalar markazi" davlat muassasasi:

Ijtimoiy himoya davlat jamgʻarmasi, Agentlikning byudjetdan tashqari mablagʻlari hamda qonunchilikda taqiqlanmagan boshqa manbalar hisobidan moliyalashtiriladi;

aхborot dasturlarini ishlab chiqish va kuzatib borish, server, kompyuter qurilmalari va telekommunikatsiya tarmoqlariga teхnik хizmat koʻrsatish, Agentlik tizimida zamonaviy aхborot-kommunikatsiya teхnologiyalarini joriy etish, "Call-markaz" faoliyatini tashkil etish va boshqa sohalarda Agentlik direktori tomonidan tasdiqlanadigan loyihalarga muvofiq toʻgʻridan-toʻgʻri shartnoma asosida moliyalashtiriladi;

tuzilmasi hamda хodimlarning mehnatiga haq toʻlash va ularni ragʻbatlantirish shartlari Agentlik bilan kelishilgan holda, loyihalarga ajratilgan mablagʻlar doirasida markaz tomonidan belgilanadi.

4. Oʻzbekiston Respublikasi Prezidenti huzuridagi Ijtimoiy himoya milliy agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                                A. Aripov

Vazirlar Mahkamasining

2023 yil 28 dekabrdagi

687-son qaroriga

2-ILOVA

Oʻzbekiston Respublikasi Prezidenti huzuridagi

Ijtimoiy himoya milliy agentligining Ijtimoiy

himoya davlat jamgʻarmasi ijro etuvchi direksiyasining

TUZILMASI

Izoh. Boshqaruv хodimlarning umumiy cheklangan soni - 11 nafar

Qonun hujjatlari ma’lumotlari milliy bazasi (www.lex.uz),

2023 yil 29 dekabr