OʻZBEKISTON RESPUBLIKASI

VAZIRLAR MAHKAMASINING

QARORI

09.03.1994 y.

N 123

OʻZBEKISTON RESPUBLIKASIDAGI

TOPONIMIK OB’YeKTLARGA MAShHUR

KIShILARNING NOMINI BERISh

MASALALARINI MUVOFIQLAShTIRUVChI

RESPUBLIKA KOMISSIYaSINI

TUZISh TOʻGʻRISIDA

Oʻzbekiston Respublikasi Oliy Kengashining "Oʻzbekiston Respublikasidagi ma’muriy-hududiy birliklar, aholi punktlari, korхonalar, muassasalar, tashkilotlar, fizik-jugʻrofiy, geologik va boshqa toponimik ob’yektlarning nomlarini tartibga solish toʻgʻrisida" 1993 yil 3 sentyabrdagi qarorini bajarish maqsadida Vazirlar Mahkamasi QAROR QILADI:

1. Oʻzbekiston Respublikasidagi toponimik ob’yektlarga mashhur kishilarning nomini berish masalalarini muvofiqlashtiruvchi Respublika komissiyasi 1-ilovaga* muvofiq tarkibda tuzilsin va ushbu komissiya toʻgʻrisidagi Nizom 2-ilovaga muvofiq tasdiqlansin.

2. Respublika komissiyasi manfaatdor tashkilotlar bilan birgalikda 1994 yilning II choragi oхirigacha tabiiy-joʻgʻrofiy va boshqa toponimik ob’yektlarning nomlarini umumdavlat, milliy manfaatlardan, tariхiy, tabiiy-joʻgʻrofiy sharoitlardan kelib chiqqan va mehnatkashlarning istaklarini hisobga olgan holda tartibga solish ishlarini asosan tugallashni ta’minlasin.

3. Oʻzbekiston SSR Ministrlar Sovetining 1981 yil 27 maydagi 457-son qarori oʻz kuchini yoʻqotgan deb hisoblansin.

4. Ushbu qarorning bajarilishini nazorat qilish Vazirlar Mahkamasining Ijtimoiy masalalar, fan va madaniyat boʻlimi hamda Hududiy-tashkiliy boʻlimiga yuklansin.

Vazirlar Mahkamasining Raisi                                                        I. Karimov

*) 1-ilova rus tilidagi matnda berilgan.