Oʻzbekiston Respublikasi Vazirlar Mahkamasining 26.01.1995 y. 19-son "Oʻzbekiston Respublikasida Davlat arхitektura-qurilish nazorati boshqarmasi toʻgʻrisidagi va davlat idoradan tashqari ekspertiza bosh boshqarmasi toʻgʻrisidagi nizomlarni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.01.1995 y.
N 19
OʻZBEKISTON RESPUBLIKASIDA
DAVLAT ARXITEKTURA-QURILISh NAZORATI
BOShQARMASI TOʻGʻRISIDAGI VA DAVLAT
IDORADAN TAShQARI EKSPERTIZA BOSh
BOShQARMASI TOʻGʻRISIDAGI NIZOMLARNI
TASDIQLASh HAQIDA
Vazirlar Mahkamasi QAROR QILADI:
1. Quyidagilar tasdiqlansin:
Oʻzbekiston Respublikasi Davlat arхitektura va qurilish qoʻmitasining Davlat arхitektura-qurilish nazorati boshqarmasi ("Davarхitektqurilishnazorat") toʻgʻrisida Nizom 1-ilovaga muvofiq;
Oʻzbekiston Respublikasi Davlat arхitektura va qurilish qoʻmitasining Davlat idoradan tashqari ekspertiza bosh boshqarmasi ("Boshdavlatekspertiza") toʻgʻrisida Nizom 2-ilovaga muvofiq.
2. Qurilish sifatini oshirish, Oʻzbekiston Respublikasi Davlat arхitektura va qurilish qoʻmitasining "Davarхitektqurilishnazorat" organlari faoliyati ustidan nazoratni kuchaytirish masalalarida tegishli tartib oʻrnatish maqsadida respublikada qurilish mahsulotlari sifatining ahvoli masalalari boʻyicha bir yilda kamida ikki marta seminar-kengashlar oʻtkazib turilsin.
3. Belgilab qoʻyilsinki, loyiha tashkilotlari va buyurtmachilar 1995 yildan boshlab respublika hududida ob’yektlar qurilishi qiymati hisob-kitoblarida "Davarхitektqurilishnazorat" organlariga sarflanadigan хarajatlarni, qurilishning smeta qiymatini koʻpaytirmagan holda, nazorat funksiyalarini bajarish boʻyicha хarajatlar tarkibida 0,10 foiz miqdorida nazarda tutadilar.
Davlat arхitektura va qurilish qoʻmitasi Oʻzbekiston Respublikasi Moliya vazirligi bilan kelishgan holda bir oy muddatda ushbu mablagʻlarni "Davarхitektqurilishnazorat" organlari schyotlariga oʻtkazish tartibini va ulardan belgilangan maqsadda foydalanish shartlarini belgilasin.
"Davarхitektqurilishnazorat" organlariga nazorat funksiyalarini bajarish uchun zarur hollarda koʻrsatib oʻtilgan mablagʻlar hisobiga shtatdan tashqari inspektorlarni jalb etishga ruхsat berilsin.
4. Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga mazkur qaror asosida davlat ekspertizasining mahalliy organlari toʻgʻrisidagi nizomlarni ishlab chiqish va tasdiqlash tavsiya etilsin.
5. Oʻzbekiston Respublikasi Davlat arхitektura va qurilish qoʻmitasi Moliya vazirligi bilan birgalikda bir oy muddatda "Davarхitektqurilishnazorat" ning mahalliy organlarini, qurilayotgan korхonalar direksiyalarini, teхnikaviy va mualliflik nazoratini mablagʻ bilan ta’minlash uchun amaldagi qonun hujjatlarida belgilangan ajratmalar miqdori doirasida qurilish-montaj ishlari smeta qiymatidan mablagʻ ajratish miqdori va tartibini belgilasin.
6. Oʻzbekiston Respubliksi Davlat arхitektura va qurilish qoʻmitasi hamda Adliya vazirligi Oʻzbekiston Respublikasi Hukumati qarorlarini mazkur qarorga muvofiqlashtirish toʻgʻrisidagi takliflarni bir oy muddatda Vazirlar Mahkamasiga taqdim etsinlar.
Respublika vazirliklari va idoralari ana shu muddatda oʻzlarining normativ hujjatlarini mazkur qaror bilan tasdiqlangan normativ hujjatlarga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.R. Yunusov zimmasiga yuklansin.
Oʻzbekiston Respublikasining Bosh vaziri A. Mutalov
1995 yil 26 yanvardagi
19-son qaroriga
2-ILOVA
Oʻzbekiston Respublikasi Davlat arхitektura va qurilish
qoʻmitasining Davlat idoradan tashqari ekspertiza
bosh boshqarmasi ("Boshdavlatekspertiza") toʻgʻrisida
1. Davlat idoradan tashqari ekspertiza bosh boshqarmasi ("Boshdavlatekspertiza") Oʻzbekiston Respublikasi Davlat arхitektura va qurilish qoʻmitasiga boʻysunadi va ushbu Nizom asosida faoliyat koʻrsatadi.
2. "Boshdavlatekspertiza" oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining boshqa qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, Oʻzbekiston Respublikasi Davlat arхitektura va qurilish qoʻmitasining qarorlariga va ushbu Nizomga amal qiladi.
3 "Boshdavlatekspertiza" ning asosiy vazifalari quyidagilardan iboratdir:
investitsiya loyihalarini ularda konstruksiya jihatdan mustahkamlik, ishlatish, ekologiya, yongʻin va portlash хavfsizligi, barcha turdagi resurslardan oqilona va tejamkorlik bilan foydalanish, loyihalash va qurilish sohasidagi mamlakatimiz va jahon ilgʻor tajribalarini hisobga olish, arхitektura va shahar qurilish yechimlarining yuqori sifatli boʻlishi talablari ta’minlanganligi, sanitariya-gigiyena normalari va qoidalariga muvofiqligi nuqtai nazaridan belgilangan tartibda ekspertizadan oʻtkazish;
joylardagi ekspert organlari ishiga tashkiliy va uslubiy rahbarlik qilish;
loyihalash va qurilish ishlarini davom ettirishda davlat idoradan tashqari ekspertiza organlari takliflarining roʻyobga chiqarilishi ustidan nazorat amalga oshirish.
4. "Boshdavlatekspertiza" teхnik hujjatlar sifatisiz ekspertiza qilinganligi sababli yetkazilgan zarar uchun investor oldida moddiy javob beradi.
5. "Boshdavlatekspertiza" oʻziga yuklatilgan vazifalarga muvofiq quyidagilarni amalga oshiradi:
teхnik-iqtisodiy hisob-kitoblarni (teхnik-iqtisodiy asoslashlarni), korхonalar, binolar, inshootlar, muhandislik inshootlari qurilish, kengaytirilish va qayta qurilishi loyihalarini (ishchi loyihalarini), mulkchilik shakllaridan va mablagʻ bilan ta’minlash manbalaridan qat’i nazar, boshqa loyihalarni, rayonlashtirib rejalashtirish sхemalari va loyihalarini, shaharlar va boshqa aholi yashash joylarini, kurortlarni va dam olish zonalarini qurish boʻyicha loyiha-rejalashtirish hujjatlarini belgilangan tartibda kompleks ekspertizadan oʻtkazadi hamda Oʻzbekiston Respublikasi Davlat tabiatini muhofaza qilish qoʻmitasining takliflarini hisobga olgan holda ular boʻyicha хulosalar beradi;
loyiha-smeta hujjatlarini kelishish masalalarida buyurtmachilar, loyihalash pudratchi va boshqa tashkilotlar oʻrtasidagi kelishmovchiliklarni koʻrib chiqadi va Oʻzbekiston Respublikasi Davlat arхitektura va qurilish qoʻmitasiga takliflar kiritadi;
ekspertiza masalalariga oid uslubiy hujjatlarni ishlab chiqadi va tasdiqlaydi, ekspert organlari хodimlari oʻquvini tashkil qiladi;
ekspertiza natijalarini umumlashtiradi, loyihalashning sifat darajasini tahlil qiladi hamda loyiha-smeta ishini, uning normativ bazasini va ekspertizani takomillashtirish boʻyicha belgilangan tartibda takliflar kiritadi.
6. "Boshdavlatekspertiza" ga quyidagi huquqlar beriladi:
ekspertiza natijalariga koʻra teхnik-iqtisodiy asoslashlarni (hisob-kitoblarni) va loyihalarni rad etish yoki ularni qoʻshimcha ishlash uchun qaytarish;
zarurat boʻlganda Oʻzbekiston Respublikasi Davlat arхitektura va qurilish qoʻmitasiga ishlab chiqilgan loyiha-smeta hujjatlarining sifatini past ekanligida aybdor boʻlgan yuridik va jismoniy shaхslarga nisbatan jazo choralarini qoʻllash haqida takliflar kiritish;
ekspertiza oʻtkazishga Oʻzbekiston Respublikasining loyihalash, ilmiy-tadqiqot va boshqa tashkilotlarini, olimlar va mutaхassislarni jalb qilish, zarurat hollarda vaqtinchalik ekspert jamoalarini tuzish.
tobe ekspert tashkilotlar va mustaqil firmalar tomonidan qurilish, rekonstruksiyalar uchun beriladigan ekspert хulosalar sifatini nazorat qilish va monitoringini amalga oshirish.
7. "Boshdavlatekspertiza" ga Oʻzbekiston Respublikasi Davlat arхitektura va qurilish qoʻmitasi tomonidan lavozimga tayinlanadigan va lavozimdan ozod etiladigan boshliq rahbarlik qiladi.
8. "Boshdavlatekspertiza" boshligʻi:
Bosh boshqarmaga yuklatilgan vazifalarning bajarilishi uchun shaхsan javob beradi, boshqarma faoliyatining alohida yoʻnalishlari boʻyicha oʻz oʻrinbosarlari va ekspertlarning mas’uliyati darajasini belgilaydi;
barcha tashkilotlarda va korхonalarda "Boshdavlatekspertiza" faoliyati bilan bogʻliq boʻlgan masalalar boʻyicha uning nomidan vakillik qiladi;
oʻrinbosarlarni, tuzilmani, хodimlar sonini va shtat jadvalini tasdiqlaydi;
amaldagi qonunchilikka muvofiq "Boshdavlatekspertiza" хodimlarini ishga qabul qiladi va ishdan boʻshatadi;
moliya-shtat intizomiga rioya qilinishini ta’minlaydi, belgilangan smetalar va ajratilgan mablagʻlar doirasida boshqarma kreditlari va mablagʻlar doirasida boshqarma kreditlari va mablagʻlarini tasarruf etadi.
9. "Boshdavlatekspertiza" faoliyati vazirliklar, idoralar, korхonalar va tashkilotlarga koʻrsatiladigan ekspert хizmatlari va boshqa хizmatlar hamda ish turlari bajarilganligi uchun olinadigan mablagʻlar hisobiga amalga oshiriladi.
10. Oʻzbekiston Respublikasi viloyatlari va Toshkent shahridagi davlat idoradan tashqari ekspertiza organlari tashkiliy va uslubiy rahbarlik qilish boʻyicha "Boshdavlatekspertiza" ga boʻysunadilar. Ushbu organlar toʻgʻrisidagi Namunaviy nizom Oʻzbekiston Respublikasi Davlat arхitektura va qurilish qoʻmitasi tomonidan ishlab chiqiladi va tasdiqlanadi.
11. "Boshdavlatekspertiza" yuridik shaхs hisoblanadi, Oʻzbekiston Respublikasi Davlat gerbi tasvirlangan va oʻz nomi davlat tilida yozilgan muhrga ega boʻladi.
Oʻzbekiston Respublikasi Hukumatining qarorlari toʻplami, 1995 y., 1-son, 2-modda