Oʻzbekiston Respublikasi bilan Eron Islom Respublikasi oʻrtasida savdo-iqtisodiy va ilmiy-teхnikaviy hamkorlik boʻyicha hukumatlararo komissiya toʻrtinchi majlisining Bayonnomasi (Tehron, 2002 yil 31 yanvar)
Ўзбекистон Республикаси билан
Эрон Ислом Республикаси ўртасида
савдо-иқтисодий ва илмий-техникавий
ҳамкорлик бўйича ҳукуматлараро
комиссия тўртинчи мажлисининг
БАЁННОМАСИ
Ўзбекистон Республикаси ва Эрон Ислом Республикаси ўртасидаги алоқаларни мустаҳкамлаш ва ривожлантириш мақсадида, 2002 йил 30-31 январь кунларида ёки 1380 хижрий йилнинг 10-11 бахман ойида Теҳрон шаҳрида Ўзбекистон Республикаси билан Эрон Ислом Республикаси ўртасида савдо-иқтисодий ва илмий-техникавий ҳамкорлик бўйича Ҳукуматлараро комиссиянинг тўртинчи мажлиси бўлиб ўтди. Эрон делегациясига Эрон Ислом Республикаси савдо вазири Муҳаммад Шариатмодари Жаноби Олийлари бошчилик қилди. Ўзбекистон делегацияси Ўзбекистон Республикаси Бош вазирининг ўринбосари Рустам Юнусов Жаноби Олийлари бошчилигида қатнашди (делегация аъзоларининг рўйхатлари илова қилинган).
Ўзбекистон Республикаси Бош вазирининг ўринбосари жаноб Р.Юнусов жаноблари Теҳрон шаҳрига ташрифи давомида Эрон Ислом Республикаси Савдо вазири жаноб М.Шариатмодари ҳамда Йўл ва транспорт вазири жаноб А.Хоррам билан самарали музокаралар ўтказди. Мажлис ҳамкорлик ва ҳамжиҳатликда руҳида бўлиб ўтди. Томонлар бир-бирларини иқтисодий ислоҳотларнинг олиб борилиши тўғрисида хабардор этдилар, шунингдек ҳамкорликнинг алоҳида йўналишларини батафсил муҳокама қилдилар.
Икки мамлакат ўртасида иқтисодий алоқаларни янада ривожлантиришга интилиб, томонлар товар айирбошлаш ҳажмларини ошириш ва иқтисодий алоқаларни кенгайтириш мақсадида қулай шарт-шароитларни яратиш учун барча имкониятларни сафарбар этишга тайёр эканликларини билдирдилар.
Бу борада томонлар ўзларини қизиқтирувчи масалаларни муҳокама қилиб, қуйидагиларга келишиб олдилар:
СОҲАСИДА ҲАМКОРЛИК
1.1. товар айирбошлаш
...
Telegram kanali 