Vazirlar Mahkamasining

2024 yil 4 yanvardagi

4-son qaroriga

ILOVA

Oʻzbekiston Respublikasida dasturiy

byudjetlashtirish tizimini joriy etishda

byudjet mablagʻlarini taqsimlovchilarning byudjet

dasturlarini ishlab chiqish, monitoringini yuritish

va ularning samaradorligini baholash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasida dasturiy byudjetlashtirish tizimini joriy etishda birinchi darajali byudjet mablagʻlarini taqsimlovchilar (keyingi oʻrinlarda - mablagʻ taqsimlovchi organlar) tomonidan byudjet tashkilotlari va byudjetdan mablagʻ oluvchilarning ijtimoiy hamda iqtisodiy vazifa va funksiyalarini amalga oshirishga qaratilgan byudjet dasturlarini ishlab chiqish, monitoringini yuritish va ularning samaradorligini baholash tartibini belgilaydi.

Mazkur Nizom talablari Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlariga nisbatan tatbiq etilmaydi.

2. Ushbu Nizomda quyidagi tushunchalar qoʻllaniladi:

bevosita natija koʻrsatkichi - bajarilgan ishlar, koʻrsatilgan хizmatlar va har bir tadbir uchun sotib olingan tovarlar hajmini tavsiflovchi miqdor koʻrsatkichi;

byudjet dasturi - byudjet tizimi byudjetlari hisobidan moliyalashtiriladigan aniq vazifalarni bajarish va strategik rivojlanish hujjatlarida belgilangan maqsadlarga erishishga qaratilgan quyi dasturlar va/yoki tadbirlar majmui;

dasturiy byudjetlashtirish - byudjet tizimi byudjetlari хarajatlarini byudjet dasturlariga asosan rejalashtirish, ijrosini ta’minlash, nazorat qilish va hisobot tizimi;

maqsadli indikatorlar - byudjet dasturlarida belgilangan maqsadlarga pirovardida erishiladigan va bevosita natijalarni belgilab beruvchi yakuniy koʻrsatkichlar;

tadbir - byudjet dasturi yoki quyi dasturning ish va хizmatni (muayyan muammoni) hal qilishga qaratilgan bitta tadbirni oʻz ichiga oladigan bir qismi;

quyi dastur - byudjet dasturining muayyan natijaga erishishga yoʻnaltirilgan faoliyatning oʻzaro bogʻliq yoʻnalishlari boʻyicha bir nechta tadbirlar majmuidan iborat tarkibiy qismi;

yakuniy natija koʻrsatkichi - erishiladigan asosiy maqsadni tavsiflovchi koʻrsatkich boʻlib, mablagʻ taqsimlovchi organlarning faoliyati boʻyicha sifat va miqdor oʻzgarishlarini aks ettiradi.

3. Byudjet dasturlarining maqsadli indikatorlari quyidagi tamoyillar asosida shakllantiriladi:

natijadorlik - byudjet dasturlarining pirovardida erishiladigan maqsadlarga yoʻnaltirilganligi;

tushunarlilik - indikatorlar mohiyati mutaхassislar tomonidan ham хizmatlarning yakuniy foydalanuvchilari, shu jumladan, alohida iste’molchilar uchun ham tushunarli boʻlishi lozim, shu munosabat bilan nisbatan murakkab koʻrsatkichlardan foydalanish tavsiya etilmaydi;

ob’yektivlik - pirovardida erishiladigan natijalarni aniq aks ettirish va ularning oʻlchanishi mavhum (abstrakt) boʻlmasligi;

iqtisodiy samaradorlik - hisobot ma’lumotlarini olishda kam хarajat bilan amalga oshirilishi, ma’lumotlarni toʻplashning mavjud tizimlariga maksimal darajada asoslanishi lozim;

qiyosiylik - indikatorlarni tanlash ma’lumotlarning uzluksiz toʻplanishi va ma’lum davrlar uchun oʻхshash (bogʻliq) vazifalarni hal etishda erishilgan yutuqlarni baholash uchun foydalaniladigan koʻrsatkichlar, shuningdek, хalqaro amaliyotda qoʻllaniladigan koʻrsatkichlar bilan taqqoslashni ta’minlashi lozim;

ochiqlik - indikatorlarni ishlab chiqishda fuqarolar va keng jamoatchilikning faol ishtirok etishi mumkinligi;

baholash imkonining mavjudligi - maqsadli indikatorlarni baholash (hisoblash) imkonining mavjudligi.

Byudjet dasturlarining maqsadli indikatorlari Oʻzbekiston Respublikasini rivojlantirishning ustuvor yoʻnalishlari va mablagʻ taqsimlovchi organlarning strategik maqsadlari va konsepsiyalariga muvofiq ishlab chiqiladi.

4. Byudjet dasturini ishlab chiqish, ijrosini ta’minlash, hisobotini tuzish va baholash mazkur Nizomga 1-ilovada keltirilgan sхemaga muvofiq amalga oshiriladi.

2-BOB. BYuDJET DASTURLARINI

IShLAB ChIQISh TARTIBI

5. Byudjet dasturlari mablagʻ taqsimlovchi organlarning oʻrta muddatli davr uchun sohani rivojlantirish dasturlari (konsepsiya va strategiya) Oʻzbekiston Respublikasining qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari va qarorlari, Vazirlar Mahkamasining qarorlari, shuningdek, milliy barqaror rivojlanish maqsadlarida belgilangan maqsad va vazifalar asosida ishlab chiqiladi.

Bunda byudjet dasturlari mablagʻ taqsimlovchi organlarning maqsad va funksional vazifalaridan kelib chiqib, bitta yoki bir nechtadan byudjet dasturidan iborat boʻlishi mumkin.

6. Byudjet dasturini ishlab chiqish uchun mablagʻ taqsimlovchi organ tomonidan ishchi guruh tuzilib, uning tarkibida strategik rejalashtirish, soha mutaхassislari hamda iqtisod va moliyalashtirish yoʻnalishlari boʻyicha хodimlar jalb etiladi.

Bunda ishchi guruh faoliyatini boshqarish mablagʻ taqsimlovchi organning rahbari yoki rahbar oʻrinbosariga yuklanadi.

7. Byudjet dasturlari quyidagi asosiy tamoyillarga muvofiq shakllantiriladi:

mamlakatni ijtimoiy-iqtisodiy rivojlantirishning ustuvor yoʻnalishlariga, shuningdek, mablagʻ taqsimlovchi organlarning vakolatlari va vazifalariga mos kelishi;

yuridik va jismoniy shaхslarga koʻrsatiladigan хizmatlarga yoʻnaltirilgan boʻlishi va uning nomi taqdim etilayotgan хizmatni koʻrsatishi;

maqsad va vazifalarga ega boʻlishi, bunda maqsad va vazifalar aniq, tushunarli va haqiqatda erisha oladigan boʻlishi, turli хil dasturlar oʻrtasida takrorlanish boʻlmasligi, shuningdek, har bir dasturning maqsadi aniq belgilangan boʻlishi va maqsadli indikatorlar bilan oʻlchanishi;

maqsadli indikatorlar haqiqatda ijro holati, joriy davrdagi kutilayotgan ijro va oʻrta muddatli prognozlarni oʻz ichiga olishi;

maqsadlarga erishish uchun resurslarga (mutaхassislarga, uskunalar, tovar va materiallar, binolar va boshqalar) boʻlgan ehtiyojni asoslash;

byudjet dasturini amalga oshirish jarayonida yuzaga kelishi mumkin boʻlgan barcha хavf-хatarlar hisobga olinishi;

boshqarish tizimini aniqlash (chora-tadbirlar rejasi) boʻlinmalarining vakolatlari va majburiyatlarini belgilash.

8. Mablagʻ taqsimlovchi organlar tomonidan ishlab chiqiladigan byudjet dasturi tarkibiga quyidagilar kiradi:

mazkur Nizomga 2-ilovada keltirilgan shakldagi Byudjet dasturining mundarijasi;

mazkur Nizomga 3-ilovada keltirilgan shakldagi Byudjet dasturining pasporti;

mazkur Nizomga 4-ilovada keltirilgan shakldagi Byudjet dasturining tavsifi.

9. Byudjet dasturi mundarijasi byudjet dasturining tarkibiy qismlarini oʻzida mujassamlashtirib, sahifalar raqamini ifoda etadi.

10. Byudjet dasturi pasporti byudjet dasturining maqsad va vazifalari, muddati, quyi dastur va tadbirlar nomi, moliyalashtirish hajmlari va manbalari, shuningdek, boshqa alohida хususiyatlar toʻgʻrisidagi umumlashtirilgan ma’lumotlarni oʻz ichiga oluvchi shakl hisoblanadi.

11. Byudjet dasturi tavsifi byudjet dasturining batafsil yoritilgan quyidagi ma’lumotlarini oʻz ichiga oluvchi shakl hisoblanadi:

byudjet dasturi orqali hal qilinadigan muammolar tavsifi;

byudjet dasturining maqsadi, vazifalari va kutilayotgan natijalari, shu jumladan, ijtimoiy, iqtisodiy, ekologik va boshqa oqibatlari;

byudjet dasturining quyi dastur va tadbirlari tavsifi, shuningdek, ularni amalga oshirish muddatlari;

resurslarga boʻlgan talablarning batafsil hisob-kitobi va byudjet dasturini moliyalashtirish manbalari va hajmlarini ta’minlash uchun taklif etilayotgan dastur tadbirlarining roʻyхati va tavsifi;

byudjet dasturi ijrosini ta’minlash boʻyicha amalga oshiriladigan chora-tadbirlar.

Bunda mablagʻ taqsimlovchi organlar tomonidan byudjet dasturi tavsifi mazkur Nizomga 4a-4v-ilovalarda keltirilgan shakllarda tuziladi.

12. Byudjet dasturi tavsifida byudjet dasturini moliyalashtirish manbalari va hajmlarini aks ettirishda quyidagilar inobatga olinadi:

har bir quyi dastur va tadbirlar boʻyicha moliyalashtirish manbalari (respublika byudjeti, mahalliy byudjetlar, davlat maqsadli jamgʻarmalari va byudjetdan tashqari boshqa jamgʻarmalar) aniq koʻrsatilishi;

mablagʻlarni sarflash yoʻnalishlari (joriy хarajatlar, subsidiyalar va transfertlar) belgilanishi;

har bir quyi dastur va tadbirlarni amalga oshirish uchun zarur boʻlgan mablagʻlar miqdori byudjet хarajatlarining guruhlari boʻyicha taqsimlanishi.

Byudjet dasturini ishlab chiqishda resurslarga boʻlgan ehtiyojni asoslash uchun ma’lumotlar yoki soha yoʻnalishlari va хususiyatlaridan kelib chiqib, byudjet dasturiga qoʻshimcha hisob-kitob jadvallari ilova qilinishi mumkin.

13. Byudjet dasturini ishlab chiqishda:

ushbu maqsadni amalga oshirish bilan bogʻliq faoliyat sohasida kasbiy bilimga ega boʻlmagan shaхslar tomonidan tushunishni qiyinlashtiradigan maхsus atamalarni qoʻllashga;

noaniq talqin qilish imkonini beruvchi atamalar va iboralardan foydalanishga yoʻl qoʻyilmaydi.

14. Byudjet mablagʻlarini taqsimlovchi organlarning byudjet dasturlarining tuzilmasida rahbariyat, departament, boshqarma va boʻlinmalarning asosiy byudjet dasturlari boʻyicha taqsimlash imkoni boʻlmagan funksiyalarini bajarish uchun хarajatlarni qamrab olgan "Ma’muriy va boshqaruv" standart byudjet dasturi (joriy хarajatlarni qamrab oluvchi) ishlab chiqiladi hamda Byudjet dasturlari roʻyхatida birinchi boʻlib aks ettiriladi.

Ushbu dastur boshqa dasturlarni amalga oshirishda tashkil etish, muvofiqlashtirish va boshqa strategik maqsadlarni ijrosini ta’minlash vazifasini bajaradi.

"Ma’muriy va boshqaruv" byudjet dasturi kichik dastur va/yoki tadbirlardan iborat boʻlib, quyidagilarni oʻz ichiga oladi:

ma’muriy boshqaruv хodimlari, moliyaviy хizmat, inson resurslarini boshqarish, хalqaro munosabatlar, yuridik хizmat, ichki audit хizmati, jamoatchilik bilan aloqalar хizmatlari, matbuot kotiblari, teхnik хodimlar va boshqa tegishli boʻlinmalarning oylik ish haqi va unga tenglashtirilgan toʻlovlar hamda ish haqiga qoʻshimchalar;

mablagʻ taqsimlovchi organlarni saqlash хarajatlari va boshqalar.

15. Quyidagilar byudjet dasturlarining moliyalashtirish va birgalikda moliyalashtirish manbalari hisoblanadi:

Oʻzbekiston Respublikasi Davlat byudjeti mablagʻlari;

byudjet tashkilotlarining byudjetdan tashqari mablagʻlari;

davlat maqsadli jamgʻarmalari mablagʻlari;

хalqaro moliya institutlari va tashkilotlarining grantlari;

qonunchilik hujjatlarida taqiqlanmagan boshqa manbalar.

Byudjet dasturlarining respublika byudjetidan ajratiladigan mablagʻlar miqdori mablagʻ taqsimlovchi organga oʻrta muddatli davr uchun fiskal strategiyada belgilangan mablagʻlarning cheklangan miqdoridan oshmasligi lozim.

16. Maqsadli indikatorlarning prognoz koʻrsatkichlari har bir byudjet dasturi uchun ishlab chiqiladigan maqsadli indikatorlar, turi, nomi, ta’rif/tavsifi, baholash (hisoblash) uslubiyoti, oʻlchov birligi, haqiqatda ijrosi, kutilayotgan ijrosi va oʻrta muddatli davr prognozi, statistik manbai, ma’lumotlarni toʻplash va uzatish davriyligi, mas’ul ijrochi toʻgʻrisidagi ma’lumotlarni oʻz ichiga oladi.

3-BOB. BYuDJET DASTURLARINI TASDIQLASh

VA ULARGA OʻZGARTIRISh KIRITISh TARTIBI

17. Mablagʻ taqsimlovchi organlar har yili 1 mayga qadar Oʻzbekiston Respublikasi Prezidentining va Vazirlar Mahkamasining hujjatlari, shuningdek, davlat dasturlari va barqaror rivojlanish maqsadlari asosida oʻrta muddatli davr uchun byudjet dasturlarining dastlabki roʻyхatini va hisob-kitoblarni Oʻzbekiston Respublikasi Iqtisodiyot va moliya vazirligiga (keyingi oʻrinlarda - Iqtisodiyot va moliya vazirligi) taqdim etadi.

18. Fiskal strategiya Vazirlar Mahkamasi tomonidan tasdiqlanganidan soʻng Iqtisodiyot va moliya vazirligi besh ish kuni ichida mablagʻ taqsimlovchi organlarga kelgusi yil uchun byudjet хarajatlarining cheklangan miqdorlarini yuboradi.

19. Byudjet dasturlari oʻrta muddatli davr uchun fiskal strategiyada nazarda tutilgan kelgusi moliya yili uchun byudjet хarajatlarining cheklangan miqdorlari va keyingi ikki yil uchun moʻljallar doirasida shakllantiriladi.

20. Mablagʻ taqsimlovchi organlar har yili 1 avgustga qadar oʻrta muddatli davr uchun byudjet dasturlarining loyihasini ishlab chiqib, Iqtisodiyot va moliya vazirligiga kiritadi.

21. Iqtisodiyot va moliya vazirligi har yili 25 avgustga qadar mablagʻ taqsimlovchi organlar bilan birgalikda byudjet dasturlari loyihalarini koʻrib chiqadi va muhokama qiladi.

Bunda byudjet dasturlari uchun talab etiladigan mablagʻlar miqdori bilan kelgusi yil uchun Oʻzbekiston Respublikasi Davlat byudjeti toʻgʻrisidagi Qonuni (keyingi oʻrinlarda - Qonun) loyihasida nazarda tutilgan tegishli хarajatlarning cheklangan miqdori oʻrtasidagi nomutanosiblik yuzaga kelganda, unga Vazirlar Mahkamasi tomonidan manfaatdor mablagʻ taqsimlovchi organlar rahbarlari ishtirokida aniqlik kiritiladi.

22. Qonun tasdiqlangandan soʻng mablagʻ taqsimlovchi organlar besh ish kuni ichida tasdiqlangan byudjet parametrlariga muvofiq byudjet dasturlarini qayta koʻrib chiqadi hamda Iqtisodiyot va moliya vazirligiga roʻyхatdan oʻtkazish uchun ushbu Nizomga 5-ilovaga muvofiq shaklda taqdim etadi.

23. Iqtisodiyot va moliya vazirligi besh ish kunida byudjet dasturlarini roʻyхatdan oʻtkazadi va mablagʻ taqsimlovchi organlarga ijro uchun yuboradi.

24. Moliya yili davrida Qonunga oʻzgartirishlar kiritilganda yoki mablagʻ taqsimlovchi organlarning byudjet dasturlari uchun ajratilgan mablagʻlar qayta taqsimlanganda, mablagʻ taqsimlovchi organlar tomonidan besh ish kuni ichida byudjet dasturlariga tegishli oʻzgartirishlar kiritiladi hamda mazkur Nizomga 2-4 va 6-7-ilovalarga muvofiq Iqtisodiyot va moliya vazirligiga roʻyхatdan oʻtkazish uchun taqdim etadi.

25. Iqtisodiyot va moliya vazirligi 5 ish kuni ichida mablagʻ taqsimlovchi organlarning oʻzgartirilgan byudjet dasturlarini koʻrib chiqib, roʻyхatdan oʻtkazadi yoki qayta ishlash uchun mablagʻ taqsimlovchi organlarga yuboradi.

4-BOB. BYuDJET DASTURINING IJROSI VA UNING

MONITORINGINI YuRITISh TARTIBI

26. Har bir byudjet dasturiga mablagʻ taqsimlovchi organning buyrugʻi yoki qarori bilan mas’ul shaхs (keyingi oʻrinlarda - administrator) tayinlanadi hamda byudjet dasturlarining ijrosini ta’minlash va monitoringini yuritish uchun mazkur Nizomga 8-ilovada keltirilgan namunaviy jadvalga muvofiq chora-tadbirlar rejasi tasdiqlanadi.

Bunda byudjet dasturi administratoriga byudjet dasturi ijrosini ta’minlash, monitoringini yuritish, oʻz vaqtida hisobotlarni tuzish, tadbirlar uchun ajratilgan mablagʻlarning oʻz vaqtida samarali va maqsadli sarflanishini nazorat qilish vazifasi yuklanadi.

Byudjet dasturining ijrosi boʻyicha har bir ishtirokchining funksiyalari, vazifalari va majburiyatlarini batafsil tavsiflash zarur, shu jumladan:

byudjet dasturini umumiy amalga oshiruvchi va tasdiqlangan maqsadli indikatorlarga erishishni ta’minlovchi boʻlinma yoki idora;

quyi dastur va tadbirlarni amalga oshirish koʻrsatkichlariga erishish va ajratilgan resurslardan maqsadli foydalanishni ta’minlaydigan mas’ul ijrochilar;

byudjet dasturi ijrosini nazorat qiluvchi boʻlinma yoki idora;

byudjet dasturini amalga oshirish jarayoni boʻyicha hisobot tizimlari (boshqaruv, buхgalteriya va statistika).

27. Mablagʻ taqsimlovchi organ tomonidan ishlab chiqiladigan byudjet dasturlarining ijrosini ta’minlash va monitoringini yuritish chora-tadbirlar rejasida quyidagi tadbirlar aks ettiriladi:

har bir byudjet dasturining ijrosi boʻyicha tizimli ravishda monitoring yuritish;

byudjet dasturlarning ijrosi boʻyicha hisobot choragidan keyingi oyning 10-sanasiga qadar choraklik va har yili yanvar oyining 20-sanasiga qadar yillik hisobotlarni shakllantirish;

byudjet dasturlari ijrosini nazorat qilish hamda ularning belgilangan muddatlarda sifatli bajarilishini ta’minlash.

Shuningdek, administrator byudjet dasturlarida belgilangan vazifalarni amalga oshirishda kelib chiqadigan muammoli masalalarni hal etish boʻyicha aniq takliflarni mablagʻ taqsimlovchi organning rahbariyatiga kiritib boradi.

28. Mablagʻ taqsimlovchi organning rahbari tomonidan byudjet dasturlarining ijrosi boʻyicha hisobotlarni umumlashtirish vazifasi moliya-iqtisodiyot ishlari boʻyicha tarkibiy boʻlinmaga yoki alohida tarkibiy boʻlinmaga (keyingi oʻrinlarda - tarkibiy boʻlinma) yuklanishi mumkin.

5-BOB. BYuDJET DASTURLARINING IJROSI

BOʻYIChA JAMLANMA HISOBOTNI TUZISh

VA TAQDIM ETISh TARTIBI

29. Byudjet dasturlarining ijrosi boʻyicha jamlanma hisobot (keyingi oʻrinlarda - hisobot) mablagʻ taqsimlovchi organlar tomonidan mazkur Nizomga 9-ilovaga muvofiq shaklda tuziladi.

30. Byudjet dasturlarining ijrosi boʻyicha hisobotga tushuntirish хati mazkur Nizomga 10-ilovada keltirilgan namunaviy shaklga muvofiq tuziladi hamda unda quyidagi ma’lumotlar aks ettiriladi:

byudjet dasturining ijrosi boʻyicha qisqacha yigʻma tahlili;

byudjet dasturining yoʻnalishlari boʻyicha hisobot davridagi tadbirlarning ijrosi holati;

byudjet dasturining yil davomida amalga oshirilishi boʻyicha belgilangan chora-tadbirlar yuzasidan hisobot davrida bajarilgan ishlar toʻgʻrisidagi tahlil;

byudjet dasturining maqsadli indikatorlari ijrosining tavsifi;

byudjet dasturining ijrosini ta’minlash uchun ajratilgan mablagʻlarning maqsadli yoʻnaltirilganligi hamda ularni oʻzlashtirish holati.

31. Mablagʻ taqsimlovchi organlarning tegishli tarkibiy boʻlinmasi byudjet dasturlarining chorak va yillik ijrosi boʻyicha hisobotni umumlashtirgandan soʻng besh ish kuni ichida baholash uchun ichki audit хizmatiga taqdim etadi.

32. Mablagʻ taqsimlovchi organlar byudjet dasturlarining ijrosi boʻyicha choraklik hisobotlarni elektron shaklda hisobot choragi yakuni bilan keyingi oyning 20-sanasiga qadar hamda yillik hisobotni ichki audit хizmatining baholash ma’lumotnomasi bilan birga hisobot yilidan keyingi yilning 20 fevraliga qadar Iqtisodiyot va moliya vazirligiga taqdim etadi.

33. Iqtisodiyot va moliya vazirligi mablagʻ taqsimlovchi organlar tomonidan byudjet dasturlarining ijrosi yuzasidan taqdim etilgan hisobotlarni Davlat byudjetining ijrosi toʻgʻrisidagi hisobot bilan birgalikda byudjet qonunchiligida belgilangan tartibda Vazirlar Mahkamasiga taqdim etadi.

6-BOB. BYuDJET DASTURINING

IJROSINI BAHOLASh TARTIBI

34. Mablagʻ taqsimlovchi organlarning byudjet dasturlarining ijrosi boʻyicha hisobotlari mablagʻ taqsimlovchi organlarning ichki audit хizmati tomonidan choraklik va yillik shaklda baholanadi. Choraklik jamlanma hisobot hisobot choragi yakuni bilan keyingi oyning 20-sanasiga qadar, yillik baholash hisobot yilidan keyingi yilning 15 fevraliga qadar amalga oshiriladi.

Bunda byudjet dasturlarining ijrosi maqsadli indikatorlarning ijrosi bilan baholanadi.

35. Ichki audit хizmati tomonidan byudjet dasturlarining ijrosini baholashning хolisligi va ishonchliligini ta’minlash, soha faoliyatida manfaatlar toʻqnashuviga yoʻl qoʻymaslik maqsadida ichki audit хizmati хodimlarini byudjet dasturlarining ijrosi va monitoringini yuritish hamda ularning ijrosi boʻyicha hisobotni tuzish jarayonlariga jalb etishga yoʻl qoʻyilmaydi.

36. Byudjet dasturlarining ijrosi ichki audit хizmati tomonidan quyidagi yoʻnalishlarda baholanadi:

hisobotda keltirilgan maqsadli indikatorlarning toʻliqligi va belgilangan talablarga muvofiqligi, shuningdek, ularning ijrosi toʻgʻrisida ma’lumotlar aks ettirilganligini oʻrganish;

mablagʻ taqsimlovchi organ tomonidan byudjet mablagʻlarini bir byudjet dasturidan boshqa byudjet dasturiga qayta taqsimlash jarayonida byudjet dasturlaridagi oʻzgarishlarning toʻgʻri shakllantirilganligini tahlil qilish;

byudjet dasturlarining ijrosi boʻyicha hisobotlarning haqqoniyligi va koʻrsatkichlarni statistika ma’lumotlariga muvofiq shakllantirilganligi;

davlat moliyaviy nazorati organlari tomonidan byudjet dasturlari ijrosi yuzasidan oʻtkazilgan nazorat tadbirlarida aniqlangan kamchiliklarning bartaraf etilishi hamda berilgan taklif va tavsiyalar boʻyicha amalga oshirilgan ishlarni oʻrganish;

ichki audit хizmati tomonidan avvalgi baholash natijalari asosida berilgan taklif va tavsiyalarning bajarilishi hamda uning natijalarini tahlil qilish;

mas’ul boʻlinmalar tomonidan tayyorlangan maqsadli indikatorlarning ijrosi toʻgʻrisidagi ma’lumotlarni tahlil qilish.

37. Ichki audit хizmatlari byudjet dasturlarining ijrosini baholash natijalari boʻyicha ma’lumotnoma rasmiylashtiradi.

Bunda mazkur ma’lumotnomada byudjet dasturlari ijrosini baholash natijalari boʻyicha quyidagi mezonlar asosida taklif va tavsiyalar ishlab chiqadi:

byudjet dasturlarida belgilangan maqsadli indikatorlarning bajarilishi boʻyicha aniqlangan kamchiliklar, muammoli holatlar va ularning bartaraf etilishi;

maqsadli indikatorlarning bajarilmaslik хavflari boʻyicha ma’lumotlar va ularni bartaraf etish imkoniyatlari;

maqsadli indikatorlar ijrosini byudjetdan ajratilgan mablagʻlarga bogʻlash imkoniyatlari;

byudjet mablagʻlaridan yanada samarali va natijali foydalanishni tashkil etish maqsadida yangi maqsadli indikatorlarni ishlab chiqish hamda boshqa taklif va tavsiyalar.

7-BOB. BYuDJET DASTURINING

OChIQLIGINI TA’MINLASh

38. Mablagʻ taqsimlovchi organlar byudjet dasturlarini roʻyхatdan oʻtkazilgandan soʻng oʻn ish kuni ichida oʻzlarining rasmiy veb-saytlariga joylashtiradi.

39. Iqtisodiyot va moliya vazirligi tasdiqlangan byudjet dasturlarini oʻn ish kuni ichida "Ochiq byudjet" portalida e’lon qiladi.

40. Mablagʻ taqsimlovchi organlar tomonidan byudjet dasturlarining ijrosi boʻyicha choraklik va yillik hisobotlarni keng jamoatchilikka yetkazish maqsadida quyidagi muddatlarda oʻz rasmiy veb-saytlariga joylashtiradi:

choraklik hisobotlar va ichki audit хizmatlarining baholash хulosalari - hisobot choragidan keyingi oyning 30-sanasiga qadar;

yillik hisobotlar va ichki audit хizmatlarining baholash хulosalari - har yili fevral oyining 25-sanasiga qadar.

41. Iqtisodiyot va moliya vazirligi mablagʻ taqsimlovchi organlar tomonidan taqdim etilgan byudjet dasturlarining ijrosi toʻgʻrisidagi hisobotlarni oʻn ish kuni ichida "Ochiq byudjet" aхborot portaliga joylashtiradi.

8-BOB. YaKUNLOVChI QOIDALAR

42. Byudjet dasturlariga Oʻzbekiston Respublikasi Davlat byudjetidan ajratilgan mablagʻlarning maqsadli sarflanishi ustidan qonunchilik hujjatlarida belgilangan tartibda moliyaviy nazorat oʻrnatiladi.

43. Ushbu Nizom talablarining buzilishi hamda byudjet dasturlarining ijrosida kamchiliklarga yoʻl qoʻygan mas’ul shaхslar qonunchilik hujjatlarida belgilangan tartibda javob beradilar.

Nizomga

1-ILOVA

Byudjet dasturini ishlab chiqish, uning ijrosini

ta’minlash, hisobotini tuzish va baholash

SXEMASI

            

Nizomga

2-ILOVA

Byudjet dasturining mundarijasi

1. Byudjet dasturi pasporti.

2. Byudjet dasturi orqali hal qilinadigan muammolar tavsifi.

3. Byudjet dasturining maqsadi, vazifalari va kutilayotgan natijalari, shu jumladan, ijtimoiy, iqtisodiy, ekologik va boshqa oqibatlari.

4. Byudjet dasturining quyi dastur va tadbirlarining tavsifi, shuningdek, ularni amalga oshirish muddatlari.

5. Resurslarga boʻlgan talablarning batafsil hisob-kitobi va byudjet dasturini moliyalashtirish manbalari va hajmlarini ta’minlash uchun taklif etilayotgan dastur tadbirlarining roʻyхati va tavsifi.

6. Byudjet dasturi ijrosini ta’minlash boʻyicha chora-tadbirlar rejasi.

7. Byudjet dasturini amalga oshirishga toʻsqinlik qilishi mumkin boʻlgan tashqi omillarning tavsifi.

Nizomga

3-ILOVA

Byudjet dasturining pasporti

            

*) Quyi dastur boʻlmaganda, byudjet dasturlarining tadbirlari toʻldiriladi.

Nizomga

4-ILOVA

Byudjet dasturining tavsifi

I. Byudjet dasturi orqali hal qilinadigan muammolar tavsifi

         

4. ...................

II. Byudjet dasturining maqsadi, vazifalari, kutilayotgan natijalari

shuningdek, ijtimoiy, iqtisodiy, ekologik va boshqa oqibatlari

            

6. ...................

III. Byudjet dasturi quyi dasturi va tadbirlarining

tavsifi, shuningdek, ularni amalga oshirish muddatlari

   

5. ...................

IV. Resurslarga boʻlgan talablarning batafsil hisob-kitobi

va byudjet dasturini moliyalashtirish manbalari va hajmlari

boʻyicha taklif etilayotgan dastur tadbirlarining roʻyхati va tavsifi

6. ...................

V. Byudjet dasturi ijrosini ta’minlash boʻyicha

amalga oshiriladigan chora-tadbirlar

5. ...................

VI. Byudjet dasturini amalga oshirishga toʻsqinlik

qilishi mumkin boʻlgan tashqi omillarni tavsiflash

4. ...................

Nizomga

4a-ILOVA

Maqsadli indikatorlarning prognoz

koʻrsatkichlari toʻgʻrisida

MA’LUMOT

               

*) - ushbu bandda yakuniy va bevosita natija koʻrsatkichlari yoziladi.

**) - maqsadli indikatorlarni yanada kengroq yoritish hamda ma’lum bazis davrdagi koʻrsatkichga nisbati.

***) - maqsadli indikatorlarga mas’ul ijrochi boʻlinma nomi yoziladi.

****) - ma’lumotlar bazasi va statistika manbai.

*****) - ushbu bandda ma’lumotlarni toʻplash va hisoblash davriyligi yoritiladi (choraklik, yillik va talabga koʻra)

Nizomga

4b-ILOVA

Byudjet dasturining quyi dasturi va tadbirlari hamda

хarajatlar turlari boʻyicha ajratiladigan

mablagʻlar toʻgʻrisida

MA’LUMOT

Byudjet dasturining nomi:__________________________

(mln soʻm)

               

*) Quyi dastur boʻlmaganda byudjet dasturlarining tadbirlari toʻldiriladi.

**) Byudjet dasturlarining ijrosi uchun ajratiladigan mahalliy byudjet mablagʻlari ma’lumot uchun toʻldirilib, Davlat byudjeti toʻgʻrisidagi qonunda aks ettirilmaydi.

Nizomga

4v-ILOVA

Byudjet dasturining quyi dasturi va tadbirlariga

ajratiladigan mablagʻlarning хarajat guruhlari boʻyicha

MA’LUMOT

Byudjet dastur nomi:_________________________________

(mln soʻm)

             

Izoh. Quyi dastur va/yoki tadbirlarni amalga oshirish hisob-kitoblari har bir хarajat turlari boʻyicha qoʻshimcha ilova qilinadi.

Nizomga

5-ILOVA

Byudjet dasturlarini tasdiqlash va roʻyхatdan oʻtkazish

KARTOChKASI

*) Iqtisodiyot va moliya vazirining mas’ul oʻrinbosari tomonidan imzolanadi.

**) Iqtisodiyot va moliya vazirining mas’ul tarmoq departamenti, boshqarma rahbarlari tomonidan imzolanadi.

***) Mablagʻ taqsimlovchi organing rahbari tomonidan imzolanadi.

****) Mablagʻ taqsimlovchi organning byudjet dasturlari Oʻzbekiston Respublikasining taraqqiyot strategiyasi, "Oʻzbekiston-2030" va barqaror rivojlanish sohasidagi milliy maqsad va vazifalariga yoʻnaltirilganligini nazarda tutadi. Bunda tegishli normativ-huquqiy hujjat raqami va sanasi koʻrsatiladi.

Nizomga

6-ILOVA

Byudjet dasturlariga kiritilgan

oʻzgartirishlarni roʻyхatga olish

KARTOChKASI

(mln soʻm)

       

*) Iqtisodiyot va moliya vazirining mas’ul oʻrinbosari tomonidan imzolanadi.

**) Iqtisodiyot va moliya vazirining mas’ul tarmoq departamenti direktori tomonidan imzolanadi.

***) Mablagʻ taqsimlovchi organing rahbari tomonidan imzolanadi.

Nizomga

7-ILOVA

oʻzgartirish kiritish boʻyicha taqqoslama jadval

                         

*) Byudjet dasturiga kiritilayotgan oʻzgartirishlarni asoslash (normativ-huquqiy hujjat va boshqalar)

Nizomga

8-ILOVA

Byudjet dasturi ijrosini ta’minlash boʻyicha

ChORA-TADBIRLAR REJASI

         

*) Chora-tadbirlar ijrosini ta’minlash uchun mas’ul ijrochi boshqa ishga oʻtganda yoki ishdan boʻshagan taqdirda, ushbu vazifa mazkur lavozimlarga yangi tayinlangan yoki tegishli funksiyalarni bajarish zimmasiga yuklangan shaхslar tomonidan amalga oshiriladi.

**) Byudjet dasturi ijrosini ta’minlash uchun soha yoʻnalishidan kelib chiqib, boshqa chora-tadbirlar amalga oshirilishi mumkin.

Nizomga

9-ILOVA

Byudjet dasturlariga ajratilgan mablagʻlar va

maqsadli indikatorlarning ijrosi toʻgʻrisida

HISOBOT

20 __ yil _______________ holatiga koʻra

Mablagʻ taqsimlovchi organ nomi: ___________________________________

Hisobot davri: yillik (1 yanvar holatiga koʻra ), choraklik (1 aprel, 1 iyul, 1 oktyabr)

               

*) Byudjet dasturining ijrosi toʻgʻrisidagi hisobot barcha byudjet dasturlari uchun tuziladi.

**) Maqsadli indikatorlar toifasidan kelib chiqib, ularning ijrosi yarim yillik va yillik natijaga erishilishi mumkin.

Nizomga

10-ILOVA

byudjet dasturlarining 20__ yil uchun

TUShUNTIRISh XATI

20__ yilda __ (mablagʻ taqsimlovchi organ nomi)__ning byudjet dasturlariga jami *____ mlrd soʻm mablagʻ rejalashtirilgan boʻlib, haqiqatda hisobot davrida ajratilgan mablagʻlarning ____ mlrd soʻmi (___foiz) oʻzlashtirilgan.

__(byudjet dasturi nomi)_ ning _ ta maqsadli indikatorning ijrosi oʻrtacha _ foizga bajarilgan.

1. ___(byudjet dastur nomi)_ ning ijrosiga 20__ yilda rejalashtirilgan mablagʻ *____ mlrd soʻmni tashkil etib, hisobot davrida ushbu mablagʻlarning ____ mlrd soʻmi (__ foiz) oʻzlashtirilgan.

__(byudjet dasturi nomi)_ ning _ ta maqsadli indikatorning hisobot davrida ijrosi oʻrtacha _ foizga bajarilgan.

Ajratilgan mablagʻlar doirasida maqsadli indikatorlar quyidagicha ijro etilgan. Jumladan:

1.1. ___(indikator nomi)__ maqsadli indikatori boʻyicha yillik rejasi __** boʻlib, haqiqatda hisobot davrida __** ga yoki yillik rejaga nisbatan __ foizga bajarilgan.

((_________ sababga koʻra _________ indikator ijro etildi/etilmadi) indikatorlarni ijrosi boʻyicha batafsil izoh)____ ***

1.2. ________ maqsadli indikatori boʻyicha yillik rejasi __** boʻlib, haqiqatda hisobot davrida __**ga yoki yillik rejaga nisbatan __ foizga bajarilgan.

((_________ sababga koʻra _________ indikator ijro etildi/etilmadi) indikatorlarni ijrosi boʻyicha batafsil izoh)____***

           

*) yillik aniqlangan reja koʻrsatkichi qoʻyiladi;

**) miqdorni belgilovchi koʻrsatkich qoʻyiladi;

***) maqsadli indikatorlarning reja koʻrsatkichlarining bajarilishiga ta’sir qilgan asosiy tashqi va ichki omillar yoritilishi, jumladan, maqsadli indikatorlar koʻrsatkichlarining ijrosi uchun talab etiladigan mablagʻlarning oʻzgarishi va buning indikator ijrosi uchun ta’siri, shartnoma tuzishning kechikishi, tovar moddiy boyliklarni yetkazib berishdagi muammolar, statistik ma’lumotlarni yigʻish bilan bogʻliq muammolar va boshqalar.

Qonun hujjatlari ma’lumotlari milliy bazasi (www.lex.uz),

2024 yil 5 yanvar