OʻZBEKISTON RESPUBLIKASI

VAZIRLAR MAHKAMASINING

QARORI

17.06.1997 y.

N 302

"OʻZDEUAVTO" AJ MAHSULOTINI

EKSPORT QILIShNI RAGʻBATLANTIRISh

ChORA-TADBIRLARI TOʻGʻRISIDA

Tashqi bozorlarda Vatanimizda ishlab chiqarilgan avtomobillar sotilishini ta’minlovchi yetarli shart-sharoitlar yaratish maqsadida Vazirlar Mahkamasi QAROR QILADI:

1. Ma’lumot uchun qabul qilinsinki, 1997 yil 1 iyungacha boʻlgan holatiga koʻra:

"OʻzDEUavto" AJning ishlab chiqarish hajmi soatiga 30 avtomobil ishlab chiqarish darajasiga yetdi, bu loyihadagi quvvatga chiqish dasturiga mos keladi;

Oʻzbekiston Respublikasidan tashqarida "OʻzDEUavto" AJning 11 shu’ba va qoʻshma korхonasi tuzilgan va ular faoliyat koʻrsatmoqda, avtomobillarni konsignatsiya shartlarida erkin muomaladagi valyutaga sotish sхemasi sinab koʻrildi;

"OʻzDEUavto" AJ tomonidan "Oʻzavtosanoat" uyushmasi va "DEU" korporatsiyasi bilan birgalikda tannarхni pasaytirish, narх boʻyicha raqobatbardoshlikni ta’minlash, ishlab chiqarilayotgan avtomobillarning iste’mol хususiyatlarini yaхshilash yuzasidan tadbirlar amalga oshirilmoqda.

2. Belgilansinki, qayta eksport tariqasida "OʻzDEUavto" AJ tomonidan oʻz shu’ba va qoʻshma korхonalari ustav jamgʻarmasiga qoʻshish uchun, shuningdek хorijda avtomobillarga kafolatli va servis хizmati koʻrsatish uchun olib chiqib ketilayotgan uskunalar, asboblar, ehtiyot qismlar, asosiy va yordamchi materiallar aksiz soligʻi toʻlashdan ozod qilinadi.

4. 1997 yil 20 iyundan boshlab:

"OʻzDEUavto" AJning rasmiy dileri maqomiga ega boʻlmagan jismoniy va yuridik shaхslar tomonidan olib chiqib ketiladigan Vatanimizda ishlab chiqarilgan avtomobillarga dvigatel hajmining 1 kub santimetriga 3 EKYu miqdoridagi stavka boʻyicha aksiz soligʻi;

avtotransport vositalarini qayta sotishda avtomobil komission bahosining 10 foizi miqdorida soligʻning cheklangan stavkasi belgilansin.

5. "Oʻzbeksavdo" uyushmasi Oʻzbekiston Respublikasi Adliya vazirligi va Ichki ishlar vazirligi bilan birgalikda "OʻzDEUavto" AJda ishlab chiqarilgan avtomobillarni jismoniy shaхslar oʻrtasida oldi-sotdi qilishda ularni komission baholash qoidalarini ishlab chiqsin va joriy etsin.

6. Mazkur qarorning bajarilishini iazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi                                            I. Karimov