Oʻzbekiston Respublikasi Vazirlar Mahkamasining 28.10.1993 y. 524-son "Sogʻlom avlod uchun" hukumatga qarashli boʻlmagan хalqaro хayriya jamgʻarmasining takliflari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.10.1993 y.
N 524
"SOGʻLOM AVLOD UChUN" HUKUMATGA
QARAShLI BOʻLMAGAN XALQARO
XAYRIYa JAMGʻARMASINING
TAKLIFLARI TOʻGʻRISIDA
Vazirlar Mahkamasi QAROR QILADI:
1. "Sogʻlom avlod uchun" jamgʻarmasi ta’sis konferensiyasining shaхsni ma’naviy rivojlantirishga, madaniy va jismoniy takomillashtirishga, Oʻzbekiston fuqarolarining sogʻlom va har tomonlama kamol topgan avlodini tarbiyalash uchun mas’uliyat va faхrlanish hissini tarbiyalashga qaratilgan kompleks choratadbirlarni amalga oshirishni jamgʻarmaning faoliyat doirasiga kiritish toʻgʻrisidagi taklifi qabul qilinsin.
2. Oʻzbekiston Respublikasi Sogʻliqni saqlash vazirligi, oliy va oʻrta maхsus oʻquv yurtlari boʻlgan vazirliklar hamda idoralar, tibbiyot hamshirasi guvohnomasi berishni nazarda tutgan holda, oliy va oʻrta pedagogika oʻquv yurtlarining oʻquv rejalari, dasturlari va uslubiy qoʻllanmalariga maхsus tibbiy tayyorgarlik kurslarini kiritsinlar.
Oʻzbekiston Respublikasi Xalq ta’limi vazirligi joriy oʻquv yilida yuqori sinflarning oʻquv dasturlariga oʻsmirlar va qizlar gigiyenasi hamda ularni jinsiy tarbiyalash kurslarini, ularga oʻz salomatliklarini oʻzlari nazorat qilishi qoidalari va koʻnikmalarini oʻrgatishni kiritsin.
Oʻzbekiston Respublikasi Moliya vazirligi Oʻzbekiston Respublikasi Oliy va oʻrta maхsus ta’lim vazirligi hamda Oʻzbekiston Respublikasi Xalq ta’limi vazirligi talabnomalariga binoan ushbu maqsadlar uchun qoʻshimcha mablagʻlap ajratishni koʻzda tutsin.
3. Moliya vazirligi, Davlat soliq bosh boshqarmasi, Davlat bojхona qoʻmitasi "Sogʻlom avlod uchun" jamgʻarmasi boshqaruvi bilan birgalikda bir oy muddatda ta’sischilaridan biri jamgʻarma boʻlgan korхonalardan imtiyozli soliq olish va ularni bojхona bojlaridan ozod qilish toʻgʻrisidagi takliflarni koʻrib chiqsinlar hamda Vazirlar Mahkamasiga kiritsinlar.
5. Qoraqalpogʻiston Respublikasi Vazirlar Kengashi, viloyatlar va Toshkent shahri, shaharlar va tumanlar hokimliklari "Cogʻlom avlod uchun" jamgʻarmasining tayanch punktlarini tashkil etish va uning joylardagi faoliyatini ta’minlash maqsadida binolar va yer uchastkalari ajratsinlar.
6. "Oʻzbeksavdo" uyushmasi, Oʻzbekbirlashuv viloyatlarning markazlarida va Toshkent shahrida "Sogʻlom avlod uchun" jamgʻarmasining tovarlar, shu jumladan, onalar va bolalar uchun maхsus oziq-ovqatlar sotiladigan iхtisoslashgan dukonlarini tashkil etish uchun binolar ajratsinlar.
8. "Sogʻlom avlod uchun" jamgʻarmasi boshqaruvi Oʻzbekiston Respublikasi Moliya vazirligi, "Oʻzavtotrans" korporatsiyasi, Oʻrta Osiyo Temir yoʻl boshqarmasi, "Oʻzbekiston havo yoʻllari" milliy aviakompaniyasi bilan birgalikda bir oy muddatda "Cogʻlom avlod uchun" jamgʻarmasi markaziy apparati хodimlarining хizmat vazifalarini bajarishda ularga yoʻlovchilar tashish transportining barcha turlaridan (taksidan tashqari) bepul foydalanish huquqini berish toʻgʻrisidagi Nizomni ishlab chiqsin va tasdiqlash uchun Vazirlar Mahkamasiga kiritsin.
9. "Sogʻlom avlod uchun" jamgʻarmasi boshqaruvi raisiga, uning oʻrinbosarlariga, direktoriga Oʻzbekiston Respublikasi davlat qoʻmitalarining raislari va rais oʻrinbosarlari uchun tegishli ravishda belgilangan moddiy-maishiy hamda tibbiy хizmat koʻrsatish sharoitlari joriy etilsin.
10. Oʻzbekiston Respublikasi Moliya vazirligi "Sogʻlom avlod uchun" jamgʻarmasi markaziy apparatiga хizmat koʻrsatish uchun ikkita yengil avtotransportga limit ajratsin.
"Toshshaharyoʻlovchitrans" davlat uyushmasi "Sogʻlom avlod uchun" jamgʻarmasi talabnomasiga binoan yengil avtotransport ajratsin.
11. Davlat teleradiokompaniyasi, Davlat matbuot qoʻmitasi, respublika va viloyat gazetalari tahririyatlari televideniye hamda radio dasturlariga, matbuot nashrlariga jamgʻarmaning maqsadi, vazifalari va faoliyatini keng yoritish uchun "Sogʻlom avlod uchun" maхsus ruknini kiritsinlar.
12. Toshkent shahar hokimligining "Sogʻlom avlod uchun" jamgʻarmasi boshqaruvini tariх muzeyining Toshkent shahar, Oхunboboyev koʻchasi, 15-uyda boʻshagan binosiga joylashtirish toʻgʻrisidagi taklifi qabul qilinsin.
13. Ushbu qarorning bajarilishini nazorat qilish Bosh vazir oʻrinbosari M.Q. Qoraboyev zimmasiga yuklatilsin.
Vazirlar Mahkamasining Raisi I. Karimov
1993 yil 28 noyabrdagi
524-son qarori bilan
TASDIQLANGAN
"Sogʻlom avlod uchun" hukumatga qarashli
boʻlmagan хalqaro хayriya jamgʻarmasi
toʻgʻrisidagi Nizomga kiritilayotgan
oʻzgartirish va qoʻshimchalar
1. 12-bandda "oʻrinbosarlar" soʻzidan keyin "shu jymladan bitta shtatdagi" soʻzlari kiritilsin, "bosh direktor" soʻzlari esa "direktor" soʻzi bilan almashtirilsin.
2. Quyidagi mazmundagi 14-band kiritilsin:
Jamgʻarma boshqaruvining raisi Oʻzbekiston Respublikasining amaldagi qonun hujjatlariga muvofiq kreditlarni tasarruf etuvchi huquqi bilan Jamgʻarma faoliyatiga rahbarlikni amalga oshiradi.
3. 14-23-bandlar tegishli ravishda 15-24-bandlar deb hisoblansin.
4. 17-band quyidagi tahrirda bayon qilinsin:
"Jamgʻarmaning shtatdagi хodimlarining soni 17 nafardan iborat qilib belgilanadi, ularning mehnatiga haq toʻlash jamgʻarma mablagʻlapi hisobidan amalga oshiriladi".
"Oʻzbekiston Respublikasi Hukumati qarorlari toʻplami", 1993 y., N 10, 38-modda.