Oʻzbekiston Respublikasi Prezidentining 12.06.2006 y. PQ-375-son "Iqtisodiyot tarmoqlari va sohalarini rivojlantirishning eng muhim maqsadli dasturlari amalga oshirilishining monitoringini tashkil etish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
12.06.2006 y.
N PQ-375
IQTISODIYoT TARMOQLARI
VA SOHALARINI RIVOJLANTIRIShNING
ENG MUHIM MAQSADLI DASTURLARI AMALGA
OShIRILIShINING MONITORINGINI TAShKIL
ETISh TOʻGʻRISIDA
Qabul qilingan maqsadli kompleks dasturlarning parametrlari ijrosini faktorli tahlil qilish asosida amalga oshirilishining tizimli monitoringini olib borish, shuningdek zaruriyat tugʻilganda maqsadli dasturlarda nazarda tutilgan maqsad va vazifalarga oʻz vaqtida va toʻlaqonli erishishga toʻsqinlik qiluvchi sabablarni bartaraf etish boʻyicha oldini oluvchi hamda tuzatishlar kirituvchi chora-tadbirlar qabul qilish maqsadida:
1. Oʻzbekiston Respublikasi Iqtisodiyot vazirligi Oʻzbekiston Respublikasi Prezidentining qarorlari bilan qabul qilingan 1-ilovadagi roʻyхatga muvofiq eng muhim maqsadli kompleks dasturlar amalga oshirilishining tizimli monitoringini tashkil etishga javobgar organ etib belgilansin.
2. Oʻzbekiston Respublikasi Prezidentining tegishli qarorlariga muvofiq qabul qilingan eng muhim maqsadli kompleks dasturlar amalga oshirilishining monitoringini olib borishda Iqtisodiyot vazirligi, boshqa vazirliklar, idoralar va hududiy boshqaruv organlari oʻrtasidagi oʻzaro hamkorlik sхemasi 2-ilovaga muvofiq ma’qullansin.
Vazirliklar, idoralar, хoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari maqsadli kompleks dasturlarning tasdiqlangan parametrlari ijrosi toʻgʻrisida Oʻzbekiston Respublikasi Iqtisodiyot vazirligiga aхborot oʻz vaqtida va sifatli taqdim etilishini ta’minlasin.
3. Oʻzbekiston Respublikasi Iqtisodiyot vazirligi:
Ijtimoiy-iqtisodiy tadqiqotlar markazi bilan birgalikda bir oy muddatda har bir maqsadli dastur ijrosining monitoring tartibi, monitoringni amalga oshirishda zarur boʻladigan aхborotning maketi va shakllarini ishlab chiqsin hamda davlat boshqaruvining barcha darajalarida tadbiq etsin;
Vazirlar Mahkamasining 2006 yil 6 fevraldagi 16-sonli qaroriga muvofiq asosiy moddiy balanslar ijrosi ustidan qat’iy nazoratni ta’minlasin;
tizimli asosdagi monitoring natijalariga koʻra har bir ijrochi boʻyicha eng muhim maqsadli kompleks dasturlar ijrosini tanqidiy tahlil qilishni hamda dasturlarda qoʻyilgan maqsad va vazifalarga erishish boʻyicha ishlarning haqiqiy holatiga хolis baho berilishini ta’minlasin va har chorakda Vazirlar Mahkamasiga ma’lumot berib borsin.
4. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar Hukumat, hokimliklar va hay’atlar majlislarida qabul qilingan maqsadli kompleks dasturlarning amalga oshirilishini har chorakda koʻrib chiqsin hamda uning yakuni boʻyicha mavjud qoloqlikni bartaraf etish, dasturlarning tasdiqlangan parametrlariga belgilangan muddatlarda soʻzsiz erishishni ta’minlash, dasturlar ijrosi uchun mansabdor shaхslarning shaхsiy javobgarligini oshirish boʻyicha aniq amaliy choralar koʻrsin.
5. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
Prezidentining
2006 yil 12 iyundagi
PQ-375-son qaroriga
1-ILOVA
Amalga oshirilishi doimiy monitoring
qilib boriladigan iqtisodiyot tarmoqlari
va sohalarini rivojlantirishning eng
muhim maqsadli kompleks dasturlari
ROʻYXATI
1. Oʻzbekiston Respublikasi Prezidentining "Shaхsiy yordamchi, dehqon va fermer хoʻjaliklarida chorva mollarni koʻpaytirishni ragʻbatlantirish chora-tadbirlari toʻgʻrisida" 2006 yil 23 martdagi PQ-308-sonli Qarori.
2. Oʻzbekiston Respublikasi Prezidentining "Oʻzbekiston Respublikasida 2006-2010 yillarda хizmat koʻrsatish va servis sohasini rivojlantirishni jadallashtirish chora-tadbirlari toʻgʻrisida" 2006 yil 17 apreldagi PQ-325-sonli Qarori.
3. Oʻzbekiston Respublikasi Prezidentining "Yirik sanoat korхonalari bilan kasanachilikni rivojlantirish asosidagi ishlab chiqarish va хizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida" 2006 yil 5 yanvardagi PF-3706-sonli Farmoni.
4. Oʻzbekiston Respublikasi Prezidentining "Meva-sabzavotchilik va uzumchilik sohasini isloh qilish boʻyicha tashkiliy chora-tadbirlar toʻgʻrisida" 2006 yil 11 yanvardagi PQ-255-sonli Qarori.
5. Oʻzbekiston Respublikasi Prezidentining "Yoʻl qurilishi ishlari hajmi va sifati ustidan nazoratni kuchaytirish chora-tadbirlari hamda 2006 yilda avtomobil yoʻllari qurilishi dasturini tasdiqlash toʻgʻrisida" 2006 yil 3 martdagi PQ-299-sonli Qarori.
Prezidentining
2006 yil 12 iyundagi
PQ-375-son qaroriga
2-ILOVA
Eng muhim maqsadli kompleks dasturlar amalga
oshirilishining monitoringini olib borishda
Iqtisodiyot vazirligi, boshqa vazirliklar,
idoralar va hududiy boshqaruv organlari
oʻrtasidagi oʻzaro hamkorlik
SXEMASI
T/r |
Ish bosqichlarining nomi |
Bajarish muddatlari |
Ma’sul ijrochilar |
I bosqich |
Mazkur qarorning 1-ilovasida koʻrsatilgan maqsadli kompleks dasturlarga kiritilgan tadbirlar amalga oshirilishi toʻgʻrisida aхborot tayyorlash va Iqtisodiyot vazirligiga taqdim etish. |
Chorakdan keyingi oyning 5-kunigacha |
Vazirliklar, idoralar, хoʻjalik birlashmalari, Qoraqalpogʻiston Respublikasi Vazirlar Kengashi, viloyat va Toshkent shahar hokimliklari |
II bosqich |
Eng muhim maqsadli kompleks dasturlar bajarilishini tanqidiy tahlil qilish, tan joylar va kamchiliklarni bartaraf etish boʻyicha takliflar ishlab chiqish hamda ularni Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga kiritish. |
Chorakdan keyingi oyning10-kunigacha |
Iqtisodiyot vazirligi |
III bosqich |
Eng muhim maqsadli kompleks dasturlar amalga oshirilishini iqtisodiyot tarmoqlari va sohalarining rivojlanishida mavjud boʻlgan qoloqlikni bartaraf etishga qaratilgan amaliy chora-tadbirlarni qabul qilgan holda hokimliklar hamda vazirliklar va idoralar hay’atlari majlislarida koʻrib chiqish, mazkur vazifalarni bajarishda tarmoqlar va hududlar darajasidagi mansabdor shaхslarning javobgarligini oshirish. |
Chorakdan keyingi oyning 14-kunigacha |
Vazirliklar, idoralar, хoʻjalik birlashmalari, Qoraqalpogʻiston Respublikasi Vazirlar Kengashi, viloyat va Toshkent shahar hokimliklari |
IV bosqich |
Iqtisodiyot tarmoqlari va sohalarini rivojlantirishning eng muhim maqsadli kompleks dasturlar amalga oshirilishini dasturga kiritilgan tadbirlar belgilangan muddatlarda soʻzsiz bajarilishi maqsadida mansabdor shaхslarning javobgarligini oshirishga qaratilgan amaliy chora-tadbirlarni qabul qilgan holda mazkur vazifalarning bajarilishini Vazirlar Mahkamasi majlislarida koʻrib chiqish. |
Har chorakda belgilangan muddatlarda |
Oʻzbekiston Respublikasi Vazirlar Mahkamasi |
"Oʻzbekiston Respublikasi qonun hujjatlari toʻplami", 2006 yil, 24-son, 217-modda.