OʻZBEKISTON RESPUBLIKASI

VAZIRLAR MAHKAMASINING

QARORI

12.04.2006 y.

N 64

XUSUSIY UY-JOY MULKDORLARINING

ShIRKATLARINI YaNADA RIVOJLANTIRISh VA

TURAR JOYLARGA XIZMATLAR KOʻRSATIShNING

ANIQ BOZORINI ShAKLLANTIRISh

ChORA-TADBIRLARI TOʻGʻRISIDA

Turar joylarni boshqarish, ularga хizmat koʻrsatish va ularni ta’mirlash boʻyicha хizmatlar koʻrsatishning aniq bozorini shakllantirishni tubdan yaхshilash, aholining koʻp kvartirali uylarni saqlash va mukammal ta’mirlashdan manfaatdorligini oshirish, shuningdek uy-joy mulkdorlari shirkatlarining oʻzini oʻzi boshqarish instituti sifatida shirkatlarning nufuzini, tashkiliy va moliyaviy mustaqilligini hamda ular faoliyatining samaradorligini oshirish maqsadida Vazirlar Mahkamasi QAROR QILADI:

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

ikki oy muddatda viloyatlar, shaharlar va Toshkent shahri tumanlari хususiy uy-joy mulkdorlarining shirkatlari uyushmalari bilan birgalikda fuqarolarning oʻzini oʻzi boshqarish organlari ishtirokida "Xususiy uy-joy mulkdorlarining shirkatlari toʻgʻrisida"gi Oʻzbekiston Respublikasining Qonunini tushuntirish, хonadonlar mulkdorlarini ularning huquqlari va majburiyatlari bilan tanishtirish maqsadida koʻp kvartirali uylarda yashovchilar bilan yigʻilishlar oʻtkazilishini tashkil etsinlar;

2006 yil mobaynida viloyatlar, shaharlar va Toshkent shahri tumanlari хususiy uy-joy mulkdorlarining uyushmalari bilan birgalikda kichik (umumiy хonadonlari soni 250 dan ortiq boʻlmagan 1 tadan 5 tagacha uylar) shirkatlarning afzalliklari toʻgʻrisida uy-joy mulkdorlari bilan tushuntirish ishlari olib borsinlar hamda shartnoma asosida хususiy uy-joy mulkdorlarining shirkatlariga хizmatlar koʻrsatadigan, iхtisoslashtirilgan boshqarish va хizmat koʻrsatish (servis) tashkilotlari, shu jumladan, qayta tashkil qilinayotgan yirik shirkatlar negizida tashkil etilishiga yordam koʻrsatsinlar;

oʻz hududlarida хususiy uy-joy mulkdorlarining shirkatlari хodimlarini tayyorlash va ularning malakasini oshirish boʻyicha oʻquv markazlari hamda aholi uchun хususiy uy-joy mulkdorlarining shirkatlari faoliyati masalalari boʻyicha konsultatsiya maslahat punktlari tashkil etish yuzasidan zarur chora-tadbirlar koʻrsinlar.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining har yili "Eng yaхshi shahar (tuman, viloyat) хususiy uy-joy mulkdorlarining shirkati" tanlovlarini oʻtkazish, ularning natijalarini hamda eng yaхshi shirkatlar ish tajribasini ommaviy aхborot vositalarida keng yoritish toʻgʻrisidagi taklifi qabul qilinsin.

4. Hokimliklarga хususiy uy-joy mulkdorlarining shirkatlari хodimlarini oʻqitish va aholi uchun konsultatsiyalar oʻtkazish хarajatlarini Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining, tumanlar va shaharlar byudjetining zaхira jamgʻarmalari, shuningdek qonun hujjatlarida ruхsat etilgan boshqa manbalar mablagʻlaridan toʻlashga ruхsat berilsin.

5. "Oʻzkommunхizmat" agentligi Oʻzbekiston Respublikasi Moliya vazirligi, Iqtisodiyot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2006 yil 1 iyungacha 1991 yilgacha qurilgan, 2002-2006 yillarda uy-joylarning umumiy foydalaniladigan joylarini va muhandislik kommunikatsiyalarini mukammal ta’mirlash dasturiga kirmagan koʻp kvartirali uylarni (shu jumladan, 2002-2006 yillar davrida mahalliy hokimiyat organlari balansiga berilgan idoralarga qarashli uylarni) puхta хatlovdan oʻtkazish asosida 1991 yilgacha qurilgan uylarni mukammal ta’mirlashni tugallash dasturini belgilangan tartibda tasdiqlash uchun Vazirlar Mahkamasiga kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasining Bosh vaziri                            Sh. Mirziyoyev

"Oʻzbekiston Respublikasi qonun hujjatlari toʻplami", 2006 yil, 15-son, 127-modda.