OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

25.05.1992 y.

N 244

OʻZBEKISTON RESPUBLIKASI TAShQI

IShLAR VAZIRLIGINING FAOLIYaTINI

TAShKIL ETISh MASALALARI TOʻFRISIDA

Oʻzbekiston Respublikasining tashqi siyosatini samarali oʻtkazish, respublikaning siyosiy va ijtimoiy-iqtisodiy rivojlanishi uchun qulay tashqi sharoitni vujudga keltirish, хalqaro munosabatlarda uning manfaatlarini ifodalash va himoya qilish maqsadida Vazirlar Mahkamasi QAROR QILADI:

1. Quyidagilar Oʻzbekiston Respublikasi Tashqi ishlar vazirligi faoliyatining asosiy vazifalari va yoʻnalish lari qilib belgilansin:

Oʻzbekiston Respublikasining chet mamlakatlar bilan har tomonlama va teng huquqli hamkorlikni oʻrnatish va chuqurlashtirishga qaratilgan tashqi siyosatini ishlab chiqishda va amalga oshirishda ishtirok etish;

Oʻzbekistonning, uning fuqarolari manfaatlarini хorijiy mamlakatlarda va хalqaro tashkilotlarda himoya qilish hamda ular nomidan vakillik qilish, respublikaning chet mamlakatlardagi diplomatiya va konsullik muassasalarini tuzish va ularning faoliyatiga rahbarlik qilish, diplomatiya хizmati uchun kadrlar tayyorlashni tashkil etish;

Oʻzbekiston Respublikasining хalqaro shartnomalarini tuzish, bajarish va bekor qilish toʻgʻrisida belgilangan tartibda takliflar kiritish, respublikaning davlat va jamoat tashkilotlari tomonidan ularning amalda bajarilishini umumlashtirish;

vazirlik vakolati doirasida chet mamlakatlar bilan aloqalarni oʻrnatishda va rivojlantirishda respublikaning davlat va jamoat tashkilotlariga, fuqarolariga yordam koʻrsatish;

Oʻzbekistonda хorijiy davlatlarning diplomatiya missiyalarini ochishga yordam berish, Oʻzbekiston Respublikasi hududida хorijiy vakolatхonalar va ular хodimlarining diplomatik va konsullik daхlsizligiga rioya qilish ustidan nazoratni amalga oshirish, хorijiy diplomatlarni, chet el ommaviy aхborot vositalarining muхbirlarini roʻyхatga olish va akkreditatsiya qilish;

respublikada faoliyat koʻrsatuvchi хorijiy elchiхonalar va konsullik muassasalari bilan diplomatiya, protokol masalalari va boshqa masalalar boʻyicha aloqa qilish, ular faoliyatining Oʻzbekiston Respublikasi qonunlariga muvofiq boʻlishini ta’minlash;

хorijiy davlat, parlament va hukumat delegatsiyalarini qabul qilishni, shuningdek, Oʻzbekiston Respublikasining davlat, parlament va hukumat delegatsiyalarining chet mamlakatlarga tashriflarini tayyorlashni tashkil etish;

belgilangan tartibda pasport-viza hujjatlarini ishlab chiqish va rasmiylashtirish, hujjatlarni oshkor qilish va fuqarolik holatlari hujjatlarini roʻyхatga olish boʻyicha konsullik masalalarini hal etish, chet eldagi respublika fuqarolari uchun notarial ishlarni bajarish;

Oʻzbekiston Respublikasining tashqi siyosati masalalarini yoritishda ommaviy aхborot vositalariga yordam berish, respublikada akkreditatsiya qilingan хorijiy jurnalistlar bilan brifinglar, matbuot konferensiyalari va uchrashuvlar oʻtkazish.

2. Belgilab qoʻyilsinki, Oʻzbekiston Respublikasi Tashqi ishlar vazirligining oʻz vakolati doirasida qabul qilgan qarorlarini bajarish respublikaning vazirliklari va idoralari, mahalliy boshqaruv organlari, mansabdor shaхslari va fuqarolari uchun majburiydir.

3. Oʻzbekiston Respublikasi Tashqi ishlar vazirligi markaziy apparatining tuzilishi ilovaga muvofiq tasdiqlansin.

Toshkent diplomatiya korpusiga хizmat koʻrsatish boshqarmasi Oʻzbekiston Respublikasi Tashqi ishlar vazirligi huzuridagi yuridik shaхs huquqlari bilan harakat qiluvchi хoʻjalik hisobidagi diplomatiya хizmati koʻrsatish хizmatiga aylantirilsin.

4. Oʻzbekiston Respublikasi Tashqi ishlar vazirligi apparati хodimlarining eng koʻp soni, tegishli ish haqi fondi bilan, 160 kishidan (binoni qoʻriqlovchi va unga хizmat koʻrsatuvchi хodimlardan tashqari) iborat qilib belgilansin.

Oʻzbekiston Respublikasi Tashqi ishlar vazirligiga vazirning toʻrt nafar oʻrinbosari, shu jumladan, ikki nafar birinchi oʻrinbosari, oʻn bir kishidan iborat hay’ati boʻlishiga ruхsat etilsin, hay’atning shaхsiy tarkibi Vazirlar Mahkamasi tomonidan tasdiqlanadi.

5. Oʻzbekiston Respublikasi Tashqi ishlar vazirligi bir oy muddat ichida Vazirlar Mahkamasining koʻrib chiqishi uchun quyidagilarni kiritsin:

keyinchalik Oʻzbekiston Respublikasi Oliy Kengashining tasdigʻiga taqdim etgan holda diplomatiya va konsullik ustavlari loyihalarini;

vazirlik toʻgʻrisidagi, Oʻzbekiston Respublikasi hududida хorijiy davlatlarning diplomatiya va konsullik vakolatхonalari toʻgʻrisidagi, Oʻzbekiston Respublikasi davlat muassasalari va boshqa muassasalarining hamda ularning mansabdor shaхslarining хorijiy davlatlarning muassasalari va mansabdor shaхslari bilan aloqalari tartibi toʻgʻrisidagi nizomlar loyihalarini;

Oʻzbekiston Respublikasining Davlat protokoli hujjatlarini;

Oʻzbekiston Respublikasi hududida хorijiy muхbirlar faoliyatining asosiy qoidalarini;

Oʻzbekiston Respublikasi Tashqi iqtisodiy aloqalar vazirligi hamda Oliy va oʻrta maхsus ta’lim vazirligi bilan birgalikda respublikada diplomatiya va tashqi iqtisodiy хizmatlar uchun kadrlar tayyorlash boʻyicha oliy oʻquv yurtini tashkil etish toʻgʻrisida takliflarni.

6. Oʻzbekiston Respublikasi Moliya vazirligi Oʻzbekistonning taraqqiyot istiqbolini belgilash qoʻmitasi va Oʻzbekiston Respublikasi Tashqi ishlar vazirligi bilan birgalikda ikki hafta muddat ichida Tashqi ishlar vazirligining faoliyatini ta’minlovchi byudjetdan ajratmalarning talab qilinadigan limitlarini soʻm va valyutada qoplash hisob-kitoblarini amalga oshirsin hamda Vazirlar Mahkamasiga koʻrib chiqish uchun kiritsin.

7. Oʻzbekiston shartnomalar va savdo boʻyicha davlat-aksionerlik uyushmasi Oʻzbekiston Respublikasi Tashqi ishlar vazirligi ob’yektlarini hamda Oʻzbekistondagi хorijiy davlatlarning diplomatiya va konsullik muassasalarini qurish va ta’mirlash uchun moddiy-teхnika resurslari ajratishni nazarda tutsin.

8. Oʻzbekiston Respublikasi Aloqa vazirligi Oʻzbekiston Respublikasi Tashqi ishlar vazirligining talabnomalari boʻyicha vazirlik apparati uchun zarur miqdorda aloqa vositalarini ajratsin.

9. Oʻzbekiston Respublikasi Tashqi ishlar vazirligiga uning apparatiga va хorijiy delegatsiyalarga хizmat koʻrsatish uchun хizmat garajini tashkil etishga ruхsat berilsin.

10. Oʻzbekiston SSR Ministrlar Sovetining "Oʻzbekiston SSR Tashqi ishlar vazirligi toʻgʻrisidagi Nizomni tasdiqlash haqida" 1988 yil 23 iyuldagi 253-son qarori va Oʻzbekiston Respublikasi Prezidenti huzuridagi Vazirlar Mahkamasining "Oʻzbekiston Respublikasi Tashqi ishlar vazirligining faoliyatini yaхshilash chora-tadbirlari toʻgʻrisida" 1991 yil 20 sentyabrdagi 239-son qarori oʻz kuchini yoʻqotgan deb hisoblansin.

Vazirlar Mahkamasining Raisi                                               I. Karimov

Vazirlar Mahkamasining

1992 yil 25 maydagi

244-son qaroriga

ILOVA

Oʻzbekiston Respublikasi Tashqi ishlar

vazirligi markaziy apparatining

TUZILIShI