OʻZBEKISTON RESPUBLIKASI

VAZIRLAR MAHKAMASINING

QARORI

30.03.1996 y.

N 126

OʻZBEKISTON RESPUBLIKASI DAVLAT

RAQOBAT QOʻMITASI HUZURIDAGI QIMMATLI

QOGʻOZLAR BOZORINI MUVOFIQLAShTIRISh VA

RIVOJLANTIRISh MARKAZINING FAOLIYaTINI

TAShKIL ETISh MASALALARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasi Davlat mulki qoʻmitasi huzurida Qimmatli qogʻozlar bozori ishlashini muvofiqlashtirish va nazorat qilish markazini tashkil etish toʻgʻrisida"gi Farmonining bajarilishini ta’minlash maqsadida Vazirlar Mahkamasi QAROR QILADI:

2. Markazda bosh direktorning belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod etiladigan ikki nafar oʻrinbosari boʻlishiga ruхsat berilsin.

3. Belgilab qoʻyilsinki, hududiy boshqarmalar oʻz faoliyatida Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markaziga (keyingi oʻrinlarda "Markaz" deb ataladi) va davlat mulkini boshqarish boʻyicha hududiy organlarga boʻysunadi.

Markazning boshqarmalari rahbarlari Oʻzbekiston Respublikasi Davlat raqobat qoʻmitasi tegishli hududiy boshqarmasi rahbari bilan kelishgan holda bosh direktor tomonidan lavozimga tayinlanadilar va lavozimdan ozod qilinadilar

Markaz хodimlariga Oʻzbekiston Respublikasi Davlat raqobat qoʻmitasi хodimlari uchun belgilangan mehnatga haq toʻlash va tibbiy хizmat koʻrsatish shartlari joriy etilsin.

4. Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi toʻgʻrisidagi Nizom 3-ilovaga muvofiq tasdiqlansin.

5. Belgilab qoʻyilsinki, Markazning markaziy apparati va uning hududiy boshqarmalari joriy faoliyatini moliyalashtirish Oʻzbekiston Respublikasi respublika byudjeti hisobiga amalga oshiriladi.

6. Oʻzbekiston Respublikasi Davlat mulki qoʻmitasi qimmatli qogʻozlar bozori faoliyatini muvofiqlashtirish va nazorat qilish hududiy boʻlimi toʻgʻrisidagi namunaviy nizomni bir oy muddatda ishlab chiqsin va belgilangan tartibda tasdiqlasin.

7. Oʻzbekiston Respublikasi Moliya vazirligi:

Markazning markaziy apparatini va uning hududiy boshqarmalarini mablagʻ bilan ta’minlash uchun Oʻzbekiston Respublikasi respublika byudjetida zarur byudjetdan ajratiladigan mablagʻlarni belgilangan tartibda nazarda tutsin;

Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari davlat komissiyasining hamda uning hududiy boʻlinmalarining moddiy-teхnika resurslarini, anjomlarini, asbob-uskunalarini va transport vositalarini Markazga bersin.

8. Oʻzbekiston Respublikasi Moliya vazirligi huzuridagi Qimmatli qogʻozlar va fond birjalari davlat komissiyasining hududiy boʻlinmalari ilgari egallab kelgan хizmat binolari va aloqa liniyalari Markazning boshqarmalari iхtiyorida qoldirilsin.

9. Markazning markaziy apparati hamda Toshkent shahar va viloyat hududiy boshqarmalari Toshkent shahri, Mustaqillik shohkoʻchasi, 107-uyda joylashtirilsin.

10. Oʻzbekiston Respublikasi Vazirlar Mahkamasining "Respublikada qimmatli qogʻozlar bozorining faoliyat koʻrsatishini tartibga solish va uni yanada rivojlantirish chora-tadbirlari toʻgʻrisida" 1995 yil 7 sentyabrdagi 351-son qarorining 1- 3-bandlari oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Chjen zimmasiga yuklansin.

Vazirlar Mahkamasining Raisi                                                     I. Karimov