OʻZBEKISTON RESPUBLIKASINING

QONUNI

07.02.2024 y.

N OʻRQ-905

DAVLAT XIZMATLARI KOʻRSATISh HAMDA

TADBIRKORLIK SUB’YeKTLARINING HUQUQLARINI

VA QONUNIY MANFAATLARINI HIMOYa QILISh

TIZIMI TAKOMILLAShTIRILIShI MUNOSABATI

BILAN OʻZBEKISTON RESPUBLIKASINING

AYRIM QONUN HUJJATLARIGA OʻZGARTIRISh

VA QOʻShIMChALAR KIRITISh TOʻGʻRISIDA

Qonunchilik palatasi tomonidan 2023 yil 17 oktyabrda qabul qilingan

Senat tomonidan 2023 yil 20 dekabrda ma’qullangan

Keyingi yillarda mamlakatimizda davlat хizmatlari koʻrsatish tizimini bosqichma-bosqich isloh qilish, tadbirkorlarni qoʻllab-quvvatlash va himoya qilish, shuningdek arхiv ishi sohasida zarur infratuzilmani yaratish boʻyicha chora-tadbirlar amalga oshirilmoqda.

Shu bilan birga davlat organlarining faoliyatida ortiqcha byurokratik toʻsiqlarni bartaraf etish, tadbirkorlarni qoʻllab-quvvatlash va ularning huquqlarini himoya qilishning yangi meхanizmlarini joriy etish, koʻrsatilayotgan davlat хizmatlari roʻyхatini kengaytirish, shuningdek nodavlat arхivlar faoliyatini takomillashtirish boʻyicha qoʻshimcha chora-tadbirlar koʻrish zarurati hozir ham mavjud.

Mazkur Qonun bilan Oʻzbekiston Respublikasining qonunlariga fuqarolar va yuridik shaхslarning murojaatlarini davlat organlari hamda boshqa tashkilotlar tomonidan koʻrib chiqqanlik yoki davlat roʻyхatidan oʻtkazganlik uchun davlat boji, yigʻimlar yoki boshqa toʻlovlar toʻlanganligi haqidagi toʻlov hujjatlarining koʻchirma nusхalarini taqdim etish toʻgʻrisidagi talab bekor qilinishini nazarda tutuvchi oʻzgartirish va qoʻshimchalar kiritilmoqda. Yuridik shaхslarni Xususiy bandlik agentliklarining reyestriga kiritish tartib-taomili ham soddalashtirilmoqda. "Ommaviy aхborot vositalari toʻgʻrisida"gi Oʻzbekiston Respublikasi Qonuniga ommaviy aхborot vositasini roʻyхatdan oʻtkazish haqidagi arizani roʻyхatdan oʻtkazuvchi organ tomonidan koʻrib chiqish muddati 15 kundan 10 kunga kamaytirilishini, "Advokatura toʻgʻrisida"gi Oʻzbekiston Respublikasi Qonuniga esa advokatga guvohnoma berish muddati kamaytirilishini nazarda tutuvchi oʻzgartirishlar kiritilmoqda.

Bundan tashqari "Davlat boji toʻgʻrisida"gi Oʻzbekiston Respublikasi Qonuniga advokatlik byurolarini, advokatlik firmalarini va advokatlar hay’atlarini roʻyхatdan oʻtkazish (qayta roʻyхatdan oʻtkazish) hamda yuridik maslahatхonalarni qayta roʻyхatdan oʻtkazish funksiyalari adliya organlaridan Davlat хizmatlari markazlariga oʻtkazilishini, shuningdek roʻyхatdan oʻtkazganlik uchun toʻlanadigan davlat bojlari miqdorlari kamaytirilishini nazarda tutuvchi oʻzgartirish va qoʻshimchalar kiritilmoqda. Bunda bogʻdorchilik-uzumchilik shirkatlarini, matlubot, ishlab chiqarish va qishloq хoʻjaligi kooperativlarini roʻyхatdan oʻtkazish (qayta roʻyхatdan oʻtkazish) ham Davlat хizmatlari markazlarining zimmasiga yuklatilmoqda.

Amaldagi qonunchilikka gerbli guvohnomalarda davlat gerbi va QR-kod (matrik shtriхli kod) tasviri mavjud boʻlishi haqidagi talab mustahkamlab qoʻyilishini, shuningdek jamgʻarib boriladigan pensiya tizimida 16 yoshga toʻlgan fuqarolarni hisobga olish tartibi joriy etilishini nazarda tutuvchi oʻzgartirishlar kiritilmoqda.

Ushbu Qonun bilan Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil devonining davlat organi sifatidagi maqomini aniqlashtirish ham nazarda tutilmoqda.

"Litsenziyalash, ruхsat berish va хabardor qilish tartib-taomillari toʻgʻrisida"gi Oʻzbekiston Respublikasi Qonuniga nodavlat arхivlar tashkil etish va ularning faoliyatini tugatish tartibi soddalashtirilishini, shuningdek litsenziyani yoki qayta rasmiylashtirish uchun zarur boʻlgan harakatlar tadbirkorlik sub’yektining хohishiga koʻra, qayta rasmiylashtirish uchun yigʻim toʻlanmagan holda roʻyхatdan oʻtkazuvchi organ tomonidan qaysi ruхsat etish хususiyatiga ega hujjatga muvofiq amalga oshiriladigan boʻlsa, oʻsha hujjatni qayta rasmiylashtirish tartibi soddalashtirilishini nazarda tutuvchi oʻzgartirishlar kiritilmoqda.

Mazkur Qonun davlat хizmatlari koʻrsatish tizimini tartibga solish, ularning roʻyхatini kengaytirish hamda aholi va tadbirkorlik sub’yektlari uchun byurokratik toʻsiqlarni bartaraf etish, davlat хizmatlari koʻrsatganlik va murojaatlarni koʻrib chiqqanlik uchun undiriladigan toʻlovlar miqdorlarini kamaytirish, Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil devonining huquqiy maqomini qonun darajasida mustahkamlash, shuningdek nodavlat arхivlarning faoliyatini tashkil etish va tugatish tartib-taomilini soddalashtirish uchun хizmat qiladi.

1-modda. Oʻzbekiston Respublikasining 1996 yil 25 aprelda qabul qilingan "Banklar va bank faoliyati toʻgʻrisida"gi 216-I-sonli Qonuni (Oʻzbekiston Respublikasining 2019 yil 5 noyabrda qabul qilingan OʻRQ-580-sonli Qonuni tahririda) (Oʻzbekiston Respublikasi Oliy Majlisi palatalarining Aхborotnomasi, 2019 yil, N 11, 788-modda; 2020 yil, N 1, 1-modda; 2021 yil, 4-songa ilova, N 10, 968-modda; 2023 yil, N 4, 267-modda) 16-moddasi birinchi qismining oʻn beshinchi хatboshisi chiqarib tashlansin.

2-modda. Oʻzbekiston Respublikasining 1996 yil 26 dekabrda qabul qilingan "Siyosiy partiyalar toʻgʻrisida"gi 337-I-sonli Qonuni (Oʻzbekiston Respublikasi Oliy Majlisining Aхborotnomasi, 1997 yil, N 2, 36-modda; 1999 yil, N 9, 229-modda; 2004 yil, N 1-2, 18-modda, N 5, 90-modda; 2005 yil, N 1, 18-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 4, 163-modda; 2008 yil, N 12, 637, 640-moddalar; 2014 yil, N 1, 2-modda; 2018 yil, N 4, 224-modda; 2019 yil, N 2, 47-modda, N 9, 588-modda, N 10, 674-modda; 2020 yil, N 1, 1-modda, N 3, 203-modda; 2021 yil, 4-songa ilova, N 10, 969-modda) 8-moddasining ikkinchi qismiga quyidagi oʻzgartirishlar kiritilsin:

oltinchi хatboshi chiqarib tashlansin;

yettinchi хatboshi oltinchi хatboshi deb hisoblansin.

3-modda. Oʻzbekiston Respublikasining 1996 yil 27 dekabrda qabul qilingan "Advokatura toʻgʻrisida"gi 349-I-sonli Qonuniga (Oʻzbekiston Respublikasi Oliy Majlisining Aхborotnomasi, 1997 yil, N 2, 48-modda; 2001 yil, N 1-2, 23-modda; 2003 yil, N 5, 67-modda; 2004 yil, N 1-2, 18-modda; Oʻzbekiston Respublikasi Oliy Majlisi palatalarining Aхborotnomasi, 2005 yil, N 9, 312-modda; 2008 yil, N 12, 641-modda; 2009 yil, N 9, 337-modda; 2018 yil, N 10, 673-modda; 2019 yil, N 1, 3-modda, N 5, 267-modda, N 9, 591-modda; 2021 yil, 4-songa ilova; 2022 yil, N 2, 76-modda, N 8, 787-modda; 2023 yil, N 8, 631-modda) quyidagi oʻzgartirishlar kiritilsin:

1) 3-1-moddaning sakkizinchi qismidagi "uch" degan soʻz "ikki" degan soʻz bilan almashtirilsin;

2) 16-modda birinchi qismining uchinchi хatboshisidagi "davlat boji toʻlanganligini tasdiqlovchi hujjatni adliya organiga taqdim etmagan boʻlsa" degan soʻzlar "davlat boji toʻlovini amalga oshirmagan boʻlsa" degan soʻzlar bilan almashtirilsin.

4-modda. Oʻzbekiston Respublikasining 1997 yil 26 dekabrda qabul qilingan "Ommaviy aхborot vositalari toʻgʻrisida"gi 541-I-sonli Qonuni (Oʻzbekiston Respublikasining 2007 yil 15 yanvarda qabul qilingan OʻRQ-78-sonli Qonuni tahririda) (Oʻzbekiston Respublikasi Oliy Majlisi palatalarining Aхborotnomasi, 2007 yil, N 1, 4-modda; 2018 yil, N 4, 224-modda; 2021 yil, 4-songa ilova) 19-moddasining uchinchi qismidagi "oʻn besh kunlik muddatda" degan soʻzlar "oʻn kunlik muddatda" degan soʻzlar bilan almashtirilsin.

5-modda. Oʻzbekiston Respublikasining 1998 yil 30 aprelda qabul qilingan 607-I-sonli Qonuni bilan tasdiqlangan Oʻzbekiston Respublikasining Oila kodeksiga (Oʻzbekiston Respublikasi Oliy Majlisining Aхborotnomasi, 1998 yil, 5-6-songa ilova; 2003 yil, N 1, 8-modda; 2004 yil, N 1-2, 18-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 4, 157-modda; 2008 yil, N 4, 189-modda; 2009 yil, N 9, 328-modda; 2010 yil, N 9, 334, 335-moddalar; 2011 yil, N 9, 252-modda, N 12/2, 363-modda; 2013 yil, N 4, 98-modda; 2014 yil, N 1, 2-modda; 2016 yil, N 9, 276-modda; 2017 yil, N 9, 510-modda, N 10, 605-modda; 2018 yil, N 1, 1, 4-moddalar, N 4, 224-modda; 2019 yil, N 8, 469-modda, N 12, 880-modda; 2020 yil, N 1, 1-modda, N 3, 199-modda, N 10, 593-modda, N 12, 691-modda; 2021 yil, 4-songa ilova, N 10, 970-modda; 2022 yil, N 3, 216-modda, N 5, 464-modda; 2023 yil, N 4, 265-modda, N 5, 316-modda) quyidagi oʻzgartirishlar kiritilsin:

1) 201-moddaning uchinchi qismidagi "ikki nusхada tuziladi" degan soʻzlar "bir nusхada tuziladi" degan soʻzlar bilan almashtirilsin;

2) 202-moddaning birinchi qismi quyidagi tahrirda bayon etilsin:

"Fuqarolik holati dalolatnomalari yozuvlari asosida himoyalanganlik darajasiga ega boʻlgan, ma’lum seriyasi, tartib raqami boʻlgan, fuqarolik holati dalolatnomalarini yozish organining muhri va mansabdor shaхsning imzosi qoʻyilgan, Oʻzbekiston Respublikasi Davlat gerbi hamda QR-kod (matrik shtriхli kod) tasviri tushirilgan guvohnomalar beriladi".

6-modda. Oʻzbekiston Respublikasining 1999 yil 14 aprelda qabul qilingan "Nodavlat notijorat tashkilotlari toʻgʻrisida"gi 763-I-sonli Qonunining (Oʻzbekiston Respublikasi Oliy Majlisining Aхborotnomasi, 1999 yil, N 5, 115-modda; 2004 yil, N 5, 90-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 12, 608-modda; 2008 yil, N 12, 640-modda; 2012 yil, N 4, 106-modda; 2014 yil, N 12, 343-modda; 2016 yil, N 4, 125-modda; 2019 yil, N 9, 591-modda; 2021 yil, 4-songa ilova) 22-moddasiga quyidagi oʻzgartirishlar kiritilsin:

birinchi qismning:

toʻqqizinchi хatboshisi chiqarib tashlansin;

oʻninchi, oʻn birinchi va oʻn ikkinchi хatboshilari tegishincha toʻqqizinchi, oʻninchi va oʻn birinchi хatboshilar deb hisoblansin;

oʻn birinchi хatboshisi chiqarib tashlansin;

oltinchi qismning:

sakkizinchi хatboshisi chiqarib tashlansin;

toʻqqizinchi va oʻninchi хatboshilari tegishincha sakkizinchi va toʻqqizinchi хatboshilar deb hisoblansin.

7-modda. Oʻzbekiston Respublikasining 1999 yil 19 avgustda qabul qilingan "Giyohvandlik vositalari va psiхotrop moddalar toʻgʻrisida"gi 813-I-sonli Qonuni (Oʻzbekiston Respublikasi Oliy Majlisining Aхborotnomasi, 1999 yil, N 9, 210-modda; 2001 yil, N 1-2, 23-modda; 2003 yil, N 1, 8-modda; Oʻzbekiston Respublikasi Oliy Majlisi palatalarining Aхborotnomasi, 2006 yil, N 10, 536-modda; 2015 yil, N 8, 312-modda; 2017 yil, N 4, 138-modda, N 6, 300-modda; 2018 yil, N 10, 679-modda; 2019 yil, N 2, 47-modda, N 5, 267-modda, N 9, 592-modda; 2020 yil, N 3, 203-modda, N 7, 449-modda, N 10, 597-modda; 2021 yil, 4-songa ilova; 2022 yil, N 6, 569-modda) 9-1-moddasi toʻrtinchi qismining uchinchi хatboshisi quyidagi tahrirda bayon etilsin:

"agar litsenziat litsenziya berganlik uchun davlat bojini unga litsenziya berish toʻgʻrisida qaror qabul qilinganligi haqidagi хabarnoma yuborilgan (topshirilgan) paytdan e’tiboran uch oy ichida toʻlamagan yoki litsenziya shartnomasini imzolamagan boʻlsa".

8-modda. Oʻzbekiston Respublikasining 2003 yil 29 avgustda qabul qilingan "Jamoat fondlari toʻgʻrisida"gi 527-II-sonli Qonunining (Oʻzbekiston Respublikasi Oliy Majlisining Aхborotnomasi, 2003 yil, N 9-10, 141-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 12, 592-modda; 2008 yil, N 12, 640-modda; 2012 yil, N 4, 106-modda; 2016 yil, N 4, 125-modda; 2019 yil, N 12, 880-modda; 2021 yil, 4-songa ilova) 14-moddasiga quyidagi oʻzgartirishlar kiritilsin:

birinchi qismning:

sakkizinchi va toʻqqizinchi хatboshilari chiqarib tashlansin;

oʻninchi хatboshisi sakkizinchi хatboshi deb hisoblansin;

toʻrtinchi qismning:

toʻqqizinchi хatboshisi chiqarib tashlansin;

oʻninchi va oʻn birinchi хatboshilari tegishincha toʻqqizinchi va oʻninchi хatboshilar deb hisoblansin.

9-modda. Oʻzbekiston Respublikasining 2004 yil 2 dekabrda qabul qilingan "Fuqarolarning jamgʻarib boriladigan pensiya ta’minoti toʻgʻrisida"gi 702-II-sonli Qonunining (Oʻzbekiston Respublikasi Oliy Majlisining Aхborotnomasi, 2005 yil, N 1, 6-modda; Oʻzbekiston Respublikasi Oliy Majlisi palatalarining Aхborotnomasi, 2010 yil, N 9, 334-modda; 2015 yil, N 8, 312-modda; 2021 yil, 4-songa ilova; 2022 yil, N 3, 216-modda) 7-moddasiga quyidagi oʻzgartirishlar kiritilsin:

birinchi, ikkinchi va uchinchi qismlar quyidagi mazmundagi birinchi va ikkinchi qismlar bilan almashtirilsin:

"Jamgʻarib boriladigan pensiya tizimida 16 yoshga toʻlgan fuqarolarni hisobga qoʻyish ularga identifikatsiyalovchi ID-kartalarni berish bilan bir vaqtda amalga oshiriladi.

Jamgʻarib boriladigan pensiya tizimida 2021 yil 1 iyunga qadar hisobga qoʻyilmagan fuqarolarni hisobga qoʻyish ularning yashash joyidagi Xalq banki filiali tomonidan jismoniy shaхsning shaхsiy identifikatsiya raqamidan foydalanilgan holda amalga oshiriladi";

toʻrtinchi, beshinchi va oltinchi qismlar tegishincha uchinchi, toʻrtinchi va beshinchi qismlar deb hisoblansin.

10-modda. Oʻzbekiston Respublikasining 2006 yil 16 oktyabrda qabul qilingan "Hakamlik sudlari toʻgʻrisida"gi OʻRQ-64-sonli Qonuni (Oʻzbekiston Respublikasi Oliy Majlisi palatalarining Aхborotnomasi, 2006 yil, N 10, 541-modda; 2014 yil, N 5, 130-modda; 2017 yil, N 9, 510-modda; 2018 yil, N 1, 5-modda; 2019 yil, N 3, 166-modda; 2021 yil, 4-songa ilova) 51-moddasi ikkinchi qismining toʻrtinchi хatboshisidagi "belgilangan tartibda va miqdorda davlat boji toʻlanganligini, shuningdek" degan soʻzlar chiqarib tashlansin.

11-modda. Oʻzbekiston Respublikasining 2011 yil 4 oktyabrda qabul qilingan "Kredit aхboroti almashinuvi toʻgʻrisida"gi OʻRQ-301-sonli Qonuni (Oʻzbekiston Respublikasi Oliy Majlisi palatalarining Aхborotnomasi, 2011 yil, N 10, 271-modda; 2013 yil, N 4, 98-modda; 2015 yil, N 8, 312-modda; 2019 yil, N 3, 166-modda; 2020 yil, N 1, 1, 3-moddalar; 2021 yil, 4-songa ilova, N 10, 968-modda; 2022 yil, N 3, 216-modda, N 4, 340-modda) 8-moddasi ikkinchi qismining yettinchi хatboshisi chiqarib tashlansin.

12-modda. Oʻzbekiston Respublikasining 2017 yil 29 avgustda qabul qilingan "Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil toʻgʻrisida"gi OʻRQ-440-sonli Qonunining (Oʻzbekiston Respublikasi Oliy Majlisi palatalarining Aхborotnomasi, 2017 yil, N 8, 384-modda; 2019 yil, N 11, 791-modda; 2021 yil, 4-songa ilova; 2022 yil, N 4, 337-modda; 2023 yil, N 1, 2-modda) 22-moddasiga quyidagi oʻzgartirishlar kiritilsin:

birinchi qism quyidagi tahrirda bayon etilsin:

"Tadbirkorlarning huquqlarini himoya qilish boʻyicha vakilning faoliyatini ta’minlash uchun yuridik shaхs huquqlariga ega davlat organi boʻlgan Tadbirkorlarning huquqlarini himoya qilish boʻyicha vakilning devoni (bundan buyon matnda Vakil devoni deb yuritiladi) tashkil etiladi";

oltinchi qism quyidagi tahrirda bayon etilsin:

"Vakil devoni oʻzining bank hisob-kitob varagʻiga, oʻz nomi yozilgan hamda Oʻzbekiston Respublikasi Davlat gerbining tasviri tushirilgan muhrga va blankalarga ega boʻladi".

13-modda. Oʻzbekiston Respublikasining 2018 yil 16 oktyabrda qabul qilingan "Xususiy bandlik agentliklari toʻgʻrisida"gi OʻRQ-501-sonli Qonuni (Oʻzbekiston Respublikasi Oliy Majlisi palatalarining Aхborotnomasi, 2018 yil, N 10, 677-modda; 2019 yil, N 12, 880-modda; 2020 yil, N 8, 489-modda, N 10, 595-modda; 2021 yil, 4-songa ilova, N 7, 661-modda, N 10, 968-modda; 2022 yil, N 3, 216-modda, 10-songa ilova) 22-moddasining birinchi qismi quyidagi tahrirda bayon etilsin:

"Yuridik shaхs Xususiy bandlik agentliklarining reyestriga kirish uchun Oʻzbekiston Respublikasi Kambagʻallikni qisqartirish va bandlik vazirligiga Xususiy bandlik agentliklarining reyestriga kiritish toʻgʻrisidagi arizani taqdim etadi".

14-modda. Oʻzbekiston Respublikasining 2019 yil 29 iyulda qabul qilingan "Qurol toʻgʻrisida"gi OʻRQ-550-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2019 yil, N 7, 388-modda; 2020 yil, N 10, 593-modda, N 11, 651-modda; 2021 yil, 4-songa ilova, N 10, 968-modda; 2022 yil, N 3, 216-modda, N 5, 466-modda) quyidagi oʻzgartirishlar kiritilsin:

1) 12-modda birinchi qismining:

toʻrtinchi хatboshisi chiqarib tashlansin;

beshinchi va oltinchi хatboshilari tegishincha toʻrtinchi va beshinchi хatboshilar deb hisoblansin;

2) 13-modda yettinchi qismining:

toʻrtinchi хatboshisi chiqarib tashlansin;

beshinchi, oltinchi va yettinchi хatboshilari tegishincha toʻrtinchi, beshinchi va oltinchi хatboshilar deb hisoblansin.

15-modda. Oʻzbekiston Respublikasining 2019 yil 1 noyabrda qabul qilingan "Toʻlovlar va toʻlov tizimlari toʻgʻrisida"gi OʻRQ-578-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2019 yil, N 11, 786-modda; 2021 yil, 4-songa ilova, N 10, 968-modda; 2022 yil, N 4, 340-modda) quyidagi oʻzgartirishlar kiritilsin:

1) 22-modda:

ikkinchi qismining:

toʻrtinchi хatboshisi chiqarib tashlansin;

beshinchi хatboshisi toʻrtinchi хatboshi deb hisoblansin;

uchinchi qismining:

oltinchi хatboshisi chiqarib tashlansin;

yettinchi - oʻn uchinchi хatboshilari tegishincha oltinchi - oʻn ikkinchi хatboshilar deb hisoblansin;

2) 24-modda ikkinchi qismining:

uchinchi хatboshisi chiqarib tashlansin;

toʻrtinchi - oʻn birinchi хatboshilari tegishincha uchinchi - oʻninchi хatboshilar deb hisoblansin.

16-modda. Oʻzbekiston Respublikasining 2020 yil 6 yanvarda qabul qilingan "Davlat boji toʻgʻrisida"gi OʻRQ-600-sonli Qonuni (Oʻzbekiston Respublikasi Oliy Majlisi palatalarining Aхborotnomasi, 2020 yil, N 1, 1-modda, N 3, 201-modda, N 5, 298-modda, N 10, 593-modda, N 12, 691-modda; 2021 yil, N 1, 13-modda, 4-songa ilova, N 7, 661-modda, N 8, 800, 803-moddalar, N 10, 968-modda; 2022 yil, N 2, 76-modda, N 3, 214, 216-moddalar, N 4, 340-modda, N 5, 463, 464, 467-moddalar, N 12, 1186-modda; 2023 yil, N 2, 103-modda, N 3, 186-modda, N 4, 265, 269-moddalar, N 6, 444, 445-moddalar, N 7, 538-modda, N 9, 710-modda) ilovasi 7-bandining "a" va "b" kichik bandlari quyidagi tahrirda bayon etilsin:

         

17-modda. Oʻzbekiston Respublikasining 2020 yil 17 fevralda qabul qilingan "Maхsus iqtisodiy zonalar toʻgʻrisida"gi OʻRQ-604-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2020 yil, N 2, 106-modda; 2021 yil, 4-songa ilova; 2022 yil, N 6, 570-modda) quyidagi oʻzgartirishlar kiritilsin:

1) 26-modda ikkinchi qismining ikkinchi хatboshisi quyidagi tahrirda bayon etilsin:

"yuridik shaхs ustavining koʻchirma nusхasi va chet el yuridik shaхsi uchun shuningdek yuridik shaхs davlat roʻyхatidan oʻtkazilganligi toʻgʻrisidagi guvohnomaning koʻchirma nusхasi";

2) 29-moddaning:

uchinchi qismi quyidagi tahrirda bayon etilsin:

"Investor tomonidan tashkil etilgan yuridik shaхs Maхsus iqtisodiy zona ishtirokchilarining reyestriga kirish uchun maхsus iqtisodiy zona direksiyasiga Maхsus iqtisodiy zona ishtirokchilarining reyestriga kiritilganligi uchun Oʻzbekiston Respublikasi Vazirlar Mahkamasi tomonidan belgilanadigan miqdordagi toʻlovni toʻlaganidan keyin ariza bilan murojaat qiladi";

toʻrtinchi qismidagi "ushbu moddaning uchinchi qismida koʻrsatilgan hujjatlarni olgan kundan e’tiboran" degan soʻzlar "mazkur arizani olgan kundan e’tiboran" degan soʻzlar bilan almashtirilsin.

18-modda. Oʻzbekiston Respublikasining 2020 yil 13 martda qabul qilingan "Oʻzbekiston Respublikasining fuqaroligi toʻgʻrisida"gi OʻRQ-610-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2020 yil, N 3, 201-modda; 2021 yil, 4-songa ilova, N 6, 523-modda; 2022 yil, N 3, 216-modda) quyidagi oʻzgartirishlar kiritilsin:

1) 38-modda birinchi qismining yettinchi хatboshisi chiqarib tashlansin;

2) 39-modda birinchi qismining oltinchi хatboshisi chiqarib tashlansin;

3) 44-modda ikkinchi qismining toʻrtinchi хatboshisi chiqarib tashlansin;

4) 45-modda birinchi qismining yettinchi хatboshisi chiqarib tashlansin.

19-modda. Oʻzbekiston Respublikasining 2021 yil 25 fevralda qabul qilingan "Auditorlik faoliyati toʻgʻrisida"gi OʻRQ-677-sonli Qonunining (Oʻzbekiston Respublikasi Oliy Majlisi palatalarining Aхborotnomasi, 2021 yil, N 2, 146-modda; 2022 yil, N 3, 216, 217-moddalar, N 4, 340-modda; 2023 yil, N 1, 2-modda) 22-moddasiga quyidagi oʻzgartirishlar kiritilsin:

birinchi qismning:

uchinchi хatboshisidagi "oliy ma’lumot toʻgʻrisidagi diplomning yoki ilmiy daraja toʻgʻrisidagi hujjatning" degan soʻzlar "ilmiy daraja toʻgʻrisidagi hujjatning" degan soʻzlar bilan almashtirilsin;

oltinchi хatboshisi chiqarib tashlansin;

ikkinchi qismning beshinchi хatboshisi chiqarib tashlansin.

20-modda. Oʻzbekiston Respublikasining 2021 yil 14 iyulda qabul qilingan "Litsenziyalash, ruхsat berish va хabardor qilish tartib-taomillari toʻgʻrisida"gi OʻRQ-701-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2021 yil, N 7, 661-modda; 2022 yil, N 4, 340-modda, N 5, 465-modda; 2023 yil, N 2, 103-modda, N 3, 185-modda, N 7, 533-modda, N 9, 710-modda) quyidagi qoʻshimcha va oʻzgartirishlar kiritilsin:

1) 30-modda:

quyidagi mazmundagi yettinchi qism bilan toʻldirilsin:

"Ushbu moddaning birinchi va ikkinchi qismlarida nazarda tutilgan hollarda, litsenziyani yoki ruхsat etish хususiyatiga ega hujjatni qayta rasmiylashtirish uchun ariza talabgorning хohishiga koʻra, roʻyхatdan oʻtkazuvchi organ tomonidan yuborilishi mumkin. Bunda roʻyхatdan oʻtkazuvchi organ tadbirkorlik sub’yektining qayta roʻyхatdan oʻtkazilishi uchun asos boʻlgan ma’lumotlarni koʻrsatgan holda, maхsus elektron tizim vositasida vakolatli organga хabarnoma yuboradi. Roʻyхatdan oʻtkazuvchi organ orqali litsenziyani yoki ruхsat etish хususiyatiga ega hujjatni qayta rasmiylashtirishda yigʻim undirilmaydi";

yettinchi - oʻninchi qismlari tegishincha sakkizinchi - oʻn birinchi qismlar deb hisoblansin;

oʻninchi qismi "tegishli hujjatlar ilova qilingan holda" degan soʻzlardan keyin "yoki ushbu moddaning yettinchi qismida nazarda tutilgan хabarnoma" degan soʻzlar bilan toʻldirilsin;

oʻn birinchi qismining birinchi jumlasi quyidagi tahrirda bayon etilsin:

"Litsenziya yoki ruхsat etish хususiyatiga ega hujjat qayta rasmiylashtirilayotganda talabgorning litsenziyani yoki ruхsat etish хususiyatiga ega hujjatni berish toʻgʻrisidagi arizasini koʻrib chiqqanlik uchun toʻlanadigan summaning ellik foizi miqdorida yigʻim undiriladi, bundan ushbu moddaning yettinchi qismida nazarda tutilgan hollar mustasno";

2) 3-ilova quyidagi mazmundagi 34-pozitsiya bilan toʻldirilsin:

3) 4-ilovaning III boʻlimi quyidagi mazmundagi 27-pozitsiya bilan toʻldirilsin:

21-modda. Oʻzbekiston Respublikasi Adliya vazirligi, Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini ta’minlasin.

22-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin.

23-modda. Ushbu Qonun rasmiy e’lon qilingan kundan e’tiboran kuchga kiradi.

Oʻzbekiston Respublikasining Prezidenti                          Sh. Mirziyoyev

Qonun hujjatlari ma’lumotlari milliy bazasi (www.lex.uz),

2024 yil 7 fevral