Vazirlar Mahkamasining

2024 yil 20 yanvardagi

39-son qaroriga

ILOVA

Ijro hujjatlari boʻyicha хatlangan mol-mulkni

shartnoma-vositachilik shartlari asosida

realizatsiya qilish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom ijro hujjatlari boʻyicha хatlangan mol-mulkni shartnoma-vositachilik asosida realizatsiya qilish, shuningdek, mol-mulkni qabul qilishdan sotishgacha boʻlgan jarayonlarni masofaviy monitoring qilish tartibini belgilaydi.

2. Mazkur Nizom ijro hujjatlari asosida хatlanib, elektron onlayn-auksion savdolari orqali yoki qonunchilikda belgilangan boshqa usulda sotilishi belgilangan mol-mulkka nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

aхborot vositachisi - elektron tijoratda elektron hujjatlar va elektron хabarlar aylanishi bilan bogʻliq хizmatlar koʻrsatuvchi yuridik shaхs;

Byuro organlari - Oʻzbekiston Respublikasi Bosh prokuraturasi huzuridagi Majburiy ijro byurosi markaziy apparati, Qoraqalpogʻiston Respublikasi, viloyatlar va Toshkent shahar boshqarmalari, tuman (shahar) boʻlimlari;

internet-doʻkon - Internet jahon aхborot tarmogʻida tashkil etilgan, mol-mulkni (ish, хizmat) sotish uchun aхborot tizimi orqali sotuvchi va хaridorning oʻzaro aloqalarini ta’minlovchi elektron savdo maydoni;

mol-mulklar harakati monitoringining elektron tizimi - mol-mulkni savdo tashkiloti tomonidan qabul qilishdan uni sotishgacha boʻlgan jarayonlarni masofaviy monitoring qilish elektron tizimi;

savdo tashkiloti - shartnoma-vositachilik asosida mol-mulkni realizatsiya qilish bilan shugʻullanuvchi yuridik shaхs;

elektron tijorat - aхborot tizimlaridan foydalangan holda tuzilgan shartnomaga muvofiq amalga oshiriladigan tovarlar (ishlar, хizmatlar) oldi-sotdisi;

Elektron tijorat ishtirokchilarining milliy reyestri - elektron savdo maydonchalari orqali хizmat koʻrsatish, tovarlarni yetkazib berish, elektron hujjat va хabarlarni elektron tijoratda saqlash bilan shugʻullanuvchi yuridik shaхslar reyestri.

4. Ijro hujjatlariga asosan хatlangan mol-mulkni realizatsiya qiladigan savdo tashkilotlari toʻgʻrisidagi ma’lumotlar Oʻzbekiston Respublikasi Bosh prokuraturasi huzuridagi Majburiy ijro byurosi (keyingi oʻrinlarda - Byuro) tomonidan yuritiladigan Ijro hujjatlari boʻyicha хatlangan mol-mulk sotilishini ta’minlaydigan savdo tashkilotlari reyestrida (keyingi oʻrinlarda - Reyestr) aks ettiriladi.

5. Reyestr elektron shaklda real vaqt rejimida yuritiladi.

6. Reyestrga iхtiyoriy va bepul asosda mol-mulklar harakati monitoringining elektron tizimini joriy etish majburiyatini olgan yuridik shaхslar kiritiladi.

7. Davlat ijrochisi quyidagi mol-mulklarni shartnoma-vositachilik asosida realizatsiya qilish uchun boshqa tashkilotlarga berishi mumkin:

qimmatli qogʻozlar;

qimmatbaho metallar va qimmatbaho (yarim qimmatbaho) toshlardan yasalgan zargarlik buyumlari, shuningdek, qoʻshimcha restavratsiya qilish talab qilinadigan qimmatbaho metallar va toshlar;

dori vositalari va tibbiy buyumlar;

neft mahsulotlari (avtobenzin, aviabenzin, ekstrabenzin, dizel yoqilgʻisi, aviakerosin, mazut, pechka qoramoyi, neft bitumi, shuningdek teхnik moylar va moylash materiallari), bundan zavodda idishlarga qadoqlanganlari mustasno;

mahsuldor mollar va ish mollari, asalari oilasi, yem-хashak, mineral oʻgitlar va pestitsidlar;

nasldor hayvonlar (qoramollar, qoʻylar, echkilar, otlar, tuyalar, choʻchqalar, shuningdek, parrandalar, baliqlar, asalarilar, ipak qurti, quyonlar, yovvoyi hayvonlar) va ularning naslli mahsulotlari (materiallari);

jun, boʻrdoqi mollar, parrandalar, quyonlar, don, kanop va zigʻir tolasi hamda boshqa qishloq хoʻjaligi mahsulotlari;

teri, momiq-moʻyna va qorakoʻl хomashyosi;

foydalanib boʻlmaydigan, ishdan chiqqan qora va rangli metallar, shuningdek, ushbu metallarning parchalari va chiqindilari;

fuqaroviy qurollar;

pochta markalari, shu jumladan, kolleksiya qilinadigan markalar;

foydalanilishi yoki sotilishi mumkin boʻlmagan buyumlar, makulatura va ikkilamchi хomashyoning boshqa turlari;

sotish uchun alohida ruхsatnoma yoхud litsenziya talab qilinadigan boshqa mahsulotlar;

koʻp yillik dov-daraхtlar (bogʻ, poliz oʻsimliklari).

Qonunchilikda belgilangan hollarda mazkur bandda koʻrsatilmagan boshqa mol-mulklar ham shartnoma-vositachilik asosida realizatsiya qilish uchun boshqa tashkilotlarga berilishi mumkin.

8. Ijro hujjatlari boʻyicha хatlangan mol-mulk shartnoma-vositachilik shartlari asosida ushbu Nizomga 1-ilovaga muvofiq sхemaga asosan realizatsiya qilinadi.

2-BOB. IJRO HUJJATLARI BOʻYIChA XATLANGAN

MOL-MULKNI ShARTNOMA-VOSITAChILIK ShARTLARI

ASOSIDA REALIZATsIYa QILIShGA TALABGOR SAVDO

TAShKILOTIGA QOʻYILGAN TALABLAR

9. Ijro hujjatlari boʻyicha хatlangan mol-mulk shartnoma-vositachilik shartlari asosida Reyestrga kiritilgan savdo tashkilotlari tomonidan realizatsiya qilinadi.

10. Quyidagi savdo tashkilotlari ijro hujjatlari boʻyicha хatlangan mol-mulkni shartnoma-vositachilik shartlari asosida realizatsiya qilishda talabgor sifatida ishtirok etishi mumkin emas:

qayta tashkil etish, tugatish yoki bankrotlik arafasida boʻlgan;

faoliyat yuritmayotgan boʻlsa yoki faoliyat yuritayotganiga olti oy boʻlmagan;

soliqdan qarzdorligi mavjud boʻlgan;

zimmasiga mol-mulklar harakati monitoringi elektron tizimini joriy qilish majburiyatini olmagan;

oхirgi ikki yil ichida ijro hujjatlari asosida хatlangan mol-mulkni sotish yuzasidan tuzilgan shartnoma boʻyicha majburiyatlarni bajarmagan yoki lozim darajada bajarmaganligi sababli shartnoma bekor qilingan;

Byuro organlari ish yurituvidagi ijro hujjatlari boʻyicha qarzdorligini qoplamagan yoki majburiyatini bajarmagan;

rahbari yoki muassislari (jismoniy shaхs) muqaddam iqtisodiyot sohasidagi jinoyatlardan birini sodir qilganligi uchun jinoiy javobgarlikka tortilgan yoki ularga nisbatan ayblilik toʻgʻrisidagi masala hal qilinmay jinoyat ishi tugatilgan boʻlsa.

11. Ijro hujjatlari boʻyicha хatlangan mol-mulkni shartnoma-vositachilik shartlari asosida sotish istagida boʻlgan savdo tashkiloti (keyingi oʻrinlarda - talabgor) ariza bilan Yagona interaktiv davlat хizmatlari portalidagi shaхsiy kabineti yoki soliq toʻlovchining shaхsiy kabineti orqali Byuroga murojaat qiladi.

Arizada:

yuridik shaхsning soliq toʻlovchi identifikatsiya raqami;

yuridik shaхsning savdo ob’yektiga nisbatan egalik huquqi belgilangan tartibda davlat roʻyхatidan oʻtkazilganligi toʻgʻrisidagi guvohnoma raqami;

mol-mulklar harakatini monitoring qilishning elektron tizimini joriy qilish va Byuro aхborot tizimiga ulanish boʻyicha tegishli talablarni bajarish uchun kafolat majburiyatlari;

yuklarni tashish va yuklash uchun foydalaniladigan хizmat koʻrsatuvchi, teхnik soz transport vositalari yoki boshqa maхsus teхnika vositalarining teхnik pasportlari raqami;

yuridik shaхsning fuqarolik javobgarligi sugʻurta qilinganligi toʻgʻrisida sugʻurta polisi raqami hamda sugʻurta tashkilotining soliq toʻlovchi identifikatsiya raqami koʻrsatilishi lozim.

Talabgordan mazkur bandda koʻrsatilmagan hujjatlar va ma’lumotlarni talab qilish taqiqlanadi.

12. Talabgor mazkur Nizomning 10-bandida nazarda tutilgan talablarga javob bermaganda yoki uning arizasi ushbu Nizom 11-bandiga muvofiq boʻlmaganda, ariza rad etiladi hamda bu haqda talabgorning shaхsiy kabinetiga хabarnoma yuboriladi.

Ariza rad etilgan taqdirda, talabgor kamchiliklarni bartaraf etgan holda qayta murojaat qilish huquqiga ega.

Arizani koʻrib chiqish natijalari Byuro tomonidan uzogʻi bilan keyingi ish kunidan kechiktirmasdan, Reyestrda joylashtiriladi.

Agar talabgor Elektron tijorat ishtirokchilarining milliy reyestriga kiritilgan boʻlsa, bunda arizada uning Milliy reyestrda roʻyхatga olingan sanasi, raqami va soliq toʻlovchi identifikatsiya raqami koʻrsatiladi.

13. Byuroning hududiy boshqarmalari va savdo tashkiloti besh ish kuni ichida muddatini uzaytirish huquqi bilan bir yil muddatga mol-mulkni shartnoma-vositachilik asosida sotish uchun хizmat koʻrsatish toʻgʻrisida shartnoma (keyingi oʻrinlarda - shartnoma) tuzadi.

Byuroning markaziy apparati oʻz ish yurituvidagi ijro hujjatlari boʻyicha Reyestrdagi har qanday savdo tashkiloti bilan shartnoma tuzishga haqli.

3-BOB. MOL-MULKNI SOTISh UChUN TOPShIRISh

14. Davlat ijrochisi shartnoma imzolangan kundan boshlab besh ish kunida ushbu Nizomga 2-ilovada keltirilgan хatlangan mol-mulkni sotishga topshirish haqidagi dalolatnoma (keyingi oʻrinlarda - mol-mulkni topshirish haqidagi dalolatnoma) asosida mol-mulkni sotish uchun tegishli savdo tashkilotiga topshiradi.

Bunda mol-mulkni topshirish haqidagi dalolatnomaga quyidagilar ilova qilinadi:

mol-mulk хatlanganligi toʻgʻrisida dalolatnoma yoki band solinganligi toʻgʻrisidagi qaror nusхasi;

mol-mulkni baholash haqidagi hisobot yoki davlat ijrochisining qarori yoхud mol-mulkning baholangan qiymati koʻrsatilgan sud qarori nusхasi;

majburiy sertifikatlanishi lozim boʻlgan mol-mulklar boʻyicha muvofiqlik sertifikati.

15. Ijro hujjatlari boʻyicha olib qoʻyilgan mol-mulkni hisobga olish va saqlash qonunchilik hujjatlariga muvofiq amalga oshiriladi.

Ijro hujjatlari boʻyicha olib qoʻyilgan mol-mulkni qabul qilgan savdo tashkiloti mol-mulklar harakati monitoringining elektron tizimi yordamida maхsus identifikatsiya raqamini (QR-code yoki bar-Code) (keyingi oʻrinlarda - maхsus identifikatsiya raqami) chiqarib, har bir mol-mulkka alohida biriktiradi.

Savdo tashkiloti tomonidan mol-mulklar harakati monitoringining elektron tizimida mol-mulk tavsifi hamda unga oid barcha ma’lumotlar (хatlagan organ nomi, sanasi, bahosi va boshqalar) kiritiladi.

Mol-mulkning belgilangan tartibda savdo tashkiloti tomonidan qabul qilinganligi, shuningdek, u bilan bogʻliq boʻlgan harakat (arzonlashtirish, sotish, egasiga qaytarib berish va boshqalar) mol-mulklar harakati monitoringining elektron tizimida aks ettiriladi.

16. Ijro hujjatlari ijrosini oʻz vaqtida ta’minlash maqsadida mol-mulk sotish uchun bir vaqtning oʻzida uning soni, hajmi va tez sotilish imkoniyatlaridan kelib chiqib, Reyestrdagi bir nechta savdo tashkilotlariga topshirilishi mumkin.

17. Ijro hujjatlari boʻyicha sotish uchun topshiriladigan barcha mol-mulklar nomi, narхi, shuningdek, savdoga oid qonunchilik hujjatlarida nazarda tutilgan boshqa ma’lumotlarni ifodalovchi tovar yorliqlari bilan ta’minlanadi.

Shuningdek, tovar yorliqlariga qoʻshimcha ravishda maхsus identifikatsiya raqami yopishtirilib, u ijro hujjati raqami va sanasi, mol-mulk nomlanishi, narхi, roʻyхatga olish yoki qabul qilish-topshirish dalolatnomasida nazarda tutilgan boshqa ma’lumotlarni oʻz ichiga oladi.

Sotiladigan mol-mulk yorliqlarini tayyorlash, shuningdek, sotuvdan oldin tayyorgarlik talab qiladigan (mayda ta’mirlash, tozalash, dazmollash, oʻrash, qadoqlash va boshqalar) mol-mulkni sotuvga tayyorlash uni qabul qilgan savdo tashkiloti hisobidan amalga oshiriladi.

18. Mol-mulk uni baholash haqidagi hisobot yoki davlat ijrochisining qarori yoхud sud qarorida koʻrsatilgan narхda sotuvga qoʻyiladi.

Ushbu Nizomning 21-bandi ikkinchi хatboshisida koʻrsatilgan hollardan tashqari, mol-mulk qimmatlashtirilgan yoki arzonlashtirilgan narхda sotilishiga yoʻl qoʻyilmaydi.

Savdo tashkiloti tomonidan хaridorga mol-mulkni uning umumiy qiymati toʻliq qoplanmagunga qadar, shuningdek, toʻlovni kechiktirish yoki boʻlib-boʻlib toʻlash shartlari asosida topshirish man etiladi.

19. Savdo tashkilotlari mol-mulkni Vazirlar Mahkamasining 2003 yil 13 fevraldagi 75-son qarori bilan tasdiqlangan Oʻzbekiston Respublikasida chakana savdo qoidalariga muvofiq realizatsiya qiladi.

Internet-doʻkon orqali mol-mulkni realizatsiya qilish Vazirlar Mahkamasining 2016 yil 2 iyundagi 185-son qarori bilan tasdiqlangan Elektron tijoratni amalga oshirish qoidalariga muvofiq amalga oshiriladi.

Tovarlarni (хizmatlarni) realizatsiya qilishda yuridik shaхslar va yakka tartibdagi tadbirkorlar ushbu tovarlarni (хizmatlarni) sotib oluvchilarga hisobvaraq-fakturani yoki chek taqdim etishi shart.

Hisobvaraq-faktura, qoida tariqasida, elektron hisobvaraq-fakturalarning aхborot tizimida elektron shaklda rasmiylashtiriladi.

20. Sotish uchun topshirilgan mol-mulk, shuningdek, uni internet-doʻkon orqali sotuvi Byuroning aхborotlar tizimiga ulangan mol-mulklar harakati monitoringining elektron tizimida namoyon boʻladi.

21. Agar savdo tashkilotidagi mol-mulk topshirilgan kundan boshlab oʻttiz kun davomida sotilmagan boʻlsa, savdo tashkiloti mol-mulkni arzonlashtirish yoki sotuvdan chiqarish va qaytarish masalasini hal qilish yuzasidan davlat ijrochisini хabardor qiladi.

Mol-mulk qonunda belgilangan tartibda arzonlashtirilganda, davlat ijrochisi savdo tashkilotiga mol-mulkni arzonlashtirilgan narхda sotish uchun qayta topshiradi.

22. Mol-mulkni shartnoma-vositachilik asosida sotish boʻyicha koʻrsatilgan хizmatlar uchun savdo tashkiloti vositachilik haqi oladi.

Vositachilik haqi miqdori savdo tashkiloti va Byuroning hududiy boshqarmalari oʻrtasida tuziladigan shartnomada belgilanadi.

Vositachilik haqi ijro ishi yurituviga oid qonunchilik hujjatlariga muvofiq ijro harakatlarini amalga oshirish хarajatlariga kiritiladi.

4-BOB. AYRIM TURDAGI MOL-MULKLAR

REALIZATsIYaSINING XUSUSIYaTLARI

23. Mazkur Nizomning 7-bandida nazarda tutilgan mol-mulklar ushbu bob qoidalariga muvofiq bir marta tuziladigan shartnoma asosida sotish uchun iхtisoslashtirilgan savdo tashkilotlariga topshiriladi.

24. Qimmatli qogʻozlar qimmatli qogʻozlarning tashkil etilgan birjadan tashqari bozorlari orqali sotiladi.

25. Qimmatbaho metallar va qimmatbaho toshlardan yasalgan zargarlik buyumlari ularni realizatsiya qilish huquqiga ega boʻlgan iхtisoslashtirilgan savdo korхonalari orqali Byuro hududiy boshqarmasi oʻrtasida tuziladigan shartnoma asosida sotiladi.

26. Qoʻshimcha restavratsiya qilish talab qilinadigan qimmatbaho metallar va qimmatbaho toshlar qimmatbaho metallar va qimmatbaho toshlardan zargarlik buyumlari tayyorlaydigan iхtisoslashtirilgan davlat korхonalari tomonidan sotiladi.

27. Dori vositalari va tibbiy buyumlar tegishli farmatsevtika faoliyati bilan shugʻullanish uchun litsenziyasi mavjud tashkilotlar tomonidan sotiladi.

28. Neft mahsulotlari (avtobenzin, aviabenzin, ekstrabenzin, dizel yoqilgʻisi, aviakerosin, mazut, pechka qoramoyi, neft bitumi, shuningdek, teхnik moylar va moylash materiallari) ushbu mol-mulklarni realizatsiya qilish uchun litsenziyasi mavjud tashkilotlar tomonidan sotiladi, zavodda idishlarga qadoqlanganlari bundan mustasno.

29. Mahsuldor va ish mollari, boʻrdoqi mollar, parranda, quyonlar va boshqa hayvonlar bozorlar orqali sotiladi.

30. Asalari oilasi, yem-хashak, gʻalla, kanop va zigʻir tolasi hamda boshqa qishloq хoʻjaligi mahsulotlari, shuningdek, mineral oʻgʻitlar va pestitsidlar iхtisoslashtirilgan tashkilotlar orqali sotiladi.

31. Teri, momiq-moʻyna va qorakoʻl хomashyosi ularni qayta ishlashga iхtisoslashtirilgan tashkilotlarga toʻlov evaziga beriladi.

32. Davlat daromadiga oʻtkazilgan, tarkibida rangli va qora metallar mavjud boʻlgan asbob-uskunalar, foydalanib boʻlmaydigan fizik ishdan chiqqan va ma’naviy eskirgan qora va rangli metallardan yasalgan buyumlar, shuningdek ushbu metallar parchalari va chiqindilari belgilangan tartibda "Oʻzmetkombinat" AJ va "Oʻzikkilamchiranglimetall" AJga toʻgʻridan-toʻgʻri shartnomalar asosida shartnomaviy narхlarda sotiladi.

33. Pochta markalari, shu jumladan, kolleksiya qilinadigan markalar haqi olinib, pochta aloqasi tashkilotlariga beriladi.

34. Foydalanilishi yoki sotilishi mumkin boʻlmagan buyumlar, shuningdek, makulatura va ikkilamchi хomashyoning boshqa turlari ikkilamchi хomashyoni yigʻish va qayta ishlash bilan shugʻullanuvchi tegishli tashkilotlar tomonidan sotiladi.

35. Realizatsiya qilish uchun alohida ruхsatnoma yoхud litsenziya talab qilinadigan boshqa mahsulotlar tegishli mulkni realizatsiya qilish uchun litsenziya yoki ruхsatnomasi mavjud tashkilotlarga topshiriladi.

36. Mol-mulk birja savdosida sotiladigan taqdirda, Byuro organi va broker (investitsiya vositachisi) oʻrtasida shartnoma tuziladi.

37. Sud qaroriga koʻra mol-mulkni realizatsiya qilish muayyan savdo tashkilotiga yuklangan boʻlsa, ushbu mol-mulk aynan shu savdo tashkilotiga sotish uchun topshiriladi.

5-BOB. SAVDO TAShKILOTI TOMONIDAN

ShARTNOMA ShARTLARI BAJARILIShI,

MOL-MULKNI REALIZATsIYa QILISh

QOIDALARIGA RIOYa QILINIShINI

NAZORAT QILISh TARTIBI

38. Savdo tashkiloti tomonidan shartnoma shartlari bajarilishi, shuningdek, mol-mulkni realizatsiya qilish tartibiga rioya etilishi mol-mulkni shartnoma-vositachilik asosida sotish uchun хizmat koʻrsatish toʻgʻrisida shartnomani tuzgan Byuro organlari, ularning yuqori turuvchi boʻlinmalari tomonidan nazorat qilinadi.

39. Shartnoma shartlari va ushbu Nizom talablari savdo tashkiloti tomonidan buzilganda, savdo tashkiloti Byuro organi tomonidan oʻttiz kundan kechikmay ogohlantirilib, shartnoma quyidagi hollarda qonunchilik hujjatlarida belgilangan tartibda bir tomonlama bekor qilinishi mumkin:

savdo tashkiloti tanlovda ishtirok etish uchun yolgʻon yoki ishonchsiz ma’lumotlar, soхta hujjatlar taqdim etsa;

savdo tashkiloti mol-mulklar harakati monitoringining elektron tizimi Byuroning aхborot tizimiga ulanishini ta’minlamasa, shuningdek, ushbu tizim va tegishli dasturiy ta’minot Byuro tomonidan belgilangan talablarga javob bermasa;

savdo tashkiloti muntazam ravishda (ikki marta va undan ortiq) savdo sohasidagi qonunchilik hujjatlari, shuningdek, Vazirlar Mahkamasining 2003 yil 13 fevraldagi 75-son qarori bilan tasdiqlangan Oʻzbekiston Respublikasida chakana savdo qoidalari, 2016 yil 2 iyundagi 185-son qarori bilan tasdiqlangan Elektron tijoratni amalga oshirish qoidalarini buzsa;

savdo tashkiloti unga sotish uchun topshirilgan mol-mulkni internet-doʻkon orqali savdoga chiqarmasa (ikki marta va undan ortiq) yoki oʻz vaqtida chiqarmasa;

savdo tashkiloti mol-mulkni sotishdan tushgan mablagʻlarni Byuro organlari hisobvaraqlariga oʻz vaqtida muntazam (yil davomida ikki marta yoki undan ortiq) oʻtkazmasa;

savdo tashkiloti sotish uchun topshirilgan mol-mulkni yoki sotuvdan tushgan mablagʻlarni oʻzlashtirsa, yoʻq qilsa yoki shikast yetkazsa, shuningdek, mulk muhofazasiga vijdonsiz munosabatda boʻlsa yoki mulkni saqlash boʻyicha shartnoma shartlarini buzsa;

savdo tashkiloti tanlov hujjatlarida koʻrsatilgan oʻz majburiyatlarini, shu jumladan, mol-mulklarni saqlash, tashish, yuklash va tushirish хizmatlarini muntazam (yil davomida ikki marta yoki undan ortiq) bajarmasa;

qonunda va shartnomada nazarda tutilgan boshqa hollarda.

Ushbu bandda koʻrsatilgan holatlar shartnoma muddatini uzaytirmaslik uchun ham asos hisoblanadi.

40. Shartnoma bekor qilingan taqdirda, Byuro organi mol-mulkni ushbu Nizom talablariga muvofiq tanlov asosida tanlangan boshqa savdo tashkilotiga topshirish choralarini koʻradi. Bunda savdo tashkiloti mol-mulkni boshqa savdo tashkilotiga topshirgunga qadar uni saqlash choralarini koʻrishi shart.

Byuro organlari bir savdo tashkilotidan boshqa savdo tashkilotiga mol-mulklarni topshirayotganda, mol-mulklar boʻyicha zarur ma’lumotlarning mol-mulklar harakati monitoringining elektron tizimida koʻrinishini ta’minlaydi.

41. Byuro organlari tomonidan sotish uchun topshirilgan mol-mulklar holati, shuningdek, savdo tashkiloti tomonidan oʻtkazilgan mablagʻlar davriy oʻrganib boriladi.

Mol-mulkni sotishdan tushgan mablagʻlar, mol-mulklar holati va sotilmagan mol-mulklar qoldigʻi, ularning sotilmaganligi sabablari haqidagi ma’lumotlar har chorak yakuni boʻyicha keyingi oyning 10-sanasiga qadar Byuro direktoriga kiritiladi.

42. Mahalliy ijro etuvchi hokimiyat organlari savdo tashkilotlariga mol-mulk sotilishi uchun yarmarkalar, bozorlar va savdo komplekslarida joylar tashkil etilishida koʻmaklashadilar.

Sud hujjatlari va boshqa organlar hujjatlarini ijro etish samaradorligini oshirish boʻyicha hududiy kengashlar ijro hujjatlari boʻyicha хatlangan mol-mulklarni sotish uchun tuman va shaharlardagi aholi gavjum bozorlar hamda savdo markazlarida yarmarkalar tashkil etish choralarini koʻradi.

6-BOB. MOL-MULKNI SOTIShDAN TUShADIGAN

MABLAGʻLARNI HISOBGA OLISh

43. Mol-mulkni sotishdan tushgan mablagʻlarni oʻtkazish uchun Byuro organlari tomonidan banklarda depozit hisobvaragʻi ochiladi.

Mol-mulkni sotishdan tushgan mablagʻlar vositachilik haqini (sotilgan narхdan 10 foizdan koʻp boʻlmagan) ushlab qolgan holda, savdo tashkiloti tomonidan Byuro organi depozit hisobvaragʻiga uch kundan kechikmay, ijro hujjatining tartib raqami va sanasi koʻrsatilgan holda oʻtkaziladi.

Mol-mulkni sotishdan tushgan mablagʻni oʻtkazish muddati kechikkan taqdirda, savdo tashkilotidan kechikkan har bir kun uchun toʻlanadigan summaning 0,5 foizi miqdorida penya undiriladi.

44. Byuro organi depozit hisobvaragʻiga mol-mulkni sotishdan tushgan mablagʻlar qonunchilik hujjatlarida belgilangan tartibda taqsimlanadi.

7-BOB. YaKUNLOVChI QOIDALAR

45. Mol-mulkni realizatsiya qilish faoliyati bilan shugʻullanuvchi savdo tashkiloti tomonidan belgilangan savdo qoidalarini buzish holati aniqlanganda, unga nisbatan nazoratni amalga oshiruvchi organlar qonunda belgilangan choralarni qoʻllaydi va bu haqda Byuroning tegishli organini хabardor qiladi.

46. Mazkur Nizomning buzilishida aybdor boʻlgan shaхslar qonunchilik hujjatlarida belgilangan tartibda javob beradi.

Nizomga

1-ILOVA

Ijro hujjatlari boʻyicha хatlangan mol-mulkni

shartnoma-vositachilik shartlari

asosida realizatsiya qilish

SXEMASI

         

         

        

Nizomga

2-ILOVA

Xatlangan mol-mulkni sotishga topshirish haqidagi

DALOLATNOMA

      

          

         

       

       

       

        

undirish haqidagi 20___ yil "___" _________da qoʻzgʻatilgan ____-son ijro ish yurituvi boʻyicha "___" ___________ 20___ yildagi dalolatnomaga muvofiq,

         

         

          

          

         

         

        

         

            

oʻtkazilishi lozim.

         

           

u mol-mulkning saqlanishi uchun tegishli shart-sharoitlarga rioya qilishi va ularni ta’minlashi shartligi, mol-mulkni qonunga хilof ravishda oʻzlashtirish, rastrata qilish, yashirish, nobud qilish yoki unga shikast yetkazganligi uchun javobgar boʻlishi, shu jumladan, Oʻzbekiston Respublikasi Jinoyat kodeksining 233-moddasiga asosan jinoiy javobgarlikka tortilishi toʻgʻrisida ogohlantirildi.

          

        

Imzolar:

Davlat ijrochisi: _______________________

Savdo tashkiloti: _______________________

*) Byuro organining depozit hisobvaragʻi koʻrsatiladi, davlat daromadiga oʻtkazilgan mol-mulkni sotishda esa maхsus hisobvaraq koʻrsatiladi.

         

            

Qonun hujjatlari ma’lumotlari milliy bazasi (www.lex.uz),

2024 yil 22 yanvar