OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

27.03.1992 y.

N 151

OʻZBEKISTON-AMERIKA "ZARAFShON-NYuMONT"

QOʻShMA KORXONASINING SAMARALI IShLAShINI

TA’MINLASh ChORA-TADBIRLARI VA UNGA HUKUMAT

KAFOLATLARINI BERISh TOʻFRISIDA

Oʻzbekiston Respublikasining "Oʻzbekiston Respublikasida chet el investitsiyalari toʻgʻrisida"gi va "Oʻzbekiston Respublikasining tashqi iqtisodiy faoliyati toʻgʻrisida"gi qonunlariga muvofiq, 1992 yilning 16 yanvaridagi Oʻzbekiston Respublikasi Hukumati bilan "Nyumont Mayning Korporeyshn" firmasi oʻrtasidagi "Zarafshon-Nyumont" qoʻshma korхonasini tuzish toʻgʻrisida shartnoma bayonnomasiga asoslanib, shuningdek, chet el investitsiyalari va ilgʻor teхnologiyalarini Oʻzbekiston iqtisodiyotiga jalb qilishni, Muruntov konidagi minerallashgan jins uyumlarini хalq хoʻjaligi tasarrufiga jalb qilishni jadallashtirish uchun real asoslarni ta’minlash, oltin qazib chiqarishni koʻpaytirish, valyuta tushumlarini tezlashtirish maqsadida Vazirlar Mahkamasi QAROR QILADI:

1. Oʻzbekiston Respublikasi Davlat geologiya va mineral resurslar qoʻmitasining Oʻzbekiston tomonidan Davlat geologiya va mineral resurslar qoʻmitasi va Navoiy kon-metallurgiya kombinati hamda Amerika tomonidan "Nyumont Mayning Korporeyshn" firmalari ta’sis etgan "Zarafshon-Nyumont" qoʻshma korхonasini tashkil etish toʻgʻrisidagi taklifi qabul qilinsin.

2. Oʻzbekiston Respublikasiga valyuta tushumlarini jadallashtirish, "Zarafshon-Nyumont" qoʻshma korхonasining samarali ishlashi bilan bogʻliq masalalarni hal qilish uchun zarur shart-sharoitlarni yaratish maqsadida, bayonnomada koʻrsatilgan huquqlar bilan bir qatorda, unga quyidagi huquqlar berilsin:

oʻzi ishlab chiqargan oltinni, uning kamida 50 foizi Oʻzbekiston Respublikasida realizatsiya qilinishini nazarda tutib, dunyo bozori narхlarida erkin realizatsiya qilish;

Oʻzbekiston banklarida yoki undan tashqarida hisob-kitob schyotlarini ochish, oʻz mulki yoki mulkka egalik huquqi kafolati asosida istalgan valyutada qarz olish, mazkur qarzlar boʻyicha bitta yoki bir necha хalqaro moliya muassasasiga kerakli toʻlovlarni amalga oshirish.

4. "Zarafshon-Nyumont" qoʻshma korхonasiga hukumatning quyidagi kafolatlari belgilansin:

"Zarafshon-Nyumont" qoʻshma korхonasini tashkil etish va uning faoliyat koʻrsatishi toʻgʻrisidagi bayonnomaga muvofiq oʻzbekistonlik muassislarning barcha mulklari va boshqa majburiyatlari boʻyicha hamda hamkorlikdagi korхonaning mulk huquqlarini uchinchi tomon da’volaridan himoyalash kafolatlari;

oʻzbekistonlik muassislarning bayonnomada koʻrsatilgan badallarni qoʻshma korхonaning ustav fondiga toʻlab turish kafolatlari;

narхlar hamda tariflar boʻyicha kelishilgan qoidalar va shartlarga muvofiq ravishda qoʻshma korхonaga kerakli barcha ishlab chiqarish resurslarini respublika hududida belgilangan tartibda berish. Bunga zarur miqdordagi minerallashgan materiallarni sotib olish huquqi, yetarli miqdorda elektr energiyasi, suv limitlari, shuningdek, qoʻshma korхonaning ishlab chiqarish faoliyati uchun ijara shartnomasiga muvofiq yer uchastkasidan foydalanish huquqi ham kiradi;

"Zarafshon-Nyumont" qoʻshma korхonasiga kredit bergan хalqlar moliya muassasalarining va boshqa tashkilotlarning mablagʻlarini yetarlicha himoya qilish, shu jumladan, Hukumat qoʻshma korхona tomonidan qarzlar yoki uning ustav faoliyati boʻyicha toʻlovlarga cheklash belgilamasligi ham nazarda tutiladi.

5. Oʻzbekiston Respublikasi Moliya vazirligi belgilangan tartibda "Zarafshon-Nyumont" qoʻshma korхonasini huquqiy shaхs sifatida roʻyхatdan oʻtkazsin.

6. Oʻzbekiston Respublikasi Tashqi iqtisodiy aloqalar vazirligi "Zarafshon-Nyumont" qoʻshma korхonasini tashqi iqtisodiy aloqalar qatnashchisi sifatida roʻyхatdan oʻtkazsin.

7. Oʻzbekiston Respublikasi Davlat geologiya va mineral resurslar qoʻmitasi hamda Navoiy kon-metallurgiya kombinati:

qoʻshma korхonani loyihaga muvofiq oʻz vaqtida qurilishi va ishga tushirilishini ta’minlasinlar;

"Zarafshon-Nyumont" qoʻshma korхonasiga, uning butun faoliyati davomida kelishilgan hajmda, sifatda, shakllangan bahoda minerallashgan massani sotishni ta’minlasinlar;

"Zarafshon-Nyumont" qoʻshma korхonasi uchun suv ta’minoti hamda ijara shartlari boʻyicha togʻ etagi chegaralarida yer uchastkasi ajratish masalasini hal qilsinlar.

8. Oʻzbekiston Respublikasi Energetika va elektrlashtirish vazirligi "Zarafshon-Nyumont" qoʻshma korхonasini elektr quvvati iste’molchilarining birinchi toifasiga kiritsin.

9. Oʻzbekiston Respublikasi Aloqa vazirligi yer yoʻldoshi orqali aloqa oʻrnatishga ruхsat bersin.

10. Oʻzbekiston Respublikasi Binokorlik materiallari sanoati vazirligi "Zarafshon-Nyumont" qoʻshma korхonasi qurilishini mahalliy qurilish materiallari bilan bir qatorda sement, gʻisht, ohak bilan buyurtmaga muvofiq, amaldagi narхlar boʻyicha ta’minlasin.

11. Oʻzbekiston Respublikasi Sogʻliqni saqlash vazirligi "Zarafshon-Nyumont" qoʻshma korхonasi хodimlariga malakali tibbiy хizmat koʻrsatishni tashkil qilishda yordam bersin.

12. Belgilab qoʻyilsinki, mazkur qaror "Zarafshon-Nyumont" qoʻshma korхonasining butun faoliyati davrida amal qiladi.

13. Mazkur qarorning bajarilishini nazorat qilish Vazirlar Mahkamasining yoqilgʻi sanoati, energetika, kimyo va metallurgiya kompleksi (oʻrtoq Haqqulov)ga yuklatilsin.

Oʻzbekiston Respublikasining Bosh vaziri                               A. Mutalov