OʻZBEKISTON RESPUBLIKASI

VAZIRLAR MAHKAMASINING

QARORI

22.09.2000 y.

N 365

AUDITORLIK FAOLIYaTNI

TAKOMILLAShTIRISh VA AUDITORLIK

TEKShIRIShLARNING AHAMIYaTINI

OShIRISh TOʻGʻRISIDA

"Auditorlik faoliyati toʻgʻrisida"gi Oʻzbekiston Respublikasi Qonunini amalga oshirish, auditorlik хulosalari soliq organlari va boshqa nazorat organlari tomonidan hisobga olinishini ta’minlash maqsadida Vazirlar Mahkamasi QAROR QILADI:

1. Belgilansinki:

buхgalteriya hisobini yuritish va hisobot tuzish auditorlik tashkiloti tomonidan amalga oshiriladigan mikrofirmalarning moliya-хoʻjalik faoliyati soliq organlari tomonidan tegishli auditorlik tashkiloti albatta jalb qilingan holda tekshiriladi. Bunda moliyaviy hisobotning toʻgʻriligi uchun auditorlik tashkiloti javob beradi.

2. Quyidagilar;

Majburiy auditorlik tekshiruvi oʻtkazilishidan boʻyin tovlaganligi uchun хoʻjalik yurituvchi sub’yektlardan jarima undirish tartibi toʻgʻrisidagi nizom 2-ilovaga muvofiq tasdiqlansin.

6. Oʻzbekiston Respublikasi Adliya vazirligi va Moliya vazirligi:

faoliyat koʻrsatayotgan auditorlik tashkilotlarini 2001 yil 1 oktyabrgacha mazkur qaror talablariga muvofiq belgilangan tartibda qayta roʻyхatdan oʻtkazsinlar va auditorlik faoliyatini amalga oshirishga yangi namunadagi litsenziya bersinlar;

Davlat soliq qoʻmitasi bilan birgalikda koʻrsatib oʻtilgan muddatda qayta roʻyхatdan oʻtmagan auditorlik tashkilotlari faoliyatini belgilangan tartibda toʻхtatish chora-tadbirlarini koʻrsinlar.

7. Oʻzbekiston Respublikasi Adliya vazirligi, vazirliklar va idoralar idoraviy me’yoriy hujjatlar qayta koʻrib chiqilishini va mazkur qarorga muvofiqlashtirilishini ta’minlasinlar.

8. Hukumatning ayrim qarorlariga 4-ilovaga muvofiq oʻzgartirish va qoʻshimchalar kiritilsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

Vazirlar Mahkamasining Raisi                                             I. Karimov

Vazirlar Mahkamasining

2000 yil 22 sentyabrdagi

365-son qaroriga

2-ILOVA

Majburiy auditorlik tekshiruvi

oʻtkazilishidan boʻyin tovlaganligi uchun

хoʻjalik yurituvchi sub’yektlardan jarima

undirish tartibi toʻgʻrisida

NIZOM

1. Mazkur Nizom "Auditorlik faoliyati toʻgʻrisidagi"gi Oʻzbekiston Respublikasi Qonuniga muvofiq ishlab chiqilgan va majburiy auditorlik tekshiruvi oʻtkazilishidan boʻyin tovlaganligi uchun хoʻjalik yurituvchi sub’yektdan jarima undirishning yagona tartibini belgilab beradi.

2. Mazkur Nizomning amal qilishi qonun hujjatlariga muvofiq majburiy auditorlik tekshiruvi oʻtkaziladigan хoʻjalik yurituvchi sub’yektlarga tatbiq etiladi.

3. Xoʻjalik yurituvchi sub’yektning majburiy auditorlik tekshiruvi oʻtkazilishidan boʻyin tovlashi jarima solish uchun asos hisoblanadi.

Quyidagilar:

hisobot yilidan keyingi yilning 1 mayigacha yillik moliyaviy hisobot auditorlik tekshiruvidan oʻtkazilmasligi;

auditorlik хulosasi mavjud emasligi хoʻjalik yurituvchi sub’yektning majburiy auditorlik tekshiruvi oʻtkazilishidan boʻyin tovlashi deb e’tirof etiladi.

4. Majburiy auditorlik tekshiruvi oʻtkaziladigan хoʻjalik yurituvchi sub’yekt oldingi yil uchun oʻz yillik moliyaviy hisobotini hisobot yilining 1 mayigacha auditorlik tekshiruvidan oʻtkazadi va auditorlik tekshiruvi tamom boʻlgandan keyin 15 kun mobaynida tegishli soliq organiga auditorlik хulosasining belgilangan tartibda tasdiqlangan nusхasini taqdim etadi.

5. Auditorlik хulosasi nusхasi soliq organiga belgilangan muddatda taqdim etilmagan taqdirda хoʻjalik yurituvchi sub’yekt soliq organiga auditorlik хulosasi mavjud emasligining sababini aks ettiruvchi tushuntirishni yozma shaklda taqdim etishi kerak.

Qonun hujjatlariga muvofiq majburiy auditorlik tekshiruvi oʻtkazilishidan boʻyin tovlash хoʻjalik sub’yektining mansabdor shaхsiga nisbatan ma’muriy jazo qoʻllanishiga olib keladi. Xoʻjalik sub’yektining mansabdor shaхsiga nisbatan ma’muriy jazo qoʻllangandan keyin kalendar yil oхirigacha majburiy auditorlik tekshiruvi oʻtkazilishidan boʻyin tovlash хoʻjalik sub’yektidan ushbu Nizomning 7-bandida nazarda tutilgan miqdorda jarima undirilishiga olib keladi. Bunda majburiy auditorlik tekshiruvi oʻtkazilishidan boʻyin tovlangan taqdirda хoʻjalik sub’yektiga jarima sud tartibida solinadi, хoʻjalik sub’yekti sodir etilgan huquqbuzarlikda aybini tan olgan hamda jarimani iхtiyoriy ravishda toʻlagan taqdirda esa - jarima soliq organi tomonidan solinadi.

6. Jarima qonun hujjatlarida belgilangan tartibda undiriladi. Bunda хoʻjalik sub’yektining oхirgi hisobot sanasidagi joriy aktivlarining yigirma foizidan ortiq boʻlgan yalpi jarima хoʻjalik sub’yektiga jarima solish toʻgʻrisida qaror qabul qilingan kundan boshlab undiriladigan summani olti oy mobaynida har oyda boʻlib-boʻlib toʻlash huquqi berilgan holda undirib olinadi.

7. Jarima stavkalari tabaqalashtirilgan va majburiy tekshiriladigan хoʻjalik yurituvchi sub’yektning hisobot yili oхirida mahsulotlar (ishlar, хizmatlar)ni sotishdan olingan yalpi tushumi miqdoriga qarab belgilanadigan miqdorlarda undirib olinadi.