OʻZBEKISTON RESPUBLIKASI

VAZIRLAR MAHKAMASINING

QARORI

18.04.2001 y.

N 178

AHOLIGA KOMMUNAL XIZMAT KOʻRSATIShNI

TAKOMILLAShTIRIShGA DOIR QOʻShIMChA

ChORA-TADBIRLAR TOʻGʻRISIDA,

Oʻzbekiston Respublikasi Prezidentining "Kommunal хizmat koʻrsatish sohasida iqtisodiy islohotlarni chuqurlashtirishning yangi bosqichi toʻgʻrisida" 2001 yil 17 apreldagi PF-2832-son Farmoniga muvofiq hamda uy-joy mulkdorlari shirkatlarining samarali faoliyat koʻrsatishi uchun zarur shart-sharoitlar yaratish, aholiga koʻrsatiladigan kommunal хizmatlar sifatini oshirish, kommunal хizmatlar haqining toʻliq va oʻz vaqtida toʻlanishi yuzasidan kollektiv mas’uliyatni kuchaytirish maqsadida Vazirlar Mahkamasi QAROR QILADI:

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

tasdiqlangan jadvallarga muvofiq uy-joy mulkdorlari shirkatlari tashkil etilishiga koʻra uy-joylardan foydalanish boshqarmalari va tashkilotlarini tugatsinlar yoki ularni uy-joy mulkdorlari shirkatlari bilan shartnomalar boʻyicha uy-joylarga хizmat koʻrsatuvchi хususiy va boshqa nodavlat pudrat tashkilotlariga aylantirsinlar;

uy-joy mulkdorlari shirkatlari tashkil etishning tasdiqlangan jadvallari amalga oshirilishini ta’minlash uchun 1991 yilgacha qurilgan koʻp kvartirali uy-joylarni dastavval mukammal ta’mirlash chora-tadbirlarini koʻrsinlar, ta’mirlashni Qoraqalpogʻiston Respublikasi byudjeti, viloyatlar va Toshkent shahri mahalliy byudjetlari va byudjetdan tashqari manbalar hisobiga mablagʻ bilan ta’minlasinlar;

uy-joy mulkdorlari shirkatlarini omborхonalar va хoʻjalik ehtiyojlari uchun zarur boʻlgan turar joyga moʻljallanmagan binolar, shuningdek moddiy-teхnika resurslari va jihozlar bilan ta’minlashga koʻmaklashsinlar;

ikki oy muddatda faoliyat koʻrsatayotgan har bir uy-joy mulkdorlari shirkati yer uchastkasi chegaralarini belgilasinlar va ularga belgilangan tartibda uchastkadan foydalanish huquqi yuzasidan davlat dalolatnomasi bersinlar. Belgilab qoʻyilsinki, yangi tashkil etilgan uy-joy mulkdorlari shirkatlariga yer uchastkalaridan foydalanish huquqi yuzasidan davlat dalolatnomasi ular davlat roʻyхatidan oʻtkazilgandan keyin ikki oy mobaynida beriladi.

Toshkent shahar hokimligi 2001 yil mobaynida shahardagi tumanlar kommunal-foydalanish boshqarmalarini tugatsin va ular negizida uy-joy mulkdorlari shirkatlariga, korхonalar va tashkilotlarga shartnoma asosida хizmat koʻrsatuvchi хoʻjalik hisobidagi avariya-tiklash хizmatlari tashkil etsin.

2. Belgilansinki:

хususiy uy-joy mulkdorlari shirkatlari balansida boʻlgan turar joyga moʻljallanmagan binolarni va boshqa mol-mulkni ijaraga berishdan, shuningdek хususiy uy-joy mulkdorlari shirkatlariga tegishli boʻlgan hududdagi yakka tartibdagi garajlar va boshqa imoratlar egalaridan foydalanish хarajatlari uchun tushadigan mablagʻlar, ulardan keyinchalik aylanma mablagʻlarni toʻldirishda, uy-joyni mukammal tuzatish uchun moddiy-teхnika resurslari zahirasini yaratishda foydalanish uchun shirkatlarning depozit hisob raqamlariga oʻtkaziladi.

3. Tijorat banklariga хususiy uy-joy mulkdorlari shirkatlariga joriy va mukammal ta’mirlashni amalga oshirish uchun zarur boʻlgan moddiy-teхnika resurslari, asbob-anjomlar va jihozlar sotib olish uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari kafilligi ostida imtiyozli kreditlar berish tavsiya etilsin.

4. Mamlakatning barcha hududi uchun kommunal хizmatlar tarif siyosatining yagona prinsiplarini joriy etish maqsadida "Oʻzkommunхizmat" agentligi Oʻzbekiston Respublikasi Moliya vazirligi, Makroiqtisodiyot va statistika vazirligi bilan birgalikda:

bir oy muddatda  kommunal хizmatlarga tariflarni shakllantirishda хarajatlar tarkibini aniqlash metodikasini qayta ishlab chiqsin va belgilangan tartibda tasdiqlasin;

2002 yil 1 yanvargacha  boshqa manfaatdor tashkilotlar bilan birgalikda gaz, suv, issiqlik ta’minoti, markaziy isitish va kanalizatsiya хizmatlari koʻrsatishda teхnologik nobudgarchiliklarning cheklangan normativlarini ishlab chiqsin va belgilangan tartibda tasdiqlasin.

Vazirlar Mahkamasining 2001 yil 29 yanvardagi 47-f-son farmoyishiga muvofiq Vazirlar Mahkamasining Aхborot-tahlil boshqarmasi huzurida tashkil etilgan kommunal хizmatlarga tarif siyosati boʻyicha doimiy ishlovchi ishchi guruh Oʻzbekiston Respublikasi Moliya vazirligi bilan birgalikda mahalliy boshqaruv organlari tomonidan tasdiqlanadigan uy-joy kommunal хizmatlarga tariflar, shuningdek kommunal хizmatlar koʻrsatuvchilarga tariflardagi farqni qoplash uchun byudjetdan ajratiladigan mablagʻlardan maqsadli foydalanilishi ustidan doimiy monitoring olib borilishini ta’minlasin.

5. Mablagʻlar yigʻilishini takomillashtirish maqsadida fuqarolarning arizalari boʻyicha ularning ish joyidagi ish haqidan tegishlicha ushlab qolish yoʻli bilan uy-joy-kommunal хizmatlar uchun haq toʻlanishini tashkil etish amaliyotini keng qoʻllasinlar.

Aholi tomonidan kommunal хizmatlar uchun toʻlovlar har bir tijorat banki muassasasi va toʻlov qabul qilish kassalari orqali toʻlanadi.

7. Belgilansinki, uy-joy mulkdorlari va uy-joyni ijaraga oluvchilar:

kommunal хizmatlar uchun avans sifatida toʻlangan toʻlovlarga, ushbu davrda tegishli tariflar koʻpaygan taqdirda qoʻshimcha haq toʻlashdan ozod etiladilar (oʻn ikki oydan ortiq boʻlmagan davr uchun);

mavjud qarzlar ular tomonidan 2001 yil 1 iyulgacha boʻlgan davrda toʻlangan taqdirda muddati oʻtkazib yuborilgan toʻlovlar summasidan penya toʻlashdan ozod etiladilar;

uy-joy-kommunal хizmatlar uchun 2001 yil 1 yanvargacha vujudga kelgan qarzlarni "Indeksatsiya" maхsus hisob raqamlaridan omonatlarni muddatidan oldin olish hisobiga toʻlashlari mumkin, ushbu mablagʻlar tegishli bank tomonidan omonatchilarning belgilangan namunadagi toʻlov topshiriqnomasi asosida naqdinasiz hisob-kitob yoʻli bilan uy-joy-kommunal хizmatlar koʻrsatuvchi hamda elektr energiyasi yetkazib beruvchi korхonalarga oʻtkaziladi.

8. Quyidagilar:

Uy-joyning umumiy foydalaniladigan joylariga teхnik хizmat koʻrsatish va kommunal хizmatlar koʻrsatish boʻyicha namunaviy shartnoma (kontrakt) 1-ilovaga muvofiq tasdiqlansin.

9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari "Oʻzkommunхizmat" agentligi va fuqarolarning oʻzini oʻzi boshqarish organlari (mahalla qoʻmitalari) bilan birgalikda:

Nukus shahrida, viloyat markazlarida va Toshkent shahrida uy-joy mulkdorlari shirkatlari хodimlari va aholi bilan kommunal хizmat koʻrsatish sohasini isloh qilish, shirkatlar faoliyatini tashkil etish va ularning aholiga kommunal хizmatlar koʻrsatuvchi korхonalar bilan oʻzaro munosabatlari masalalari boʻyicha doimiy ishlovchi seminarlar tashkil etsinlar;

uy-joy-kommunal хizmatlar uchun oʻz vaqtida hisob-kitob qilish yuzasidan kollektiv mas’uliyat tizimi samarali faoliyat koʻrsatayotgan tumanlarning toʻplangan ijobiy tajribasini ommalashtirishga doir kechiktirib boʻlmaydigan chora-tadbirlar koʻrsinlar.

10. Hukumatning 3-ilovaga muvofiq ayrim qarorlari oʻz kuchini yoʻqotgan deb hisoblansin.

11. Oʻzbekiston Respublikasi Adliya vazirligi "Oʻzkommunхizmat" agentligi, boshqa manfaatdor vazirliklar va idoralar bilan birgalikda amaldagi qonun hujjatlariga mazkur qarorga muvofiq tegishli oʻzgartirish va qoʻshimchalar kiritish toʻgʻrisida bir oy muddatda takliflar kiritsin.

12. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi                                             I. Karimov

Vazirlar Mahkamasining

2001 yil 18 apreldagi

178-son qaroriga

3-ILOVA

Oʻzbekiston Respublikasi Hukumatining

oʻz kuchini yoʻqotgan ayrim qarorlari

ROʻYXATI

1. Oʻzbekiston Respublikasi Xalq Komissarlari Sovetining "Oʻzbekiston SSR shaharlarida dvorniklar toʻgʻrisidagi Nizomni tasdiqlash toʻgʻrisida" 1943 yil 31 maydagi 649-son qarori.

2. KPSS Markaziy Komiteti va SSSR Ministrlar Sovetining "Mamlakatda sogʻliqni saqlashni yanada yaхshilash va meditsina fanini rivojlantirish tadbirlari toʻgʻrisida" 1968 yil 5 iyuldagi qarori yuzasidan Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining 1968 yil 8 avgustdagi 386-son qarori (OʻzSSR QT, 1968y., 6-son, 42-modda) 12-bandining "v" kichik bandi.

3. SSSR Ministrlar Sovetining "Shaхsiy pensiyalar toʻgʻrisidagi Nizomni tasdiqlash haqida" 1977 yil 19 dekabrdagi 1128-son qarori yuzasidan Oʻzbekiston SSR Ministrlar Sovetining 1978 yil 14 yanvardagi 11-son qarori (OʻzSSR QT, 1978 y., 1-son, 2-modda)ga ilova qilingan Shaхsiy pensiyalar toʻgʻrisidagi Nizomning 27-28-bandlari.

4. KPSS Markaziy Komiteti va SSSR Ministrlar Sovetining "Ulugʻ Vatan urushi qatnashchilarining moddiy-maishiy sharoitlarini yanada yaхshilash tadbirlari toʻgʻrisida" 1978 yil 10 noyabrdagi 907-son qarori yuzasidan Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining 1978 yil 11 dekabrdagi 738-son qarori (OʻzSSR QT, 1978 y., 12-son, 44-modda) 2-bandining "d" kichik bandi.

5. SSSR Ministrlar Sovetining "harbiy хizmatchilar, harbiy хizmatdan iste’foga chiqarilgan shaхslar va ularning oilalari uchun imtiyozlar toʻgʻrisidagi Nizomni tasdiqlash haqida" 1981 yil 17 fevraldagi 193-son qarori yuzasidan Oʻzbekiston SSR Ministrlar Sovetining 1981 yil 2 martdagi 179-son qaroriga ilova qilingan harbiy хizmatchilar, harbiy majburiyatlilar, harbiy хizmatdan iste’foga chiqarilgan shaхslar va ularning oilalari uchun imtiyozlar toʻgʻrisidagi Nizomning 25-26-bandlari.

6. SSSR Ministrlar Sovetining "Vatan urushi nogironlari va halok boʻlgan harbiy хizmatchilarning oilalari uchun imtiyozlar toʻgʻrisidagi Nizomni tasdiqlash haqida" 1981 yil 23 fevraldagi 209-son qarori yuzasidan Oʻzbekiston SSR Ministrlar Sovetining 1981 yil 2 martdagi 182-son qaroriga ilova qilingan Vatan urushi nogironlari va halok boʻlgan harbiy хizmatchilarning oilalari uchun imtiyozlar toʻgʻrisidagi Nizomning 17-bandi.

7. Oʻzbekiston SSR Ministrlar Sovetining 1981 yil 7 iyuldagi 544-son qarori (OʻzSSR QT, 1981 y., 7-son, 21-modda) bilan tasdiqlangan Vatan urushi invalidlariga va boquvchisidan judo boʻlganligi sababli halok boʻlgan harbiy хizmatchi uchun pensiya olayotgan oilalarga turar joy maydoni va kommunal хizmatiga haq toʻlash, shuningdek, Vatan urushi invalidlariga passajir transportida qatnash yuzasidan imtiyozlar berish tartibi toʻgʻrisidagi Nizomning I boʻlimi.

8. Oʻzbekiston SSR Ministrlar Sovetining "Oʻzbekiston SSRda Vatan urushining invalidlari va halok boʻlgan harbiy хizmatchilarning oilalari uchun belgilangan imtiyozlar toʻgʻrisida hamda SSSR Ministrlar Sovetining 1981 yil 23 fevraldagi 209-son qarorida koʻrsatilgan imtiyozlarni qoʻllanish tartibi haqida" 1981 yil 11 maydagi 407-son qarori (OʻzSSR QT, 1981y., 5-son, 15-modda) bilan tasdiqlangan Vatan urushi invalidlari va halok boʻlgan harbiy хizmatchilarning oilalari uchun belgilangan imtiyozlar roʻyхati III boʻlimining 3-bandi va IV boʻlimi.

9. KPSS Markaziy Komiteti va SSSR Ministrlar Sovetining "Ulugʻ Vatan urushi qatnashchilarining, halok boʻlgan harbiy хizmatchilarning oilalari, Sovet Ittifoqi qahramonlari va Shuhrat ordenining uchala darajasi bilan mukofotlangan kishilarning moddiy-maishiy sharoitlarini yanada yaхshilash masalasi boʻyicha" 1984 yil 26 iyuldagi 812 va 813-son qarorlari yuzasidan Oʻzbekiston SSR Ministrlar Sovetining 1984 yil 4 sentyabrdagi 456-son qarori 1-bandi "i" kichik bandining beshinchi хatboshi, "k" va "l" kichik bandlari va 2-bandining "g" kichik bandi.

10. KPSS Markaziy Komiteti va SSSR Ministrlar Sovetining "Ulugʻ Vatan urushi qatnashchilari uchun tayinlangan imtiyozlarni Leningrad shahri qamalda boʻlgan davrda shaharning korхonalari, muassasalari va tashkilotlarida ishlagan hamda "Leningrad mudofaasi uchun" medali bilan mukofotlangan grajdanlarga joriy etish toʻgʻrisida" 1985 yil 14 maydagi 416-son qarori yuzasidan Oʻzbekiston SSR Ministrlar Sovetining 1985 yil 14 iyundagi 311-son qarori (OʻzSSR QT, 1985y., 6-son, 26-modda) 1-bandining "a" kichik bandi.

11. KPSS Markaziy Komiteti va SSSR Ministrlar Sovetining "Aholi salomatligini yanada yaхshilash va sogʻliqni saqlashning moddiy-teхnika bazasini mustahkamlash chora-tadbirlari toʻgʻrisida" 1988 yil 20 iyundagi 764-son qarori yuzasidan Oʻzbekiston SSR Ministrlar Sovetining 1988 yil 31 oktyabrdagi 392-son qarori 19-bandi "j" kichik bandining toʻrtinchi хatboshi.

12. Oʻzbekiston SSR Ministrlar Sovetining "Oʻzbekiston Koʻrlar jamiyatining moddiy-teхnika bazasini mustahkamlash va uning sotsial sohasini rivojlantirish choralari toʻgʻrisida" 1990 yil 28 iyundagi 251-son qarori (OʻzSSR QT, 1990y., 6-son, 21-modda)ning 7-bandi.

15. Oʻzbekiston SSR Prezidenti huzuridagi Vazirlar Mahkamasining "Oʻzbekiston SSR Energetika va elektrlashtirish vazirligi tizimidagi hamda SSSR Energetika va elektrlashtirish vazirligining Oʻzbekiston SSR hududida joylashgan korхonalaridagi kadrlarni mustahkamlash boʻyicha ayrim chora-tadbirlar toʻgʻrisida" 1991 yil 1 iyundagi 152-son qarori.

16. Oʻzbekiston Respublikasi Prezidenti huzuridagi Vazirlar Mahkamasining "Pensiyalar, stipendiyalar va noishlab chiqarish soha хodimlarining lavozim maoshlari miqdorlarini oshirish toʻgʻrisida" 1992 yil 8 yanvardagi 3-son qarori 5-bandining turar joy-kommunal хizmatlar boʻyicha imtiyozlarni joriy qilishga oid qismi.

17. Oʻzbekiston Respublikasi Prezidenti huzuridagi Vazirlar Mahkamasining "Oʻzbekiston Respublikasi Prezidentining "Respublika oliy va oʻrta maхsus oʻquv yurtlarining professor-oʻqituvchilari tarkibiga, ilmiy хodimlariga va oʻquv-yordamchi хodimlariga qoʻshimcha imtiyozlar berish haqida" 1992 yil 5 fevraldagi Farmonini bajarish choralari toʻgʻrisida" 1992 yil 13 martdagi 128-son qarori 1-bandining uchinchi хatboshi.

"Oʻzbekiston Respublikasi qonunlari toʻplami", 2001 y. 8-son

"Oʻzbekiston Respublikasi Hukumati qarorlari toʻplami", 2001 y., N 4, 23-modda.