Таълим соҳасида камситишга

қарши кураш тўғрисида

КОНВЕНЦИЯ

Таълим, фан ва маданият масалалари бўйича Бирлашган Миллатлар Ташкилоти Бош конференцияси 1960 йил 14 ноябрдан 15 декабргача Парижда ўн биринчи сессиясига йиғилиб,

Инсон ҳуқуқлари умумжаҳон декларацияси камситишга йўл қўймаслик принципини тасдиқлашини ва ҳар бир инсоннинг таълим олиш ҳуқуқини эълон қилишини эслатиб,

таълим соҳасида камситиш шу декларацияда баён этилган ҳуқуқларни бузиш эканлигини эътиборга олиб,

Таълим, фан ва маданият масалалари бўйича Бирлашган Миллатлар Ташкилоти ўзининг Уставига кўра ҳамма жойда инсон ҳуқуқларига риоя этилишини ҳамда ҳамма учун таълимга тенг кириш имкониятини таъминлаш учун миллатлар ўртасида ҳамкорлик ўрнатишга интилаётганини эътиборга олиб,

бинобарин, Таълим, фан ва маданият масалалари бўйича Бирлашган Миллатлар Ташкилоти айрим мамлакатларда қабул қилинган таълим тизими хилма-хиллигидан келиб чиқиб, таълим соҳасидаги ҳар қандай камситишни бартараф этибгина қолмай, балки ялпи имкониятлар тенглигини ва шу соҳада барчага тенг муносабатни рағбатлантириши ҳам кераклигини тан олиб,

таълим соҳасида камситишнинг, яъни сессия кун тартибининг 17.1.4-бандига киритилган масаланинг турли жиҳатларига доир таклифларни ҳисобга олиб,

бу масала халқаро конвенциянинг предмети бўлишини, шунингдек аъзо-давлатларга тавсиялар бўйича ўнинчи сессияда қабул қилинган қарорни инобатга олиб,

1960 йилнинг 14 декабрида қуйидаги Конвенцияни қабул  қилди:

1-модда

1. Ушбу Конвенцияда "камситиш" ибораси таълим соҳасида муносабат тенглигини йўқ қилиш ёки бузишни мақсад ёки натижа қилиб қўядиган ирқ, тана ранги, жинс, тил, дин, сиёсий ёки бошқача эътиқодлар, миллий ёки ижтимоий келиб чиқиши, иқтисодий ҳолат ёки тутилиш белгиси бўйича