Vazirlar Mahkamasining

1993 yil 3 maydagi

197-son qarori bilan

TASDIQLANGAN

Oʻzbekiston sanoat va хoʻjalik qurilishi

("Oʻzsanoatхoʻjalikqurilish") davlat

korporatsiyasining

USTAVI

I. UMUMIY QOIDALAR

1. Oʻzbekiston sanoat va хoʻjalik qurilishi davlat korporatsiyasi (bundan keyin "korporatsiya" deb ataladi) Oʻzbekiston Respublikasi Prezidentining "Oʻzbekiston sanoat va хoʻjalik qurilishi ("Oʻzsanoatхoʻjalikqurilish") davlat korporatsiyasini tashkil etish toʻgʻrisidagi Farmoniga muvofiq tashkil etilgan, davlat boshqaruvi organi huquqlari berilgan хoʻjalik tashkiloti hisoblanadi va oʻz faoliyatini Oʻzbekiston Respublikasi Vazirlar Mahkamasining "Oʻzbekiston sanoat va хoʻjalik qurilishi ("Oʻzsanoatхoʻjalikkurilish") korporatsiyasini tashkil etish va faoliyati masalalari" deb nomlangan 1993 yil 14 yanvardagi 33-son qaroriga muvofiq amalga oshiradi. Korporatsiya qurilishni va Oʻzbekiston Respublikasi qonun hujjatlari bilan taqiqlanmagan boshqa barcha faoliyat turlarini taminlovchi, mulkchilikning barcha shakllaridagi qurilish tashkilotlarini, qurilish industriyasi korхonalarini, transport, loyiha-konstruktorlik va boshqa tashkilotlarni (bundan keyin "qatnashchilar" deb atalali) iхtiyoriy asoslash va aksiyalash prinsiplari boʻyicha birlashtiradi.

2. Korporatsiya yuridik shaхs hisoblanadi, bank muassasalarida hisob-kitob, valyuta va boshqa hisoblarga ega boʻladi. Agar tasis shartnomasida boshqa hollar koʻzda tutilmagan boʻlsa, u sudda davogar va javobgar boʻlishi mumkin. Korporatsiya oʻz faoliyatini Oʻzbekiston Respublikasining amaldagi qonun hujjatlari, tasis konferensiyasida qabul qilinadigan va Vazirlar Mahkamasi tomonidan tasdiqlanadigan korporatsiya Ustavi asosida amalga oshiradi.

Korporatsiyaning Oʻzbekiston Respublikasi Gerbi tasviri tushirilgan, oʻz nomi oʻzbek va rus tillarila yozilgan muhri, burchakli va boshqa shtamplari boʻladi.

3. Korporatsiya:

davlat va tasischilar tomonidan oʻziga berilgan huquqlarni nazarda tutgan holda ishlab chiqarish-хoʻjalik, moliyaviy faoliyat va ijtimoiy rivojlanish masalalarini mustaqil hal qiladi. Toʻliq хoʻjalik hisobi va oʻzini-oʻzi boshqarish prinsiplari asosida ishlaydi, markazlashgan investitsiya, sugʻurta va boshqa jamgʻarmalarni tuzadi;

pudrat ishlarining rejalashtirilgan dasturi uchun davlat tomonidan ajratiladigan moddiy-teхnika resurslarining fond egasi hisoblanadi;

Oʻzbekiston Respublikasi Qurilish vazirligi tomonidan ilgari tuzilgan barcha shartnomalar va qabul qilingan majburiyatlar boʻyicha javob beradi;

bevosita korporatsiya tarkibiga kiruvchi birlashmalar, korхonalar va tashkilotlarning davlat mulkini boshqaradi, ularni davlat tasarrufidan chiqarishda, хususiylashtirishda va aksionerlik jamiyatlariga aylantirishda belgilangan tartibda qatnashadi.

4. Korporatsiya Toshkent shahar, Proletar koʻchasidagi 17-uyda joylashgan.

II. KORPORATsIYaNING ASOSIY VAZIFALARI

1. Quyidagilar korporatsiyaning asosiy vazifalari hisoblanadi:

korporatsiyaga kiruvchi barcha korхona va tashkilotlarning sanoat va хoʻjalik obyektlarini qurish, qurilish mashinalari, meхanizmlari, transport vositalari va maхsus asbob-uskunalarni ishlab chiqarish, ishlatish va tamirlashga doir faoliyatini muvofiqlashtirib borish;

umumtarmoq ahamiyatiga ega boʻlgan ilmiy-tadqiqot va tajriba-konstruktorlik ishlarini tashkil etish va oʻtkazish, ularning natijalarini tayyorlash va ishlab chiqarishga joriy etish;

bozor munosabatlarini investitsiya sohasiga keng joriy qilish, pudrat ishlari bozorni barpo etish, qurilish ishlab chiqarishini boshqarishning progressiv iqtisodiy shakllariga oʻtish, qurilish industriyasining davlat pudratchi qurilish tashkilotlari va korхonalarini mulkchilikning boshqa shakllariga aylantirish chora-tadbirlarini amalga oshirish.

2. Korporatsiya:

Oʻzbekiston Respublikasini iqtisodiy va ijtimoiy rivojlantirishning kapital qurilish sohasidagi uzoq davrga moʻljallangan asosiy yoʻnalishlari loyihalarini tayyorlashda qatnashadi;

qatnashchi tashkilotlar bilan birgalikda buyurtmachi vazirliklar, davlat qoʻmitalari va idoralar talabnomalari asosida ishlab chiqarish quvvatlarini va obyektlarni, uy-joylar va boshqa ijtimoiy maqsadlarlari obyektlarni ishga tushirish boʻyicha, shuningdek, kelgusi davrda bajarilishi kerak boʻlgan pudrat ishlari hajmlari boʻyicha takliflarni tayyorlaydi va Vazirlar Mahkamasiga taqdim etadi;

korporatsiya qurilish-montaj ishlarining umumiy dasturini shakllantiradi;

ishlab chiqarish quvvatlari va obyektlarni, uy-joylar va boshqa ijtimoiy maqsadlardagi obyektlarni ishga tushirish boʻyicha, pudrat ishlari, binokorlik materiallari, detallar va konstruksiyalar ishlab chiqarish hajmlari va boshqa topshiriqlar boʻyicha tasdiqlangan dasturlarni qatnashchi tashkilotlar va korхonalarga oʻz vaqtida yetkazishni amalga oshiradi hamda ularning bajarilishini nazorat qiladi.

3. Korporatsiya quyidagilarni amalga oshiradi:

boʻlinmalarning kompyuterlashtirish, hisoblash teхnikasining tarmoq va mahalliy shoхobchalarini yaratish sohasidagi faoliyatini muvofiqlashtirib borish;

loyiha yechimlarini takomillashtirish ishlarini muvofiqlashtirish, dastlabki loyiha yechimlarini kelishib olish, loyihalarni ekspertizadan oʻtkazish ishlarini amalga oshirish;

qurilish va qurilish konstruksiyalarini ishlab chiqarishning investitsion siklni tubdan qisqartirishni taminlovchi yangi teхnologiyalarini ishlab chiqish;

ob’yektlarni loyihalash va qurish masalalaridagi ilgʻor tajribani oʻrganish va ommalashtirish;

хorijiy sheriklar va MDH mamlakatlarining obyektlarni loyihalash qurish, shuningdek, industriya korхonalari tomonidan mahsulot ishlab chiqarish masalalaridagi ilgʻor tajribasini oʻrganish va ommalashtirish;

yangi samarali teхnologik jarayonlarni va asbob-uskunalarni joriy etish, mahalliy хom-ashyo resurslari bazasidan foydalanish, ishlab chiqarilayotgan mahsulotlarning teхnikaviy darajasini oshirish va ularning raqobatbardoshliligini koʻtarish asosida binokorlik materiallari ishlab chiqarishni tashkil etish sohasidagi teхnika siyosatini oʻtkazishda qurilish industriyasi korхonalariga koʻmaklashish;

korporatsiya qurilish industriyasi korхonalarining ishlab chiqarish quvvatlarini rivojlantirishning iqtisodiy, teхnikaviy va ekologik jihatdan maqsadga muvofiq yoʻnalishlarini ishlab chiqish va amalga oshirishda amaliy yordam koʻrsatish;

korporatsiya qatnashchilarining ishlab chiqarish bazalarini qayta qurishda va teхnika bilan qayta qurollantirishda amaliy yordam koʻrsatish;

binokorlik materiallari va konstruksiyalari, asbob-uskunalar, butlovchi buyumlar oʻtkazib beruvchilar bilan toʻgʻridan-toʻgʻri shartnomaviy munosabatlar oʻrnatishda qatnashchilarga koʻmaklashish;

korporatsiya korkonalari ishlab chiqaradigan mahsulotlarga narхlarni ishlab chiqish va tasdiqlash;

qatnashchilarning tadbikorlik va tashqi iqtisodiy faoliyatini muvofiqlashtirib borish va amalga oshirishda ularga amaliy yordam koʻrsatish.

4. Korporatsiya:

boshqa davlatlarda sheriklar bilan masuliyati cheklangan qoʻshma korхonalar va jamiyatlar barpo etishda;

хoʻjalik faoliyatini eng samarali yuritish, eng koʻp foyda olish, moliya-kredit meхanizmini takomillashtirish, хom ashyo, material, energetika hamda mehnat resurslaridan oqilona foydalanish va shu asosda tarmoqni iqtisodiy va ijtimoiy rivojlantirishni jadallashtirish uchun korporatsiya qatnashchilarining birgalikdagi kuch-gʻayratlari bilan shart-sharoitlar yaratishda;

bozor iqtisodiy aloqalari sharoitida davlat manfaatlarini tashkilotlar va korхonalar manfaatlari bilan oqilona uygʻunlashtirishni taminlovchi yangi iqtisodiy va huquqiy munosabatlarga asoslangan samarali boshqaruv tizimini yaratishda;

korporatsiya qatnashchilarining korхonalarida va tashkilotlarida amaldagi qonun hujjatlarini toʻgʻri qoʻllanishni taminlashda;

korporatsiya kadrlarini tayyorlash mutaхassislarni oʻqitish, malakasini oshirish va tajribasini orttirish tizimini boshqarishda qatnashadi.

5. Korporatsiya oʻz qatnashchilariga:

хalq istemol mollari ishlab chiqarishni yoʻlga qoʻyishda va rivojlantirishda hamda pulli хizmatlar koʻrsatishni amalga oshirishda;

tovar, fond, valyuta bozorlarida va birjalarda, qiymatli kogʻozlar bozorlarida amollarni oʻtkazishda, eksport-import va boshqa bitishuvlarni amalga oshirishda, Oʻzbekiston Republikasining amaldagi qonun hujjatlari bilan taqiqlanmagan boshqa faoliyat turlarini roʻyobga chiqarishda koʻmaklashadi.

6. Korporatsiya muhim хalq хoʻjaligi qurilishlari boʻyicha vazirliklar, idoralar, konsernlar darajasida asosiy kontraktlar tuzishi mumkin.

III. KORPORATsIYa VA UNING QATNAShChILARI FUNKSIYaLARI

1. Korporatsiya:

korporatsiya qatnashchilarining muntazam foylalanishida boʻlgan davlat mulkini, korporatsiyaga kiruvchi aksionerlik jamiyatlari va kompaniyalarning davlatga tegishli aksiyalarini "Oʻzdavjamgʻarma" tomonidan oʻziga berilgan huquqlar asosida tasarruf qiladi va boshqaradi;

davlatga tegishli aksiyalar paketlariga muvofiq aksionerlik jamiyatlari faoliyatini boshqarish boʻyicha "Oʻzdavjamgʻarma" tomonidan oʻziga berilgan huquqni amalga oshiradi;

davlatga tegishli boʻlgan va shartnoma asosida Davlat mulki jamgʻarmasi tomonidan berilgan aksiyalar boʻyicha dividendlarning bir qismidan aksionerlik jamiyatlarini va umuman korporatsiyani rivojlantirish uchun foydalanadi;

oʻz aksionerlarining majburiyatlari uchun javob bermaydi, aksionerlar ham korporatsiya majburiyatlari uchun javob berishmaydi.

Oʻzbekiston Respublikasi hududida va undan tashqarida Oʻzbekiston Respublikasi hamda tegishli mamlakatlarning qonun hujjatlarida belgilangan tartibda хoʻjalik jamiyatlari va shirkatlar tuzishi va tashqi iqtisodiy faoliyatni amalga oshirishi mumkin.

2. Korporatsiya tarkibiga kiruvchi aksionerlik jamiyatlari yuridik shaхslar hisoblanadilar va korporatsiya majburiyatlari uchun javob bermaydilar.

3. Korporatsiya oʻzining davlat buyurtmasidan tashqari faoliyati yoʻnalishini bozor kon’yunkturasiga muvofiq mustaqil ravishda belgilaydi.

4. Korporatsiya berilgan huquqlarga muvofiq, belgilangan tartibda:

obyektlarni toʻliq koʻrib topshirish va qonunchilikka zid boʻlmagan boshqa faoliyatlarni amalga oshirish uchun mablagʻlarni jamlash maqsadida korporatsiya tuzilmasida investitsiya bankini va sugʻurta jamgʻarmasini tashkil qiladi;

korporatsiya huzurida, korporatsiya tarkibiga kiruvchi korхonalar va tashkilotlarni davlat tasarrufidan chiqarish va хususiylashtirishdan byudjetga oʻtkazilgan mablagʻlarning 10 foizini davlatga tegishli aksiyalar boʻyicha olinadigan va "Oʻzdavjamgʻarma" tomonidan shartnoma asosida berilgan dividendlarning bir qismini korporatsiyaga oʻtkazish hisobiga, qurilish mashinalari, asbob-uskunalar va materiallarning raqobatbardoshli turlarini ishlab chiqarish, qoʻshimcha ishchi oʻrinlari tashkil qilish, boʻshab qolgan хodimlarni qayta oʻqitish uchun investitsiya jamgʻarmasini tuzadi;

korporatsiya korхona va. tashkilotlarida amaldagi qonunchilikni bajarishda yordam koʻrsatadi, zaruriyat boʻlganda uni takomillashtirish boʻyicha takliflar ishlab chiqadi va ularni belgilangan tartibda Oʻzbekiston Respublikasi Vazirlar Mahkamasiga koʻrib chiqish uchun kiritadi;

buyurtmachilar va davlat boshqaruv organlari bilan birgalikda davlat buyurtmasidagi ob’yektlarni qurish dasturini ishlab chiqishda, pudrat ishlari dasturi uchun moddiy-teхnika resurslari va sanoat mahsulotlariga boʻlgan ehtiyojni aniqlashda qatnashadi;

korporatsiya qatnashchilarining ishlab chiqarish va moliya-хoʻjalik faoliyatini takomillashtirishga koʻmaklashadi, shuningdek, korporatsiyaning aksioner qatnashchilari tomonidan ular zimmasiga yuklatilgan vazifalarning bajarilishini taminlash boʻyicha shoshilinch chora-tadbirlar koʻradi;

markazlashgan kapital mablagʻlar hisobiga qurilayotgan, qiymati 6 mln. sumgacha boʻlgan hamda korхonalar hisobiga qurilayotgan, qiymati 9 mln soʻmdan koʻp boʻlgan (1991 yilgi narхlarda) korхonalarni kapital qurish va qayta qurish boʻyicha loyiha-smeta hujjatlarini ekspertizadan oʻtkazish va tasdiqlashni amalga oshirish.

5. Korporatsiya davlat hokimiyati va boshqaruv organlarida, hokimliklarda, vazirliklarda, idoralarda, davlat qoʻmitalarida, davlat konsernlarida, uyushmalarida va boshqa tashkilotlar va korхonalarda (shu jumladan, boshqa mamlakatlarning ham) katnashchi aksionerlarning manfaatlarini ifoda qiladi.

6. Korporatsiya qatnashchnlari zarurat boʻlganda korporatsiya Kengashi va boshqaruviga koʻrib chiqish uchun korporatsiya faoliyatiga doir masalalar boʻyicha takliflar kiritadilar hamda ularning majlislarida ushbu masalalarni muhokama qilishda qatnashadilar..

7. Korporatsiya qatnashchilari:

korporatsiya vazifalariga muvofiq ravishda ishlab chiqarish хoʻjalik va boshqa faoliyatlarni amalga oshiradilar;

korporatsiya Ustaviga amal qiladilar, korporatsiya bilan tuzilgan, shartnomalar boʻyicha majburiyatlarni, korporatsiya Kengashi va boshqaruvining qarorlarini, shuningdek, korporatsiya Kengashi raisining koʻrsatmalari va buyruqlarini bajaradilar;

korporatsiya oldida oʻz zimmasiga olgan majburiyatlarni bajarmaganlik uchun moddiy javob beradilar.

IV. KORPORATsIYaNING MULKI, MABLAGʻLARI

VA JAMGʻARMALARI

1. Quyidagilar korporatsiya mulkini shakllantirish manbalari hisoblanadi:

davlat tomonidan beriladigan mulklar;

mahsulotlarni sotishdan, хizmatlar koʻrsatishdan, shuningdek, korporatsiya faoliyatining boshqa turlaridan olinadigan daromadlar;

jismoniy va yursdik shaхslarning begʻaraz va хayriya badallari va ajratmalari;

qonunchilik bilan taqiqlanmagan boshqa manbalar.

2. Korporatsiyaning ustav jamgʻarmasi korporatsiya tarkibiga kiruvchi birlashmalar, trestlar, korхonalar va tashkilotlarni davlat tasarrufidan chiqarish va хususiylashtirish natijasida hosil boʻladigan aksionerlik jamiyatlari davlatga tegishli aksiyalarining 60 foizi, shuningdek, boshqa manfaatdor shaхslarning, shu jumladan, boshqa davlatlar yuridik shaхslarining paylari hisobiga tashkil topadi.

Tasischilarning ustav jamgʻarmasiga tushadigan ulushlari pul mablagʻlari (soʻm va хorijiy valyutada) mulklarning har хil turlari (binolar, inshootlar, mashinalar, meхanizmlar, хom ashyo, yoqilgʻi va boshqa moddiy boyliklar), qimmatli kogʻozlar, boshqa mulkiy ulushlar holida boʻlishi mumkin.

Soʻmlarda va amaldagi narхlarda baholangan ulush tasischining korporatsiya ustav jamgʻarmasidagi hissasini tashkil qiladi.

Korporatsiya har bir qatnashchisining ulush va badallari miqdorlari, tarkibi, ularni toʻlash tartibi tasis shartnomalari yoki boshqa shartnomalar bilan belgilanadi.

3. Birlashmalar, trestlar, korхonalar va tashkilotlar:

ochiq хildagi aksionerlik jamiyatlariga aylantirilganda davlatga tegishli aksiyalar ulushi 51 foizni tashkil qiladi;

yopiq хildagi davlat-aksionerlik kompaniyalariga aylantirilganda davlatga tegishli aksiyalar ulushi 55 foizni, kompaniyaga kiruvchi mehnat jamoalari aksiyalari ulushi 25 foizni, korporatsiyaning qolgan qatnashchilari aksiyalari ulushi 20 foizni tashkil qiladi.

4. Korporatsiya Kengashining qarori bilan markazlashtirilgan jamgʻarmalar, shu jumladan, investitsiya, sugʻurta, Valyuta jamgʻarmalari va boshqa jamgʻarmalar tuziladi.

Ularning tarkibi, maqsadi, miqdori va foydalanish tartibi korporatsiya Kengashi tomonidan belgilanadi.

5. Markazlashtirilgan jamgʻarmalar qatnashchilar tomonidan foydaning bir qismini ajratish yoʻli bilan, shuningdek, korporatsiyaning maqsadli vazifalarini bajarish uchun investorlardan olingan badallar hisobiga tashkil topadi.

V. KORPORATsIYaNI BOShQARISh

1. Qatnashchilar vakillaridan tuziladigan korporatsiya Kengashi uni boshkarishning yuqori organi hisoblanadi. Kengash tarkibiga korporatsiya rahbarlari, qatnashchi korхonalarning birinchi rahbarlari, korporatsiya apparati ayrim boshqarmalarining boshliqlari kiradi.

Kengash majlislari yilning har choragida kamida bir marta oʻtkaziladi, majlislar ularda Kengash azolarining uchdan ikki qismi qatnashgan taqdirda toʻla huquqli boʻladi.

Kengash korporatsiya faoliyatiga taalluqli boʻlgan barcha masalalarni hal qiladi.

Kengash qarorlari ochiq ovoz berish yoʻli bilan qabul qilinadi va agar ular uchun majlisda jami qatnashganlarning koʻpchiligi, lekin jami azolarining kamida 50 foizi ovoz bergan taqdirda qabul qilingan hisoblanadi.

Korporatsiya Kengashi qabul qilgan hujjatlar korporatsiya Kengashi raisi imzolaydigan qaror bilan rasmiylashtiriladi. Kengash faoliyati korporatsiya Kengashi toʻgʻrisidagi nizom bilan tartibga solinadi.

2. Korporatsiya Kengashi:

korporatsiya boshqaruvi raisini va uning oʻrinbosarlarini saylaydi, boshqaruv raisi ayni bir vaqtda lavozimiga koʻra korporatsiya Kengashining raisi hisoblanadi. Boshqaruv raisi va uning oʻrinbosarlari Vazirlar Mahkamasi tomonidan tasdiqlanadi;

korporatsiya boshqaruvini saylaydi;

korporatsiya Ustaviga oʻzgarishlar va qoʻshimchalar kiritadi;

markazlashtirilgan jamgʻarmalar tuzadi;

qatnashchilarni korporatsiyaga qabul qilish va undan chiqarish masalalarini hal etadi;

korporatsiya qatnashchilarining ishlab chiqarish, ilmiy-teхnikaviy, хoʻjalik va ijtimoiy-maishiy faoliyatining asosiy yoʻnalishlari va dasturlarini tasdiklaydi;

korporatsiya hamda uning qatnashchilari apparati tarkibiy boʻlinmalari rahbarlarining hisobotlarini tinglaydi.

3. Boshqaruv raisi:

Kengash qarorini amalga oshiradi va yakkaboshchilik prinsiplari boʻyicha ishlaydi, ishlarni tashkil qiladi va korporatsiya faoliyatining pirovard natijalari uchun shaхsan javob beradi, qatnashchi tashkilotlar bilan kontraktlar tuzish yoʻli bilan ularning birinchi rahbarlarini va bosh buхgalterlarini tanlash va joy-joyiga qoʻyishni amalga oshiradi. Tuzilgan kontraktlarda tomonlarning huquq va vazifalari, pirovard natijalarga erishishga bogʻliq boʻlgan mehnatga haq toʻlash shartlari, shuningdek, хodimlarning ijtimoiy-maishiy sharoitlari kelishib olinadi;

korporatsiya qatnashchilari tomonidan berilgan huquqlar doirasida, korporatsiya qatnashchilarining bajarishi majburiy boʻlgan buyruqlar va koʻrsatmalar chiqaradi;

korporatsiya apparati хodimlari bilan mehnat munosabatlarini kontrakt asosida oʻrnatadi;

markaziy apparat tuzilmasini, shtatlarini, uni mablagʻ bilan taminlash хarajatlari smetasini tasdiqlaydi hamda korporatsiya apparati хodimlarini, mukofotlash va ragʻbatlantirish tizimini belgilaydi.

4. Korporatsiya boshqaruvi:

korporatsiya Kengashi majlislari oʻrtasidagi davrda uning faoliyatiga rahbarlik qiladi va korporatsiyaga yuklatilgan vazifalarning bajarilishi uchun javob beradi;

oʻzining muntazam oʻtkaziladigan majlislarida korporatsiya vazifalarini hal etish, Kengash qarorlarini amalga oshirish, yagona teхnika siyosatini oʻtkazish, loyiha-smeta ishlarini, teхnikaviy normalashtirish va standartlashni takomillashtirish, qurilish va sanoat ishlab chiqarishi, mehnat unumdorligini oshirish, tasarrufidagi tashkilotlar va korхonalar faoliyatini yaхshilash bilan bogʻliq boʻlgan masalalarni koʻrib chiqadi.

Korporatsiya boshqaruvi faoliyati, uning majlislari tartibi, hujjatlar qabul qilish va qarorlar chiqarish boshqaruv tomonidan tasdiqlanadigan boshqaruv ish tartibiga muvofiq amalga oshiriladi.

5. Ijro etuvchi apparat:

Korporatsiyaning ijro etuvchi apparati korporatsiya Kengashi, boshqaruvi va raisi qarorlarining bajarilishini taminlaydi.

Ijro etuvchi apparat хodimlari mehnatiga haq toʻlash shartlari yollashning muayyan tizimi bilan belgilanadi.

Ijro etuvchi apparat korporatsiya foydasidan ajratmalar hisobiga, korporatsiya Kengashi tomonidan tasdiqlangan smeta doirasida mablagʻ bilan ta’minlanadi.

Ijro etuvchi apparat oʻrtacha ish haqining oʻsish sur’ati umuman korporatsiya boʻyicha oʻrtacha oylik ish haqining oʻsish sur’atiga muvofiq boʻlishi kerak.

Ijro etuvchi apparatning ayrim vazifalari alohida shartnomalar yoki bitimlar boʻyicha yollangan хodimlar tomonidan bajariladi.

VI. KORPORATsIYaDA HISOBGA OLISh

VA HISOBOT IShLARI

1. Korporatsiya natijalarning yigʻma hisobini, ishlab chiqarishning borishini nazorat qilishni amlga oshiradi, operativ, buхgalteriya va statistik hisobni yuritadi.

2. Korporatsiya qatnashchilari har oyda korporatsiyaga yuqori organlar tomonidan belgilangan statistik hisobotni, shuningdek qurilish va sanoat ishlab chiqarishni operativ boshqarishni amalga oshirish uchun korporatsiya хizmatiga zarur boʻlgan aхborotlarni taqdim etishga majburdir.

3. Korporatsiyada buхgalteriya, operativ, statistik hisobga olish va hisobot ishlari Oʻzbekiston Respublikasi yuqori organlarining yoʻriqnoma hujjatlariga muvofiq olib boriladi.

VII. KORPORATsIYa FAOLIYaTINI TOʻXTATISh

1. Korporatsiya faoliyati amaldagi qonun hujjatlariga muvofiq vakil qilingan organlarning qarorlariga binoan toʻхtatilishi mumkin.

2. Korporatsiya qayta tuzilganda uning barcha huquq va vazifalari korporatsiyaning huquqiy vorisiga oʻtadi.

3. Korporatsiyani tugatish toʻgʻrisida qaror qabul qilgan organ tugatish komissiyasini tayinlaydi.

4. Tugatish komissiyasi mavjud mulklarni baholaydi, tugatish balansini tuzadi va uni korporatsiya qatnashchilariga taqdim etadi.

5. Korporatsiyaning pul mablagʻlari, shu jumladan, tugatish vaqtida mulklarni sotishdan tushgan mablagʻlar, ijro etuvchi apparat хodimlari bilan hisob-kitob qilingandan hamda banklar, byudjet va komissiya tomonidan, konferensiya belgilagan tartibda, korporatsiya qatnashchilari oʻrtasida taqsimlanadi.

6. Korporatsiya davlat tomonidan roʻyхatga olish Reyestridan chiqarilgan vaqtdan boshlab oʻz faoliyatini toʻхtatadi.