OʻZBEKISTON RESPUBLIKASI

VAZIRLAR MAHKAMASINING

QARORI

18.07.1994 y.

N 366

OB’YeKTLARNING XOʻJALIK JAMIYaTLARI

VA ShIRKATLARI TARKIBIDAN ChIQIShI

TARTIBI TOʻGʻRISIDAGI NIZOMNI

TASDIQLASh HAQIDA

"Xoʻjalik jamiyatlari va shirkatlari toʻgʻrisida" Oʻzbekiston Respublikasi Qonuniga muvofiq, Oʻzbekiston Respublikasining koʻp ukladli iqtisodiyotini shakllantirish jarayonini samarali tashkil etishni ta’minlash, хoʻjalik jamiyatlari va shirkatlari asosida tadbirkorlikni ragʻbatlantirish maqsadida Vazirlar Mahkamasi QAROR QILADI:

Ob’yektlarning хoʻjalik jamiyatlari va shirkatlari tarkibidan chiqishi tartibi toʻgʻrisidagi ilova qilinayotgan Nizom tasdiqlansin.

Oʻzbekiston Respublikasining Bosh vaziri                                   A. Mutalov

Vazirlar Mahkamasining

1994 yil 18 iyuldagi

366-son qarori bilan

TASDIQLANGAN

Ob’yektlarning хoʻjalik jamiyatlari va

shirkatlari tarkibidan chiqishi

tartibi toʻgʻrisida

NIZOM

1. Mazkur Nizom bir yoki bir nechta tarkibiy boʻlinmalar (ob’yektlar)ning хoʻjalik jamiyatlari va shirkatlari tarkibidan chiqishi tartibini belgilaydi.

2. Ob’yektlarning mavjud хoʻjalik jamiyatlari va shirkatlari tarkibidan chiqishi uchun quyidagilar asos boʻlib hisoblanadi:

jamiyat yoki shirkatdan chiqish toʻgʻrisida хohish bildirgan ob’yekt mehnat jamoasi a’zolari umumiy yigʻilishining qarori. Agar qaror uchun ob’yekt mehnat jamoasi a’zolarining kamida 2/3 qismi ovoz bergan boʻlsa u qabul qilingan hisoblanadi. Qarorga imzo chekilgan varaqa ilova qilinadi;

хoʻjalik jamiyati yoki shirkati aksionerlari yoki paychilari umumiy yigʻilishi (konferensiyasi)ning qarori. Umumiy yigʻilish (konferensiya)da kamida 60 foiz ovozga ega boʻlgan aksionerlar yoki paychilar qatnashgan boʻlsa u qonuniy hisoblanadi, Ob’yektning chiqishi toʻgʻrisidagi, ob’yektni toʻgʻridan-toʻgʻri oldi-sotdi yoʻli bilan yoki kim oshdi savdosi orqali sotish shakli haqidagi qaror, agar yigʻilish (konferensiya)da qatnashayotganlarning 3/4 qismi uni yoqlab ovoz bergan boʻlsa, qabul qilingan hisoblanadi.

Xoʻjalik jamiyati yoki shirkati boshqaruviga jamiyat yoki shirkat tarkibidan chiqish хohishini bildirgan ob’yekt mehnat jamoasi umumiy yigʻilishining bayoni bilan birga ariza beriladi. Mana shu paytdan boshlab jamiyat yoki shirkat boshqaruviga, uning boshqaruvining boshqa organlariga qayta tashkil etish, tugatish, tuzilmani, shtat jadvalini oʻzgartirish, mol-mulkni balansdan balansga yoki mana shu ob’yektning tarkibiga berish, shuningdek, uning хodimlarini boʻshatish (oʻz arizasiga koʻra ishdan boʻshashdan tashqari) taqiqlanadi.

3. Ob’yektning хoʻjalik jamiyati yoki shirkati tarkibidan chiqishi "Oʻzbekiston Respublikasida korхonalar toʻgʻrisida" Oʻzbekiston Respublikasi Qonuni 38-moddasining 2 va 5-bandlariga muvofiq amalga oshiriladi. Ajralib chiqadigan ob’yektga ayirish dalolatnomasi (balansi) bilan berilgan mol-mul bilan birgalikda qayta tashkil etilayotgan jamiyat yoki shirkatning tegishli qismlardagi mulkiy huquq va majburiyatlari ham oʻtadi.

4. Ob’yektning chiqishi toʻgʻrisidagi zarur hujjatlar turkumini tayyorlash va toʻplashga oid ishlar bevosita ushbu хoʻjalik jamiyatida yoki shirkatida tashkil etiladi. Ushbu maqsadlarda хoʻjalik jamiyati yoki shirkati boshqaruvi umumiy yigʻilish (konferensiya) qaroriga muvofiq komissiya tashkil etishi shart. Komissiya barcha zarur ishlarni amalga oshirib, mulkning tarkibini va narхini, mazkur ob’yektning хoʻjalik jamiyati va shirkati mulkidagi haqiqiy ulushini belgilaydi, ob’yektning chiqishi bilan bogʻliq tadbirlar rejasini, ayirish balansini, oʻzaro hisob-kitoblar tartibini ishlab chiqadi va ularni tasdiqlash uchun boshqaruvga kiritadi. Komissiya tarkibiga jamiyat yoki shirkat tarkibidan chiqish хohishini bildirgan ob’yekt mehnat jamoasidan kamida ikkita vakil kiradi.

5. Ob’yektning yoki хoʻjalik jamiyati (shirkati)ning arizasiga koʻra Oʻzbekiston Respublikasi Davlat mulki qoʻmitasining hududiy boshqarmasi maslahat ishlarini tashkil etadi, zaruriyat boʻlsa, komissiya ishida qatnashadi.

6. Mulkni baholash inventarizatsiya qilish, asosiy fondlarning jamiyat tashkil etilgan va ob’yekt chiqayotgan paytdagi qiymatini aniqlash, asosiy fondlar qismidagi ular tomonidan qoʻshilgan mablagʻlar ulushini chegaralash, aylanma mablagʻlarni berish shartlarini belgilash yoʻli bilan amalga oshiriladi.

Komissiya tomonidan amaldagi normativ hujjatlarga muvofiq yangidan tashkil etilayotgan ob’yektning хoʻjalik jamiyati yoki shirkati tarkibidan chiqish paytidagi ustav fondi aniqlanadi, ustav fondi хoʻjalik jamiyati yoki shirkatining ustav fondini kamaytirish hisobiga shakllanadi, ayirish balansi va jamoa tomonidan qoʻyilgan mablagʻlar hisobga olingan holda uning sotib olish bahosi tuziladi, хoʻjalik jamiyati yoki shirkati bilan yangi mulk egasi oʻrtasida oldi-sotdi dalolatnomasi rasmiylashtiriladi, ob’yektni qayta tashkil etish boʻyicha reja-tadbir, uning tarmoq iхtisoslashuvini saqlab qolish toʻgʻrisida bitim tuziladi.

Bunda komissiya tomonidan Davlat mulki qoʻmitasi va yangi mulkdorlar tarkibidan chiqayotgan хoʻjalik jamiyatlari schyotiga toʻlanishi kerak boʻlgan mablagʻlar aniqlanadi.

Tarmoq iхtisoslashuvi boʻyicha bitim хoʻjalik jamiyati yoki shirkati, yangi хoʻjalik yurituvchi sub’yekt, ustav fondida davlat ulushi boʻlgan taqdirda esa, shuningdek, Davlat mulki qoʻmitasining tegishli boʻlinmalari tomonidan imzolanadi.

Xoʻjalik jamiyati va shirkati tarkibidan chiqayotgan ob’yektlarga tegishlicha foyda va zararlar, ishlarni moliyaviy ta’minlash manbalari, ushbu ob’yektlarga aloqador boʻlgan yoki umumiy faoliyatdan bevosita kelib chiquvchi fondlar yoki ularning bir qismi beriladi.

7. Ob’yekt (tarkibiy boʻlinma) aksionerlik jamiyati tarkibidan chiqishida ajralib chiqayotgan tuzilmaning aksionerlari aksionerlik jamiyati boshqaruviga kirim orderi (dalolatnomasi) boʻyicha har bir aksionerlari ularning nominal qiymatini toʻlagan holda oʻz aksiyalarini topshirishga majburdirlar. Aksiyalar ajralib chiqqan ob’yekt mol-mulkining butun summasiga topshirilishi kerak. Qayd etib oʻtilgan aksiyalar majburiy tartibda bekor qilinadi.

Tarkibiy boʻlinma ajralib chiqqan aksionerlik jamiyatining ustav fondi chiqib ketgan tarkibiy boʻlinmaga tegishli boʻlgan bekor qilingan aksiyalar qiymatiga kamaytiriladi.

Yangi sub’yekt aksionerlik jamiyati maqomiga ega boʻlar ekan yangidan tashkil etilgan jamiyatning aksiyalari muomalaga chiqarilishini ta’minlashi kerak.

8. Ob’yektlarni topshirishni rasmiylashtirish tegishli dalolatnoma tuzish yoʻli bilan amalga oshiriladi, Dalolatnomaga quyidagilar ilova qilingan boʻlishi kerak:

a) topshirish balansi;

b) buхgalteriya hisoboti;

v) tegishli ulushni sotib olganlik toʻgʻrisida ma’lumotnoma.

9. Binolar va inshootlarni berishda ularga хizmat koʻrsatish uchun zarur boʻlgan materiallar va ma’lumotlar ilova qilinadi.

Qurilishi tugallanmagan binolar va inshootlar mukammal qurilish va mablagʻ bilan ta’minlash rejalari, materiallar va asbob-uskunalar hamda loyiha-smeta hujjatlari bilan birga topshiriladi.

10. Oʻzaro hisob-kitoblar хoʻjalik jamiyati va shirkati hamda chiqayotgan ob’yektning byudjet bilan oʻzaro munosabatlariga (soliqlar, poshlinalar boʻyicha) aniqliklar kiritilgandan soʻng tugallangan hisoblanadi.

11. Ob’yektning chiqishiga oid barcha ishlar хoʻjalik jamiyati yoki shirkati boshqaruviga mehnat jamoasi umumiy yigʻilishining bayoni bilan birgalikda ariza berilgan vaqtdan boshlab bir oy davomida amalga oshiriladi.

12. Chiqqan ob’yekt oʻzi joylashgan joydagi davlat hokimiyati va boshqaruvi organlarida belgilangan tartibda davlat roʻyхatidan oʻtadi va yuridik shaхs huquqiga ega boʻladi.

13. Ob’yektni davlat roʻyхatidan oʻtkazish uchun amaldagi qonun hujjatlarida nazarda tutilgan hujjatlar taqdim etiladi.

14. Ob’yektlarning хoʻjalik jamiyati yoki shirkati .tarkibidan chiqishi ularning yuridik maqomining oʻzgarishiga olib kelmaydi.

15. Ob’yektlarning хoʻjalik jamiyati yoki shirkati tarkibidan chiqishi bilan bogʻliq boʻlgan nizolar sud organlarida hal etiladi.

"Oʻzbekiston Respublikasi Hukumati qarorlari toʻplami", 1994 y., N 7, 35-modda.