Oʻzbekiston Respublikasi Prezidentining 30.11.2006 y. PQ-517-son "Chernogoriya Respublikasini tan olish toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
30.11.2006 y.
N PQ-517
ChERNOGORIYa RESPUBLIKASINI
TAN OLISh TOʻGʻRISIDA
2006 yil 21 mayda Chernogoriya Respublikasida boʻlib oʻtgan referendum yakunlari boʻyicha mazkur Respublika parlamenti 2006 yil 3 iyunda Chernogoriya Respublikasi mustaqilligi toʻgʻrisidagi Qaror va mustaqil Chernogoriya Respublikasi Deklaratsiyasini qabul qildi.
Oʻzbekiston Respublikasi Konstitutsiyasining 10-moddasi va 93-moddasi birinchi qismining 3-bandiga muvofiq:
1. Chernogoriya Respublikasi alohida, suveren va mustaqil davlat sifatida tan olinsin.
2. Oʻzbekiston Respublikasi Tashqi ishlar vazirligi Chernogoriya Respublikasi bilan diplomatik munosabatlar oʻrnatish toʻgʻrisida muzokaralar oʻtkazsin va erishilgan ahdlashuvlarni tegishli hujjatlar bilan rasmiylashtirsin.
Oʻzbekiston Respublikasi Prezidenti I. Karimov
"Oʻzbekiston Respublikasi qonun hujjatlari toʻplami", 2006 yil, 48-50-son, 477-modda.