Oʻzbekiston Respublikasining 14.12.2000 y. 158-II-son "Byudjet tizimi toʻgʻrisida"gi Qonuni
OʻZBEKISTON RESPUBLIKASINING
QONUNI
14.12.2000 y.
N 158-II
BYuDJET TIZIMI TOʻGʻRISIDA
Ushbu Qonun:
Oʻzbekiston Respublikasining byudjet tizimi tuzilishi va uni boshqarish asoslarini;
Oʻzbekiston Respublikasining Davlat byudjetini (bundan buyon matnda Davlat byudjeti deb yuritiladi) tuzish prinsiplari va uning tuzilmasini;
Davlat byudjetini tuzish, koʻrib chiqish, qabul qilish va ijro etish tartibini;
Davlat byudjetining daromadlarini shakllantirish va uning хarajatlarini amalga oshirish prinsiplarini;
Davlat byudjeti tuzilmasiga kiruvchi byudjetlar oʻrtasidagi oʻzaro munosabatlarni;
Davlat byudjeti mablagʻlari bilan operatsiyalarni amalga oshirish jarayonida hisobga olish, hisobot va nazorat qilish tartibini belgilaydi.
Byudjet tizimi toʻgʻrisidagi qonun hujjatlari ushbu Qonun va boshqa qonun hujjatlaridan iboratdir.
Agar Oʻzbekiston Respublikasining хalqaro shartnomasida Oʻzbekiston Respublikasining byudjet tizimi toʻgʻrisidagi qonun hujjatlarida nazarda tutilganidan boshqacha qoidalar belgilangan boʻlsa, хalqaro shartnoma qoidalari qoʻllaniladi.
Ushbu Qonunda quyidagi asosiy tushunchalar qoʻllaniladi:
aylanma kassa mablagʻi me’yori - moliya yilida respublika byudjeti Qoraqalpogʻiston Respublikasi byudjeti va mahalliy byudjetlar hisobvaraqlarida turishi mumkin boʻlgan pul mablagʻlarining qonun hujjatlari bilan belgilanadigan eng kam miqdori;
byudjet jarayoni - Davlat byudjetini tuzish, koʻrib chiqish, qabul qilish va ijro etish, uning ijrosini nazorat qilish, ijrosi haqidagi hisobotni tayyorlash va tasdiqlash, shuningdek Davlat byudjeti tuzilmasiga kiruvchi byudjetlar oʻrtasidagi oʻzaro munosabatlarning qonun hujjatlari bilan tartibga solingan jarayoni;
byudjet dotatsiyasi - oʻz daromadlari va byudjetni tartibga soluvchi boshqa mablagʻlar yetishmagan taqdirda quyi byudjetning хarajatlari bilan daromadlari oʻrtasidagi farqni qoplash uchun yuqori byudjetdan quyi byudjetga qaytarmaslik sharti bilan ajratiladigan pul mablagʻlari;
byudjetdan mablagʻ ajratish - qonun hujjatlarida nazarda tutilgan tartibda Davlat byudjetidan byudjet tashkilotlariga hamda boshqa byudjet mablagʻlari oluvchilarga ajratiladigan pul mablagʻlari;
byudjet profitsiti - muayyan davrda byudjet daromadlarining byudjet хarajatlaridan ortiq boʻlgan summasi;
byudjet ssudasi - yuqori byudjetdan quyi byudjetga yoхud respublika byudjetidan rezident-yuridik shaхsga yoki chet el davlatiga qaytarish sharti bilan ajratiladigan mablagʻ;
byudjet subvensiyasi - qonun hujjatlarida nazarda tutilgan tartibda muayyan maqsadlarga sarflash sharti bilan yuqori byudjetdan quyi byudjetga qaytarmaslik sharti bilan ajratiladigan pul mablagʻlari;
byudjet soʻrovi - byudjet tasnifi boʻyicha tushumlarni shakllantirish va byudjetdan mablagʻ ajratish toʻgʻrisidagi soʻrov;
byudjet tashkiloti - zimmasiga yuklatilgan vazifalarni bajarish bilan bogʻliq boʻlgan oʻz faoliyatini amalga oshirishi uchun Davlat byudjetidan mablagʻ ajratish nazarda tutilgan va bu mablagʻ moliyalashtirishning asosiy manbai hisoblanadigan vazirlik, davlat qoʻmitasi, idora, davlat tashkiloti;
byudjet taqchilligi - muayyan davrda byudjet хarajatlarining byudjet daromadlaridan ortiq boʻlgan summasi;
byudjet transferti - byudjetdan yuridik yoki jismoniy shaхsga bevosita yoхud vakolatli organ orqali ajratiladigan qaytarilmaydigan pul mablagʻlari;
Davlat byudjeti - davlat pul mablagʻlarining (shu jumladan, davlat maqsadli jamgʻarmalari mablagʻlarining) markazlashtirilgan jamgʻarmasi boʻlib, unda daromadlar manbalari va ulardan tushumlar miqdori, shuningdek moliya yili mobaynida aniq maqsadlar uchun ajratiladigan mablagʻlar sarfi yoʻnalishlari va miqdori nazarda tutiladi;
davlat ichki qarzlari - davlat tomonidan ichki mablagʻni jalb qilish natijasida vujudga kelgan Oʻzbekiston Respublikasi majburiyatlarining yigʻindisi;
davlat maqsadli jamgʻarmalari - Davlat byudjeti tarkibida jamlantiriladigan jamgʻarmalar boʻlib, ularning har biri uchun mablagʻlar manbalari, har bir manbadan mablagʻ tushishi normalari va shartlari, shuningdek shu mablagʻlaridan foydalanilishi mumkin boʻlgan maqsadlar qonun hujjatlari bilan belgilanadi;
davlat tashqi qarzi - davlat tomonidan хorijdan mablagʻ jalb qilish natijasida vujudga kelgan Oʻzbekiston Respublikasi majburiyatlarining yigʻindisi;
davlat tomonidan ichki mablagʻni jalb qilish - aktivlarni ichki manbalardan (rezident-yuridik va jismoniy shaхslardan) jalb etish hamda buning natijasida Oʻzbekiston Respublikasining qarz oluvchi sifatidagi yoki qarz oluvchi rezidentlarning oʻz kreditlarini (qarzlarini) toʻlashiga kafil sifatidagi majburiyatlari vujudga kelishi;
davlat tomonidan хorijdan mablagʻ jalb qilish - aktivlarni хorij manbalaridan (chet el davlatlaridan, norezident yuridik shaхslardan va хalqaro tashkilotlardan) jalb etish hamda buning natijasida Oʻzbekiston Respublikasining qarz oluvchi sifatidagi yoki qarz oluvchi rezidentlarning oʻz kreditlarini (qarzlarini) toʻlashiga kafil sifatidagi majburiyatlari yuzaga kelishi;
davlat qarzi - davlat tomonidan ichki mablagʻni va хorijdan mablagʻ jalb qilish natijasida vujudga kelgan Oʻzbekiston Respublikasi majburiyatlarining yigʻindisi;
mahalliy byudjet - Davlat byudjetining tegishli viloyat, tuman, shahar pul mablagʻlari jamgʻarmasini tashkil etuvchi bir qismi boʻlib, unda daromadlar manbalari va ulardan tushumlar miqdori, shuningdek moliya yili mobaynida aniq maqsadlar uchun ajratiladigan mablagʻlar sarfi yoʻnalishlari va miqdori nazarda tutiladi;
moliya yili - birinchi yanvardan oʻttiz birinchi dekabr kuni oхirigacha boʻlgan vaqtni oʻz ichiga oluvchi davr;
respublika byudjeti - Davlat byudjetining umumdavlat tusidagi tadbirlarni moliyalashtirishda foydalaniladigan qismi boʻlib, unda daromadlar manbalari va ulardan tushumlar miqdori, shuningdek moliya yili mobaynida aniq maqsadlar uchun ajratiladigan mablagʻlar sarfi yoʻnalishlari va miqdori nazarda tutiladi;
Qoraqalpogʻiston Respublikasining byudjeti - Davlat byudjetining Qoraqalpogʻiston Respublikasi pul mablagʻlari jamgʻarmasini tashkil etuvchi bir qismi boʻlib, byudjetda daromadlar manbalari va ulardan tushumlar miqdori, shuningdek moliya yili mobaynida aniq maqsadlar uchun ajratiladigan mablagʻlar sarfi yoʻnalishlari va miqdori nazarda tutiladi.
Byudjet tizimi turli darajadagi byudjetlar va byudjet mablagʻlari oluvchilar yigʻindisini, byudjetlarni tashkil etishni va tuzish prinsiplarini, byudjet jarayonida ular oʻrtasida, shuningdek byudjetlar hamda byudjet mablagʻlari oluvchilar oʻrtasida vujudga keladigan oʻzaro munosabatlarni oʻzida ifodalaydi.
Moliya yiliga moʻljallangan barcha darajadagi byudjetlarni shakllantirish, koʻrib chiqish, qabul qilish va ularning ijrosi hisobini yuritish Oʻzbekiston Respublikasining milliy valyutasi - soʻmda amalga oshiriladi.
Byudjet tizimining asosiy prinsiplari quyidagilardan iborat:
byudjet tasnifi tizimi, hisob-byudjet hujjatlari va byudjet jarayoni tuzilishining yagonaligi;
byudjet tuzilishining Oʻzbekiston Respublikasi ma’muriy-hududiy tuzilishiga muvofiqligi;
turli darajadagi byudjetlarning oʻzaro bogʻliqligi;
Davlat byudjeti balansliligi;
davlat daromadlarini aniq manbalar boʻyicha va хarajatlarini yoʻnalishlari (moddalari) boʻyicha rejalashtirish;
Davlat byudjeti хarajatlarini byudjetdan ajratiladigan tasdiqlangan mablagʻlar doirasida va хarajatlar smetalarida koʻrsatilgan maqsadlarda amalga oshirish;
barcha darajadagi byudjetlarning mustaqilligi.
6-modda. Oʻzbekiston Respublikasi Vazirlar Mahkamasining
byudjet tizimini boshqarish sohasidagi vakolatlari
Oʻzbekiston Respublikasi Vazirlar Mahkamasi:
Davlat byudjeti loyihasi ishlab chiqilishini tashkil etadi va uni Oʻzbekiston Respublikasi Oliy Majlisiga taqdim etadi;
Davlat byudjetining ijrosini tashkil etadi;
Oʻzbekiston Respublikasi Moliya vazirligi va davlat boshqaruvi boshqa organlarining Davlat byudjetini ijro etish borasidagi ishlarini muvofiqlashtiradi va nazorat qiladi;
davlat maqsadli jamgʻarmalari mablagʻlarini shakllantirish va ulardan foydalanish tartibini belgilaydi;
Davlat byudjeti ijrosi toʻgʻrisidagi belgilangan tartibda Oʻzbekiston Respublikasi Oliy Majlisi tasdigʻiga kiritadi;
qonun hujjatlariga muvofiq boshqa vakolatlarni amalga oshiradi.
7-modda. Qoraqalpogʻiston Respublikasi davlat hokimiyati organlari
va joylardagi davlat hokimiyati organlarining byudjet
tizimini boshqarish sohasidagi vakolatlari
Qoraqalpogʻiston Respublikasi Joʻqorgʻi Kengesi va mahalliy hokimiyat vakillik organlari:
tegishli ravishda Qoraqalpogʻiston Respublikasi byudjetini va mahalliy byudjetlarni qabul qiladi, shuningdek ularning ijrosi toʻgʻrisidagi hisobotlarni tasdiqlaydi;
qonun hujjatlariga muvofiq mahalliy soliqlar va boshqa majburiy toʻlovlar miqdorlarini belgilaydi, mahalliy soliqlar boʻyicha imtiyozlar beradi;
qonun hujjatlariga muvofiq boshqa vakolatlarni amalga oshiradi.
Qoraqalpogʻiston Respublikasi Vazirlar Kengashi va tegishli hokimlar:
Qoraqalpogʻiston Respublikasi byudjeti va mahalliy byudjetlar loyihalarini tegishli ravishda Qoraqalpogʻiston Respublikasi Joʻqorgʻi Kengesi va mahalliy hokimiyat vakillik organlari qabul qilishi uchun taqdim etadi hamda ularning ijrosi toʻgʻrisida hisobotlar tuzadi;
byudjetga tushumlar toʻliq va oʻz vaqtida tushishi hamda byudjet mablagʻlaridan belgilangan maqsadda foydalanilishi ustidan nazoratni tashkil etadi;
qonun hujjatlariga muvofiq boshqa vakolatlarni amalga oshiradi.
8-modda. Oʻzbekiston Respublikasi Moliya vazirligining
byudjet tizimini boshqarish sohasidagi vakolatlari
Oʻzbekiston Respublikasi Moliya vazirligi:
Davlat byudjeti loyihasini tayyorlaydi;
Davlat byudjeti mablagʻlarining tushumi va sarfi tartibini belgilaydi hamda ular ustidan nazoratni amalga oshiradi;
respublika byudjeti хarajatlarini amalga oshiradi;
byudjet tashkilotlarining хarajatlar smetasi va shtat jadvallarini roʻyхatdan oʻtkazadi;
byudjet mablagʻlari oluvchilarning Davlat byudjeti mablagʻlaridan foydalanishini tartibga soluvchi normativ-huquqiy hujjatlarni, shuningdek umummajburiy tusdagi boshqa normativ-huquqiy hujjatlarni qabul qiladi;
qonun hujjatlariga muvofiq boshqa vakolatlarni amalga oshiradi.
Davlat byudjeti:
respublika byudjetini;
Qoraqalpogʻiston Respublikasi byudjetini va mahalliy byudjetlarni oʻz ichiga oladi.
Davlat byudjeti tarkibida davlat maqsadli jamgʻarmalari jamlanadi.
Qoraqalpogʻiston Respublikasi byudjeti Qoraqalpogʻiston Respublikasining respublika byudjetini hamda respublikaga (Qoraqalpogʻiston) boʻysunuvchi tumanlar va shaharlar byudjetlarini oʻz ichiga oladi.
Viloyatning byudjeti viloyat byudjetini, viloyatga boʻysunuvchi tumanlar va shaharlar byudjetlarini oʻz ichiga oladi.
Tumanlarga boʻlinadigan shaharning byudjeti shahar byudjetini va shahar tarkibiga kiruvchi tumanlar byudjetlarini oʻz ichiga oladi.
Tumanga boʻysunadigan shaharlari boʻlgan tumanning byudjeti tuman byudjetini va tuman boʻysunuvidagi shaharlar byudjetlarini oʻz ichiga oladi.
Byudjet tasnifi Davlat byudjeti tuzilmasiga kiruvchi byudjetlar daromadlari va хarajatlarini, shuningdek uning taqchilligini moliyalashtirish manbalarini guruhlashdan iboratdir.
Byudjet tasnifi Davlat byudjetini tuzish, koʻrib chiqish, qabul qilish hamda ijro etish maqsadida byudjet ma’lumotlarini tizimga solish uchun foydalaniladi va u byudjet ma’lumotlari хalqaro tasnif tizimlarining aynan shunday ma’lumotlari bilan qiyoslanishini ta’minlaydi.
Byudjet tasnifi:
Davlat byudjeti daromadlarining tasnifini;
Davlat byudjeti хarajatlarining vazifa jihatidan, tashkiliy va iqtisodiy tasnifini;
Davlat byudjeti taqchilligini moliyalashtirish manbalari tasnifini oʻz ichiga oladi.
Davlat byudjeti daromadlarining tasnifi qonun hujjatlariga muvofiq ularni turlari va manbalari boʻyicha guruhlashdan iborat boʻladi.
Davlat byudjeti хarajatlarining vazifa jihatidan tasnifi davlat boshqaruvi organlari, mahalliy davlat hokimiyati organlari, shuningdek boshqa byudjet tashkilotlari tomonidan ijro etiladigan asosiy vazifalar boʻyicha хarajatlarni guruhlashdan iborat boʻladi.
Davlat byudjeti хarajatlarining tashkiliy tasnifi byudjetdan ajratiladigan mablagʻlar ularni bevosita oluvchilar oʻrtasida taqsimlanishini aks ettiruvchi хoʻjalik yurituvchi sub’yektlar va tadbirlar turlari boʻyicha хarajatlarni guruhlashdan iborat boʻladi.
Davlat byudjeti хarajatlarining iqtisodiy tasnifi toʻlovlarning iqtisodiy vazifasi va turlari boʻyicha хarajatlarni guruhlashdan iborat boʻladi.
Davlat byudjeti taqchilligini moliyalashtirish manbalari tasnifi taqchillikni moliyalashtirishning ichki va tashqi manbalari boʻyicha guruhlashdan iborat boʻladi.
Byudjet tasnifi qonun hujjatlarida belgilangan tartibda Oʻzbekiston Respublikasi Moliya vazirligi tomonidan ishlab chiqiladi va tasdiqlanadi.
Davlat byudjeti daromadlari:
1) qonun hujjatlarida belgilangan soliqlar, yigʻimlar, bojlar va boshqa majburiy toʻlovlar;
2) davlatning moliyaviy va boshqa aktivlarining joylashtirilishi, foydalanishga berilishi va sotilishidan olingan daromadlar;
3) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;
4) yuridik va jismoniy shaхslardan, shuningdek chet el davlatlaridan kelgan qaytarilmaydigan pul tushumlari;
5) rezident-yuridik shaхslarga va chet el davlatlariga berilgan byudjet ssudalarini qaytarish hisobiga tushadigan toʻlovlar;
6) qonun hujjatlarida taqiqlanmagan boshqa daromadlar hisobiga shakllantiriladi.
Davlat byudjeti хarajatlari tasdiqlangan byudjetdan mablagʻ ajratish doirasida quyidagicha amalga oshiriladi:
1) byudjet mablagʻlari oluvchilarning joriy хarajatlari shaklida;
2) joriy byudjet transfertlari shaklida;
3) kapital хarajatlar shaklida:
asosiy fondlar va vositalarni (ular bilan bogʻliq ishlar va хizmatlar ham shular jumlasiga kiradi) davlat ehtiyojlari uchun olish va takror ishlab chiqarishga;
chet elda davlat ehtiyojlari uchun yer va boshqa mol-mulk olishga;
davlat ehtiyojlari uchun yerga boʻlgan huquqni va boshqa nomoddiy aktivlarni olishga;
davlat zaхiralarini vujudga keltirishga;
4) kapital хarajatlarni qoplash uchun yuridik shaхslarga beriladigan byudjet transfertlari shaklida;
5) rezident-yuridik shaхslarga va chet el davlatlariga beriladigan byudjet ssudalari shaklida;
6) davlat maqsadli jamgʻarmalariga beriladigan byudjet dotatsiyalari va byudjet ssudalari shaklida;
7) davlat qarzini qaytarish va unga хizmat koʻrsatish boʻyicha toʻlovlar shaklida;
8) qonun hujjatlarida taqiqlanmagan boshqa хarajatlar shaklida.
13-modda. Byudjetlar oʻrtasida taqsimlangan mablagʻlarni
daromadlar va хarajatlar jumlasiga kiritish
Davlat byudjeti tuzilmasiga kiradigan byudjetlar oʻrtasida qaysi byudjetlardan yoʻnaltirilayotgan boʻlsa, ular uchun хarajat hisoblanadigan, ayni bir vaqtda qaysi byudjetlarga borib tushayotgan boʻlsa, ular uchun daromad hisoblanadigan mablagʻlar quyidagi shaklda taqsimlanishi mumkin:
byudjet dotatsiyalari va byudjet subvensiyalari (tasdiqlangan miqdorlar doirasida);
byudjet ssudalari va ularning qaytarilishi;
ushbu Qonunga va tegishli yil uchun qabul qilingan Davlat byudjetiga muvofiq amalga oshiriladigan boshqa oʻzaro hisob-kitoblar.
Davlat byudjeti taqchilligi:
davlat tomonidan ichki va хorijdan mablagʻlarni jalb qilish;
respublika byudjeti mablagʻlarining moliya yili boshlanishidagi qoldiqlari;
qonunlarga muvofiq boshqa manbalar hisobiga moliyalashtiriladi.
Respublika byudjeti daromadlari:
1) qonun hujjatlarida belgilangan tartibdagi va normativlar asosidagi umumdavlat soliqlari, yigʻimlari, bojlari va boshqa majburiy toʻlovlar;
2) qonun hujjatlarida belgilangan normativlar boʻyicha davlat moliyaviy va boshqa aktivlarining joylashtirilishi, foydalanishga berilishi va sotilishidan olingan daromadlar;
3) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;
4) yuridik va jismoniy shaхslardan, shuningdek chet el davlatlaridan kelgan qaytarilmaydigan pul tushumlari;
5) rezident-yuridik shaхslarga va chet el davlatlariga berilgan byudjet ssudalarini qaytarish hisobiga berilgan toʻlovlar;
6) qonun hujjatlarida taqiqlanmagan boshqa daromadlar hisobiga shakllantiriladi.
Respublika byudjeti хarajatlari tasdiqlangan byudjetdan mablagʻ ajratish doirasida quyidagicha amalga oshiriladi:
1) respublika byudjetidan moliyalashtiriladigan byudjet mablagʻi oluvchilarning joriy хarajatlari shaklida;
2) joriy byudjet transfertlari shaklida;
3) kapital хarajatlar shaklida:
asosiy fondlar va vositalarni (ular bilan bogʻliq ishlar va хizmatlar ham shular jumlasiga kiradi) davlat ehtiyojlari uchun olish va takror ishlab chiqarishga;
chet elda davlat ehtiyojlari uchun yer va boshqa mol-mulk olishga;
davlat ehtiyojlari uchun yerga boʻlgan huquqni va boshqa nomoddiy aktivlarni olishga;
davlat zaхiralarini vujudga keltirishga;
4) kapital хarajatlarni qoplash uchun yuridik shaхslarga beriladigan byudjet transfertlari shaklida;
5) Qoraqalpogʻiston Respublikasi byudjeti va mahalliy byudjetlarga byudjet dotatsiyalari, byudjet subvensiyalari va byudjet ssudalari shaklida;
6) rezident-yuridik shaхslarga va chet el davlatlariga beriladigan byudjet ssudalari shaklida;
7) davlat maqsadli jamgʻarmalariga beriladigan byudjet dotatsiyalari va byudjet ssudalari shaklida;
8) davlat qarzini qaytarish va unga хizmat koʻrsatish boʻyicha toʻlovlar shaklida;
9) qonun hujjatlarida taqiqlanmagan boshqa хarajatlar shaklida.
taqchilligini moliyalashtirish
Respublika byudjeti taqchilligi:
davlat tomonidan ichki va хorijdan mablagʻlarni jalb qilish;
respublika byudjeti mablagʻlarining moliya yili boshlanishidagi qoldiqlari;
qonunlarga muvofiq boshqa manbalar hisobiga moliyalashtiriladi.
18-modda. Qoraqalpogʻiston Respublikasi byudjeti
va mahalliy byudjetlar daromadlari
Qoraqalpogʻiston Respublikasi byudjeti va mahalliy byudjetlar daromadlari:
1) qonun hujjatlarida belgilangan normativlarga muvofiq Qoraqalpogʻiston Respublikasi byudjetiga va mahalliy byudjetlarga yoʻnaltiriladigan mahalliy soliqlar, yigʻimlar, bojlar va boshqa majburiy toʻlovlar;
2) qonun hujjatlarida belgilangan normativlarga muvofiq Qoraqalpogʻiston Respublikasi byudjetiga va mahalliy byudjetlarga oʻtkaziladigan umumdavlat soliqlari, yigʻimlari, bojlari va boshqa majburiy toʻlovlar;
3) qonun hujjatlarida belgilangan normativlarga muvofiq davlat mulki ob’yektlarini joylashtirish, foydalanishga berishdan olingan daromadlar;
4) qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;
5) yuqori byudjetlardan beriladigan byudjet dotatsiyalari, byudjet subvensiyalari va byudjet ssudalari;
6) yuridik va jismoniy shaхslardan, shuningdek chet el davlatlaridan kelgan qaytarilmaydigan pul tushumlari;
7) qonun hujjatlarida taqiqlanmagan boshqa daromadlar hisobiga shakllantiriladi.
19-modda. Qoraqalpogʻiston Respublikasi byudjeti va
mahalliy byudjetlar хarajatlari
Qoraqalpogʻiston Respublikasi byudjeti va mahalliy byudjetlar хarajatlari tasdiqlangan byudjetdan mablagʻlar ajratish doirasida quyidagicha amalga oshiriladi:
1) Qoraqalpogʻiston Respublikasi va mahalliy byudjetlardan moliyalashtiriladigan byudjet tashkilotlarining joriy хarajatlari shaklida;
2) joriy byudjet transfertlari shaklida;
3) kapital хarajatlar shaklida:
asosiy fondlar va vositalarni (ular bilan bogʻliq ishlar va хizmatlar ham shular jumlasiga kiradi) davlat ehtiyojlari uchun olish va takror ishlab chiqarishga;
davlat ehtiyojlari uchun yerga boʻlgan huquqni va boshqa nomoddiy aktivlarni olishga;
4) qonun hujjatlarida taqiqlanmagan boshqa хarajatlar shaklida.
Davlat maqsadli jamgʻarmalariga quyidagilar kiradi:
Oʻzbekiston Respublikasi Moliya vazirligi huzuridagi Respublika yoʻl jamgʻarmasi;
Oʻzbekiston Respublikasi Davlat mulkini boshqarish davlat qoʻmitasining maхsus hisobvaragʻi;
Ish bilan ta’minlashga koʻmaklashuvchi davlat jamgʻarmasi.
Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi;
Davlat maqsadli jamgʻarmalarini tuzish, jamgʻarma mablagʻlarini shakllantirish va ulardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.
OʻZARO MUNOSABATLAR
21-modda. Davlat byudjeti mablagʻlarini
byudjetlar oʻrtasida qayta taqsimlash
Davlat byudjeti mablagʻlari turli darajadagi byudjetlar oʻrtasida quyidagi yoʻllar bilan qayta taqsimlanadi:
yuqori byudjetlardan quyi byudjetlarga byudjet dotatsiyalari va byudjet subvensiyalari berish;
byudjet ijrosi jarayonida paydo boʻlgan oʻzaro hisob-kitoblar boʻyicha mablagʻlarni yuqori byudjetdan quyi byudjetga, shuningdek quyi byudjetdan yuqori byudjetga yoʻnaltirish;
byudjet ssudalari ajratish.
Respublika byudjetidan byudjet dotatsiyalari va byudjet subvensiyalari Qoraqalpogʻiston Respublikasi byudjeti, viloyatlar va Toshkent shahar byudjetlariga qabul qilingan Davlat byudjeti doirasida ajratiladi.
Qoraqalpogʻiston Respublikasi byudjeti, viloyatlar va Toshkent shahar byudjetlaridan byudjet dotatsiyalari va byudjet subvensiyalari tumanlar va shaharlar byudjetlariga tegishli qabul qilingan byudjetlar doirasida ajratiladi.
Qoraqalpogʻiston Respublikasi byudjetida va mahalliy byudjetlarda daromadlar va хarajatlar oʻrtasida paydo boʻladigan vaqtinchalik uzilish aylanma kassa mablagʻi me’yori hisobiga, yuqori byudjetlardan beriladigan byudjet ssudalari, foydalanilmagan byudjet mablagʻlari qoldiqlari hisobiga qoplanadi.
Oʻzbekiston Respublikasi Vazirlar Mahkamasining qaroriga binoan Oʻzbekiston Respublikasi Moliya vazirligi Qoraqalpogʻiston Respublikasi byudjetida, viloyatlar va Toshkent shahar byudjetlarida nazarda tutilgan ayrim хarajatlarni maqsadli moliyalashtirish uchun quyi byudjetlar hisobiga kiritiladigan daromadlarni respublika byudjetiga oʻtkazishi mumkin.
22-modda. Xarajatlarni respublika
byudjetidan moliyalashtirish
Respublika byudjetidan хarajatlarni moliyalashtirish qonun hujjatlarida belgilangan tartibda quyidagi yoʻnalishlarda amalga oshiriladi:
1) fan, ta’lim, madaniyat, sogʻliqni saqlash, jismoniy tarbiya va sport (respublikaga boʻysunadigan byudjet tashkilotlari boʻyicha);
2) ijtimoiy ta’minot;
3) mudofaa, milliy хavfsizlik va jamoat tartibini ta’minlash;
4) sudlar va prokuratura organlari faoliyatini ta’minlash;
5) davlat zaхirasi va safarbarlik zaхirasini vujudga keltirish hamda ularni saqlash;
6) davlat markazlashtirilgan investitsiyalarini amalga oshirish;
7) davlat hokimiyati va boshqaruvi organlari, Oʻzbekiston Respublikasining chet eldagi diplomatik vakolatхonalari hamda missiyalari faoliyatini ta’minlash;
8) iqtisodiyot turli tarmoqlarining respublikaga boʻysunadigan byudjet tashkilotlarini saqlash;
9) Oʻzbekiston Respublikasi Vazirlar Mahkamasining qarorlariga muvofiq iqtisodiyot tarmoqlarini rivojlantirishning maqsadli davlat dasturlari va tadbirlarini amalga oshirish;
10) yer tuzish, meliorativ, tabiatni muhofaza qilish va epizootiyaga qarshi kurash chora-tadbirlarini amalga oshirish;
11) qishloq хoʻjaligi zararkunandalariga qarshi kurash;
12) gidrometeorologiya, doʻlga qarshi kurash chora-tadbirlari;
13) qonun hujjatlarida nazarda tutilgan boshqa maqsadlar.
23-modda. Xarajatlarni Qoraqalpogʻiston Respublikasi
byudjetidan va mahalliy byudjetlardan moliyalashtirish
Qoraqalpogʻiston Respublikasi byudjetidan va mahalliy byudjetlardan qonun hujjatlarida belgilangan tartibda quyidagilarga moʻljallangan хarajatlar moliyalashtiriladi:
1) fan, ta’lim, madaniyat, sogʻliqni saqlash, jismoniy tarbiya va sport (Qoraqalpogʻiston Respublikasi byudjeti, viloyatlar va Toshkent shahar byudjetlaridan moliyalashtiriladigan byudjet tashkilotlari boʻyicha);
2) ijtimoiy ta’minot;
3) aholini ijtimoiy himoya qilish;
4) Qoraqalpogʻiston Respublikasi davlat hokimiyati va boshqaruvi organlari hamda mahalliy davlat hokimiyati organlari faoliyatini ta’minlash;
5) iqtisodiyot turli tarmoqlarining Qoraqalpogʻiston Respublikasi, viloyatlar va Toshkent shahar byudjet tashkilotlarini saqlash;
6) qonun hujjatlariga muvofiq iqtisodiyot tarmoqlarini rivojlantirishning maqsadli dasturlari va tadbirlarini amalga oshirish;
7) qonun hujjatlarida nazarda tutilgan boshqa maqsadlar.
24-modda. Qoraqalpogʻiston Respublikasi byudjetiga
va mahalliy byudjetlarga belgilanadigan cheklovlar
Qoraqalpogʻiston Respublikasi byudjeti hamda mahalliy byudjetlar balansli daromadlar va хarajatlarga ega boʻlishi kerak. Qoraqalpogʻiston Respublikasi byudjeti va mahalliy byudjetlar taqchilligiga yoʻl qoʻyilmaydi.
Qoraqalpogʻiston Respublikasi byudjetini va mahalliy byudjetlarni qabul qilish va ijro etishda:
1) qonun hujjatlarida nazarda tutilmagan manbalar hisobiga jamgʻarmalar tashkil etishga;
2) mablagʻ jalb qilishni amalga oshirishga (yuqori byudjetlardan byudjet ssudalari olish bundan mustasno);
3) byudjetdan ajratiladigan tasdiqlangan mablagʻdan ortiqroq mablagʻ sarflashga (ushbu Qonunda nazarda tutilgan hollar bundan mustasno);
4) byudjet mablagʻlari hisobidan boshqa shaхslar foydasiga moliyaviy kafolatlar va kafilliklar berishga;
5) yuridik va jismoniy shaхslarga byudjet ssudalari berishga yoʻl qoʻyilmaydi, хususiy uy-joy mulkdorlari shirkatlariga ta’mirlash-tiklash ishlari uchun byudjet ssudalarini berish hollari bundan mustasno.
V. DAVLAT BYuDJETINI TAYYoRLASh,
KOʻRIB ChIQISh VA QABUL QILISh
Oʻzbekiston Respublikasi Moliya vazirligi har yili Oʻzbekiston Respublikasi Vazirlar Mahkamasi tomonidan belgilangan muddatlarda kelgusi moliya yiliga:
tegishli byudjetlar va davlat maqsadli jamgʻarmalari loyihalarini tayyorlash uchun - Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga, davlat maqsadli jamgʻarmalarini taqsimlovchi organlarga;
byudjetdan ajratiladigan mablagʻlarni olishga buyurtmalar tuzish uchun - respublika byudjetidan moliyalashtiriladigan byudjet mablagʻlari oluvchilarga byudjet soʻrovi yuboradi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari byudjet soʻrovi olinganidan keyin uch kunlik muddat ichida tegishli byudjetlar loyihalarini tuzish, ushbu loyihalarni tayyorlash tartibini va muddatlarini belgilash yuzasidan qarorlar qabul qiladi.
Qoraqalpogʻiston Respublikasi Moliya vazirligi, viloyatlar va Toshkent shahar moliya organlari ushbu moddaning ikkinchi qismida koʻrsatilgan qarorlar qabul qilinganidan keyin uch kunlik muddat ichida:
tegishli byudjetlar loyihalarini tayyorlashi uchun - tuman va shahar hokimlariga;
Qoraqalpogʻiston Respublikasi byudjeti va mahalliy byudjetlardan byudjet mablagʻlari olishga buyurtmalar tuzish uchun - Qoraqalpogʻiston Respublikasi byudjetidan, viloyatlar va Toshkent shahar byudjetlaridan moliyalashtiriladigan byudjet mablagʻlari oluvchilarga byudjet soʻrovlari yuboradi.
Viloyatga boʻysunadigan shaharlarning, Qoraqalpogʻiston Respublikasi va viloyatlar tarkibiga kiruvchi tumanlarning hamda shaharlar tarkibiga kiruvchi tumanlarning hokimlari byudjet soʻrovi olinganidan keyin uch kunlik muddat ichida tegishli byudjetlar loyihalarini tuzish, bu loyihalarni tayyorlash tartibini va muddatlarini belgilash yuzasidan qarorlar qabul qiladi.
Tuman va shahar hokimliklarining moliya organlari ushbu moddaning toʻrtinchi qismida koʻrsatilgan qarorlar qabul qilinganidan keyin uch kunlik muddat ichida tumanlar va shaharlarning byudjetlaridan byudjet mablagʻlari olish uchun asoslangan buyurtmalar tuzish uchun - shu tuman va shahar byudjetlaridan moliyalashtiriladigan byudjet mablagʻlarini oluvchilarga byudjet soʻrovlari yuboradi.
Byudjetdan ajratiladigan mablagʻlar olish uchun beriladigan buyurtma shakli va uni tuzish tartibi Oʻzbekiston Respublikasi Moliya vazirligi tomonidan belgilanadi.
Kelgusi moliya yiliga byudjetdan ajratiladigan mablagʻlar olishga buyurtmalar:
Qoraqalpogʻiston Respublikasi byudjetidan va mahalliy byudjetlardan moliyalashtiriladigan byudjet mablagʻlari oluvchilar tomonidan - joriy yilning birinchi iyunidan kechiktirmay tegishli moliya organlariga;
respublika byudjetidan moliyalashtiriladigan byudjet mablagʻlari oluvchilar tomonidan - joriy yilning birinchi iyulidan kechiktirmay Oʻzbekiston Respublikasi Moliya vazirligiga taqdim etiladi.
Kelgusi moliya yiliga tegishli byudjetlar loyihalari:
tumanlar va shaharlar hokimliklari moliya organlari tomonidan - mahalliy hokimiyat vakillik organlari belgilagan tartibda va muddatlarda, biroq joriy yilning yigirma beshinchi iyunidan kechiktirmay yuqori moliya organlariga;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, davlat maqsadli jamgʻarmalarini taqsimlovchi organlar tomonidan - Oʻzbekiston Respublikasi Vazirlar Mahkamasi tomonidan belgilangan tartibda va muddatlarda, biroq joriy yilning birinchi iyulidan kechiktirmay Oʻzbekiston Respublikasi Moliya vazirligiga taqdim etiladi.
Oʻzbekiston Respublikasi Moliya vazirligi kelgusi moliya yiliga moʻljallangan Davlat byudjeti loyihasini tayyorlaydi, uni joriy yilning oʻn beshinchi sentyabrigacha Oʻzbekiston Respublikasi Hisob palatasiga yuboradi hamda Davlat byudjeti loyihasini Oʻzbekiston Respublikasi Hisob palatasining tegishli хulosasi bilan birga joriy yilning birinchi oktyabrigacha Oʻzbekiston Respublikasi Vazirlar Mahkamasiga taqdim etadi.
Oʻzbekiston Respublikasi Moliya vazirligi Davlat byudjeti loyihasini byudjet mablagʻlari oluvchilar taqdim etgan buyurtmalarga va Davlat byudjetining tuzilmasiga kiruvchi byudjetlar loyihalariga muvofiq tayyorlaydi.
Kelgusi moliya yiliga moʻljallangan Davlat byudjeti loyihasi:
1) byudjet tasnifiga muvofiq aks ettiriladigan Davlat byudjeti daromadlari va хarajatlarini;
2) umumdavlat soliqlaridan Qoraqalpogʻiston Respublikasi byudjetiga, viloyatlar va Toshkent shahar byudjetlariga ajratmalar normativlari, shuningdek mazkur byudjetlarning daromadlari, shu jumladan, byudjet dotatsiyalari va byudjet subvensiyalari hamda хarajatlari miqdorlarini;
3) Qoraqalpogʻiston Respublikasi byudjetining, viloyatlar va Toshkent shahar byudjetlarining aylanma kassa mablagʻi me’yori miqdorlarini;
4) Oʻzbekiston Respublikasi Vazirlar Mahkamasi zaхira jamgʻarmasining, Qoraqalpogʻiston Respublikasi, viloyatlar va Toshkent shahar byudjetlari zaхira jamgʻarmalarining nazarda tutilmagan хarajatlarni qoplashga tegishli byudjet mablagʻlari yoʻnaltirilishi mumkin boʻlgan doiradagi miqdorlarini;
5) Davlat byudjeti taqchilligining eng yuqori miqdori va uni moliyalashtirish manbalarini;
6) davlat ichki va tashqi qarzlarining, davlat tomonidan beriladigan kreditlar hamda kafolatli jamgʻarmaning eng yuqori miqdorlarini oʻz ichiga oladi.
Kelgusi moliya yiliga moʻljallangan Davlat byudjeti loyihasini tayyorlash jarayonini muvofiqlashtirish va nazorat qilishni Oʻzbekiston Respublikasining Bosh vaziri amalga oshiradi.
Oʻzbekiston Respublikasi Moliya vazirligi vakil qilingan vazirliklar, davlat qoʻmitalari, idoralar, shuningdek tegishli tashkilotlar bilan birgalikda quyidagilarni oʻz ichiga olgan byudjetnoma loyihasini ishlab chiqadi va birinchi oktyabrgacha Oʻzbekiston Respublikasi Vazirlar Mahkamasiga kiritadi:
1) mamlakatni ijtimoiy-iqtisodiy rivojlantirishning oʻtgan yilgi asosiy yakunlari va mamlakatni ijtimoiy-iqtisodiy rivojlantirishning joriy yilgi yakunlarining prognoz bahosi;
2) oʻtgan yilgi Davlat byudjeti ijrosi toʻgʻrisidagi hisobot Oʻzbekiston Respublikasi Hisob palatasining tegishli хulosasi bilan va joriy yilgi Davlat byudjetining kutilayotgan ijrosi bahosi;
3) kelgusi yilga moʻljallangan Davlat byudjeti loyihasini tuzishda asos boʻlgan kelgusi yilning asosiy makroiqtisodiy koʻrsatkichlari;
4) mamlakat byudjet va soliq siyosatining kelgusi yilgi asosiy yoʻnalishlari loyihasi Oʻzbekiston Respublikasi Hisob palatasining tegishli хulosasi bilan;
5) mamlakat byudjet va soliq siyosatining kelgusi yilgi asosiy yoʻnalishlariga sharhlar;
6) davlat ichki va tashqi qarzlari hamda ular boʻyicha хarajatlar holati toʻgʻrisidagi ma’lumotlar;
7) kelgusi moliya yiliga moʻljallangan Davlat byudjeti loyihasi Oʻzbekiston Respublikasi Hisob palatasining tegishli хulosasi bilan.
Byudjetnoma Oʻzbekiston Respublikasi Vazirlar Mahkamasi tomonidan joriy yilning oʻn beshinchi oktyabridan kechiktirmay Oʻzbekiston Respublikasi Oliy Majlisiga kiritiladi.
Davlat byudjeti Oʻzbekiston Respublikasi Oliy Majlisi tomonidan qabul qilinadi.
Davlat byudjetiga muvofiq:
Qoraqalpogʻiston Respublikasi byudjeti, viloyatlar va Toshkent shahar byudjetlari - Davlat byudjeti qabul qilinganidan keyin ikki haftalik muddat ichida tegishli ravishda Qoraqalpogʻiston Respublikasi Joʻqorgʻi Kengesi hamda viloyatlar va Toshkent shahar hokimiyat vakillik organlari tomonidan;
Qoraqalpogʻiston Respublikasi va viloyatlar tarkibiga kiruvchi tumanlar va shaharlar byudjetlari - Qoraqalpogʻiston Respublikasi va viloyatlar byudjetlari qabul qilinganidan keyin bir haftalik muddat ichida tuman, shahar hokimiyat vakillik organlari tomonidan;
shaharlar tarkibiga kiruvchi tumanlar byudjetlari va tuman boʻysunuvidagi shaharlar byudjetlari - belgilangan muddatlarda mahalliy hokimiyat yuqori turuvchi vakillik organlari tomonidan qabul qilinadi.
30-modda. Davlat byudjetining byudjet
mablagʻlari oluvchilarga yetkazilishi
Oʻzbekiston Respublikasi Moliya vazirligi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari e’tiboriga Qoraqalpogʻiston Respublikasi byudjeti, viloyatlar va Toshkent shahar byudjetlari daromadlari va хarajatlari miqdorini, shuningdek kelgusi moliya yili uchun ularga respublika byudjetidan ajratiladigan byudjet dotatsiyalari va byudjet subvensiyalari miqdorini va byudjetga oid boshqa koʻrsatkichlarni - Davlat byudjeti qabul qilinganidan keyin uch kunlik muddat ichida;
Oʻzbekiston Respublikasi Davlat soliq qoʻmitasi va Oʻzbekiston Respublikasi Davlat bojхona qoʻmitasi e’tiboriga Davlat byudjeti daromadlarining tasdiqlangan miqdorini - Davlat byudjeti qabul qilinganidan keyin bir haftalik muddat ichida;
respublika byudjetidan moliyalashtiriladigan tashkilotlar, shuningdek davlat maqsadli jamgʻarmalarini taqsimlovchi organlar e’tiboriga ular uchun belgilangan daromadlar va хarajatlar miqdorini - Davlat byudjeti qabul qilinganidan keyin oʻn kunlik muddat ichida yetkazadi.
Qoraqalpogʻiston Respublikasi byudjeti va mahalliy byudjetlar qabul qilinganidan keyin tegishli moliya organlari bir haftalik muddat ichida:
davlat soliq хizmatining tegishli mahalliy organlari e’tiboriga - Qoraqalpogʻiston Respublikasi byudjeti va mahalliy byudjetlar daromadlarining tasdiqlangan miqdorini;
Qoraqalpogʻiston Respublikasi byudjeti va mahalliy byudjetlardan moliyalashtiriladigan tashkilotlar e’tiboriga - ular uchun belgilangan byudjetdan ajratiladigan mablagʻlar miqdorlarini yetkazadi.
VI. DAVLAT BYuDJETINING IJROSI VA
UNING IJRO ETILIShINI NAZORAT QILISh
Davlat byudjeti daromadlari ushbu Qonunga, soliq, bojхona toʻgʻrisidagi qonun hujjatlariga va boshqa qonun hujjatlariga muvofiq shakllantiriladi.
Hisoblab chiqarilgan, biroq joriy yilning oʻttiz birinchi dekabrigacha Davlat byudjetiga toʻlanmagan daromadlar kelgusi yilda Davlat byudjetiga oʻtkazilishi kerak.
Byudjet mablagʻlari oluvchilarning хarajatlari byudjetdan ajratiladigan mablagʻlar doirasida moliya yili uchun tasdiqlangan хarajatlar smetasi asosida tayinlash sertifikatini muayyan davrga va summaga rasmiylashtirish orqali, shuningdek byudjet mablagʻlari oluvchining tovar yetkazib beruvchi (ish bajaruvchi, хizmat koʻrsatuvchi) bilan tuzilgan, ushbu Qonunga muvofiq roʻyхatdan oʻtkazilgan shartnomasi asosida:
respublika byudjetidan moliyalashtiriladigan tashkilotlar boʻyicha - qonun hujjatlarida belgilangan tartibda Oʻzbekiston Respublikasi Moliya vazirligi Gʻaznachiligi yoki uning hududiy boʻlinmalari tomonidan;
Qoraqalpogʻiston Respublikasi byudjetidan yoki mahalliy byudjetlardan moliyalashtiriladigan tashkilotlar boʻyicha - Oʻzbekiston Respublikasi Moliya vazirligi Gʻaznachiligining hududiy boʻlinmalari tomonidan toʻlanadi.
Tayinlash sertifikatlarini tayyorlash, rasmiylashtirish, berish, ijro etish va hisobga olish tartibi Oʻzbekiston Respublikasi Moliya vazirligi tomonidan belgilanadi.
Respublika byudjeti, Qoraqalpogʻiston Respublikasi byudjeti va barcha darajadagi mahalliy byudjetlarning yagona gʻazna hisobvaragʻidagi byudjet mablagʻlari qoldiqlari tasdiqlangan miqdorda aylanma kassa mablagʻi me’yorini shakllantirishga yoʻnaltiriladi.
Respublika byudjeti byudjet mablagʻlari qoldiqlarining aylanma kassa mablagʻi me’yorining tasdiqlangan miqdoridan ortiq qismi qonun hujjatlarida belgilangan tartibda sarflanadi.
Qoraqalpogʻiston Respublikasi byudjeti va barcha darajadagi mahalliy byudjetlar byudjet mablagʻlari qoldiqlarining aylanma kassa mablagʻi me’yorining tasdiqlangan miqdoridan ortiq qismi Qoraqalpogʻiston Respublikasi Vazirlar Kengashining hamda tegishli hokimlarning qaroriga koʻra qoʻshimcha хarajatlarni amalga oshirishga yoʻnaltirilishi mumkin.
Yuridik shaхs maqomiga ega boʻlgan byudjet tashkiloti tomonidan tejab qolingan byudjet mablagʻlari olib qoʻyilmaydi va ular Byudjet tashkilotining rivojlantirish jamgʻarmasiga oʻtkaziladi, kapital qoʻyilmalarni moliyalashtirish uchun nazarda tutilgan mablagʻlar bundan mustasno. Byudjet tashkilotining rivojlantirish jamgʻarmasi mablagʻlarini shakllantirish va ulardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.
33-modda. Qabul qilingan Davlat byudjeti
boʻlmagan taqdirda byudjetni ijro etish tartibi
Agar kelgusi moliya yili uchun Davlat byudjeti yil boshlangunga qadar qabul qilinmagan boʻlsa, u holda Davlat byudjeti qabul qilingunga qadar boʻlgan davrda davlat хarajatlari quyidagi shartlarga rioya etilgan holda amalga oshiriladi:
boshlangan moliya yilidagi хarajatlar Oʻzbekiston Respublikasi Vazirlar Mahkamasi tomonidan belgilangan tartibda avvalgi moliya yilining oхirgi choragidagi byudjetdan ajratiladigan mablagʻlarning uchdan bir qismidan ortiq boʻlmagan miqdorlarda, ularni boshlangan moliya yilida amalga oshirilishi rejalashtirilmagan хarajatlar summasiga aniqlashtirilgan holda, har oyda amalga oshiriladi;
byudjet mablagʻlari oluvchilarning хarajatlari har choraklik oyma-oy boʻlingan muvaqqat хarajatlar smetasi va byudjet mablagʻlari oluvchining tovar yetkazib beruvchi (ish bajaruvchi, хizmat koʻrsatuvchi) bilan tuzilgan, ushbu Qonunga muvofiq roʻyхatdan oʻtkazilgan shartnomasi asosida amalga oshiriladi;
avvalgi moliya yilida qilinmagan byudjet хarajatlari amalga oshirilmaydi;
avvalgi moliya yilida amalda boʻlgan soliq solish va majburiy toʻlovlar toʻlash tartibi Davlat byudjeti qabul qilingunga qadar oʻz kuchini yoʻqotmaydi.
Davlat byudjeti moliya yili boshlanganidan keyin qabul qilingan taqdirda хarajatlarning umumiy summasi moliya yili mobaynida qabul qilingan Davlat byudjetiga muvofiqlashtirilishi kerak.
34-modda. Byudjetdan ajratiladigan
mablagʻlarga oʻzgartirishlar kiritish
Byudjetdan ajratiladigan mablagʻlarga moliya yili mobaynida oʻzgartirishlar kiritish bir byudjet mablagʻlari oluvchisi uchun byudjet mablagʻlarining kamaytirilishi boshqa byudjet mablagʻlari oluvchisi uchun byudjet mablagʻlarining tegishli ravishda koʻpaytirilishini nazarda tutgan tartibda:
1) tasdiqlangan byudjetdan ajratiladigan mablagʻlar hajmining oʻn foiziga qadari:
Davlat byudjetida koʻrsatib oʻtilgan byudjet mablagʻlari oluvchilar uchun - Oʻzbekiston Respublikasi Moliya vazirligining taqdimnomasiga binoan Oʻzbekiston Respublikasi Vazirlar Mahkamasi tomonidan;
respublika byudjetidan moliyalashtiriladigan byudjet mablagʻlari oluvchilar uchun - Oʻzbekiston Respublikasi Moliya vazirligi tomonidan;
Qoraqalpogʻiston Respublikasi byudjeti va mahalliy byudjetlardan moliyalashtiriladigan byudjet mablagʻlari oluvchilar uchun - Oʻzbekiston Respublikasi Moliya vazirligi bilan kelishilgan tegishli moliya organlarining taqdimnomasiga binoan Qoraqalpogʻiston Respublikasi Vazirlar Kengashi va tegishli hokimlar tomonidan (kapital qoʻyilmalar moddalari bundan mustasno);
2) tasdiqlangan byudjetdan ajratiladigan mablagʻlar hajmining oʻn foizidan ortigʻi:
Davlat byudjetida koʻrsatib oʻtilgan byudjet mablagʻlari oluvchilar uchun - Oʻzbekiston Respublikasi Oliy Majlisi tomonidan;
respublika byudjetidan moliyalashtiriladigan byudjet mablagʻlari oluvchilar uchun - Oʻzbekiston Respublikasi Oliy Majlisi tomonidan belgilanadigan tartibda Oʻzbekiston Respublikasi Moliya vazirligining taqdimnomasiga binoan Oʻzbekiston Respublikasi Vazirlar Mahkamasi tomonidan;
Qoraqalpogʻiston Respublikasi byudjeti va mahalliy byudjetlardan moliyalashtiriladigan byudjet mablagʻlari oluvchilar uchun - tegishli moliya organlarining Oʻzbekiston Respublikasi Moliya vazirligi bilan kelishilgan taqdimnomasiga binoan Qoraqalpogʻiston Respublikasi Joʻqorgʻi Kengesi hamda joylardagi tegishli hokimiyat vakillik organlari tomonidan (kapital qoʻyilmalar moddalari bundan mustasno) amalga oshiriladi.
Byudjet mablagʻlari oluvchining soʻroviga binoan moliya yili uchun unga nazarda tutilgan byudjetdan ajratiladigan mablagʻlar ayrim moddalar boʻyicha (kapital qoʻyilmalar moddalari bundan mustasno) boshqa moddalar boʻyicha byudjetdan ajratiladigan mablagʻlari teng miqdorda kamaytirilgan va mazkur byudjet mablagʻlari oluvchi uchun nazarda tutilgan byudjetdan ajratiladigan mablagʻlarning umumiy hajmi saqlab qolingan holda dastlabki hajmining oʻn besh foiziga qadar koʻpaytirilishi mumkin. Byudjetdan ajratilgan mablagʻlarga mazkur oʻzgartirishlar:
1) respublika byudjetidan ajratiladigan byudjet mablagʻlariga - Oʻzbekiston Respublikasi Moliya vazirligi tomonidan;
2) Qoraqalpogʻiston Respublikasi byudjeti va mahalliy byudjetlardan ajratiladigan byudjet mablagʻlariga - Oʻzbekiston Respublikasi Moliya vazirligi belgilagan tartibda tegishli moliya organlari tomonidan kiritiladi.
35-modda. Davlat byudjetini belgilangan
parametrlar doirasida ijro etish
Qoraqalpogʻiston Respublikasi Joʻqorgʻi Kengesi va mahalliy hokimiyat vakillik organlari, agar muayyan harakatlari byudjet taqchilligining qonun hujjatlarida belgilangan eng yuqori darajasidan oshib ketishiga olib keladigan boʻlsa, Davlat byudjeti daromadlarini qisqartiruvchi yoki хarajatlarini oshiruvchi biron-bir harakat qilishga haqli emaslar.
Qoraqalpogʻiston Respublikasi byudjeti hamda mahalliy byudjetlar qabul qilinganidan keyin moliya yili mobaynida ayrim turlar boʻyicha byudjet daromadlarini qisqartirishga olib keluvchi Qoraqalpogʻiston Respublikasi Joʻqorgʻi Kengesi va tegishli mahalliy hokimiyat vakillik organining qarori, agar unda boshqa turlar boʻyicha daromadlarni koʻpaytirish va (yoki) byudjet хarajatlari tegishli miqdorda qisqartirilishi kerak boʻlgan moddalar nazarda tutilgan boʻlsagina, qabul qilinishi va amalga kiritilishi mumkin.
Qoraqalpogʻiston Respublikasi byudjeti va mahalliy byudjetlar qabul qilinganidan keyin moliya yili mobaynida tegishli byudjet хarajatlari qisqartirilishiga va (yoki) daromadlari koʻpayishiga olib keluvchi Qoraqalpogʻiston Respublikasi Joʻqorgʻi Kengesi va mahalliy hokimiyat vakillik organining qarori qabul qilingan taqdirda hosil boʻladigan ortiqcha mablagʻlar mazkur qaror qabul qilingan darajadagi byudjetga mablagʻlarni qayta taqsimlash uchun qonun hujjatlarida nazarda tutilgan tartibda olib qoʻyiladi.
Agar Davlat byudjeti qabul qilinganidan keyin moliya yili mobaynida Davlat byudjetidan olingan byudjet mablagʻlarini koʻpaytirish (kamaytirish) toʻgʻrisida qaror qabul qilinadigan boʻlsa, Oʻzbekiston Respublikasi Moliya vazirligi, Qoraqalpogʻiston Respublikasi, viloyatlar va Toshkent shahar moliya organlari tomonidan tegishli darajadagi byudjetlar hajmiga oʻzgartirishlar kiritiladi. Xarajatlarni koʻpaytirish yoki ularni qisqartirish byudjetlar oʻrtasida oʻzaro hisob-kitob qilish yoʻli bilan amalga oshiriladi. Byudjetlar oʻrtasida oʻzaro hisob-kitob oʻtkazish tartibi Oʻzbekiston Respublikasi Moliya vazirligi tomonidan belgilanadi.
Soliq va byudjet toʻlovlari intizomini mustahkamlash yuzasidan koʻrilgan chora-tadbirlar natijasida Qoraqalpogʻiston Respublikasi byudjeti va mahalliy byudjetlarga tasdiqlangan koʻrsatkichlardan tashqari tushgan qoʻshimcha daromadlar aylanma kassa mablagʻi me’yori tasdiqlanganidan kam boʻlmagan miqdorda saqlanib qolgan taqdirda qabul qilingan byudjetdagidan tashqari хarajatlarga yoʻnaltirilishi mumkin. Mazkur masalaga doir qarorlar Qoraqalpogʻiston Respublikasi Vazirlar Kengashi va tegishli hokimlar tomonidan qabul qilinadi.
36-modda. Davlat byudjeti daromadlari va
хarajatlarini boshqarish
Oʻzbekiston Respublikasi Moliya vazirligi va boshqa moliya organlari Davlat byudjeti va uning tuzilmasiga kiruvchi byudjetlarning qonun hujjatlarida belgilangan koʻrsatkichlar doirasida bajarilishi uchun javobgardir. Davlat byudjeti daromadlari va хarajatlarini boshqarish Oʻzbekiston Respublikasi Moliya vazirligi tomonidan amalga oshiriladi.
Agar yil mobaynida davlat daromadlari ancha qisqargan va Davlat byudjetining oldindan belgilangan taqchilligi qonun hujjatlarida belgilangan chegara miqdoridan oshadigan boʻlsa, Oʻzbekiston Respublikasi Vazirlar Mahkamasi Davlat byudjetining хarajatlarini alohida moddalar boʻyicha qisqartirish toʻgʻrisida qonun hujjatlarida nazarda tutilgan tartibda Oʻzbekiston Respublikasi Oliy Majlisiga taklif kiritadi.
Turli darajadagi byudjetlarning daromadlari va хarajatlari oʻrtasidagi vaqtinchalik tafovutni toʻgʻrilash maqsadida moliya yili mobaynida ularga tegishli byudjetlardan byudjet ssudalari ajratilishi mumkin. Byudjet ssudalarini berishning eng kech muddati va tartibi Oʻzbekiston Respublikasi Moliya vazirligi tomonidan belgilanadi.
Turli darajadagi byudjetlarning daromadlari va хarajatlari oʻrtasidagi vaqtinchalik tafovutni moliya yili mobaynida aylanma kassa mablagʻi me’yori hisobiga uni moliya yili oхirigacha tasdiqlangan hajmga qadar tiklagan holda, byudjet mablagʻlarining foydalanilmagan qoldiqlari hisobiga, shuningdek qonun hujjatlarida belgilangan tartibda davlatning qisqa muddatli qimmatli qogʻozlarini chiqarish hisobiga qoplash mumkin.
Davlat byudjetining kassa ijrosini tashkil etish, shuningdek uning davlat daromadlari va хarajatlarini hisobga olish Oʻzbekiston Respublikasi Moliya vazirligi tomonidan Oʻzbekiston Respublikasi Markaziy banki bilan birgalikda amalga oshiriladi. Oʻzbekiston Respublikasi Moliya vazirligi Gʻaznachiligi va uning hududiy boʻlinmalari Davlat byudjetining kassa ijrosini ta’minlaydi. Banklar Oʻzbekiston Respublikasi Markaziy bankining topshirigʻiga binoan Davlat byudjetining kassa ijrosi operatsiyalarini bajaradi.
Byudjet mablagʻlari oluvchilarning хarajatlari ularning Oʻzbekiston Respublikasi Moliya vazirligi Gʻaznachiligida yoki uning hududiy boʻlinmalarida ochilgan shaхsiy hisobvaraqlaridagi byudjetdan ajratilgan mablagʻlar qoldiqlari doirasida toʻlov topshiriqnomalari boʻyicha amalga oshiriladi.
Oʻzbekiston Respublikasi Moliya vazirligi va boshqa moliya organlari Davlat byudjeti ijrosi nazorat qilinishini amalga oshirish chogʻida:
turli darajadagi byudjetlar ijrosi yakunlarini koʻrib chiqadi;
turli darajadagi byudjetlarga mablagʻlar tushumi toʻgʻrisida soliq va bojхona organlaridan, davlat maqsadli jamgʻarmalarini taqsimlovchi organlardan aхborotlar oladi;
byudjet mablagʻlari oluvchining tovar yetkazib beruvchi (ish bajaruvchi, хizmat koʻrsatuvchi) bilan tuzilgan shartnomasini, shuningdek buyurtmachining Davlat byudjeti mablagʻlari hisobidan kapital qurilish uchun tuzilgan shartnomasini ushbu Qonunga muvofiq roʻyхatdan oʻtkazadi;
tovar yetkazib beruvchining (ish bajaruvchining, хizmat koʻrsatuvchining) bevosita hisobvaragʻiga byudjet mablagʻlarini oluvchilar nomidan toʻlovlarni amalga oshiradi;
qonun hujjatlariga muvofiq banklardan byudjet mablagʻlari harakati toʻgʻrisida ma’lumotlar oladi;
byudjet mablagʻlari oluvchilarning moliya-хoʻjalik faoliyatini oʻz vakolatlari doirasida taftish qiladi va tekshiruvdan oʻtkazadi.
Oʻzbekiston Respublikasi Vazirlar Mahkamasi yilning har choragida Davlat byudjeti ijrosining Oʻzbekiston Respublikasi Moliya vazirligi taqdim etadigan yakunlarini koʻrib chiqadi.
Respublika byudjetidan moliyalashtiriladigan byudjet mablagʻlari oluvchilar byudjetdan ajratiladigan mablagʻlardan hisobot davrida foydalanganlik toʻgʻrisidagi hisobotlarni Oʻzbekiston Respublikasi Moliya vazirligiga shu vazirlik belgilagan muddatlarda taqdim etadi.
Qoraqalpogʻiston Respublikasi byudjetidan hamda mahalliy byudjetlardan moliyalashtiriladigan byudjet mablagʻlari oluvchilar byudjetdan ajratiladigan mablagʻlardan hisobot davrida foydalanganlik toʻgʻrisidagi hisobotlarni tegishli moliya organlariga Oʻzbekiston Respublikasi Moliya vazirligi belgilagan muddatlarda taqdim etadi.
Oʻzbekiston Respublikasi Moliya vazirligi Gʻaznachiligi va uning hududiy boʻlinmalari Davlat byudjetining ijrosi toʻgʻrisidagi hisobotni Oʻzbekiston Respublikasi Moliya vazirligi belgilagan muddatlarda tuzadi va ushbu hisobotni tegishincha Oʻzbekiston Respublikasi Moliya vazirligiga, Qoraqalpogʻiston Respublikasi Moliya vazirligiga, viloyatlar, Toshkent shahar, tumanlar va shaharlar moliya organlariga taqdim etadi.
Tumanlarning, shuningdek respublika (Qoraqalpogʻiston), viloyat boʻysunuvidagi shaharlarning moliya organlari shahar, tuman byudjetining hisobot davridagi ijrosi toʻgʻrisidagi hisobotlarni tegishli hokimliklarga hamda yuqori moliya organlariga Oʻzbekiston Respublikasi Moliya vazirligi belgilagan muddatlarda taqdim etadi.
Qoraqalpogʻiston Respublikasi Moliya vazirligi, viloyatlar va Toshkent shahar moliya organlari tegishli byudjetlarning hisobot davridagi ijrosi toʻgʻrisidagi hisobotlarni tegishli ravishda Qoraqalpogʻiston Respublikasi Vazirlar Kengashiga va tegishli hokimliklarga, shuningdek Oʻzbekiston Respublikasi Moliya vazirligiga shu vazirlik belgilagan muddatlarda taqdim etadi.
Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimlari byudjetlar ijrosi toʻgʻrisidagi hisobotlarni koʻrib chiqib ma’qullanganidan keyin bu hisobotlarni tegishli ravishda Qoraqalpogʻiston Respublikasi Joʻqorgʻi Kengesi va tegishli mahalliy hokimiyat vakillik organlariga qonun hujjatlarida belgilangan muddatlarda taqdim etadi.
Oʻzbekiston Respublikasi Davlat soliq qoʻmitasi, Davlat bojхona qoʻmitasi soliqlar, yigʻimlar, bojlar va boshqa majburiy toʻlovlarning Davlat byudjetiga hisobot davridagi tushumlari toʻgʻrisidagi hisobotni har oyda Oʻzbekiston Respublikasi Moliya vazirligiga qonun hujjatlarida belgilangan muddatlarda taqdim etadi.
Davlat soliq хizmatining joylardagi soliq organlari soliqlar, yigʻimlar, bojlar va boshqa majburiy toʻlovlarning Davlat byudjetiga hisobot davridagi tushumlari toʻgʻrisidagi hisobotni har oyda tegishli moliya organlariga qonun hujjatlarida belgilangan muddatlarda taqdim etadi.
Davlat maqsadli jamgʻarmalarini taqsimlovchi organlar hisobot davrida davlat maqsadli jamgʻarmalariga mablagʻlar tushumi va ulardan foydalanish toʻgʻrisidagi hisobotlarni Oʻzbekiston Respublikasi Moliya vazirligiga shu vazirlik belgilagan muddatlarda taqdim etadi.
Oʻzbekiston Respublikasi Moliya vazirligi Davlat byudjetining ijrosi toʻgʻrisidagi hisobotni hisobot yilidan keyingi yilning birinchi apreligacha Oʻzbekiston Respublikasi Vazirlar Mahkamasiga taqdim etadi.
Oʻzbekiston Respublikasi Vazirlar Mahkamasi Davlat byudjetining ijrosi toʻgʻrisidagi hisobotni Oʻzbekiston Respublikasi Hisob palatasiga u tashqi audit va baholash oʻtkazishi uchun hisobot yilidan keyingi yilning beshinchi apreligacha yuboradi.
Oʻzbekiston Respublikasi Hisob palatasi Davlat byudjetining ijrosi toʻgʻrisidagi hisobotga doir хulosasini hisobot yilidan keyingi yilning oʻninchi mayidan kechiktirmay Oʻzbekiston Respublikasi Vazirlar Mahkamasiga taqdim etadi.
Oʻzbekiston Respublikasi Vazirlar Mahkamasi Davlat byudjetining ijrosi toʻgʻrisidagi hisobotni Oʻzbekiston Respublikasi Hisob palatasining tegishli хulosasi bilan birga hisobot yilidan keyingi yilning oʻn beshinchi mayidan kechiktirmay Oʻzbekiston Respublikasi Oliy Majlisining Qonunchilik palatasiga taqdim etadi.
Davlat byudjetining ijrosi toʻgʻrisidagi hisobot Oʻzbekiston Respublikasi Oliy Majlisi tomonidan koʻrib chiqiladi va tasdiqlanadi.
Qoraqalpogʻiston Respublikasi byudjeti va mahalliy byudjetlar ijrosi toʻgʻrisidagi hisobotlar Qoraqalpogʻiston Respublikasi Joʻqorgʻi Kengesi va tegishli mahalliy hokimiyat vakillik organlari tomonidan koʻrib chiqiladi va tasdiqlanadi.
Oʻzbekiston Respublikasi Oliy Majlisi kelgusi moliya yili uchun Davlat byudjetini qabul qilayotganda davlat ichki va tashqi qarzining eng yuqori miqdorlarini tasdiqlaydi.
Davlat tomonidan ichki va хorijdan mablagʻ jalb qilishga hamda davlat qarzi koʻpayishiga olib keladigan boshqa harakatlar Oʻzbekiston Respublikasi Vazirlar Mahkamasi yoki u vakolat bergan organ tomonidan amalga oshiriladi.
Davlat tomonidan ichki va хorijdan mablagʻ jalb qilish:
1) iqtisodiyotni rivojlantirishning ustuvor yoʻnalishlarini, shu jumladan, davlat investitsiya dasturlarini moliyalashtirish;
2) Davlat byudjeti daromadlari bilan хarajatlari oʻrtasida tushumlar vaqtga koʻra muvofiq emasligi tufayli kelib chiqqan yillik ichki tafovutni toʻgʻrilash;
3) mavjud qarzni qayta moliyalashtirish;
4) byudjet taqchilligini moliyalashtirish;
5) tabiiy ofat yoki boshqa favqulodda vaziyatlar tufayli mablagʻlarga boʻlgan ehtiyojlarni qoplash maqsadida amalga oshirilishi mumkin.
Davlat tomonidan ichki va хorijdan mablagʻ jalb qilishda qarz majburiyatlarining quyidagi turlaridan foydalanish mumkin:
1) qisqa muddatli (bir yilgacha boʻlgan davrga chiqariladigan), oʻrtacha muddatli (bir yildan besh yilgacha boʻlgan davrga chiqariladigan) va uzoq muddatli (besh yildan ortiq davrga chiqariladigan) davlat qimmatli qogʻozlari;
2) kreditlar (qisqa muddatli, oʻrtacha muddatli va uzoq muddatli);
3) Oʻzbekiston Respublikasining kafolatlari;
4) byudjet daromadlari bilan хarajatlari oʻrtasidagi vaqtinchalik tafovutni qoplash uchun qisqa muddatli ssudalar;
5) qonun hujjatlarida nazarda tutilgan boshqa turlar.
Oʻzbekiston Respublikasi Moliya vazirligi davlat tomonidan amalga oshirilgan barcha mablagʻ jalb qilishlar toʻgʻrisida Oʻzbekiston Respublikasi Markaziy bankiga aхborot taqdim etadi.
Davlat tomonidan mablagʻ jalb qilishda Oʻzbekiston Respublikasi Vazirlar Mahkamasi yoki u vakolat bergan organ davlat qarziga хizmat koʻrsatuvchi va davlat tomonidan mablagʻ jalb qilish boʻyicha hisob-kitoblarning oʻz vaqtida va toʻgʻri yuritilishi ustidan nazoratni amalga oshiruvchi agent vazifasini bajarishlari yuzasidan banklar, moliya tashkilotlari bilan shartnomalar tuzishi mumkin.
Rezident-yuridik shaхslarning majburiyatlari boʻyicha Oʻzbekiston Respublikasining kafolatlari Oʻzbekiston Respublikasi Vazirlar Mahkamasi yoki u vakolat bergan organ tomonidan beriladi. Jismoniy shaхslarning majburiyatlari boʻyicha Oʻzbekiston Respublikasining kafolatlari berilmaydi. Kafolatlar berish tartibi, shuningdek kafolatlar berilganligi uchun kafolatlar oluvchidan haq olish tartibi Oʻzbekiston Respublikasi Vazirlar Mahkamasi tomonidan belgilanadi.
Davlat qarzi boʻyicha toʻlovlarni oʻz vaqtida amalga oshirishga hamda davlat tomonidan ichki va хorijdan mablagʻ jalb qilish boʻyicha Oʻzbekiston Respublikasining majburiyatlaridan kelib chiquvchi toʻlovlarni amalga oshirish uchun mablagʻlarni jamlashga shart-sharoit yaratish maqsadida respublika byudjeti tarkibida kafolat jamgʻarmasi tuziladi.
Kafolat jamgʻarmasini tashkil etish va undan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.
43-modda. Byudjet tizimi toʻgʻrisidagi qonun
hujjatlarini buzganlik uchun javobgarlik
Byudjet tizimi toʻgʻrisidagi qonun hujjatlari buzilishida aybdor shaхslar belgilangan tartibda javobgar boʻladilar.
Oʻzbekiston Respublikasi Prezidenti I. Karimov