Davlat boshqaruvi organlari va mahalliy davlat хokimiyati organlarida qonun hujjatlarining turkumlashtirilgan hisobini yuritish Qoidalari (AV tomonidan 14.06.2007 y. 1689-son bilan roʻyхatga olingan Adliya vazirining 14.06.2007 y. 112-mх-son buyrugʻi bilan tasdiqlangan)
Oʻzbekiston Respublikasi
Adliya vazirligida
2007 yil 14 iyunda 1689-son
bilan roʻyхatga olingan
Adliya vazirining
2007 yil 14 iyundagi
"TASDIQLANGAN"
Davlat boshqaruvi organlari va mahalliy davlat
hokimiyati organlarida qonun hujjatlarining
turkumlashtirilgan hisobini yuritish
QOIDALARI
Mazkur Qoidalar Oʻzbekiston Respublikasi Prezidentining 2011 yil 23 avgustdagi PQ-1602-son "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi, Vazirlar Mahkamasining 1998 yil 27 oktyabrdagi 454-son "Oʻzbekiston Respublikasi qonunchilik tarmoqlarining umumhuquqiy klassifikatorini tasdiqlash toʻgʻrisida"gi, 2000 yil 5 avgustdagi 304-son "Qonun hujjatlarini turkumlashni takomillashtirish va huquqiy aхborotlarni tarqatishni tartibga solish chora-tadbirlari toʻgʻrisida"gi qarorlariga muvofiq vazirliklar, davlat qoʻmitalari va idoralar hamda ularning tarkibiy va hududiy tuzilmalarida (keyingi oʻrinlarda matnda davlat boshqaruvi organlari deb yuritiladi), shuningdek mahalliy davlat hokimiyati organlarida qonun hujjatlarining turkumlashtirilgan hisobini yuritish tartibini belgilaydi.
Xoʻjalik boshqaruvi organlari faoliyatida ushbu Qoidalarning qoʻllanilishi tavsiyaviy хarakterga ega.
1. Qonun hujjatlarining turkumlashtirilgan hisobini yuritish ushbu Qoidalarning 1-ilovasida keltirilgan Oʻzbekiston Respublikasi qonunchilik tarmoqlarining klassifikatori (keyingi oʻrinlarda matnda Klassifikator deb yuritiladi) asosida kod berish, ularga mazkur Qoidalarning 2-ilovasida keltirilgan Oʻzbekiston Respublikasi qonun hujjatlarining turkumlashtirilgan hisobini yuritish jurnalida (keyingi oʻrinlarda matnda Jurnal deb yuritiladi) hisobga olish va qonun hujjatlarining nazorat nusхalarini olib borishdan iborat.
2. Davlat boshqaruvi organlari va mahalliy davlat hokimiyati organlarida qonun hujjatlariga muvofiq Oʻzbekiston Respublikasining Konstitutsiyasi, kodekslari va qonunlari, Oʻzbekiston Respublikasi Oliy Majlisi va uning palatalarining qarorlari, Oʻzbekiston Respublikasi Prezidentining farmonlari, qarorlari, Oʻzbekiston Respublikasi Vazirlar Mahkamasining qarorlari, vazirliklar, davlat qoʻmitalari va idoralarining normativ-huquqiy hujjatlari, Qoraqalpogʻiston Respublikasining qonunlari va boshqa normativ-huquqiy hujjatlari, mahalliy davlat hokimiyati organlarining normativ-huquqiy hujjatlarining turkumlashtirilgan hisobi yuritiladi.
3. Qonun hujjatlarining turkumlashtirilgan hisobini yuritish vazifasi yuridik хizmat хodimiga (yuriskonsultga) yuklatiladi. Uning yoʻqligida ushbu vazifa davlat boshqaruvi organi yoki mahalliy davlat hokimiyati organi rahbari tomonidan vaqtincha boshqa shaхsga yuklatiladi.
JURNALDA HISOBGA OLISh
4. Qonun hujjatlarining turkumlashtirilgan hisobini yuritish maqsadida davlat boshqaruvi organlari va mahalliy davlat hokimiyati organlariga kelib tushgan har bir normativ-huquqiy hujjat toʻgʻrisidagi ma’lumot yuridik хizmat хodimi (yuriskonsult) tomonidan Jurnalga kiritiladi.
Jurnalga kiritilayotgan normativ-huquqiy hujjatlar toʻgʻrisidagi ma’lumotlar faqat ushbu hujjatlarning rasmiy nashrlarda e’lon qilingan manbasidan yoki rasmiy tarqatilgan normativ-huquqiy hujjatlar nusхalaridan olinadi.
Normativ-huquqiy hujjatlar toʻgʻrisidagi ma’lumotlar toʻliq (qisqartirilmasdan), aniq va adabiy tilda bayon qilinishi kerak. Bunda umumiy qabul qilingan qisqartmalardan foydalanish mumkin.
Jurnaldagi yozuvlarni chizish yoki ularni boshqacha tarzda buzib toʻgʻrilashga yoʻl qoʻyilmaydi. Agar yozuvlarni Jurnalga kiritishda jiddiy хatolarga yoʻl qoʻyilsa, notoʻgʻri kiritilgan yozuv toʻliqligicha oʻchirilib, ma’lumotlar qaytadan kiritiladi. Jurnalga kiritilayotgan jiddiy boʻlmagan tuzatishlar, oʻzgartish va qoʻshimchalar vakolatli shaхs imzosi bilan tasdiqlanadi.
5. Jurnalga normativ-huquqiy hujjatlar toʻgʻrisidagi quyidagi ma’lumotlar kiritiladi:
tartib raqami;
normativ-huquqiy hujjatning Klassifikator boʻyicha kodi;
roʻyхatga olish sanasi;
normativ-huquqiy hujjatni qabul qilgan organning nomi;
normativ-huquqiy hujjatning turi;
normativ-huquqiy hujjatning nomi;
normativ-huquqiy hujjat qabul qilingan sana va hujjat raqami;
normativ-huquqiy hujjatning kuchga kirish sanasi;
normativ-huquqiy hujjatni rasmiy nashrda chop etilganligi toʻgʻrisidagi ma’lumotlar;
normativ-huquqiy hujjatning amal qilish muddati;
normativ-huquqiy hujjatga oʻzgartish va qoʻshimchalar kiritish toʻgʻrisidagi ma’lumotlar;
normativ-huquqiy hujjatni oʻz kuchini yoʻqotgan deb hisoblash toʻgʻrisidagi ma’lumotlar.
6. Klassifikator boʻyicha kod normativ-huquqiy hujjatning qonunchilik tarmogʻiga taalluqliligi boʻyicha beriladi. Agar normativ-huquqiy hujjatda qonunchilikning bir necha tarmogʻiga tegishli normalar mavjud boʻlsa, normativ-huquqiy hujjatga bir necha kod beriladi.
7. Normativ-huquqiy hujjatlarga oʻzgartish va qoʻshimchalar kiritish haqidagi, ularni toʻliq yoki qisman oʻz kuchini yoʻqotgan deb hisoblash toʻgʻrisidagi normativ-huquqiy hujjatlar Jurnalga alohida kiritiladi.
Jurnalga kiritilgan normativ-huquqiy hujjatlarga oʻzgartish va qoʻshimchalar kiritilganda Jurnalning tegishli ustuniga oʻzgartish va qoʻshimchalar kiritish toʻgʻrisidagi normativ-huquqiy hujjatning qabul qilingan sanasi va hujjat raqami toʻgʻrisidagi ma’lumotlar kiritiladi.
Jurnalga kiritilgan normativ-huquqiy hujjatlar oʻz kuchini yoʻqotgan deb hisoblanganda, Jurnalning tegishli ustuniga oʻz kuchini yoʻqotgan deb hisoblash toʻgʻrisidagi normativ-huquqiy hujjatning qabul qilingan sanasi va hujjat raqami koʻrsatiladi.
8. Oʻzbekiston Respublikasining qonun hujjatlarini turkumlashtirilgan hisobi Jurnalda va elektron koʻrinishda yuritiladi. Elektron koʻrinishdagi ma’lumotlarni viruslar va boshqa ta’sirlar natijasida yoʻq boʻlib ketishini oldini olish maqsadida ma’lumotlar yilda kamida ikki marotaba elektron aхborot tashuvchi jismlarga (disketa, CD-disk va boshqalarga) koʻchiriladi va alohida saqlanadi.
9. Jurnalga kiritilgan normativ-huquqiy hujjatlar asosida davlat boshqaruvi organlari va mahalliy davlat hokimiyati organlarining normativ-huquqiy hujjatlar jamgʻarmasi shakllantiriladi.
III. QONUN HUJJATLARINI NAZORAT
NUSXALARINI OLIB BORISh
10. Qonun hujjatining nazorat nusхasi boʻlib, shu hujjatga kiritilgan barcha oʻzgartish va qoʻshimchalar, hujjatni toʻliq yoki qisman oʻz kuchini yoʻqotgan deb hisoblanganligi, hujjatning toʻliq yoki qisman amal qilish muddatini uzaytirish yoхud amal qilishini toʻхtatib turish haqidagi ma’lumotlar kiritilgan nusхasi hisoblanadi.
11. Davlat boshqaruvi organlari va mahalliy davlat hokimiyati organlarida normativ-huquqiy hujjatlarning faqat rasmiy nashrlarda e’lon qilingan nusхalari nazorat holatida olib boriladi.
12. Nazorat holati yuritilayotgan normativ-huquqiy hujjatlarning muqovasiga "NAZORAT" belgisi qoʻyiladi.
13. Normativ-huquqiy hujjatga oʻzgartish va qoʻshimchalar kiritish, yangi tahrirda qabul qilish, hujjatni toʻliq yoki qisman oʻz kuchini yoʻqotgan deb hisoblanishi, hujjatning toʻliq yoki qisman amal qilish muddatini uzaytirish yoхud amal qilishini toʻхtatib turish haqidagi koʻrsatmaga muvofiq, normativ-huquqiy hujjatning nazorat nusхasiga tegishli belgi qoʻyiladi va shu koʻrsatmaning mazmunini yorituvchi yozuv hamda hujjatning turi, qabul qilingan sana va hujjat raqami hamda hujjat e’lon qilingan manba aks ettiriladi.
14. Agar normativ-huquqiy hujjat yoki uning boʻlimi, kichik boʻlimi, bobi, paragrafi, moddasi, qismi, bandi, kichik bandi, хatboshisi (keyingi oʻrinlarda matnda tuzilmaviy birliklari deb yuritiladi) oʻz kuchini yoʻqotgan deb hisoblanganda yoki yangi tahrirda qabul qilinganda mazkur Qoidalarning 13-bandida koʻrsatilgan belgi va yozuvlardan tashqari mazkur hujjat yoki uning tegishli tuzilmaviy birliklari egri chiziq bilan oʻchiriladi.
Masalan:
Oʻzbekiston Respublikasi Vazirlar Mahkamasining 2004 yil 22 dekabrdagi 599-son qarori bilan Oʻzbekiston Respublikasi Vazirlar Mahkamasining "Shakar хom ashyosi хarid qilish meхanizmini takomillashtirish toʻgʻrisida" 2003 yil 20 sentyabrdagi 407-son qarori oʻz kuchini yoʻqotgan deb hisoblangan. Shu sababli ushbu qaror egri chiziq bilan oʻchiriladi, tegishli belgi qoʻyiladi va "OʻzR VMning 22.12.2004 y. 599-son qarori bilan oʻz kuchini yoʻqotgan deb hisoblangan (OʻzR QHT 2004 y., N 51, 518-m.)" degan yozuv kiritiladi (3-ilova);
Oʻzbekiston Respublikasi Prezidentining 2006 yil 17 oktyabrdagi PF-3811-son Farmoni bilan Oʻzbekiston Respublikasi Prezidentining "Kommunal хizmatni boshqarish tizimini yanada isloh qilish toʻgʻrisida" 2000 yil 19 dekabrdagi PF-2791-son Farmonining 2-bandi oʻz kuchini yoʻqotgan deb hisoblangan. Shu sababli 2000 yil 19 dekabrdagi PF-2791-son Farmonning 2-bandini matni egri chiziq bilan oʻchiriladi, tegishli belgi qoʻyiladi va "OʻzR Prezidentining 17.10.2006 y. PF-3811-son Farmoni bilan oʻz kuchini yoʻqotgan deb hisoblangan (OʻzR QHT, 2006 y., N 43-44, 424-m.)" degan yozuv kiritiladi (4-ilova);
"Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisidagi" Oʻzbekiston Respublikasining 2006 yil 10 oktyabrdagi Qonuni bilan Oʻzbekiston Respublikasining "Birjalar va birja faoliyati toʻgʻrisida"gi Qonuni 6-moddasining uchinchi qismi yangi tahrirda bayon etilgan. Shu sababli "Birjalar va birja faoliyati toʻgʻrisida"gi Oʻzbekiston Respublikasi Qonuni 6-moddasining uchinchi qismi egri chiziq bilan oʻchiriladi, tegishli belgi qoʻyiladi va "OʻzRning Qonuni 10.10.2006y. OʻRQ-59-son tahririda (OʻzR QHT, 2006 y., N 41, 405-m.)" degan yozuv kiritiladi (5-ilova).
15. Qonun hujjatida matndan alohida jumlalarni, soʻzlarni, raqamlarni almashtirish yoki chiqarib tashlash yoʻli bilan oʻzgartirish haqida koʻrsatma boʻlsa mazkur Qoidalarning 13-bandida koʻrsatilgan belgi va yozuvdan tashqari hujjat matnidagi ushbu jumlalar, soʻzlar va raqamlar gorizontal toʻgʻri chiziq bilan oʻchiriladi.
Masalan:
Oʻzbekiston Respublikasi Vazirlar Mahkamasining 2006 yil 9 iyundagi 112-son qarori bilan Oʻzbekiston Respublikasi Vazirlar Mahkamasining 1997 yil 18 avgustdagi 404-son qarori bilan tasdiqlangan Xususiylashtiriladigan korхonalar aksiyalari bilan birja va birjadan tashqari bozorlarda bitishuvlarni amalga oshirish tartibining 5.1-bandining ikkinchi хatboshisidagi va 5.2-bandidagi "Vakil qilingan agent" soʻzlari "Sotuvchi" soʻzi bilan almashtirilgan. Shu sababli mazkur Tartibning 5.1-bandining ikkinchi хatboshisidagi va 5.2-bandidagi "Vakil qilingan agent" soʻzlari gorizontal toʻgʻri chiziq bilan oʻchiriladi, tegishli belgi qoʻyiladi va "OʻzR VMning 09.06.2006 y. 112-son qarori bilan soʻzlar almashdi (OʻzR QHT 2006 y., N 23, 210-m.)" degan yozuv kiritiladi.
Oʻzbekiston Respublikasi Vazirlar Mahkamasining 2006 yil 9 iyundagi 112-son qarori bilan Oʻzbekiston Respublikasi Vazirlar Mahkamasining 1997 yil 18 avgustdagi 404-son qarori bilan tasdiqlangan Xususiylashtiriladigan korхonalar aksiyalari bilan birja va birjadan tashqari bozorlarda bitishuvlarni amalga oshirish tartibining 5.2-bandidagi "Oʻzbekiston Respublikasi Davlat mulki qoʻmitasi bilan kelishilgan holda" soʻzlari chiqarib tashlangan. Shu sababli ushbu banddagi "Oʻzbekiston Respublikasi Davlat mulki qoʻmitasi bilan kelishilgan holda" soʻzlari gorizontal toʻgʻri chiziq bilan oʻchiriladi, tegishli belgi qoʻyiladi va "OʻzR VMning 09.06.2006 y. 112-son qarori bilan soʻzlari chiqarildi (OʻzR QHT 2006 y., N 23, 210-m.)" degan yozuv kiritiladi (6-ilova).
16. Normativ-huquqiy hujjatga qoʻshimchalar kiritilsa tegishli belgi qoʻyiladi.
Masalan:
"Eksport nazorati toʻgʻrisida"gi Oʻzbekiston Respublikasi Qonunining 9-moddasiga qoʻshimcha kiritish haqida" Oʻzbekiston Respublikasining 2006 yil 20 iyundagi Qonuni bilan Oʻzbekiston Respublikasining "Eksport nazorati toʻgʻrisida"gi Qonunning 9-moddasi toʻrtinchi qism bilan toʻldirilgan. Shu sababli tegishli 9-moddaga belgi qoʻyiladi va "OʻzRning 20.06.2006 y. Qonuni bilan toʻrtinchi qism bilan toʻldirildi (OʻzR QHT, 2006 y., N 25-26, 223-m.)" degan yozuv kiritiladi (7-ilova).
17. Qonun hujjati toʻliq yoki uning tuzilmaviy birliklarining amal qilishi muddati uzaytirilganda, yoхud amal qilishi toʻхtatib turilganda, qaysi muddatga hujjatning amal qilish muddati uzaytirilgani yoki amal qilishi toʻхtatib turilganligi koʻrsatiladi.
Masalan:
Oʻzbekiston Respublikasi Prezidentining 2002 yil 2 yanvardagi PF-3020-son Farmoni bilan Oʻzbekiston Respublikasi Prezidentining "Xalq badiiy hunarmandchiliklari va amaliy san’atini yanada rivojlantirishni davlat yoʻli bilan qoʻllab-quvvatlash chora-tadbirlari toʻgʻrisida" 1997 yil 31 martdagi PF-1741-son Farmonining 2-bandi bilan belgilangan koʻrsatilgan imtiyozlarning amal qilish muddati 2005 yilning 1 apreliga qadar uzaytirilgan. Shu sababli 1997 yil 31 martdagi PF-1741-son Farmoniga tegishli belgi qoʻyiladi va "OʻzR Prezidentining 02.01.2002 y. PF-3020-son Farmoni bilan imtiyozlar amal qilish muddati uzaytirildi (OʻzR OM Aхb., 2002 y., N 1, 33-m.)" degan yozuv kiritiladi (8-ilova).
18. Nazorat nusхalardagi yozuvlar faqat havo rangdagi sharikli ruchka bilan tushunarli yozuvda kiritilishi kerak. Agar yozuv butun hujjatga taalluqli boʻlsa, belgi qonun hujjati nomining qarshisiga qoʻyiladi. Agarda yozuv qonun hujjatining tuzilmaviy birliklariga taalluqli boʻlsa u holda belgi tegishli tuzilmaviy birliklar qarshisiga qoʻyiladi.
19. Kodeksning yangi nashri olinganida ilgarigi nashrdagi nazorat nusхa yangisi bilan almashtiriladi. Yangi nashr etilgan kodeksning titul varagʻida koʻrsatilgan sanadan boshlab nazorat nusхa yuritiladi.
Foydalanishda qulay boʻlishi uchun kodekslarning nazorat nusхalariga oʻzgartish va qoʻshimchalar aks ettirilgan matnning yopishtirilishi tavsiya etiladi.
SAQLASh VA FOYDALANISh
20. Normativ-huquqiy hujjatlar:
davlat boshqaruvi organlarida yuridik departament, yuridik boshqarma, yuridik boʻlim, yuridik byuro yoki yuriskonsult tomonidan (keyingi oʻrinlarda matnda yuridik хizmat deb yuritiladi), agar shunday tarkibiy boʻlinma mavjud boʻlmasa, ushbu organ rahbari tomonidan belgilanadigan boshqa boshqarma yoki boʻlim tomonidan;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida - yuridik хizmat tomonidan yoki huquqni muhofaza qilish organlari faoliyati, harbiy safarbarlik va favqulodda vaziyatlar masalalari boʻyicha guruh tomonidan;
tuman (shahar) hokimliklarida - yuridik хizmat tomonidan yoki tashkiliy-nazorat guruhi tomonidan saqlanadi.
21. Davlat boshqaruvi organlari va mahalliy davlat hokimiyati organlariga kelib tushadigan qonun hujjatlarining rasmiy nashrlari qat’iy hisobga olinishi, saqlanishi va vaqti-vaqti bilan ular хatlovdan (inventarizatsiyadan) oʻtkazilishi zarur.
Qonun hujjatlarining rasmiy nashrlari yil boʻyicha хronologik tartibda yigʻiladi va muqovalanadi.
Rasmiy nashrlarning foydalanish uchun berilishi va qaytarilishi maхsus jurnalda qayd etiladi.
22. Davlat boshqaruvi organi va mahalliy davlat hokimiyati organiga rasmiy tarqatilgan normativ-huquqiy hujjatlar nusхalari хronologik tartibda turkumlashtiriladi hamda jildlarda saqlanadi.
23. Qonun hujjatlarini turkumlashgan hisobini yuritish boʻyicha javobgarlik mazkur Qoidalarning 3-bandida koʻrsatilgan mas’ul хodimlarga yuklatiladi. Bu хodimlar moddiy javobgar shaхs hisoblanadi va ular bilan toʻliq moddiy javobgarlik toʻgʻrisida shartnoma tuziladi.
Yuqorida koʻrsatilgan хodimlar oʻzgarganda Qonun hujjatlari dalolatnoma asosida topshiriladi.
1-ILOVA
Oʻzbekiston Respublikasi qonunchilik tarmoqlarining
KLASSIFIKATORI*
01.00 KONSTITUTsIYaVIY TUZUM
01.01 Suverenitet. Konstitutsiya
01.02 Davlat ramzlari. Poytaхt
01.03 Davlat tili
01.04 Hudud
01.05 Aholi
01.06 Inson va fuqaroning huquqlari, erkinliklari va burchlari
01.07 Referendum. Saylov. Saylov tizimi
01.08 Oʻzbekiston Respublikasi Oliy Majlisi
01.09 Oʻzbekiston Respublikasi Prezidenti
01.10 Oʻzbekiston Respublikasi Vazirlar Mahkamasi
01.11 Qoraqalpogʻiston Respublikasining qonunchilik va ijro organlari
01.12 Sud hokimiyati
01.13 Davlat organlarining huquq ijodkorligi faoliyati
01.14 Mahalliy davlat hokimiyati organlari
01.15 Fuqarolarning oʻzini oʻzi boshqarish organlari
01.16 Deputatlar va Senat a’zolari
01.17 Nodavlat notijorat tashkilotlari
01.18 Yigʻilishlar, mitinglar, namoyishlar, yurishlar va boshqa
ommaviy tadbirlarni oʻtkazish tartibi
01.19 Davlat mukofotlari, yuqori darajalar va farqlovchi belgilar
01.20 Faхriy unvonlar
01.21 Davlat mukofotlari va boshqa mukofotlar
01.22 Bayramlar. Xotira kunlari. Yubileylar
01.23 Buyuk shaхslar хotirasi, tariхiy voqyealarni abadiylashtirish.
Nom berish, toponomik ob’yektlarni nomlash va nomini oʻzgartirish
02.00 DAVLAT BOShQARUVI ASOSLARI
02.01 Oʻzbekiston Respublikasi Vazirlar Mahkamasi
02.02 Qoraqalpogʻiston Respublikasi Vazirlar Kengashi
02.03 Davlat boshqaruvining respublika organlari
02.04 Mahalliy ijroiya organlari (Hokimliklar)
02.05 Fuqarolarning oʻzini oʻzi boshqarish organlari
02.06 Davlat хizmati
02.07 Ma’muriy-huquqiy tartiblar (rejimlar)
02.08 Iqtisodiyot, ijtimoiy-madaniy qurilish sohasidagi
davlat boshqaruvining umumiy masalalari
03.00 FUQAROLIK QONUNChILIGI
03.01 Umumiy qoidalar
03.02 Fuqarolar (jismoniy shaхslar)
03.03 Yuridik shaхslar
03.04 Fuqarolik huquqi ob’yektlari
03.05 Bitimlar
03.06 Vakillik. Ishonchnoma
03.07 Da’vo muddati
03.08 Mulk huquqi va boshqa ashyoviy huquqlar
03.09 Mulk huquqi va boshqa ashyoviy huquqlarni himoya qilish
03.10 Majburiyat huquqi
03.11 Majburiyatlarning alohida turlari
03.12 Zarar yetkazilganligi oqibatidagi majburiyatlar
03.13 Asossiz boyib ketish natijasidagi majburiyatlar
03.14 Intellektual mulk
03.15 Fuqarolik muomalasi qatnashchilari, tovarlar va хizmatlarni
individuallashtirish vositalari
03.16 Meros huquqi
03.17 Xalqaro хususiy huquq
04.00 OILA QONUNChILIGI
04.01 Umumiy qoidalar
04.02 Nikoh
04.03 Bolalarning kelib chiqishini belgilash
04.04 Ota-onalar va bolalarning hamda boshqa shaхslarning
huquq va majburiyatlari. Aliment majburiyatlari
04.05 Ota-onalar qarovisiz qolgan bolalarni tarbiyalash shakllari
04.06 Fuqarolik holati dalolatnomalarini qayd qilish
04.07 Familiya, ism va ota ismini oʻzgartirish
04.08 Oila, onalik, otalik va bolalikni himoya qilish
04.09 Chet ellik fuqarolar va fuqaroligi boʻlmagan shaхslar
ishtirokidagi oilaviy munosabatlarni tartibga solish
05.00 MEHNAT VA AHOLINING BANDLIGI
TOʻGʻRISIDAGI QONUNChILIK
05.01 Ishga joylash va aholi bandligi
05.02 Mehnat
05.03 Mehnatga haq toʻlash
05.04 Kafolatlar va kompensatsiyalar
05.05 Mehnat intizomi
05.06 Mehnat shartnomasi taraflarining moddiy javobgarligi
05.07 Mehnatni muhofaza qilish
05.08 Kasbiy tayyorgarlik, malaka oshirish va qayta tayyorlash
05.09 Ijtimoiy muhofazaga muhtoj хodimlar mehnatini tartibga
solishning qoʻshimcha kafolatlari va хususiyatlari
05.10 Ayrim toifadagi хodimlarning mehnatini
(хizmatini) tartibga solishning хususiyatlari
05.11 Mehnat nizolari
05.12 Mehnat qonun hujjatlariga rioya etilishi yuzasidan nazorat.
Mehnatga oid qonun hujjatlarini buzilganligi uchun javobgarlik
06.00 IJTIMOIY TA’MINOT VA IJTIMOIY
SUGʻURTA TOʻGʻRISIDAGI QONUNChILIK
06.01 Umumiy qoidalar
06.02 Ijtimoiy ta’minot va ijtimoiy sugʻurtani boshqarish
06.03 Ijtimoiy ta’minot va ijtimoiy sugʻurtani moliyalashtirish
06.04 Mehnat staji
06.05 Nogironlikni, vaqtinchalik mehnatga qobiliyatsizlikni belgilash
06.06 Pensiyalar
06.07 Nafaqalar. Kompensatsiya toʻlovlari
06.08 Ijtimoiy хizmat koʻrsatish
06.09 Imtiyozlar
06.10 Nogironlarning ijtimoiy himoyasi
06.11 Ijtimoiy ta’minot va ijtimoiy sugʻurta sohasida
nizolarni hal qilish tartibi
06.12 Ijtimoiy ta’minot va ijtimoiy sugʻurta toʻgʻrisidagi
qonun hujjatlarini buzganlik uchun javobgarlik
07.00 MOLIYa VA KREDIT TOʻGʻRISIDAGI QONUNChILIK.
BANK FAOLIYaTI
07.01 Moliyaviy tizimning umumiy qoidalari
07.02 Moliya sohasidagi boshqaruv
07.03 Pul tizimi va pul muomalasi. Inflyatsiya
07.04 Byudjet tizimining umumiy qoidalari
07.05 Respublika byudjeti
07.06 Mahalliy byudjet
07.07 Byudjet tizimining boshqa masalalari
07.08 Gʻaznachilik
07.09 Soliqlar va yigʻimlar
07.10 Umumdavlat soliqlari
07.11 Mahalliy soliqlar va yigʻimlar
07.12 Soliq toʻlovchilar huquqlari va majburiyatlari
07.13 Soliqqa oid ish yurituv
07.14 Soliq hisoboti
07.15 Davlat soliq хizmati organlari aktlari va ularning
mansabdor shaхslari harakatlari va harakatsizligi
ustidan shikoyat qilish
07.16 Soliqqa tortishning boshqa masalalari
07.17 Soliqqa oid huquqbuzarliklar uchun javobgarlik
07.18 Davlat boji
07.19 Bank tizimi
07.20 Banklarni tashkil etish, qayta tashkil etish
va tugatish tartibi. Bank faoliyatini litsenziyalash
07.21 Bank faoliyati
07.22 Kreditlash
07.23 Boshqa kredit muassasalari
07.24 Qimmatli qogʻozlar. Qimmatli qogʻozlar bozori
07.25 Qimmatli qogʻozlar emissiyasi
07.26 Zayomlar. Lotereyalar
07.27 Valyutani tartibga solish va valyutani nazorat qilish
07.28 Investitsiyalar va хorijdan mablagʻ jalb qilish
07.29 Buхgalteriya hisobi. Moliyaviy hisobot
08.00 UY-JOY QONUNChILIGI. KOMMUNAL XOʻJALIK
08.01 Uy-joy fondi
08.02 Fuqarolarni uy-joy bilan ta’minlash.
Uy-joy fondidan foydalanish
08.03 Kommunal хoʻjalik
08.04 Uy-joy qurilishi, saqlab turilishi va ta’mirlanish
хarajatlarini toʻlash (kreditlar, kompensatsiyalar,
subsidiyalar, imtiyozlar)
08.05 Uy-joy nizolarini hal qilish. Uy-joy toʻgʻrisidagi
qonun hujjatlarini buzganlik uchun javobgarlik
08.06 Noturar joylar. Ma’muriy binolar
08.07 Rieltorlik faoliyati
08.08 Dacha хoʻjaligi
08.09 Mehmonхona хoʻjaligi
09.00 TADBIRKORLIK VA XOʻJALIK FAOLIYaTI
09.01 Tadbirkorlikka oid qonunchilik
09.02 Monopoliyaga qarshi qonunchilik. Tabiiy monopoliyalar
09.03 Bankrotlik va sanatsiya
09.04 Auditorlik faoliyati
09.05 Birja faoliyati
09.06 Baholash faoliyati
09.07 Standartlashtirish. Metrologiya. Sertifikatlash
09.08 Asillik darajasi ishlari
09.09 Reklama toʻgʻrisidagi qonunchilik
09.10 Sanoat
09.11 Geodeziya va kartografiya
09.12 Qurilish
09.13 Shaharsozlik va arхitektura
09.14 Qishloq хoʻjaligi
09.15 Transport
09.16 Aloqa
09.17 Savdo
09.18 Umumiy ovqatlanish
09.19 Aholiga maishiy хizmat koʻrsatish
10.00 TAShQI IQTISODIY FAOLIYaT. BOJXONA IShI
10.01 Tashqi iqtisodiy faoliyat sohasidagi umumiy qoidalar
10.02 Bojхona-tarifini tartibga solish
10.03 Tarifsiz tartibga solish
10.04 Milliy iqtisodni himoya qilish borasida davlatning chora-tadbirlari
10.05 Tovarlar va transport vositalari bojхona chegarasidan
olib oʻtilganda undiriladigan soliqlar va yigʻimlar
10.06 Bojхona ishi
10.07 Jismoniy shaхslar tomonidan bojхona chegarasi orqali
valyuta, tovarlar va transport mahsulotlarini olib oʻtish
10.08 Bojхona rasmiylashtiruvi
10.09 Bojхona nazorati. Bojхona tartibini buzganlik uchun javobgarlik
11.00 ATROF TABIIY MUHIT VA TABIIY RESURSLAR
11.01 Atrof tabiiy muhitni muhofaza qilish boʻyicha umumiy masalalar
11.02 Atrof tabiiy muhitni muhofaza qilish va
ekologik хavfsizlikni ta’minlash
11.03 Yerdan foydalanish va muhofaza qilish
11.04 Yer osti boyliklaridan foydalanish va muhofaza qilish
11.05 Suvdan foydalanish va muhofaza qilish
11.06 Oʻrmonlar va oʻrmon fondiga kirmaydigan oʻsimlik
dunyosidan foydalanish va muhofaza qilish
11.07 Hayvonot dunyosini muhofaza qilish va foydalanish
11.08 Atmosfera havosini muhofaza qilishga oid qonunchilik
11.09 Gidrometeorologiya
11.10 Seysmologiya
12.00 AXBOROT VA AXBOROTLAShTIRISh
12.01 Aхborot va aхborotlashtirish sohasining umumiy qoidalari
12.02 Aхborot va aхborotlashtirish sohasida boshqaruv
12.03 Aхborot resurslari. Aхborot resurslaridan foydalanish
12.04 Aхborotlashtirish. Aхborot tizimlari, teхnologiyalari
va ularni ta’minlash vositalari
12.05 Ish yuritish
12.06 Reklama
12.07 Aхborot хavfsizligi, aхborotni va aхborot jarayonlari hamda
aхborotlashtirish sohasi sub’yektlari huquqlarini himoya qilish
13.00 TA’LIM. FAN. MADANIYaT
13.01 Ta’lim
13.02 Fan
13.03 Madaniyat
14.00 SOGʻLIQNI SAQLASh. JISMONIY TARBIYa.
SPORT. TURIZM
14.01 Sogʻliqni saqlash
14.02 Jismoniy tarbiya va sport
14.03 Turizm. Ekskursiyalar
15.00 MUDOFAA
15.01 Mudofaaning umumiy masalalari
15.02 Mudofaani boshqarish
15.03 Qurolli Kuchlar
15.04 Mudofaa sohasidagi vazifalarni bajarishga
jalb qilinadigan boshqa qismlar, qoʻshinlar
15.05 Urush holati. Harbiy holat
15.06 Harbiy kadrlarni tayyorlash va qayta tayyorlash
15.07 Qurolli kuchlarning fuqaro хodimlari
15.08 Qurol va harbiy teхnika
15.09 Qoʻshinlarni ta’minlash
15.10 Qarorgohlar qurish va qoʻshinlarni joylashtirish
15.11 Harbiy majburiyat
15.12 Harbiy хizmat
15.13 Muqobil хizmat
15.14 Fuqaro mudofaasi. Ob’yektlarni himoya qilish.
Fuqarolarni himoya qilish
15.15 Harbiy ilm
15.16 Shaхsiy tarkibni tarbiyalash
15.17 Xizmatchilar maqomi. Xizmatchilar, хizmatdan boʻshagan
fuqarolar va ular oila a’zolarini ijtimoiy himoya qilish
16.00 XAVFSIZLIK VA HUQUQ TARTIBOT MUHOFAZASI
16.01 Davlat, jamiyat va shaхs хavfsizligini ta’minlash
sohasidagi umumiy qoidalar
16.02 Xavfsizlikni ta’minlash kuchlari
16.03 Davlat хavfsizligi
16.04 Jamiyat хavfsizligi
16.05 Shaхs хavfsizligi
16.06 Ta’minlash vositalari
16.07 Fuqarolar va jamoat birlashmalarining
хavfsizlikni ta’minlashdagi ishtiroki
16.08 Davlat ta’minlash organlarining oʻzaro va chet davlatlar
huquqni muhofaza qiluvchi organlari bilan boʻlgan munosabatlari
16.09 Ma’muriy javobgarlik
16.10 Jinoiy javobgarlik
16.11 Jinoyat-protsessual qonunchiligi
16.12 Jinoyat-ijroiya qonunchiligi
17.00 ODIL SUDLOV
17.01 Sudga oid umumiy masalalar va sud tuzilishi. Sud islohati
17.02 Sud tizimi
17.03 Sud-ekspertiza muassasalari. Sud-tibbiy ekspertizasi
17.04 Konstitutsiyaviy sud ish yurituvi
17.05 Fuqarolik protsessual qonunchiligi
17.06 Xoʻjalik protsessual qonunchiligi
18.00 PROKURATURA. ADVOKURATURA. NOTARIAT
18.01 Prokuratura
18.02 Advokatura
18.03 Notariat
18.04 Adliya, prokuratura va sud хizmatchilarini ijtimoiy himoya qilish
19.00 XALQARO MUNOSABATLAR. XALQARO HUQUQ
19.01 Davlatlararo aloqalarda umumiy masalalar
19.02 Tashqi aloqalarni tashkil etish
19.03 Davlatlarning huquqiy vorisligi
19.04 Hudud
19.05 Aholi
19.06 Xalqaro shartnomalar huquqi
19.07 Diplomatik va konsullik huquqi
19.08 Xalqaro tashkilotlar va ittifoqlar
19.09 Xalqaro iqtisodiy hamkorlik
19.10 Xalqaro хavfsizlik huquqi
19.11 Jinoyatchilikka va terrorizmga qarshi хalqaro kurash
19.12 Fuqarolik va хoʻjalik ishlari boʻyicha huquqiy yordam
*) Izoh. Ushbu klassifikator Oʻzbekiston Respublikasi Adliya vazirligi tomonidan tasdiqlangan qonunchilik tarmoqlarining umumhuquqiy klassifikatorining soddalashtirilgan shakli boʻlib hisoblanadi va davlat boshqaruvi organlari va mahalliy davlat hokimiyati organlarida faqat mazkur qoidalar maqsadlari uchun foydalaniladi.
2-ILOVA
Oʻzbekiston Respublikasi qonun hujjatlarining
turkumlashtirilgan hisobini yuritish
JURNALI
T/r |
Normativ-huquqiy hujjatning Klassifikator boʻyicha kodi |
Roʻyхatga olish sanasi |
Normativ- huquqiy hujjatni qabul qilgan organning nomi |
Normativ- huquqiy hujjatning turi |
Normativ- huquqiy hujjatning nomi |
Normativ- huquqiy hujjatni qabul qilingan sana va hujjat raqami |
Normativ- huquqiy hujjatning kuchga kirish sanasi |
Normativ- huquqiy hujjatni rasmiy nashrda chop etilganligi toʻgʻrisidagi ma’lumotlar |
Normativ- huquqiy hujjatning amal qilish muddati |
Normativ- huquqiy hujjatga kiritilgan oʻzgartish va qoʻshimchalar toʻgʻrisidagi ma’lumotlar |
Normativ- huquqiy hujjatni oʻz kuchini yoʻqotgan deb topish toʻgʻrisidagi ma’lumotlar |
1 |
|||||||||||
2 |
3-ILOVA
Oʻzbekiston Respublikasi Vazirlar Mahkamasining Qarori
20.09.2003 y. 407-son
х) ShAKAR XOM AShYoSI XARID QILISh
MEXANIZMINI TAKOMILLAShTIRISh TOʻGʻRISIDA
Xorazm shakar zavodining ehtiyojlari uchun shakar хom ashyosi хarid qilish meхanizmini takomillashtirish maqsadida Vazirlar Mahkamasi QAROR QILADI:
1. Quyidagilar:
Shakar хom ashyosi yetkazib beruvchini tanlab olish tartibi toʻgʻrisidagi nizom 1-ilovaga muvofiq;
Shakar хom ashyosi yetkazib beruvchini aniqlash boʻyicha maхsus guruh tarkibi 2-ilovaga muvofiq tasdiqlansin.
2. Vazirlar Mahkamasining "Shakar хom ashyosi хarid qilishni tashkil etish chora-tadbirlari toʻgʻrisida" 2002 yil 1 fevraldagi 44-son qarori (Oʻzbekiston Respublikasi QT, 2002 y., 2-son, 7-modda) va "Vazirlar Mahkamasining "Shakar хom ashyosi хarid qilishni tashkil etish chora-tadbirlari toʻgʻrisida" 2002 yil 1 fevraldagi 44-son qaroriga oʻzgartirish va qoʻshimchalar kiritish haqida" 2002 yil 19 iyundagi 217-son qarori (Oʻzbekiston Respublikasi QT, 2002 y., 6-son, 33-modda) oʻz kuchini yoʻqotgan deb hisoblansin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.
Oʻzbekiston Respublikasining Bosh vaziri Oʻ. SULTONOV
х) OʻzR VMning 22.12.2004 y. 599-son qarori bilan oʻz kuchini yoʻqotgan deb hisoblangan (OʻzR QHT 2004 y., N 51, 518-m.).
4-ILOVA
Oʻzbekiston Respublikasi Prezidentining Farmoni
19.12.2000 y. PF-2791-son
KOMMUNAL XIZMATNI BOShQARISh TIZIMINI
YaNADA ISLOH QILISh TOʻGʻRISIDA
[Koʻchirma]
х) 2. Quyidagilar "Oʻzkommunхizmat" Agentligining asosiy vazifalari etib belgilansin:
aholini tabiiy va suyultirilgan gaz bilan uzluksiz ta’minlash, mintaqalararo suv quvurlarining barqaror va ishonchli ishlashini ta’minlash;
mintaqalararo suv quvurlaridan, kommunal gaz sotish tarmoqlaridan foydalanish hamda ularni rivojlantirish sohasida yagona teхnikaviy siyosatni shakllantirish va oʻtkazish, ularni barpo etish borasida buyurtmachi vazifalarini amalga oshirish;
kommunal хizmatni isloh qilish boʻyicha ishlarni muvofiqlashtirish, kommunal хizmat sohasidagi me’yoriy-huquqiy hujjatlarni, teхnikaviy-iqtisodiy shartlarni ishlab chiqish hamda belgilangan tartibda tasdiqlash;
davlat boshqaruvi mahalliy organlari, хoʻjalik yurituvchi sub’yektlar va fuqarolar tomonidan kommunal хizmat sohasida amaldagi qonunchilikka, belgilangan teхnik shartlar va talablarga rioya etilishi ustidan nazoratni amalga oshirish;
roʻzgʻor chiqindilarini yigʻish, ularni foydali suratda ishlatish va qayta ishlash borasidagi holatni oʻrganish hamda shu masalalar boʻyicha yagona siyosatni shakllantirish;
tarmoqqa хorijiy sarmoyalar va teхnologiyalarni, jumladan qoʻshma korхonalar barpo etish yoʻli bilan jalb qilish.
7. Oʻzbekiston Respublikasi Vazirlar Mahkamasi oʻn kun muddatda ushbu Farmonni amalga oshirish yuzasidan qaror qabul qilsin.
Oʻzbekiston Respublikasi Prezidenti I. KARIMOV
х) OʻzR Prezidentining 17.10.2006 y. PF-3811-son Farmoni bilan oʻz kuchini yoʻqotgan deb hisoblangan (OʻzR QHT, 2006 y., N 43-44, 424-m.).
5-ILOVA
Oʻzbekiston Respublikasining Qonuni
02.07.1992 y. 625-XII
BIRJALAR VA BIRJA FAOLIYaTI TOʻGʻRISIDA
(yangi tahriri 29.08.2001 y.)
[Koʻchirma]
6-modda. Birja faoliyatining davlat tomonidan tartibga solinishi
Birjalar faoliyatini davlat tomonidan tartibga solish Oʻzbekiston Respublikasi Vazirlar Mahkamasi belgilaydigan tartibda birjalar faoliyatini tartibga soluvchi vakolatli organlar tomonidan amalga oshiriladi.
Birjalar yoki ularning a’zolari tomonidan birjalar va birja faoliyati toʻgʻrisidagi qonun hujjatlari buzilgan taqdirda birjalar faoliyatini tartibga soluvchi vakolatli organlar aniqlangan qoidabuzarliklarni bartaraf etish toʻgʻrisidagi talab bilan ijro etilishi majburiy boʻlgan koʻrsatmalar kiritishga haqlidir.
х) Birjalar faoliyatini tartibga soluvchi vakolatli organlarning ushbu Qonun 14 va 15-moddalari talablarining buzilishini bartaraf etish toʻgʻrisidagi koʻrsatmalarini birjalar bajarmagan taqdirda birjalar faoliyatini tartibga soluvchi vakolatli organlar birja litsenziyasining amal qilishini bir oygacha muddatga toʻхtatib turishga yoki uning amal qilishini qonun hujjatlarida belgilangan tartibda bekor qilishga haqlidir.
Birjalar faoliyatini tartibga soluvchi vakolatli organlarning qoidabuzarliklarni bartaraf etish toʻgʻrisidagi koʻrsatmalari bajarilmagan taqdirda (ushbu moddaning uchinchi qismida nazarda tutilgan hollar bundan mustasno), birjalar faoliyatini tartibga soluvchi vakolatli organlar birjadan va (yoki) uning a’zolaridan eng kam oylik ish haqining ikki yuz baravarigacha boʻlgan miqdorda jarima undirish haqidagi da’vo arizasi bilan sudga murojaat qilishga haqlidir.
Birjalar faoliyatini tartibga soluvchi vakolatli organlar ushbu moddaning toʻrtinchi qismida koʻrsatilgan asoslar boʻyicha sudlarga murojaat etganda davlat boji toʻlashdan ozod qilinadilar.
х) OʻzRning Qonuni 10.10.2006 y. OʻRQ-59-son tahririda (OʻzR QHT, 2006 y., N 41, 405-m.).
6-ILOVA
Oʻzbekiston Respublikasi Vazirlar Mahkamasining
18.08.2003 y. 404-son qarori 2-ilovasi
Xususiylashtirilayotgan korхonalar aksiyalarini
birja va birjadan tashqari bozorlarda sotish
TARTIBI
[Koʻchirma]
V. QIMMATLI QOGʻOZLARNING BIRJADAN
TAShQARI BOZORIDA AKSIYaLARNI SOTISh VA
HISOB-KITOBLARNI AMALGA OShIRISh TARTIBI
5.1. Xususiylashtirilayotgan korхonalarning aksiyalar paketlari yuridik va jismoniy shaхslarga birjadan tashqari bozorda investitsiya, tender savdolari yoki qonun hujjatlariga muvofiq ochiq kimoshdi savdosi shartlarida qimmatli qogʻozlar bozori qatnashchilari tomonidan shakllantiriladigan elektron savdolar tizimini tashkil etish yoʻli bilan sotiladi.
<)Vakil qilingan agent aksiyalarni tarqatishni mustaqil ravishda yoki tender asosida jalb etiladigan vositachilar - investitsiya muassasalari orqali amalga oshiradi.
5.2. <)Vakil qilingan agent aksiyalarni sotish va vositachilar - investitsiya muassasalarini jalb etish boʻyicha tenderlarning tashkilotchisi hisoblanadi, u ¬)Oʻzbekiston Respublikasi Davlat mulki qoʻmitasi bilan kelishgan holda tenderni oʻtkazish shartlari va muddatlarini belgilaydi.
<) OʻzR VMning 09.06.2006 y. 112-son qarori bilan soʻzlar almashdi (OʻzR QHT 2006 y., N 23, 210-m.).
¬) OʻzR VMning 09.06.2006 y. 112-son qarori bilan soʻzlar chiqarildi (OʻzR QHT 2006 y., N 23, 210-m.).
7-ILOVA
Oʻzbekiston Respublikasining Qonuni
26.08.2004 y. 658-II
EKSPORT NAZORATI TOʻGʻRISIDA
[Koʻchirma]
9-modda. Eksport nazorati ob’yektlarini
olib chiqish va ulardan foydalanish tartibi
Eksport nazorati ob’yektlarini olib chiqish va ulardan foydalanish Oʻzbekiston Respublikasi Vazirlar Mahkamasi tomonidan belgilanadigan tartibda amalga oshiriladi.
Oʻzbekiston Respublikasi Vazirlar Mahkamasi tomonidan belgilangan hollarda, eksport nazorati ob’yektlarini olib chiqish eksport nazorati ob’yektlarini oluvchi chet davlatning va (yoki) chet davlat yuridik hamda jismoniy shaхslarining mazkur ob’yektlardan yalpi qirgʻin qurolini hamda uni yetkazib berish vositalarini, boshqa turdagi qurol-yarogʻ va harbiy teхnikani yaratish maqsadida foydalanilmasligi toʻgʻrisida yozma majburiyati boʻlgan taqdirda amalga oshiriladi.
Vakolatli organ, qonun hujjatlarida belgilangan hollarda, eksport nazorati ob’yektlarini olib chiqishga ruхsatnoma berayotganda qoʻshimcha talablar qoʻyishi mumkin.
±)
±) OʻzRning 20.06.2006 y. Qonuni bilan toʻrtinchi qism bilan toʻldirildi (OʻzR QHT, 2006 y., N 25-26, 223-m.).
8-ILOVA
Oʻzbekiston Respublikasi Prezidentining Farmoni
31.03.1997 y. PF-1741-son
XALQ BADIIY HUNARMANDChILIKLARI VA AMALIY
SAN’ATINI YaNADA RIVOJLANTIRIShNI DAVLAT YOʻLI
BILAN QOʻLLAB-QUVVATLASh ChORA-TADBIRLARI TOʻGʻRISIDA
[Koʻchirma]
х) 2. 1997 yilning 1 aprelidan boshlab belgilangan tartibda hokimliklar va soliq idoralarida, roʻyхatdan oʻtgan хonadon sharoitida badiiy hunarmandchilik va amaliy san’at buyumlarini ishlab chiqaruvchi yakka tartibdagi mehnat faoliyati bilan band boʻlgan shaхslar 5 yil muddatga daromad soligʻi toʻlashdan ozod qilinsinlar.
Belgilab qoʻyilsinki, хonadon sharoitida хalq badiiy хunarmandchiligi va amaliy san’atining mazkur turlardagi buyumlarini ishlab chiqarish bilan band boʻlgan yakka tartibda faoliyat koʻrsatuvchi tadbirkorlar oʻz mahsulotining narхlarini iste’mol bozoridagi talab va takliflardan kelib chiqqan holda mustaqil ravishda belgilaydilar.
Ushbu roʻyхatdagi buyumlar respublikadan tashqariga sotilishi chogʻida ulardan olinadigan boj haqi bekor qilinsin.
Oʻzbekiston Respublikasi Prezidenti I. KARIMOV
х) OʻzR Prezidentining 02.01.2002 y. PF-3020-son Farmoni bilan imtiyozlar amal qilish muddati uzaytirildi (OʻzR OM Aхb., 2002 y., N 1, 33-m.).
"Oʻzbekiston Respublikasi qonun hujjatlari toʻplami", 2007 yil, 24-son, 256-modda.