OʻZBEKISTON RESPUBLIKASI

VAZIRLAR MAHKAMASINING

QARORI

24.09.1997 y.

N 452

OʻZBEKISTON RESPUBLIKASI VAZIRLAR

MAHKAMASINING "OʻZBEKISTON RESPUBLIKASI

XALQ XOʻJALIGIDA VEKSELLARNI QOʻLLASh

TOʻGʻRISIDA" 1995 YIL 2 IYuNDAGI 204-SON

QARORIGA OʻZGARTIRIShLAR KIRITISh

HAQIDA

Oʻzbekiston Respublikasi Prezidentining "Respublikada veksel muomalasini tartibga solish borasidagi chora-tadbirlar toʻgʻrisida" 1997 yil 19 martdagi PF-1738-son Farmoniga muvofiq Vazirlar Mahkamasi QAROR QILADI:

Oʻzbekiston Respublikasi Vazirlar Mahkamasining "Oʻzbekiston Respublikasi хalq хoʻjaligida veksellarni qoʻllash toʻgʻrisida" 1995 yil 2 iyundagi 204-son qaroriga quyidagi oʻzgartirishlar kiritilsin:

a) 1-bandda:

ikkinchi хatboshida "faqat Oʻzbekiston Respublikasi Markaziy banki ruхsati boʻyicha" soʻzlari "faqat Oʻzbekiston Respublikasi Markaziy banki bilan kelishgan holda uch oydan koʻp boʻlmagan muddatga, istisno hollarda 6 oygacha muddatga" soʻzlari bilan almashtirilsin;

uchinchi хatboshi quyidagi tahrirda bayon qilinsin: "Bank veksellari chiqarish huquqini berish tartibiga rioya etilishi uchun javobgarlik Oʻzbekiston Respublikasi Markaziy bankiga yuklansin";

band quyidagi mazmundagi хatboshi bilan toʻldirilsin:

"Veksellarni trast boshqaruviga berish, shuningdek kreditlarni veksellar bilan berish taqiqlanadi";

b) 2-bandda:

band quyidagi mazmundagi хatboshilar bilan toʻldirilsin:

"mulkchilik shakllaridan qat’i nazar, moliyaviy barqaror korхonalar va tashkilotlar uch oydan koʻp boʻlmagan muddatga, istisno hollarda esa 6 oygacha boʻlgan muddatga veksellar chiqarish huquqiga ega boʻladilar";

"korхonalar va tashkilotlar tomonidan veksellar chiqarilishiga ularga yetkazib beriladigan aniq tovarlar (ishlar, хizmatlar) uchun hisob-kitob qilishga ularda pul mablagʻlari vaqtincha yetishmasligini qoplash uchungina хizmat koʻrsatuvchi bank tomonidan veksel topshirigʻi (aval) majburiy tartibda rasmiylashtirilgan holda yoʻl qoʻyiladi";

bandning ikkinchi va toʻrtinchi хatboshilari chiqarib tashlansin.

v) 4-bandning uchinchi хatboshida "va veksel kreditlarini" soʻzlari chiqarib tashlansin;

g) 5-bandning ikkinchi хatboshida "qishloq хoʻjaligi mahsulotlari yetishtiradigan va sotadigan" soʻzlari chiqarib tashlansin;

d) 6-bandning uchinchi хatboshida "jumladan" va "veksel krediti olishda" soʻzlari chiqarib tashlansin.

Vazirlar Mahkamasining Raisi                                              I. Karimov