Oliy ta’lim, fan va innovatsiyalar vazirligining 09.04.2024 y. 6-Q/Q-son, Kambagʻallikni qisqartirish va bandlik vazirligining 08.04.2024 y. 6-2024/QQ-son "Akademik litseylarga oʻqituvchilarni tanlov asosida ishga qabul qilish tartibi toʻgʻrisidagi nizomga oʻzgartirishlar kiritish haqida"gi Qarori (AV tomonidan 26.04.2024 y. 2910-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
26.04.2024 y.
N 2910-2
OʻZBEKISTON RESPUBLIKASI OLIY TA’LIM, FAN VA INNOVATsIYaLAR VAZIRLIGINING 09.04.2024 y. N 6-Q/Q |
OʻZBEKISTON RESPUBLIKASI KAMBAGʻALLIKNI QISQARTIRISh VA BANDLIK VAZIRLIGINING 08.04.2024 y. N 6-2024/QQ |
QARORI
Akademik litseylarga oʻqituvchilarni tanlov
asosida ishga qabul qilish tartibi toʻgʻrisidagi
nizomga oʻzgartirishlar kiritish haqida
Oʻzbekiston Respublikasining "Pedagogning maqomi toʻgʻrisida"gi Qonuni hamda Oʻzbekiston Respublikasi Prezidentining 2022 yil 21 dekabrdagi PF-269-son "Yangi Oʻzbekiston ma’muriy islohotlarini amalga oshirish chora-tadbirlari toʻgʻrisida"gi Farmoniga muvofiq Oʻzbekiston Respublikasi Oliy ta’lim, fan va innovatsiyalar vazirligi hamda Kambagʻallikni qisqartirish va bandlik vazirligi QAROR QILADI:
1. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi hamda Bandlik va mehnat munosabatlari vazirligining 2017 yil 30 iyundagi 53/QQ va 20-Q/Q-son qarori (roʻyхat raqami 2910, 2017 yil 3 avgust) (Oʻzbekiston Respublikasi qonun hujjatlari toʻplami, 2017 y. , 31- son, 787-modda) bilan tasdiqlangan Akademik litseylarga oʻqituvchilarni tanlov asosida ishga qabul qilish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Vazir |
K.A. Sharipov |
Vazir |
B.A. Musayev |
ILOVA
Akademik litseylarga oʻqituvchilarni tanlov
asosida ishga qabul qilish tartibi toʻgʻrisidagi
nizomga kiritilayotgan oʻzgartirishlar
1. Muqaddima quyidagi tahrirda bayon etilsin:
"Mazkur Nizom akademik litseylarda boʻsh (vakant) boʻlgan oʻqituvchi lavozimlariga tanlov oʻtkazish tartibini belgilaydi.".
2. 7-band quyidagi tahrirda bayon etilsin:
"7. Oʻzbekiston Respublikasining "Pedagogning maqomi toʻgʻrisida"gi Qonunining 15-moddasi birinchi va ikkinchi qismlarida qayd etilgan shaхslar tanlovga qoʻyilmaydilar.".
3. 9-banddagi "Bandlik va mehnat munosabatlari vazirligining" degan soʻzlar "Kambagʻallikni qisqartirish va bandlik vazirligining" degan soʻzlar bilan almashtirilsin.
Qonun hujjatlari ma’lumotlari milliy bazasi (www.lex.uz),
2024 yil 27 aprel