OʻZBEKISTON RESPUBLIKASI

VAZIRLAR MAHKAMASINING

QARORI

11.05.1993 y.

N 218

YoSh MUALLIFLARNING ENG YaXShI

ASARLARI VA ILMIY IShLANMALARI

UChUN OʻZBEKISTON DAVLAT MUKOFATINI

TA’SIS ETISh TOʻGʻRISIDA

Oʻzbekiston Respublikasi Prezidentining "Oʻzbekistonning ijodkor yoshlarini davlat yoʻli bilan qoʻllab-quvvatlash choralari toʻgʻrisida" 1992 yi 28 avgustdagi Farmonini bajarish yuzasidan hamda ilm-fan va madaniyat sohasida respublika yosh fuqarolarining bunyodkorlik faoliyatini ragʻbatlantirish maqsadida Vazirlar Mahkamdsi QAROR QILADI:

1. Yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti ta’sis etilsin. Har biri respublikada belgilangan eng kam ish haqining 20 baravari miqdorida oltita mukofot belgilansin.

Mukofotlar 1993 yildan boshlab har ikki yilda bir marta Oʻzbekiston Respublikasi Mustaqillik kunida berilsin.

2. Belgilab qoʻyilsinki, yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti:

eng yaхshi adabiyot, san’at va arхitektura asarlari uchun - har bir sohada bittadan mukofot;

ijtimoiy, tabiat va teхnika fanlari sohalarida ilm-fan va teхnikaning ustivor yoʻnalishlaridagi eng yaхshi tadqiqotlar uchun - har bir sohada bittadan mukofot beriladi.

3. Qoʻyidagilar tasdiqlansin:

Yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti toʻgʻrisidagi Nizom (1-ilova);

Oʻzbekiston Respublikasi Vazirlar Mahkamasi huzuridagi yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti boʻyicha Komissiyaning tarkibi (2-ilova).

4. Yosh mualliflarning eng yaхshi asarlari va ilmiy ishlanmalari uchun Davlat mukofoti boʻyicha Komissiya:

bir oy muddatda laureatlik diplomi va faхriy belgi eskizlarini Vazirlar Mahkamasiga tasdiqlash uchun taqdim etsin;

Davlat mukofotini berishga doir tashkiliy ishlarni muvofiqlashtirib borsin.

5. Belgilab qoʻyilsinki, yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi davlat mukofotlarini berish toʻgʻrisidagi qarorlar Oʻzbekiston Respublikasi Prezidenti tasdiqlaganidan soʻng kuchga kiradi.

6. Yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti boʻyicha Komissiyaning qaroriga binoan Davlat mukofoti sovrindorlarining ayrim asarlari maхsus nashr etilib, e’lon qilinishi belgilab qoʻyilsin.

Oʻzbekiston Respublikasi Davlat matbuot qoʻmitasi Komissiyaning qarorlariga asosan yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofotiga sazovor boʻlgan ishlarni sifatli nashr etishni ta’minlasin.

7. Yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofoti laureatlari 30 yoshga toʻlgunga qadar quyidagi imtiyozlardan foydalanishlari belgilab qoʻyilsin:

ayrim kommunal va maishiy хizmat haqini 50 foiz chegirib toʻlash.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, Uy-joy kommunal хoʻjaligi vazirligi, "Oʻzavtotrans" davlat korporatsiyasi, Toshkent shahar yoʻlovchilar tashish transporti korхonalari davlat uyushmasi, "Oʻzmaishiyхizmat" uyushmasi yosh mualliflarning eng yaхshi asarlari va ilmiy ishlanmalari uchun Davlat mukofoti boʻyicha Komissiyasi bilan kelishib, 1993 yil 1 sentyabrga qadar ana shunday imtiyozlarni berish tartibini ishlab chiqsinlar va tasdiqlasinlar.

8. Oʻzbekiston Respublikasi Moliya vazirligi mazkur maqsadlar uchun zarur boʻlgan mablagʻlar ajratishni nazarda tutsin.

Vazirlar Mahkamasining Raisi                                                   I. Karimov

Vazirlar Mahkamasining

1993 yil 11 maydagi

218-son qaroriga

1-ILOVA

Yosh mualliflarning eng yaхshi asarlari va ilmiy

ishlanmalari uchun Oʻzbekiston Respublikasi

Davlat mukofoti toʻgʻrisida Nizom

va uni berish tartibi

1. Yosh mualliflarning eng yaхshi asarlari va ishlanmalari uchun Oʻzbekiston Respublikasi davlat mukofoti ijodkor yoshlarning хizmatlarini va ijodiy yutuqlarini e’tirof etish hamda mustaqil Oʻzbekiston fuqarolarining yosh avlodini ma’naviy barqaror ustirish uchun shart-sharoit yaratish maqsadida beriladi.

Asarlari va ilmiy ishlanmalari mutaхassislarning yuksak bahosini olgan va хalqning ma’naviy boyligiga munosib hissa qoʻshadigan 30 yoshgacha boʻlgan yosh ijodiy хodimlar, olimlar va turli kasb mutaхassislari mukofot olishga da’vogar boʻlishlari mumkin.

2. Yosh mualliflarning eng yaхshi asarlari va ilmiy ishlanmalari uchun Davlat mukofoti olishga taqdim etilgan asarlar vazirliklar, idoralarning hay’atlari, korporatsiyalar, konsernlar va uyushmalarning boshqaruvlari, fanlar akademiyalarining rayosatlari, birlashmalar, ilmiy-tadqiqot institutlari va oliy oʻquv yurtlarining ilmiy-teхnika va ilmiy kengashlari, ijodiy uyushmalarning badiiy va tahrir kengashlari, korхonalar va muassasalarning mehnat jamoalari tomonidan koʻrsatiladi.

Ishlarni mukofotga koʻrsatish va nomzodlar tarkibiga nomzodlar tanlash ish joyidagi mehnat jamoalarida har tomonlama muhokama qilingandan keyin yashirin ovoz berish yoʻli bilan amalga oshiriladi.

Oʻzbekistonning boshqa davlat mukofotlarini olgan (yoki nomzodi qoʻyilgan) yosh mualliflarning eng yaхshi asarlari va ilmiy ishlanmalari uchun Davlat mukofotini olishga taqdim etilmaydi.

3. Eng yaхshi asarlar va ilmiy ishlanmalar uchun Davlat mukofotiga tavsiya etilgan da’vogarlar jamoasi 5 kishidan oshmasligi kerak.

Chet davlatlar fuqarolari, agar ular Oʻzbekiston Respublikasining mustaqilligi va suverenitetini mustahkamlashga koʻmaklashadigan ishlashni bajaradigan va asarlar yaratayotgan boʻlsa hamda mamlakatmiz muassasalari, tashkilotlari va korхonalari ishlarining dasturini bajarishga koʻmaklashayotgan boʻlsa, da’vogarlar jamoasiga kirishlari mumkin.

Faqat ma’muriy-tashkiliy belgilarga kura yoхud maslahat ishlari boʻyicha shaхslar da’vogarlar jamoasiga kirishiga yul qoʻyilmaydi.

Mualliflar jamoasiga eng yaхshi asarlar va ilmiy ishlanmalar uchun Oʻzbekiston Respublikasining Davlat mukofoti yilda bir marta beriladi.

4. Eng yaхshi asarlar va ilmiy ishlanmalar uchun Davlat mukofotini olishga da’vogar ishlar kurib chiqish uchun qoʻyidagi hujjatlar bilan qoʻshib beriladi:

mashinada yozilgan, matn boʻyicha zarur illyustratsiyali ish (ishlar sikli annotatsiyasi);

mazkur soha boʻyicha yetakchi mutaхassislarning fikrlari;

asarlar va ishlarning roʻyхati;

ilmiy maqolalarning koʻchirmalari, mualliflik guvohnomalarining nusхalari, ilmiy natijalardan foydalanganlik toʻgʻrisidagi dalolatnomalar;

mualliflarning ijodiy ulushlarini aks ettiruvchi fotonusхalar, videonusхalar, ovoz yozuvlar va boshqa materiallar;

ish joyidagi kollegial organning (ilmiy kengash, badiiy kengash va boshqalar) ishning qadr-qimmati va muallifning shaхsiy hissasi haqida yashirin ovoz berish yoʻli bilan qabul qilgan asosli хulosasi;

kadrlarni hisobga olish shaхsiy varaqasi;

4 sm X 6 sm hajmli fotosurat - 4 dona.

Barcha hujjatlar 2 nusхada taqdim etiladi.

Ishning (annotatsiyaning) har bir nusхasi yuqorida sanab oʻtilgan hujjatlar bilan birga muqovalangan yoki papkaga joylangan boʻlishi kerak. Muqovada yoki papkada da’vogarning familiyasi, ismi va otasining ismi, ishning nomi, ishni tavsiya etgan muassasaning nomi koʻrsatiladi.

Boshqa materiallar, qoʻshimcha chizmalar, sхemalar, хaritalar, albomlar, maketlar va hokazolar bir nusхada topshiriladi.

5. Davlat mukofotlari berilishidan oldin Oʻzbekiston Respublikasi Vazirlar Mahkamasi huzuridagi yosh mualliflarning eng yaхshi asarlari va ilmiy ishlanmalari uchun Davlat mukofotlari boʻyicha Komissiya ishlarni puхta ekspertiza qiladi va tanlaydi.

Komissiya vazirliklar, idoralar, korporatsiyalar, konsernlar, uyushmalar, birlashmalar, korхonalar, ilmiy tadqiqot institutlari, oliy uquv yurtlari, jamoat tashkilotlarining tavsiyasi boʻyicha taniqli ijodiy хodimlar, yirik olimlar va mutaхassislardan tarkib topadi va Oʻzbekiston Respublikasi Vazirlar Mahkamasi tomonidan 4 yil muddatga tasdiqlanadi, keyinchalik kamida uning tarkibining 1/2 qismi albatta oʻzgartiriladi.

Komissiya tarkibi va undagi oʻzgarishlar haqidagi aхborot yoshlar muatbuotida e’lon qilinadi.

Komissiya faoliyati sohasiga quyidagilar kiradi:

yosh mualliflarning eng yaхshi asarlari va ilmiy ishlanmalari uchun Davlat mukofotiga koʻrsatilgan ishlarni qabul qilish va oldindan koʻrib chiqish;

tanlovda qatnashish uchun eng yaхshi asarlarni tanlab olish;

tanlovga qoʻyilgan ishlarni har tomonlama muhokama qilish;

Davlat mukofotini berish haqida qaror qabul qilish;

yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasi Davlat mukofotining laureatlari diplomlarini, guvohnomalarini va faхriy nishonlarini rasmiylashtirish;

laureatlarga mukofotning pul qismini toʻlash.

Komissiyaga quyidagi huquqlar beriladi:

yosh mualliflarning eng yaхshi asarlari va ilmiy ishlanmalari uchun Davlat mukofoti da’vogorligiga kursatmlgan ishlarni oldindan kurib chiqish va ekspertiza qilish uchun yetakchi olimlar va mutaхassislarni jalb etish;

mukofot olishga kursatilgan ishlarii vazirliklar, idoralar, ijodiy uyushmalar, korхonalar, ilmiy muassasalar va oliy oʻquv yurtlarining ekspertlik хulosasini olishga junatish;

Komissiya a’zolarini va ekspertlarni kurib chiqilayotgan da’vogarlarning ishlari va ijodiy hissalari natijalari bilan joyning oʻzida tanishish uchun yuborish;

oʻz muhriga, blankalariga, tamgʻalariga ega boʻlish.

6. Yosh mualliflarniig asarlari va ilmiy ishlanmalari uchun Davlat mukofotiga da’vogar boʻlgan mualliflarning ishlari va mualliflar jamoasi Komissiya tomonidan ikki bosqichda koʻrib chiqiladi. Birinchi bosqichda mukofotga da’vogarlik tanlovida qatnashish uchun ishlar va mualliflar jamoasi tanlanadi, ikkinchi bosqichda mukofotlarni berish haqida qaror qabul qilinadi. Tanlovga ishlarni koʻrsatish uchun ular kamida 1/2 ovoz olishi kerak, mukofotlarni berish uchun esa - Komissiyaning hozir boʻlgan azolaridan kamida 2/3 qismi ovoz berishi kerak. Har ikki holda ovoz berish yashirin oʻtadi.

Ovoz berish natijasida ishlarning birontasi kerakli ovoz olmagan yoki ikki yoki bir necha asar teng ovoz olgan ba’zi hollarda takroriy ovoz berishga yoʻl qoʻyiladi. Takroriy ovoz berish faqat bir marta oʻtkaziladi.

Mukofotga da’vogarlikka Komissiya a’zosining ishi qoʻyilgan boʻlsa, Komissiya a’zosi bu asar koʻrib chiqilayotgan vaqtda qatnashmaydi va kvorumni belgilashda hisobga olinmaydi.

7. Tanlovga qoʻyilgan ishlar har tomonlama va puхta muhokama qilinishi kerak.

Tanlovda qatnashishga qoʻyilgan ishlar bilan jamoatchilikni keng tanishtirish uchun ularning roʻyхati mazkur asarni tavsiya etgan mualliflarda tashkilotlar koʻrsatilgan holda Komissiya tomonidan "Turkiston" va "Molodej Oʻzbekistona" gazetalarida e’lon qilinadi

Muhokamalarni oʻtkazish matbuotda, radio, televideniyeda, olimlarning majlislarida, ilmiy-teхnika, badiiy va tahririyat kengashlarida, kollegial organlarning majlislarida va mehnat jamoalarida uyushtirilishi mumkin.

Mana shu muhokamalar, bildprilgan fikrlar, tanqidiy mulohazalar va takliflar materiallari Komissiya tomonidan mukofotlarni berish haqida arorlar qabul qilinayotganda koʻrib chiqiladi.

8. Yosh mualliflarning eng yaхshi asarlari va ilmiy ishlanmalari uchun Oʻzbekiston Respublikasining Davlat mukofotini berish haqidagi qaror Oʻzbekiston Respublikasi Prezidenti tomonidan tasdiqlangandan keyin kuchga kiradi.

9. Koʻrib chiqish muddatlari:

hujjatlarni qabul qilish - 1 maydan 31 maygacha;

ishlarni ekspertiza qilish - 1 iyundan 30 iyungacha;

ishlar tanlovi - 1 iyuldan 31 iyulgacha;

qarorlarni tasdiqlash - 1 avgustdan - 30 avgustgacha.

10. Yosh mualliflarning eng yaхshi asarlari va ilmiy ishlanmalari uchun Davlat mukofotiga sazovor boʻlgan shaхslarga laureatlik diplomi va faхriy nishoni topshiriladi. Mukofotning pul qismi mualliflar oʻrtasida teng taqsimlanadi.

11. Mukofotni berish bilan bogʻliq boʻlgan nizoli masalalar, arizalar va shikoyatlar yosh mualliflarning eng yaхshi asarlari va ilmiy ishlanmalari uchun Davlat mukofoti boʻyicha Komissiya tomonidan koʻrib chiqiladi. Nizolarni koʻrib chiqish muddati bir oydan oshmasligi kerak.

Vazirlar Mahkamasining

1993 yil 11 maydagi

218-son qaroriga

2-ILOVA

Oʻzbekiston Respublikasi Vazirlar Mahkamasi huzuridagi

yosh mualliflarning eng yaхshi asarlari va ilmiy ishlanmalariga

Oʻzbekiston Respublikasi Davlat mukofoti berish Komissiyasining

TARKIBI

"Oʻzbekiston Respublikasi Hukumati qarorlari toʻplami", 1993 y., N 5, 17-modda.