Қачон ишга қабул қилишни рад этиш қонуний ҳисобланади 

Қонуний рад этиш ҳоллари шартли равишда 3 гуруҳга бўлинади, бу қуйидаги ҳоллар:

• иш берувчи ишга қабул қилишни рад этиши шарт;
• иш берувчи ўзининг энг яхши ходимни танлаш ҳуқуқидан фойдаланади;
• меҳнат шартномасини тузишга тўсқинлик қилувчи жиҳатлар мавжуд.

1. Қачон иш берувчи ишга қабул қилишни рад этиши шарт

Иш берувчи ишга қабул қилишни рад этиши шарт, агар:

• ёшга оид чеклашлар бўлса;

Эътибор беринг

Ёшга оид чеклашлар, хусусан, 18 ёшга тўлмаган шахсларни ишга қабул қилишга тааллуқлидир. Уларни меҳнат шароитлари ноқулай бўлган ишларга , шунингдек йўл қўйиладиган энг кўп нормалардан ортиқ бўлган оғирликдаги юкларни кўтариши ва ташиш билан боғлиқ бўлган ишларга қабул қилиш тақиқланади.

• 15-16 ёшдаги талабгорда ота-онасидан бирининг /ота-онасининг ўрнини босувчи шахснинг ёки 15 ёшгача бўлган талабгорда ота-онанинг ҳар иккисининг ёзма розилиги бўлмаса ;
• Ходим дастлабки мажбурий тиббий кўрикдан ўтмаган ёки тиббий кўрик натижаларига кўра унга бундай ишда ишлашга қарши кўрсатма берилган бўлса