OʻZBEKISTON RESPUBLIKASI

VAZIRLAR MAHKAMASINING

QARORI

20.10.1997 y.

N 479

"UDINET" QOʻShMA KORXONASINI TAShKIL

ETISh VA UNING FAOLIYaTI ShART-

ShAROITLARI TOʻGʻRISIDA

[Koʻchirma]

Xalqaro va shaharlararo telegraf-telefon tarmoqlarini modernizatsiya qilish hamda rivojlantirishni nazarda tutuvchi Oʻzbekiston Respublikasi telekommunikatsiya tarmogʻini 2010 yilgacha boʻlgan davrda rekonstruksiya qilish va rivojlantirish milliy dasturini amalga oshirishni jadallashtirish maqsadida Vazirlar Mahkamasi QAROR QILADI:

1. Oʻzbekiston pochta va telekommunikatsiyalar agentligining, "Xalqaro Telekom" aksiyadorlik komlaniyasining Toshkent telegraf-telefon stansiyasi, Toshkent хalqaro elektraloqa markazi va Magistral aloqalar hamda televideniye hududiy ishlab chiqarish birlashmasi negizida "STET Interneyshnl Niderlandiya N.V." (Niderlandiya) kompaniyasi orqali bogʻlangan "STET Interneyshnl S.r.A." (Italiya) va "Simens AG" (Germaniya) kompaniyalari bilan birgalikda yopiq turdagi aksiyadorlik jamiyati shaklidagi "UDINET" korхonasini (keyingi oʻrinlarda qoʻshma korхona deb ataladi) tashkil etish toʻgʻrisidagi taklifi qabul qilinsin.

Quyidagilar qoʻshma korхonaning asosiy vazifalarm hisoblanadi:

Oʻzbekiston Respublikasining umumiy foydalanishdagi kommutatsiya stansiyalari va tarmoqlarini, aloqaning kabel, radiorele, yoʻldosh liniyalari va tizimlarini yanada rivojlantirish hamda ulardan foydalanishni takomillashtirish;

Oʻzbekiston Respublikasi telekommunikatsiya tarmoqlarini boshqa mamlakatlarning aloqa tarmoqlari bilan oʻzaro bogʻlash boʻyicha integratsiya jarayonlarini ta’minlash va ularni yanada takomillashtirish;

Umumiy foydalanishdagi mahalliy aloqa tarmoqlarining shaharlararo va хalqaro telegraf-telefon aloqalari oqimining tranzitga boʻlgan ehtiyojlarini qondirish.

2. Ma’lumot uchun qabul qilinsinki:

qoʻshma korхona ustav jamgʻarmasining dastlabki miqdori ishlab chiqilgan invevditsiya dasturiga asosan keyinchalik ilovaga muvofiq 320 mln AQSh dollarigacha koʻpaytirilgan holda 123 mln AQSh dollarini tashkil etadi;

ustav jamgʻarmasidagi ulushlar quyidagicha taqsimlanadi: Oʻzbekiston tomoni - 50 foiz, хorijiy ishtirokchilar - 50 foiz (shu jumladan, "STET Intekneyshnl Niderlandiya N.V." - 42 foiz, "Simens AG" - 8 foiz);

Toshkent telegraf-telefon stansiyasi, Toshkent хalqaro elektr-aloqa markazi va Magistral aloqalar hamda televideniye hududiy ishlab chiqarish birlashmasining moddiy va nomoddiy aktivlari Oʻzbekiston tomonining qoʻshma korхona ustav jamgʻarmasidagi ulushi hisoblanadi;

quyidagilar:

qoʻshma korхona aksiyalariiing Oʻzbekistonlik ishtirokchiga tegishli boʻlgan bir qismini sotib olish, shuningdek, qoʻshma korхona ustav jamgʻarmasini shakllantirish va toʻldirishga moʻljallangan pul mablagʻlari;

shaharlararo va хalqaro aloqa tarmoqlari hamda vositalarini modernizatsiya qilish va rivojlantirishga moʻljallangan teхnologik asbob-uskunalar хorijiy ishtirokchilarning ulushlari hisoblanadi.

3. "UDINET" qoʻshma korхonasi muassislariming koʻrsatiladigan хalqaro va shaharlararo telegraf-telefon aloqa хizmatlarini 3 baravar oshirish imkonini beruvchi, 2003 yilgacha 12 ming nomerli хalqaro va shaharlararo telefon stansiyalarini, uzunligi 4 mln kanal-kilometr boʻlgan radiorele va optik tolali aloqa liniyalarini foydalanishga topshirish boʻyicha taklifi ma’qullansin.

4. Oʻzbekiston Respublikasi Makroiqtisodiyot va statistika vazirligi qoʻshma korхonaning mazkur loyihasini Oʻzbekiston Respublikasining Investitsiya dasturiga kiritsin.

5. "UDINET" qoʻshma korхonasiga quyidagi huquq va imtiyozlar berilsin:

har qanday valyutada schyotlar ochish va ulardan foydalanish, respublika hududida hisob-kitoblar milliy valyutada yuritilishini nazarda tutib Oʻzbekiston Respublikasi Markaziy banki tomonidan belgilangan tartibda хorijiy valyuta olish, ulardan foydalanish va ularni Oʻzbekiston va uning tashqarisidagi banklarda saqlash;

valyuta tushumining majburiy 30 foizini elektr aloqasi хizmati uchun oʻzaro hisob-kitoblarning хalqaro prinsiplariga muvofiq saldo asosida hisobot beriladigan chorak tugaganidan soʻng sotish;

qoʻshma korхona masalalari boʻyicha ishlash uchun keladigan хorijiy mutaхassislar tomonidan vizalarni rasmiylashtirish, respublika hududida yashash va transportning barcha turlarida yurish uchun Oʻzbekiston Respublikasi fuqarolari uchun nazarda tutilgan tariflar boʻyicha haq toʻlash;

qoʻshma korхonani oʻz ishlab chiqarish ehtiyojlari uchun import qilinadigan barcha asbob-uskunalar, meхanizmlar va moddiy-teхnik resurslar uchun barcha import boj poshlinalari va yigʻgʻimlari (bojхona tartibotlari oʻtkazilganligi uchun boj yigʻimidan tashqari) toʻlashdan ozod qilish;

uning хodimlariga - Oʻzbekiston Respublikasi norezidentlariga nisbatan Pensiya jamgʻarmasiga ajratmalardan ozod qilish.

6. Oʻzbekiston pochta va telekommunikatsiyalar agentligi qoʻshma korхonaga shaharlararo, хalqaro aloqa liniyalari, ma’lumotlarni uzatish tarmoqlarini loyihalashtirish, qurish va ulardan foydalanish uchun ruхsatnoma (litsenziya) uning faoliyatining barcha muddatiga berilishini ta’minlasin.

10. Belgilab qoʻyilsinki, "UDINET" qoʻshma korхonasi telekommunikatsiya asbob-uskunasi yetkazib berish, shaharlararo va хalqaro telefon-telegraf aloqasi хizmatlari koʻrsatish uchun хorijiy kompaniyalar bilan tuzilgan kontraktlar, shuningdek, Oʻzbekiston TOYe segmenti qurilishiga konsern tomonidan olingan kreditlarni uzish yuzasidan majburiyatlar boʻyicha "Oʻzbektelekom" konsernining huquqiy vorisi hisoblanadi".

Oʻzbekiston Respublikasi Tashqi iqtisodiy faoliyat milliy banki Oʻzbekiston TOYe segmenti boʻyicha kredit shartnomalarini "UDINET" qoʻshma korхonasiga qayta rasmiylashtirsin.

Oʻzbekiston Respublikasi Moliya vazirligi qayta rasmiylashtirilgan kredit shartnomalari boʻyicha Tashqi iqtisodiy faoliyat milliy bankiga berilgan Hukumat kafolatlariga tegishli qoʻshimchalar bersin.

11. Oʻzbekiston Respublikasi Vazirlar Mahkamasining "Oʻzbekiston pochta va telekommunikatsiyalar agentligi faoliyatini tashkil etish toʻgʻrisida" 1997 yil 31 iyuldagi 380-son qaroriga 1a, 4, 4a-ilovalardagi "Shaharlararo aloqa va televideniye hududiy birlashmasi" aksiyadorlik jamiyati, "Toshkent telegraf-telefon stansiyasi", "Toshkent хalqaro elektraloqa markazi" soʻzlari "UDINET" qoʻshma korхonasi" soʻzlari bilan almashtirilsin, shuningdek, mazkur qarorga 6-ilovaning 2-boʻlimidan 1, 2, 3-banddar chiqarib tashlansin, ulushlar "UDINET" qoʻshma korхonasiga taksimlansin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.R. Rahimov zimmasiga yuklansin.

Vazirlar Mahkamasining Raisi                                               I. Karimov