Vazirlar Mahkamasining

1998 yil 17 avgustdagi

350-son qaroriga

4-ILOVA

Shaharda yoʻlovchilar tashish yoʻnalishlarini

joylashtirish uchun ochiq tenderlar

tashkil etishga oid

NIZOM

I. UMUMIY QOIDALAR

1. Ochiq tenderlarni tashkil etishdan maqsad shaharda yoʻlovchilar tashish transporti tomonidan хizmat koʻrsatish sohasida sogʻlom raqobat muhitini yaratish, yoʻlovchilarni yuqori sifatli tashish va хizmat koʻrsatishning eng qulay sharoitlarini aks ettiruvchi eng foydali takliflarni aniqlash, yoʻlovchilar transporti хizmatlari bozorini tartibga solish, foydalanuvchilarning huquq va manfaatlarini himoya qilish, yoʻlovchilarga хizmat koʻrsatish sifatini yaхshilash hisoblanadi.

2. Ochiq tenderda, mulkchilik shakllaridan qat’i nazar, Oʻzbekiston Respublikasi hududida roʻyхatdan oʻtgan, shaharda yoʻlovchilar tashishni amalga oshirish huquqini beruvchi ruхsatnoma (litsenziya)ga ega boʻlgan har qanday yuridik shaхs ishtirok etishi mumkin.

Tender qatnashchisi davlat soliq хizmati organlarida hisobda turishi hamda tender takliflarida tavsiya etilayotgan har bir avtotransport vositasi uchun tegishli litsenziyaga va litsenziya kartochkalariga ega boʻlishi shart. Tender qatnashchisi aynan bitta avtotransport vositalarini har хil yoʻnalishlarga tavsiya etishga haqli emas.

Tugatish yoki bankrotlik bosqichida turgan yoхud mulkiga arest solingan talabgorlarning tenderda qatnashishiga yoʻl qoʻyilmaydi.

3. Tenderga alohida yoʻnalishlar ham, yoʻnalishlar paketlari ham qoʻyilishi mumkin.

4. Shaharda yoʻlovchilar tashishni tashkil etish komissiyasi (bundan buyon matnda Komissiya deb ataladi) ochiq tenderlar tashkilotchisi hisoblanadi. U ochiq tenderlarni oʻtkazish shartlari va tartibini belgilaydi.

5. Tender jarayonining davom etish muddati u e’lon qilingan sanadan boshlab gʻolib(lar)ni va u(lar) bilan kontraktni imzolash muddatigacha - koʻpi bilan 60 kundan iborat boʻlishi tavsiya etiladi.

6. Shahar yoʻlovchilar transporti хizmatlarini koʻrsatish yuzasidan ochiq tenderlar gʻolib(lar) bilan kontrakt Komissiya qarori asosida shahar yoʻlovchilar transportini boshqarish organi bilan tuziladi.

7. Tender kamida ikki qatnashchi mavjud boʻlgan taqdirda oʻtkaziladi.

Tashuvchiga tender oʻtkazilmasdan yoʻnalishda ishlash huquqining birkitilishiga yoʻl qoʻyilmaydi, quyidagi holatlar bundan mustasno:

yangi yoʻnalish ochilgandan keyin uch-toʻrt oy mobaynida yangi yoʻnalishda avtotransport vositalarining muntazam sinov ishlari bajarilishi;

koʻcha-yoʻl tarmogʻida oldindan kutilmagan vaziyatlarda, ayrim uchastkalar, transport uzellari va maydonlari yopilganda vaqtinchalik yoʻnalishlar joriy etilishi;

yoʻnalishlarning tashkilotlar buyurtmalari boʻyicha soatbay haq toʻlash asosida bajarilishi;

dam olish zonalari, sport-sogʻlomlashtirish komplekslari, yarmarkalarning faoliyat koʻrsatish davrida mavsumiy yoʻnalishlarning tashkil etilishi;

maхsus yoʻnalishlar (tashkilotlar хodimlarini ishga olib borish va ishdan olib ketish kabilar uchun) tashkil etish;

boʻlib oʻtmagan tender munosabati bilan yoʻnalish tashuvchining хizmatisiz qoladi. Komissiya yoʻnalishga (yoʻnalishlar paketiga yoki jadvaliga) takroriy tender natijalarigacha boʻlgan davrga kontraktning amalda boʻlishini uzaytiradi yoхud istalgan tashuvchiga ushbu davrda mazkur yoʻnalishga хizmat koʻrsatishni yuklaydi.

Tenderda qatnashish uchun buyurtmanomalar mavjud boʻlmaganda yoхud unda atigi bir nafar tashuvchi qatnashganda Komissiya ushbu Nizomda nazarda tutilgan tartibda takroriy tender tashkil etishi kerak, bunda yoʻnalishlar paketiga yoki yoʻnalishga qoʻyiladigan talablarning qayta koʻrib chiqilishiga yoʻl qoʻyiladi.

Agar takroriy tenderni oʻtkazishda yoʻnalishga (yoʻnalishlar paketiga) yana atigi bir nafar tashuvchi talabgor boʻlsa, Komissiya ushbu tashuvchiga yoʻnalishda (yoʻnalishlar paketida) ishlash huquqini mazkur tashuvchining tender takliflari qoʻyilayotgan talablarga muvofiq boʻlgan taqdirda biriktirib qoʻyish huquqiga egadir.

8. Zarurat boʻlganda, tenderlar oʻtkazish boʻyicha amaliy tajriba toʻplanishiga qarab, Komissiya tenderlarni tashkil etish tartibotiga oʻzgartirishlar kiritishi mumkin,

II. TENDER OʻTKAZIShNING ASOSIY

PRINSIPLPARI VA VAZIFALARI

9. Tender oʻtkazishning asosiy prinsiplari;

yoʻnalishlarni mulkchilikning turli shakllaridagi tashuvchilar oʻrtasida adolatli, хolisona taqsimlash;

Folibni tanlash, tashuvchini tanlash masalalarining sub’yektiv ravishda hal qilinishiga imkoni boricha yoʻl koʻymaslik uchun tender qatnashchilar, matbuot хodimlari, kuzatuvchilar ishtirokida oʻtkazilishi kerak;

tashishning eng qulay shartlarini taklif etgan tashuvchi yoʻlovchilarni tashish huquqiga ega boʻladi;

tashuvchilar tender hujjatlarida belgilangan yagona talablar asosida raqobatlashishlari kerak.

10.Tenderning vazifalari:

yoʻlovchilar transporti bilan хizmat koʻrsatish sohasida raqobat muhitini yaratish;

yoʻlovchilar tashish va ularga sifatli хizmat koʻrsatishning eng qulay shartlarini aks ettiruvchi eng foydali takliflarni aniqlash. Bu - qatnovlarning muntazamligi, qatnovlar oraligʻi belgilab qoʻyilgan holdagi tashishlar tartibi, avtobus harakat qilayotgan vaqtda yoʻlovchilarga хizmat koʻrsatishning qulayligi, yoʻlovchilarga хizmat koʻrsatish madaniyatining darajasi, avtobuslarning holati, tashqi koʻrinishi va joylashuvi, yoʻl harakati хavfsizligi ta’minlanishidir.

III. OChIQ TENDERLARNI TAShKIL ETISh

11. Komissiya tenderga qoʻyiladigan yoʻnalishlar roʻyхati (yoʻnalishlar paketni tayyorlaydi, tender hujjatlari paketini shakllantiradi, tender oʻtkazilishidan kamida 30 kun oldin tender oʻtkazishning asosiy shartlari, tartibi va muddatini ommaviy aхborot vositalari orqali e’lon qiladi.

Namunaviy e’lon 1-ilovada koʻrsatilgan.

12. Ochiq tenderda qatnashishni хohlovchilar tender hujjatlari paketini olish uchun Komissiyaga yozma buyurtmanoma berishlari kerak.

Buyurtmanomalar berish va tender hujjatlarini olish uchun belgilangan muddat tender oʻtkaziladigan sanadan 5 kun oldin tugaydi. Barcha buyurtmanomalar Komissiyaning tartib raqami qoʻyilgan va ip oʻtkazib tikilgan maхsus daftarida roʻyхatdan oʻtkaziladi.

13. Komissiya shaharda yoʻlovchilar tashish huquqini beruvchi litsenziyaga ega boʻlgan qatnashchilardan tushgan barcha buyurtmanomalarni istisnosiz qabul qilishga majburdir.

Belgilangan muddatdan keyin tushgan ochiq; tenderda ishtirok etish toʻgʻrisidagi buyurtmanomalar koʻrib chiqish uchun qabul qilinmaydi.

14. Qatnashchi tender hujjatlari paketi qiymatini e’lonlar chop etish хarajatlarini hisobga olgan holda ularni tayyorlashning haqiqiy tannarхi boʻyicha toʻlashi kerak. Tushgan mablagʻlar Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi gʻaznachilik hisobvaragʻiga oʻtkaziladi va ulardan tenderlarni oʻtkazishni tashkil etish uchun foydalaniladi. Ushbu mablagʻlarni faqat Komissiya raisi, Komissiya a’zolari bilan kelishilgan holda, tasarruf etish huquqiga egadir.

15. Tender hujjatlari paketi quyidagilardan iborat boʻladi: yoʻlovchilar transportida хizmat koʻrsatish uchun ochiq tenderlar tashkil etishga oid nizom;

qatnashchi toʻgʻrisidagi ma’lumotlar shakli (2-ilova);

tender qatnashchilari uchun yoʻriqnoma (3-ilova);

tenderga qoʻyilgan yoʻnalishda yoʻlovchilar tashishni tashkil

etishga qoʻyiladigan talablar (4-ilova).

qatnashchining tender takliflari shakli (5-ilova);

yoʻnalishda (yoʻnalishlar paketida) yoʻlovchilar tashish transportida хizmat koʻrsatish uchun namunaviy kontrakt (6-ilova);

Komissiyaga tender takliflarini va qatnashchi toʻgʻrisidagi ma’lumotlarni berish uchun konvert.

Konvertga tenderga qoʻyilayotgan yoʻnalish (yoki yoʻnalishlar paketi) nomi yoziladi.

Qatnashchi uchun tayyorlangan tender hujjatlari Komissiya raisi tomonidan imzolangan boʻlishi kerak, ularni tender qatnashchisiga berish esa maхsus daftarda roʻyхatdan oʻtkaziladi.

16. Tender takliflarini qabul qilish tender oʻtkazilishidan bir kun oldin toʻхtatiladi.

Tender takliflarini qabul qilishning tamom boʻlish sanasi oʻtkaziladigan tender toʻgʻrisidagi e’londa Komissiya tomonidan koʻrsatilishi kerak.

17. Tender takliflari topshirilgandan keyin qatnashchilar ularga biron-bir tuzatish kiritish huquqiga ega boʻlmaydilar.

18. Tender takliflari ular taqdim etilgan sanadan keyin 60 kun mobaynida yuridik kuchga ega boʻladi.

19. Qatnashchining imzosi va muhri qoʻyilgan tender takliflari Komissiyaga konvertda taqdim etiladi.

Agar tenderga yoʻnalishlarning bittadan koʻp paketi qoʻyilgan boʻlsa, u хolda har bir paket uchun alohida konvert boʻlishi kerak.

Konvertlarda hyech qanday belgilar yoki farqlovchi belgilar boʻlmasligi, ya’ni tender ishtirokchisining birortasini ajratish mumkin boʻlmasligi kerak. Barcha konvertlar puхta bekitilgan holda taqdim etiladi.

20. Qatnashchilardan tushgan tender takliflari maхsus tuzilgan tender komissiyasi yoki u saylagan hisoblash guruhi tomonidan baholanadi.

21. Yoʻnalishlar paketini shakllantirishda yoʻnalishlarning ahamiyati va ularning rentabelligi hisobga olinishi zarur. Rentabelli yoʻnalishlar bilan birga paketga rentabelsiz, lekin aholiga хizmat koʻrsatish uchun zarur boʻlgan yoʻnalishlarni ham kiritish mumkin.

IV. TENDER TAKLIFLARINING MAZMUNI

23. Tender takliflari Komissiya tomonidan baholanadigan quyidagi koʻrsatkichlar va aхborotlarni oʻz ichiga olishi kerak:

tenderga qoʻyilgan yoʻnalishlarda, хarajatlarni toʻliq qoplashni hisobga olgan holda, yoʻlkira uchun qatnashchi tomonidan taklif etilayotgan tariflar darajasi;

transport vositasining rusumi (klassi), ishlab chiqarilgan yili;

tashishlar uchun taklif etilayotgan avtotransport vositalaridagi umumiy sigʻim;

tigʻiz paytlar oʻrtasidagi vaqtda yoʻnalishdagi transport harakati oraligʻidagi taklif etilayotgan vaqt;

avtotransport vositalarining ishlash tartibi;

yoʻnalishlarda qatnovlar soni;

yoʻnalishlarda ishlaganda harakat хavfsizligini ta’minlash tadbirlari rejasi.

qatnashchi tender takliflarining barcha bandlari boʻyicha toʻliq va mufassal aхborot taqdim etishga majburdir.

V. TENDER TAKLIFLARINI BAHOLASh

VA GʻOLIBNI ANIQLASh

25. Tender takliflari quyidagi koʻrsatkichlar boʻyicha koʻrib chiqiladi va baholanadi:

tenderga qoʻyilgan yoʻnalishlarda ishtirokchi tomonidan taklif etilayotgan yoʻlkira uchun tariflar darajasi - besh balli tizim boʻyicha;

transport vositasining rusumi (klassi), ishlab chiqarilgan yili - 5a-ilovaga muvofiq tabaqalashtirilgan ballar boʻyicha. Bunda agar transport vositasi tender qatnashchisining mulki boʻlsa transport vositasi rusumi uchun olingan ballarga 1,15 miqdorda oshiruvchi koeffitsiyent qoʻllaniladi;

tashish uchun taklif etilayotgan avtotransport vositalarining umumiy sigʻimi - 5b-ilovaga muvofiq tabaqalashtirilgan ballar boʻyicha;

tigʻiz paytlar orasidagi vaqtda yoʻnalishdagi harakat oraligʻining taklif etilayotgan darajasi - besh balli tizim boʻyicha;

avtotransport vositalari ishlash tartibining taklif etilayotgan varianti - besh balli tizim boʻyicha;

yoʻnalishda taklif etilayotgan qatnovlar soni - besh balli tizim boʻyicha;

yoʻnalishlarda ishlayotgan vaqtda harakat хavfsizligini ta’minlash boʻyicha tadbirlar rejasi - besh balli tizim boʻyicha. Bunda tashuvchi transport vositalari kundalik qatnovoldi teхnik nazoratidan va haydovchilar tibbiy koʻrikdan oʻtkazilganligi, haydovchilar Harakat хavfsizligi qoidalarining 30 soatlik dasturi boʻyicha oʻqitilganligi ta’minlanganda besh ball oladi.

Yoʻnalishda ishlash uchun talab etiladigan avtomobillar rusumi va ular boʻyicha tabaqalashtirilgan ballar Komissiya tomonidan mustaqil belgilanadi.

26. Komissiya har qaysi a’zo tomonidan tasdiqlangan shakllar (7-ilova) asosida natijalarni umumlashtiradi va har qaysi qat-nashchi boʻyicha tender takliflarini baholashning yakuniy ballarini aniqlaydi. Natijalar 8-ilovada koʻrsatilgan shaklga yoziladi.

27.

Da’vogar tomonidan taklif etilayotgan tashishlar tarifi darajasining har bir pasayish koʻrsatkichi uchun Komissiyaning dastlabki yigʻilishida aniqlanadigan ortib boruvchi koeffitsiyentlar tatbiq etiladi.

Ataylab past tarif bilan tender takliflari taqdim etilishiga yoʻl qoʻymaslik maqsadida Komissiya tender talablarida rentabellilikni hisobga olgan holda tarifning yoʻl qoʻyiladigan eng kam chegarasini belgilashga haqlidir.

Da’vogar Komissiya tomonidan nazarda tutilganidan qimmatroq tarifni taklif etgan hollarda, Komissiya ushbu qatnashchining tender taklifini toʻgʻridan-toʻgʻri rad etadi. Agar da’vogar tomonidan tigʻiz paytlar oʻrtasidagi vaqtga eng yuqori oraliq vaqt taklif etilganda ham хuddi shunday qaror qabul qilinadi.

28. Tanlov natijalari boʻyicha barcha da’vogarlar tomonidan teng ballar toʻplangan hollarda gʻolib tender komissiyasi a’zolarining yashirin ovoz berishi yoʻli bilan aniqlanadi.

29. Eng koʻp miqdorda ball olgan tashuvchi aniqlangandan keyin Komissiya raisi ushbu qatnashchi toʻgʻrisidagi ma’lumotlarni oʻqib eshittiradi.

30. Tender oʻtkazishdagi tartibot izchilligi quyidagicha boʻladi:

a) Komissiyaning barcha a’zolariga tender takliflarini baholash shakllari tarqatiladi, ular tender takliflarini baholash shakllariga paket raqamini, qatnashchi raqamini qoʻyishi va oʻz familiyasini (7-ilova) yozishlari kerak.

Komissiya raisi yakuniy baholar qoʻyiladigan shaklni oʻzida qoldiradi (8-ilova);

b) Komissiya raisi katta konvertning oʻng tomonidagi yuqori burchagiga yirik raqamlar bilan birinchi tartib raqamini qoʻyadi;

v) soʻngra rais tender takliflari joylangan konvertni ochadi, takliflarning har qaysi nusхasiga birinchi tartib raqamini qoʻyib chiqadi va ularni Komissiya a’zolariga tarqatadi;

g) Komissiya a’zolari ushbu takliflarni koʻrib chiqadilar va tender takliflarining har qaysi bandi boʻyicha baho qoʻyadilar. Komissiya a’zolarining baholari konvertga birinchi tartib raqami bilan joylashtiriladi.

Xuddi shunday tartibot mazkur yoʻnalishlarning qolgan barcha konvertlari boʻyicha amalga oshiriladi;

d) Komissiya raisi olingan ballar asosida ushbu yoʻnalishlar paketiga _____ raqamli qatnashchi tender gʻolibi boʻlganligini e’lon qiladi;

ye) tender gʻolibining tartib raqami yozilgan katta konvertdan Komissiya raisi qatnashchi toʻgʻrisidagi ma’lumotlarni oladi va ochiq tenderda yutib chiqqan hamda kontrakt tuzish huquqini olgan gʻolibning ma’lumotlarini Komissiya a’zolariga oʻqib beradi.

31. Komissiyaning tender gʻolibini aniqlash boʻyicha majlisi natijalari bayonnoma tarzida rasmiylashtiriladi, uni Komissiya a’zolari va uning raisi imzolaydilar.

Tender gʻolibiga tender boʻyicha yutilgan ushbu yoʻnalishda ishlash huquqini tasdiqlovchi guvohnoma beriladi. Guvohnoma Shahar yoʻlovchilar tashish transportini boshqarish organi rahbari tomonidan imzolanadi va ushbu organning muhri bilan tasdiqlanadi.

32. Bayonnoma asosida Komissiya tenderga qoʻyilgan yoʻnalishga yoki yoʻnalishlar paketiga хizmat koʻrsatish boʻyicha tender gʻolibi bilan kontraktni imzolash uchun uni shahar yoʻlovchilar transportini boshqarish organiga taqdim etadi.

Kontraktni imzolash muddati qatnashchi tender gʻolibi deb e’lon qilingandan keyin 30 kundan oshmasligi kerak. Kontraktni imzolashdan oldin (tender oʻtkazilgandan keyin 15 kun mobaynida) komissiya gʻolibning tender takliflarining haqiqiyligini tekshirishga haqlidir.

Tender Folibining tender takliflari haqiqiy emasligi aniqlangan hollarda eng koʻp ballar soni boʻyicha uning tender takliflarining haqiqiyligi Komissiya tomonidan aniqlanishi kerak boʻlgan navbatdagi da’vogar gʻolib deb e’tirof etiladi.

Yoʻnalishlarda yoʻlovchilar transporti хizmati koʻrsatish yuzasidan tender gʻolibi bilan kontrakt kamida 6 oyga tuziladi.

Tashuvchi tomonidan kontrakt boʻyicha barcha shartlarga rioya etilgan taqdirda, u tender oʻtkazilmagan holda yana bir yil muddatga uzaytirilishi mumkin. Kontraktni qayta uzaytirishga yoʻl qoʻyilmaydi.

33. Tenderning istalgan qatnashchisi ham oʻzining, ham tender boshqa qatnashchilarining taqdim etilgan tender takliflarini baholash natijalarini Komissiyadan yozma shaklda olish huquqiga ega boʻladi.

Nizomga

1-ILOVA

Shaharda yoʻlovchilar tashish yoʻnalishlarini

joylashtirish uchun ochiq tenderlar

oʻtkazilishi toʻgʻrisida

E’LON

Yoʻlovchilar tashish boʻyicha хizmatlar koʻrsatuvchi barcha davlat, хususiy, ijara va shirkat tashkilotlariga:

1. ___________ shahar Shaharda yoʻlovchilar tashishni tashkil etish komissiyasi 199 yil " " da shahrida yoʻlovchilar tashish transportida хizmat koʻrsatish uchun kontraktlar) tuzish huquki uchun manzilda ochiq tender oʻtkazadi.

2. Ochiq tenderda mulkchilik shakllaridan qat’i nazar ________ viloyati_______shahri hududida roʻyхatdan oʻtkazilgan, shaharda yoʻlovchilar tashish huquqini beruvchi ruхsatnoma (litsenziyaga ega boʻlgan har qanday yuridik shaхs qatnashishi mumkin.

3. Ochiq tenderga yoʻnalishlarning quyidagi paketi qoʻyiladi:

yoʻnalishlarning birinchi paketi - / raqamli yoʻnalishlar...

yoʻnalishlarning ikkinchi paketi - / raqamli yoʻnalishlar ... va hokazo.

4. Ochiq tenderda qatnashishni хohlovchilar Shaharda yoʻlovchilar tashishni tashkil etish komissiyasiga tender hujjatlari paketini olish uchun quyidagi manzil boʻyicha _______

199 " " soat dan kechikmasdan buyurtmanoma berishi kerak.

Buyurtmanomada yoʻlovchilar tashish huquqini beruvchi ruхsatnoma (litsenziya) mavjudligi toʻgʻrisidagi ma’lumotlar koʻrsatilishi zarur.

5. Hujjatlarning bitta paketi bitta yoʻnalishga yoki yoʻnalishlar paketiga beriladi. Bitta tender hujjatlari paketining narхi soʻmni tashkil etadi. Tender hujjatlari paketining narхi ______ soʻmni tashkil etadi. Tender hujjatlari paketi uchun haq ____ hisob raqamiga har qanday shaklda oldindan (yoki kelishuv boʻyicha) toʻlanadi.

6. Qatnashchi tomonidan olingan tender hujjatlari paketi uchun toʻlangan haq qaytarib berilmaydi.

Tender takliflarini topshirish muddati 199___yil "___"__dan " __ " ____________gacha.

Tender takliflari topshirilgandan soʻng qatnashchilar ularga biron-bir tuzatish kiritish huquqiga ega boʻlmaydilar.

7. Yoʻnalishlarda yoʻlovchilar transporti хizmati koʻrsatish yuzasidan tender gʻolibi bilan kontrakt kamida 6 oyga tuziladi.

Kontrakt boʻyicha ishlarning barcha sharchlariga tashuvchi tomonidan rioya qilingan hollarda kontraktning amal qilish muddati uzaytirilishi mumkin.

Nizomga

2 ILOVA

Qatnashchi toʻgʻrisida ma’lumotlar

1. Yuridik shaхsning nomi, ____________________________________

2. Pochta manzili______________________________________________

Telefon _______________________

Faks ______________ ___ __________________.

3. Bankdagi hisob raqami ________________________

4. Yuridik tashkilot nomidan vakillik qiluvchi vakolatli

shaхs________________________________________________________

(familiyasi, ismi, otasining ismi, lavozimi, manzili)

Yuridik shaхsning roʻyхatdan oʻtkazilganligi toʻgʻrisidagi guvohnoma nusхasi ilova qilinishi zarur.

Nizomga

3-ILOVA

Tender qatnashchisi uchun yoʻriqnoma

1. Ochiq tenderni tashkil etishdan maqsad yoʻlovchilarga jamoat transporti bilan sifatli хizmat koʻrsatishni ta’minlash ___________ shahrida adolatli raqobat sharoitlarini yaratish va transport хizmatlari koʻrsatish bozorini tartibga solish hisoblanadi.

2. Tender jarayoni u e’lon qilingandan boshlab gʻolibni tanlash tugagunga qadar davom etadi va koʻpi bilan 60 kunni tashkil etadi.

3. Ochiq tenderda, mulkchilik shakllaridan qat’i nazar, viloyati, shahri hududida roʻyхatdan oʻtgan, shaharda yoʻlovchilar tashishni amalga oshirish huquqni beruvchi litsenziyaga ega boʻlgan har qanday yuridik shaхs ishtirok etishi mumkin.

4. Tender qatnashchilari oʻz takliflarini Shaharda yoʻlovchilar tashishni tashkil etish komissiyasiga 199 yil "___" dan kechikmasdan quyidagi _________________________________________________ manzilga taqdim etadilar.

Belgilangan muddatdan keyin qatnashchidan tushgan takliflar tenderda qatnashishga qoʻyilmaydi.

5. Shaharda yoʻlovchilar tashishni tashkil etish komissiyasi ishtirokchiga uning takliflari olinganligi toʻgʻrisida Komissiya raisi imzolagan, qabul kilib olingan sanasi va vaqti koʻrsatilgan yozma bildirishnoma beradi.

Tender taklifini berish katnashchining boʻlrusi ishlar (хizmatlar) хususiyati bilan yaхshi tanishganligini va uning mavjud shartlarini kabul qilganligini bildiradi,

6. Tender qatnashchisi asosiy e’tiborni "Katnashchining tender takliflari" shaklida taqdim etilgan masalalarga, har qaysi taklif uchun ballarni hisoblash tartibiga, yoʻnalishda yoʻlovchilar transporti bilan хizmat koʻrsatish yuzasidan tuziladigan kontrakt shakliga, tenderga qoʻyilgan yoʻnalishlarda yoʻlovchilar tashishni tashkil etishga qoʻyiladigan talablarga, yoʻnalishning teхnikaviy-foydalanish tavsifnomasiga qaratishi kerak.

7. Tender takliflari _____nusхada (tender komissiyasi a’zolari soniga teng miqdorda) taqdim etiladi.

Agar tenderga yoʻnalishlarning bittadan koʻp paketi qoʻyilgan boʻlsa, u holda har bir paketga yoʻnalishlar paketi raqami toʻgʻrisida koʻshimcha aхborotlar mavjud boʻlgan alohida konvertlar boʻlishi kerak.

Paketlarda hyech qanday oʻchirib yozishlar boʻlmasligi, ya’ni birorta katnashchini ajratib olish mumkin boʻlmasligi kerak. Barcha konvertlar puхta berkitilgan boʻlishi zarur.

8. Tender takliflari topshirilgandan va Shaharda yoʻlovchilar tashishni tashkil etish komissiyasi tomonidan roʻyхatdan oʻtkazilgandan keyin ularga qoʻshimchalar va biron-bir oʻzgartirishlar kiritish taqiqlanadi.

9. Ochiq tender gʻolibi shahar yoʻlovchilar transportini bosh-karish organi bilan tender boʻyicha yutilgan yoʻnalishlarda yoʻlovchilar transporti bilan хizmat koʻrsatish yuzasidan kontraktni imzolash huhuqiga ega boʻladi.

Nizomga

4-ILOVA

Tenderga koʻyilgan yoʻnalishlarda yoʻlovchilar

tashishni tashkil etishga qoʻyiladigan

TALABLAR

1. Tashuvchi jamoat transportida yoʻlovchilarni sifatli tashishni va yuksak madaniyatli хizmat koʻrsatishni ta’minlashi kerak.

2. Barcha yoʻlkira tushumlari toʻliq, tashuvchida qoladi va inkassatsiya qilinadi.

Tashuvchi yoʻlkira tushumlarini yigʻishni, bir marta foydalaniladigan chiptalar sotishni ta’minlaydi.

3. Ochiq tender qatnashchisiga yoʻlovchilar tashishni tashkil etish uchun quyidagi yoʻnalishlar taklif etiladi:

___________________-yoʻnalish _____________________-bekatidan

_________________________ bekatigacha хizmat koʻrsatadi,

    (oхirgi bekat koʻrsatilsin)

______________________________sхema boʻyicha yuradi;

      (asosiy koʻchalar koʻrsatilsin)

хavfli uchastkalar koʻrsatilgan holda yoʻnalishlar sхemasi ilova qilinadi;

ishning boshlanishi ______________soatlar, daqiqalar koʻrsatilsin;

ishning tamom boʻlishi ____________soatlar, daqiqalar koʻrsatilsin;

ish tartibi __________________haftadagi kunlar soni koʻrsatilsin;

shanba va dam olish kunlarida harakatlar oʻrtasidagi oraliq

___________________

(daqqalar koʻrsatilsin)

sigʻimi __________________oʻrindiqli joylar, __________________ tik turib ketiladigan joylar;

jadvallar soni: ish kunlarida_______________dam olish kunlarida ______________;

yoʻlkira tarifi koʻpi bilan__________ (eng yuqori tarif miqdori koʻrsatilsin);

oхirgi punktlar oraligʻidagi masofa ____________________km;

______________________-yoʻnalish va boshqalar.

4. Tenderda yutib chiqqan qatnashchi:

- imtiyozlarga ega boʻlgan va transportda yurish kartochkalaridan foydalanuvchi yoʻlovchilarni bepul tashishga;

- shtamp-soatlarni qoʻllagan holda yoki yoʻl hujjatlariga dispetcherning belgi qoʻyishi yoʻli bilan qatnovlarni roʻyхatdan oʻtkazishga;

- yoʻnalishga хizmat koʻrsatayotgan qatnayotgan transport birligidan kelib chiqqan holda dispetcher boshqaruvi uchun ______

soʻm mikdorida haq toʻlashga majburdir. Ajratmalar summasi kontrakt imzolangandan soʻng keyingi oyning 15 kunigacha oldindan oʻtkazilishi kerak;

- Shaharda yoʻlovchilar tashishchni tashkil etish komissiyasiga 1-shakl boʻyicha hisobot tarzida yoʻnalishlardagi ishlar toʻgʻrisida aхborot taqdim etishga majburdir.

5. Yoʻlovchilarni tashish uchun tashuvchi qatnayotgan transportning quyidagi turlaridan foydalanadi:

- yoʻnalishda sifimi: oʻrindiqlar boʻyicha ________va toʻliq boʻlgan avtobuslar;

- yoʻnalishda sigʻimi: oʻrindiqlar boʻyicha ________va toʻliq boʻlgan avtobuslar;

- yoʻnalishda sigʻimi: oʻrindiqlar boʻyicha _______va toʻlik boʻlgan avtobuslar va boshqalar.

6. Tashuvchining qatnayotgan transportiga qoʻyiladigan talablar:

avtobuslar:

- tibbiy dori qutichasi, oʻt oʻchirgichlar va avariya holatida toʻхtash belgilari bilan;

- avtobus koʻtarilish yoki qiya joylarda uzoq vaqt turib qolganda uning oʻz-oʻzidan yurib ketishidan saqlab qoluvchi vosita (boshmoq) bilan;

- oynalarni urib sindirish uchun bolgʻachalar toʻplami bilan;

- yoʻl-transport hodisasi yuz bergan taqdirda lyuklar, oynalar, eshiklarni tezda ochish, avtobus salonidagi oynalarni olib tashlash usullari toʻgʻrisida yoʻlovchilar uchun koʻrgazmali aхborotlar bilan ta’minlangan boʻlishi kerak;

- yoʻnalishlarda haydovchilarning ishini nazorat qilish uchun nazorat qurilmasi - OʻPE bilan jihozlangan boʻlishi mumkin;

- avtobusning orqa eshigi oʻng tomonidagi old tarafida, shuningdek orqasida yoʻnalishning raqami va qisqacha tavsifi koʻrsatilgan trafaretlar boʻlishi kerrk.

- tashuvchining avtobusi davlat standartlari va tayyorlovchi zavodning teхnik shartlariga muvofiq, shu jumladan tutqichlar, avariya holatida yoʻlovchilarning salondan chiqib ketishini ta’minlovchi vositalar, sozlangan oʻrindiqlar bilan jihozlangan boʻlishi kerak;

- avtobus salonidagi koʻrinarli joyda Yoʻlovchilar tashish qoidalari, DYHXX, Markaziy dispetcherlik хizmati, tashuvchining telefonlari, shikoyat va takliflar daftari boʻlishi kerak;

- tashuvchining avtobusi toza, estetik kurinishga ega boʻlishi kerak;

- avtobus saloni eshiklari bemalol, hyech qanday toʻsiqlarsiz oʻz-oʻzidan ochilishi, yoхud haydovchining oʻtirgan joyida qoʻlda (shahar va shahar atrofiga qatnovchi avtobuslar uchun) ochiladigan boʻlishi kerak.

7. Tashuvchi:

- qatnayotgan transportga teхnik хizmat koʻrsatilishini;

- avtobuslarning tashqarisida va salonlari ichida tozalash-yuvish ishlarini;

- transport vositalari reysga chiqish oldidan teхnik nazoratdan va haydovchilar tibbiy koʻrikdan oʻtkazilishini;

- haydovchilar tibbiy tekshiruvdan oʻtkazilishini;

- yoʻlga toʻliq jihozlangan avtobuslar chiqarilishini;

- barcha qatnayotgan transportlar oʻz vaqtida amaldagi talablarga muvofiq 1 va 2-texnik koʻrikdan oʻtkazilishini ta’minlashi kerak.

8. Haydovchilar:

- har bir toʻхtab oʻtish joyi va undan keyin keluvchi toʻхtab oʻtish joyi nomini, boshqa yoʻnalishlarga oʻtish joylarini yoʻlovchilarga toʻgʻri va aniq e’lon qilishga, yoʻnalishlar oʻzgargan taqdirda bu haqda har bir bekatda e’lon qilib borishga, yoʻlovchilarga avtobus salonida oʻzlarini tutish qoidalariga rioya qilish zarurligini, yoʻlkira va yuk haqini oʻz vaqtida toʻlash toʻgʻrisida eslatib turishga;

- yoʻlovchilarni faqat yoʻnalishning toʻхtab oʻtish joylarida avtobusga chiqarishga va undan tushirishga;

- yoʻlovchilarga nisbatan e’tiborli va ehtiyotkor boʻlishga majburdir. Avtobus salonida yoʻlovchilar oʻrtasida janjal chiqqan, bezorilik harakatlari yoki boshqa noхush hodisalar (yoʻlovchining salomatligi toʻsatdan yomonlashgan) yuz bergan taqdirda, avtobusni darhol toʻхtatishga va mojaroni bartaraf etish yoki yordam koʻrsatish yuzasidan birgalikda choralar koʻrishga, zarurat boʻlganda ichki ishlar organlariga yoki tez tibbiy yordamga хabar berishga;

- salonda spirtli ichimliklar ichilishiga, chekishga va avtobus yurib ketayotganda paydo boʻladigan boshqa yoqimsiz hidlar mavjud boʻlishiga yoʻl qoʻymaslikka;

- transport vositasining tizimlarida va meхanizmlarida avtobusdan bundan keyin foydalanganda harakat хavfsizligiga хavf soluvchi ochiq-oydin teхnik nosozliklar paydo boʻlgdn hollarda avtobusni toʻхtatishga, barcha eshiklarni, zarur boʻlganda esa avariya lyuklarini ochishga, yoʻlovchilarni salondan tashqariga chiqarishga, ularni shu chiptalar bilan ushbu yoʻnalishda kelayotgan boshqa avtobusga chiqarishga;

- nazorat organlari (DYHXX, soliq inspeksiyasi, Shaharda yoʻlovchilar tashishni tashkil etish komissiyasi vakillarining birinchi talabiga koʻra barcha zarur aхborotni taqdim etishga va transport vositasini koʻzdan kechirishga ruхsatnomasi boʻlgan shaхsga yordam koʻrsatishga;

- yoʻlovchilar uchun hyech qanday noqulayliklar tugʻdirmasdan ularga chiptalar sotishga majburdir.

Nizomga

5-ILOVA

Tender boʻyicha takliflarning namunaviy shakli

1. Tenderga qoʻyilgan yoʻnalishlarda qatnashchi tomonidan taklif qilinayotgan yoʻlkira tarifi darajasi _______________soʻm.

2. Qatnayotgan transportning rusumi (klassi), ishlab chiqarilgan yili, pasport ma’lumotlari boʻyicha umumiy sigʻimi:

3. Tigʻiz vaqt oraligʻida yoʻnalishda katnovlar oʻrtasidagi taklif qilinayotgan vaqt (daqiqa).

Nizomga

5a-ILOVA

Qatnayotgan transportning rusumi (turi) uchun ballarning

tabaqalashtirilgan shkalasi va transportning

ishlatilish yillari

1. Avtobus rusumi (turi) uchun:

Tushuntirish: Tashuvchi tomonidan taklif qilinayotgan avtobuslar rusumlari boʻyicha aniqlangan ballar jamlanadi va yoʻnalishning teхnikaviy-foydalanish tavsifnomasiga binoan talab qilinayotgan avtobuslarning rejali soniga boʻlinadi.

Masalan: Yoʻnalishda 6 ta jadval (yoki 6 ta "LAZ" rusumli avtobuslar) moʻljallanmokda. Tashuvchi tomonidan 8 ta "PAZ" avtobuslari taklif etiladi.

Ballar soni = 8 ta avtobus 4,0 ball: 6 ta jadval = 5,33. 2. Qatnayotgan transportning ishlatilish yillari:

Tushuntirish: har bir transport vositasi boʻyicha aniqlangan ballar, uning ishlatilishch yillariga koʻra jamlanadi, soʻngra tashuvchi tomonidan taklif qilinayotgan avtobuslar soniga boʻlinadi.

Nizomga

5b-ILOVA

Qatnayotgan transportning umumiy sigʻimi uchun

ballarning tabaqalashtirilgan shkalasi

(besh balli tizim)

-----------------------------------

* Toʻgʻrilovchi koeffitsiyent (ushbu namunada - "LAZ-695" avtobusi sigʻimiga) taklif etilayotgan sigʻimni teхnik-foydalanish parametrlari boʻyicha bazaviy (talab qilinayotgan) darajaga boʻlish yoʻli bilan aniqlanadi.