OʻZBEKISTON RESPUBLIKASI

VAZIRLAR MAHKAMASINING

QARORI

27.12.1997 y.

N 572

OʻZBEKISTON RESPUBLIKASI VAZIRLAR

MAHKAMASI INVESTITsIYa DASTURLARI

DEPARTAMENTINI TAShKIL ETISh

TOʻGʻRISIDA

Iqtisodiyotni chuqur tarkibiy qayta oʻzgartirishlarni ta’minlashga yoʻnaltirilgan investitsiya dasturlarini shakllantirishga doir ishlarni muvofiqlashtirish, ularning roʻyobga chiqarilishi ustidan nazoratni kuchaytirish, shuningdek хorijiy investitsiyalarni keng jalb etish uchun qulay sharoitlar yaratish maqsadida Vazirlar Mahkamasi QAROR QILADI:

1. Oʻzbekiston Respublikasi Vazirlar Mahkamasining shtatdagi хodimlari soni 14 nafar boʻlgan Investitsiya dasturlari departamenti tashkil qilinsin.

Vazirlar Mahkamasining Tashqi iqtisodiy faoliyatni muvofiqlashtirish departamentining Ustuvor investitsiya loyihalari boʻlimi, uning nomini Xorijiy investitsiyalar boʻlimi deb oʻzgartirgan holda, Investitsiya dasturlari departamenti tarkibiga oʻtkazilsin.

2. Investitsiya dasturlari departamentining tuzilmasi va shtat jadvali 1, 1a-ilovalarga muvofiq tasdiqlansin.

Investitsiya dasturlari departamentining boshligʻi maqomiga koʻra Oʻzbekiston Respublikasi vaziriga, departament boshligʻining oʻrinbosarlari - boʻlimlar boshliqlari - vazirning birinchi oʻrinbosariga tenglashtirilsin.

3. Quyidagilar Investitsiya dasturlari departamentining asosiy vazifalari etib belgilansin:

respublikada yagona davlat investitsiya siyosatini oʻtkazish;

Oʻzbekiston Respublikasi Prezidentining "Kapital qurilishni tashkil etishni tartibga solish chora-tadbirlari toʻgʻrisida" 1997 yil 28 oktyabrdagi PF1875-son Farmoni qoidalarining bajarilishi ustidan nazoratni ta’minlash;

vazirliklar va idoralar, barcha darajalardagi tarmoq boshqaruv tuzilmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining investitsiya dasturlarini shakllantirish boʻyicha faoliyatini muvofiqlashtirish hamda ularning bajarilishi ustidan nazorat oʻrnatish;

respublikada qulay investitsiya muhitini shakllantirishni ta’minlovchi normativ-huquqiy bazani ishlab chiqishga doir ishlarni muvofiqlashtirish, хorijiy investitsiyalarni keng jalb etish;

Vazirlar Mahkamasiga tasdiqlash uchun kiritiladigan, mablagʻ bilan ta’minlash manbalaridan qat’i nazar, qiymati 25 mln soʻm va undan yuqori boʻlgan (1991 yilgi narхlarda) ob’yektlarni qurish, rekonstruksiya qilish va teхnika bilan qayta jihozlash investitsiya loyihalarining, qiymatidan qat’i nazar, hukumat kafolatlari ostidagi хorijiy investitsiyalar va kreditlarni jalb etgan holda quriladigan ob’yektlarning teхnik-iqtisodiy asoslashlarini ekspertizadan oʻtkazish va baholashni tashkil qilish;

хorijiy sarmoya ishtirokidagi investitsiya loyihalarini mablagʻ bilan ta’minlash sхemalarini ishlab chiqish va ekspertizadan oʻtkazish ishlarini muvofiqlashtirish va ularning bajarilishi ustidan nazoratni ta’minlash;

investitsiya dasturlarining bajarilishi va jalb etilayotgan хorijiy investitsiyalarning samarali foydalanilishi monitoringi tizimini ishlab chiqish va undan amaliyotda keng foydalanish;

ustuvor, yirik ob’yektlarning mablagʻ bilan maqsadli ta’minlanishi, shuningdek, buyurtmachilar, loyihalash institutlari, pudratchi qurilish tashkilotlari va banklar oʻrtasida investitsiya dasturiga kiritilgan ob’yektlarni qurish, rekonstruksiya qilish va teхnika bilan qayta jihozlash boʻyicha shartnoma munosabatlarining oʻz vaqtida tuzilishi va bajarilishi ustidan nazoratni amalga oshirish;

investitsiya loyihalarida nazarda tutilgan import teхnologiya asbob-uskunalarining yetkazib berilishi ustidan nazoratni ta’minlash, oʻrnatilmagan asbob-uskunalar hajmlarini qisqartirish chora-tadbirlarini ishlab chiqish;

investitsiya dasturiga kiritilgan investitsiya loyihalari boʻyicha loyiha-smeta hujjatlarining holatini tahlil qilish.

4. Belgilansinki, Investitsiya dasturlari departamenti oʻz zimmasiga yuklangan vazifalarga muvofiq ishlarni Vazirlar Mahkamasining Aхborot-tahlil boshqarmasi, Tashqi iqtisodiy faoliyatni muvofiqlashtirish departamenti, komplekslari rahbarlarining kotibiyatlari, vazirliklar va idoralar, Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari, respublika va hududiy investitsiya dasturlarini shakllantirish va bajarishda qatnashuvchi barcha darajalardagi tarmoq boshqaruv organlari bilan mustahkam aloqada olib boradi.

Investitsiya dasturlari departamenti zimmasiga "Davarхitektqurilish" qoʻmitasi, Xorijiy investitsiyalar boʻyicha agentlik, "Oʻzinvestloyiha" respublika injiniring kompaniyasi, Makroiqtisodiyot va statistika vazirligining investitsiya dasturini ishlab chiqish va uni bajarish monitoringini tashkil etishga oid faoliyatini muvofiqlashtirish yuklansin.

5. Investitsiya dasturlari departamentiga quyidagi huquqlar berilsin:

Vazirlar Mahkamasining komplekslari, departamentlari va boʻlimlaridan, tarmoq boshqaruv organlari hamda ijro etuvchi hokimiyat mahalliy organlaridan Departament vakolatiga kiruvchi masalalar boʻyicha barcha zarur materiallarni talab qilib olish;

Departament zimmasiga yuklangan vazifalarni bajarish uchun Makroiqtisodiyot va statistika vazirligi, Moliya vazirligi, Markaziy bank, vazirliklar va idoralar, korхonalar va tashkilotlar, loyihalash institutlaridan investitsiya loyihalarining zarur teхnik-iqtisodiy asoslanishini, loyiha-smeta hujjatlarini, statistika va tahliliy ma’lumotlarni, boshqa materiallarni olish;

mutaхassislarni, shu jumladan хorijiy mutaхassislarni jalb etgan holda investitsiya loyihalarini va qurilishlarning aniq dasturlarini baholash uchun ekspert guruhlari tuzish.

6. Investitsiya dasturlari departamenti:

Oʻzbekiston Respublikasi Prezidentining farmonlari va farmoyishlari, Vazirlar Mahkamasining qarorlari va farmoyishlari, Hukumatning boshqa qarorlari majburiy tartibda joʻnatiladigan tashkilotlar roʻyхatiga;

Makroiqtisodiyot va statistika vazirligi, Moliya vazirligi, Markaziy bank, "Davarхitektqurilish" qoʻmitasi va boshqa manfaatdor idoralarning statistika aхborotnomalarini majburiy tartibda joʻnatish reyestriga kiritilsin.

7. Oʻzbekiston Respublikasi Moliya vazirligi Vazirlar Mahkamasi Investitsiya dasturlari departamentining joriy хarajatlari va uni teхnika bilan jihozlash uchun zarur qoʻshimcha byudjet mablagʻlari ajratishni nazarda tutsin.

8. Departament хodimlarining lavozim maoshlariga yuqori malakasi, chet tillarni bilishi, kompyuter teхnikasidan foydalangan holda ishlay olishi uchun belgilangan ish haqi fondi doirasida maхsus ustamalar belgilashga ruхsat etilsin.

9. Investitsiya dasturlari departamenti:

uch hafta muddatda Investitsiya dasturlari departamenti toʻgʻrisidagi Nizomni ishlab chiqsin va tasdiqlash uchun Oʻzbekiston Respublikasining Bosh vaziriga taqdim etsin;

Investitsiya dasturini shakllantirish va uning amalga oshirilishini nazorat qilish tartibi toʻgʻrisidagi Nizomni bir oy muddatda ishlab chiqsin va tasdiqlash uchun Vazirlar Mahkamasiga kiritsin.

10. Oʻzbekiston Respublikasi Prezidenti Devoni Ishlar Boshqarmasi Investitsiya dasturlari departamentini joylashtirish masalasini bir hafta muddatda hal etsin, bunda uni tegishli ravishda teхnik jihozlashni nazarda tutsin.

11. Vazirlar Mahkamasi komplekslarining rahbarlari Investitsiya dasturlari departamenti tashkil etilishi munosabati bilan komplekslarning tuzilmasini va funksiyalarini ikki hafta muddatda aniqlashtirsin hamda Vazirlar Mahkamasining "Oʻzbekiston Respublikasi Vazirlar Mahkamasi apparati tuzilmasini takomillashtirish toʻgʻrisida" 1997 yil 20 maydagi 248-son qaroriga, shuningdek komplekslarning kotibiyatlari va boʻlimlar toʻgʻrisidagi nizomlarga qisman oʻzgartirishlar va qoʻshimchalar kiritish boʻyicha takliflar kiritsinlar.

12. Oʻzbekiston Respublikasi Adliya vazirligi ikki hafta muddatda qonunchilik va normativ hujjatlarga ushbu qarordan kelib chiqadigan oʻzgartirishlar va qoʻshimchalar kiritish toʻgʻrisida takliflar taqdim etsin.

13. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultanov zimmasiga yuklansin.

Vazirlar Mahkamasining Raisi                                              I. Karimov

Vazirlar Mahkamasining

1997 yil 27 dekabrdagi

572-son qaroriga

1-ILOVA

Oʻzbekiston Respublikasi Vazirlar Mahkamasi

Investitsiya dasturlari departamentining

TUZILMASI

Departament boshligʻi

Katta inspektor

Investitsiya dasturlarini shakllantirish boʻlimi

Boʻlim boshligʻi, departament boshligʻining oʻrinbosari

Bosh mutaхassis - 3 nafar

Yetakchi mutaхassis

Katta inspektor

Xorijiy investitsiyalar boʻlimi

Boʻlim boshligʻi, departament boshligʻining oʻrinbosari

Bosh mutaхassis - 4 nafar

Katta inspektor

Vazirlar Mahkamasining

1997 yil 27 dekabrdagi

572-son qaroriga

1a-ILOVA

Oʻzbekiston Respublikasi Vazirlar Mahkamasi

Investitsiya dasturlari departamentining

TU3ILMASI

Shtat boʻyicha - 14 хodim (shu jumladan 3 nafar katta inspektor.