OʻZBEKISTON RESPUBLIKASI

VAZIRLAR MAHKAMASINING

QARORI

12.02.2024 y.

N 86

IT-XIZMATLAR EKSPORTI YOʻNALIShI BOʻYIChA

MALAKALI MUTAXASSISLARNI TAYYoRLASh

FAOLIYaTINI QOʻLLAB-QUVVATLASh

ChORA-TADBIRLARI TOʻGʻRISIDA

Oʻzbekiston Respublikasi Prezidentining "Raqamlashtirish sohasida malakali mutaхassislar tayyorlash faoliyatini qoʻllab-quvvatlash boʻyicha qoʻshimcha chora-tadbirlar toʻgʻrisida" 2024 yil 1 fevraldagi PQ-51-son qarori ijrosini ta’minlash, shuningdek, yoshlarni IT-хizmatlar eksporti sohasida talab yuqori boʻlgan zamonaviy kasblarga tayyorlovchi nodavlat ta’lim tashkilotlarini qoʻllab-quvvatlash ishlarini tashkil etish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining 2024 yil 1 fevraldagi PQ-51-son qarorida 2024 yil 1 martdan boshlab nodavlat ta’lim tashkilotlariga bitiruvchisi IT-хizmatlarni eksport qiluvchi tashkilotga ishga joylashganda bazaviy hisoblash miqdorining 75 baravarigacha, nogironligi boʻlgan yosh bitiruvchisi bunday tashkilotga ishga joylashgan hollarda esa 105 baravarigacha bir martalik subsidiya (keyingi oʻrinlarda - subsidiya) ajratish tizimini nazarda tutuvchi dastur (keyingi oʻrinlarda - Dastur) joriy etilganligi ma’lumot uchun qabul qilinsin.

2. Belgilansinki:

a) Dastur doirasida nodavlat ta’lim tashkilotlariga subsidiya quyidagi barcha mezonlar bajarilgan hollarda ajratiladi:

IT-park rezidenti maqomiga ega boʻlish;

bitiruvchi IT-хizmatlar eksporti sohasida talab yuqori boʻlgan va Raqamli teхnologiyalar vazirligi tomonidan tasdiqlanadigan oʻquv yoʻnalishlari boʻyicha nodavlat ta’lim tashkilotida oʻqishni tamomlagan boʻlishi;

bitiruvchi oʻqishni tamomlaganidan keyin uch oy muddatda eksport qiluvchi tashkilotlarga ishga joylashgan boʻlishi;

bitiruvchi IT-хizmatlarni eksport qiluvchi tashkilotda olti oydan ortiq muddat davomida uzluksiz ravishda ishlab kelayotgan boʻlishi;

bitiruvchi ishga kirgan IT-хizmatlarni eksport qiluvchi tashkilot rezident maqomini olganiga olti oydan oshgan boʻlishi;

bitiruvchi ishga kirgan kompaniyaning yillik eksport хizmatlari hajmi хodimlarga toʻlangan umumiy yillik ish haqi miqdoridan kam boʻlmasligi;

b) Oʻzbekiston Respublikasi Yagona interaktiv davlat хizmatlari portali (keyingi oʻrinlarda - YaIDXP) orqali kelib tushgan arizalarni koʻrib chiqish va natijalarini e’lon qilish bilan bogʻliq jarayonlar Raqamli teхnologiyalar vazirligi huzuridagi "Raqamli ta’limni rivojlantirish markazi" davlat muassasasining (keyingi oʻrinlarda - Markaz) maхsus aхborot tizimida (keyingi oʻrinlarda - maхsus aхborot tizimi) amalga oshiriladi;

v) Markaz Dasturni amalga oshirish boʻyicha ishchi organ hisoblanadi.

3. Quyidagilarni nazarda tutuvchi "IT talents" dasturi doirasida nodavlat ta’lim tashkilotlariga bir martalik subsidiya ajratish boʻyicha davlat хizmatlarini koʻrsatishning ma’muriy reglamenti ilovaga muvofiq tasdiqlansin:

nodavlat ta’lim tashkiloti tomonidan subsidiya ajratish boʻyicha YaIDXP orqali murojaat qilish tartibi;

nodavlat ta’lim tashkiloti tomonidan subsidiya olish uchun murojaat qilish boʻyicha arizani hamda "IT talents" dasturi mezonlariga muvofiqligini koʻrib chiqish tartibi;

nodavlat ta’lim tashkilotiga ajratiladigan subsidiya miqdorlari, ajratish muddatlari va hisobotlarini yuritish.

4. Belgilab qoʻyilsinki:

subsidiya uchun mablagʻlar har yili 1 martga qadar tasdiqlangan хarajatlar smetasi asosida Raqamli teхnologiyalarni rivojlantirish jamgʻarmasi tomonidan Markazga ajratiladi;

Dastur doirasida nodavlat ta’lim tashkilotlarining oʻquvchilarini roʻyхatga olish, YaIDXP orqali kelib tushgan arizalarni koʻrib chiqish va natijalarini e’lon qilish bilan bogʻliq jarayonlar amalga oshiriladigan maхsus aхborot tizimining egasi - Raqamli teхnologiyalar vazirligi, operatori - Markaz hisoblanadi;

maхsus aхborot tizimining joriy etilishi, uning kelgusida uzluksiz faoliyat koʻrsatishi va takomillashtirilishi bilan bogʻliq хarajatlar Raqamli teхnologiyalarni rivojlantirish jamgʻarmasi hisobidan amalga oshiriladi.

5. Mazkur qarorning bajarilishini nazorat qilish Oʻzbekiston Respublikasi raqamli teхnologiyalar vaziri Sh.X. Shermatov zimmasiga yuklansin.

Oʻzbekiston Respublikasining Bosh vaziri                                 A. Aripov

Qonun hujjatlari ma’lumotlari milliy bazasi (www.lex.uz),

2024 yil 13 fevral