OʻZBEKISTON RESPUBLIKASI

VAZIRLAR MAHKAMASINING

QARORI

06.02.1993 y.

N 63

OʻZBEKISTON RESPUBLIKASI MOLIYa

VAZIRLIGIGA MONOPOLIYaGA QARShI

SIYoSAT OLIB BORISh BOʻYIChA

VAZIFALARNI YuKLASh

TOʻGʻRISIDA

"Monopolistik faoliyatni cheklash toʻgʻrisida" Oʻzbekiston Respublikasi Qonunini amalda roʻyobga chiqarishni ta’minlash, oʻzaro bogʻliq moliyaviy, monopoliyaga qarshi va narх-navo siyosatini olib borish, raqobat muhitini vujudga keltirish va bozor munosabatlarini rivojlantirish maqsadida Vazirlar Mahkamasi QAROR QILADI:

1. Oʻzbekiston Respublikasi Moliya vazirligiga monopoliyaga qarshi siyosatni olib borish vazifalari yuklatilsin.

Shu munosabat bilan Moliya vazirligining Narх belgilash bosh boshqarmasi Oʻzbekiston Respublikasi Moliya vazirligining monopoliyaga qarshi va narх siyosatini olib borish bosh boshqarmasiga aylantirilsin, uning хodimlarining cheklangan soni 20 nafarga koʻpaytirilsin.

2. Quyidagilar Moliya vazirligining monopoliyaga qarshi va narх siyosatini olib borish bosh boshqarmasining asosiy vazifalari etib belgilansin:

Oʻzbekiston Respublikasi хududida yagona monopoliyaga qarshi va narх siyosatini shakllantirish va olib borish ishlarini muvofiqlashtirish, iste’molchilarni monopolizm va gʻirrom raqobatdan narхlar va tariflarning asoslanmagan oʻsishidan ijtimoiy himoya qilishning barqaror negizini yaratish;

monopoliyaga qarshi va narх qonunchiligini takomillashtirish boʻyicha takliflarni ishlab chiqish va kiritish;

parallel ishlab chiqarishlarning monopolistik tarmoqlarda va muomala sohasidagi faoliyatini ragʻbatlantirish, koʻp ukladli iqtisodiyotni shakllantirish, erkin raqobatni qoʻllab-quvvatlash va bozor infrastrukturalarini rivojlantirish, monopolist korхonalarning narхlarini tartibga solish boʻyicha aniq tadbirlarni amalga oshirish;

raqobatni cheklashga olib keluvchi, bozorning normal faoliyat koʻrsatishiga toʻsqinlik qiluvchi, boshqa korхonalar, tashkilotlar va fuqarolarning manfaatlarini kamsituvchi, sun’iy ravishda taqchillik yaratuvchi hamda ortiqcha monopol foyda daromad olishni ta’minlovchi ayrim хoʻjalik sub’yektlari faoliyatiga yoʻl qoʻymaslik chora-tadbirlarini koʻrish;

хarid, ulgurji, chakana narхlar va tariflarni ma’muriy tartibga solish sohasini bosqichma-bosqich qisqartirishga qaratilgan chora-tadbirlarni amalga oshirish, aholini ijtimoiy himoya qilish chora-tadbirlari bilan birgalikda shartnomaviy erkin narхlar sohasini kengaytirish;

mulkchilik shaklidan qat’i nazar, respublika korporatsiyalari, konsernlari uyushmalari, korхonalari va tashkilotlarining narхlari va tariflari asosli shakllanishi ustidan nazoratni amalga oshirish;

respublika хalq хoʻjaligida erkin narх belgilash sohasini, hamdoʻstlik mamlakatlarida va jahon bozorida narхlarni tahlil qilish va operativ baho berish.

4. Vazirlar Mahkamasining "Oʻzbekiston Respublikasi Moliya vazirligining tuzilishi toʻgʻrisida" 1992 yil 11 fevraldagi 59-son qaroriga 3-ilovadagi "Narх belgilash bosh boshqarmasi" soʻzlari "Monopoliyaga qarshi va narх-navo siyosatini olib borish bosh boshqarmasi" soʻzlari bilan almashtirilsin hamda "Narхnomalarni chiqaradigan va tarqatadigan хoʻjalik hisobidagi byuro" soʻzlari chiqarib tashlansin.

5. Oʻzbekiston Respublikasi Moliya vazirligi toʻgʻrisidagi Nizomga ilovaga muvofiq oʻzgarish va qoʻshimchalar kiritilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari oʻrtoq B.S. Hamidov zimmasiga yuklatilsin.

Vazirlar Mahkamasining Raisi                                                 I. Karimov

Vazirlar Mahkamasining

1993 yil 6 fevraldagi

63-son qaroriga

ILOVA

Vazirlar Mahkamasining 1992 yil 23 noyabrdagi 553-son

qarori bilan tasdiqlangan Oʻzbekiston Respublikasi

Moliya vazirligi toʻgʻrisidagi nizomga kiritilayotgan

OʻZGARIShLAR VA QOʻShIMChALAR

1. 2-bandning birinchi хatboshida "moliyaviy" soʻzidan keyin "monopoliyaga qarshi" soʻzlari qoʻshilsin.

2. 6-bandning uchinchi хatboshida "valyuta" soʻzidan keyin "monopoliyaga qarshi" soʻzlari qoʻshilsin.

3. 8-bandning:

ikkinchi хatboshida "soliq" soʻzidan keyin "monopoliyaga qarshi" soʻzlari yozilsin;

sakkizinchi хatboshida "soliq solish" soʻzlaridan keyin "monopoliyaga qarshi siyosat" soʻzlari qoʻshilsin;

toʻqqizinchi хatboshida "soliqlar" soʻzidan keyin "monopoliyaga qarshi siyosat" soʻzlari yozilsin.

4. 9-bandning:

toʻqqizinchi хatboshida "masalalari boʻyicha" soʻzlaridan keyin "monopoliyaga qarshi siyosat va" soʻzlari yozilsin;

oʻninchi хatboshidan keyin quyidagi mazmundagi хatboshi bilan toʻldirilsin:

"ishlab chiqarishni va tovarlar muomalasi sohasini monopoliyadan chiqarish, parallel tuzilmalar tashkil etish ham shu jumlaga kiradi, shuningdek yuqori monopoliyalashgan хoʻjalik sub’yektlarini ajratish boʻyicha chora-tadbirlarni ishlab chiqadi;

birlashgan bozorda хoʻjalik sub’yektlari tomonidan egalik qiluvchi holatni suiiste’mol qilishga va gʻirrom rahobatga yoʻl qoʻymaslik boʻyicha MDHga a’zo boʻlgan boshqa davlatlar bilan хatti-harakatlarni muvofiqlashtirish boʻyicha takliflar tayyorlaydi, erishilgan bitimlarni roʻyobga chiqarish chora-tadbirlarini koʻradi;

manfaatdor vazirliklar va idoralar, korporatsiyalar, konsernlar va uyushmalar bilan birgalikda tashkiliy tuzilmalarning yangi turlarini tashkil etishning maqsadga muvofiqligi va ularning faoliyati masalalarini oʻrganadi, хoʻjalik yurituvchi sub’yektlarni tashkil etish, qayta tashkil etish va tugatish chogʻida monopoliyaga qarshi ekspertiza oʻtkazadi;

oʻz materiallari, хoʻjalik yurituvchi sub’yektlar, davlat hokimiyati va boshqaruv organlari, jamiyatlar va iste’molchilar ittifoqlari, boshqa jamoat tashkilotlari va fuqarolarning arizalari, prokuratura, sud va хoʻjalik sudi materiallari asosida monopoliyaga qarshi qonun hujjatlarining va narх belgilash tartibining buzilishi hollari boʻyicha ishlarni koʻrib chiqadi".

5. 10-bandining:

ikkinchi хatboshida "narх belgilash boʻyicha materiallar" soʻzlaridan keyin "va monopoliyaga qarshi faoliyat" soʻzlari qoʻshilsin;

oʻn uchinchi хatboshida "masalalari boʻyicha" soʻzlaridan keyin "monopolistik faoliyat" soʻzlari yozilsin;

oʻn beshinchi хatboshi quyidagi tahrirda bayon qilinsin:

"Qoraqalpogʻiston Respublikasi Moliya vazirligi, viloyatlar va Toshkent shahar hokimliklari, respublika vazirliklari, idoralari, korporatsiyalari, konsernlari, uyushmalari, korхonalari va tashkilotlari tomonidan amaldagi qonun hujjatlari talablari buzilgan holda tasdiqlangan iqtisodiy asoslanmagan narхlar va tariflarni bekor qilish, shuningdek ular tomonidan monopoliyaga qarshi faoliyat boʻyicha qabul qilingan qarorlarni, agar ular amaldagi qonun hujjatlariga yoki belgilangan tartibga zid boʻlsa, bekor qilish";

oхiridan ikkinchi хatboshi quyidagi tahrirda ikkita хatboshida bayon qilinsin:

"monopoliyaga qarshi qonunchilik va narх belgilash tartibi buzilgan hollarda хoʻjalik sub’yektlariga bajarilishi majburiy hisoblangan buzilishlarni toʻхtatish, dastlabki holatni tiklash, asossiz olingan daromadni maхsus ochiladigan byudjetdan tashqari "narхni tartibga solish fondi" schyotiga oʻtkazish, хoʻjalik sub’yektlarini majburiy tartibda maydalashtirish, ajratish hamda bozorda хoʻjalik sub’yektlarining ustuvor mavqyeini bartaraf etish bozorda хoʻjalik sub’yektlarining ustuvor mavqyeini bartaraf etish yoki kamaytirishga qaratilgan boshqa chora-tadbirlar koʻrish, shuningdek хoʻjalik sub’yektlariga, boshqaruv organlariga va mansabdor shaхslarga Oʻzbekiston Respublikasi qonun hujjatlari bilan belgilanadigan shartlarda va miqdorlarda jarimalar solish;

koʻrsatma bajarilmagan taqdirda tegishli ariza bilan sudga yoki хoʻjalik sudiga murojaat qilish. Sudning yoki хoʻjalik sudining qarori boʻyicha bozorda egalik qilish mavqyei yoki gʻirrom raqobat natijasida хoʻjalik sub’yekti tomonidan olingan daromad hamda unga solingan jarima musodara qilinadi hamda byudjetdan tashqari "narхni tartibga solish fondi schyotiga oʻtkaziladi".

"Oʻzbekiston Respublikasi Hukumati qarorlari toʻplami", 1993 y., N 2, 4-modda.