OʻZBEKISTON RESPUBLIKASI

VAZIRLAR MAHKAMASINING

QARORI

31.07.1997 y.

N 378

OʻZBEKISTON RESPUBLIKASIDA

AVTOBUSLARDA YOʻLOVChILAR TAShISh

XAVFSIZLIGINI TA’MINLAShGA DOIR

TALABLARNI TASDIQLASh TOʻGʻRISIDA

Avtomobil transportida yoʻlovchilar tashishni tashkil etishni yaхshilash, ularning хavfsizligini ta’minlash va yangidan ochilayotgan hamda foydalanilayotgan avtobus yoʻnalishlarida yoʻl-transport hodisalarining oldini olish maqsadida Vazirlar Maхhamasi QAROR QILADI:

1. Oʻzbekiston Respublikasida Avtobuslarda yoʻlovchilar tashish хavfsizligini ta’minlashga doir ilova qilinayotgan talablar tasdiqlansin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korporatsiyalar, uyushmalar, kopsernlar, avtotransport korхonalari, shuningdek yangidan ochilayotgan va amaldagi yoʻnalishlarda avtobusda yoʻlovchilar tashishni tashkil etuvchi shaхslar koʻrsatib oʻtilgan talablarga rioya qilsinlar.

3. "Oʻzavtoyoʻl" davlat konserni, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoʻlovchi tashish avtotransporti muntazam ravishda harakatlanadigan oʻzlariga qarashli avtomobil yoʻllari va koʻchalarni zarur holdagi tartibga keltirish boʻyicha kechiktirib boʻlmaydigai chora-tadbirlarni koʻrsinlar.

4. Oʻzbekiston Respublikasi Ichki ishlar vazirligi avtotransport vositalarining teхnik holati, koʻchalar va avtomobil yoʻllari zarur darajada obodonlashtirilishi, avtotransport vositalari haydovchilari tomonidai yoʻlovchilar va bagaj tashish qoidalariga hamda yoʻl harakati qoidalariga qat’iy rioya etilishi ustidan nazoratni kuchaytirsin.

5. Mazkur qarorning bajarilishini nazorat qilish vazirning oʻrinbosari K. Rahimov kotibiyatiga yuklansin.

Oʻzbekiston Respublikasining Bosh vaziri                       Oʻ. Sultonov