Oʻzbekiston Respublikasi Vazirlar Mahkamasining 05.05.1995 y. 161-son "Chetdan keltiriladigan alkogol mahsulotlariga aksiz soligʻi stavkalarini oʻzgartirish toʻgʻrisida"gi Qarori
VAZIRLAR MAHKAMASINING
ChETDAN KELTIRILADIGAN ALKOGOL
MAHSULOTLARIGA AKSIZ SOLIGʻI
STAVKALARINI OʻZGARTIRISh
TOʻGʻRISIDA
Vazirlar Mahkamasi QAROR QILADI:
1. 1995 yil 10 maydan boshlab chetdan keltiriladigan alkogol mahsulotlarining barcha turlariga aksiz soligʻi stavkasi kontrakt qiymatining 75 foizi miqdorida belgilansin.
2. Oʻzbekiston Respublikasi Davlat soliq qoʻmitasi yangidan tasdiqlangan stavkalarni hisobga olgan holda chetdan keltiriladigan alkogol mahsulotlariga aksiz soligʻi belgilangan tartibda toʻliq hisoblanishi va toʻliq toʻlanishi ustidan nazoratni kuchaytirsin.
3. Vazirlar Mahkamasining 1995 yil 25 martdagi 97-son qarori 1-bandining chetdan keltiriladigan alkogol mahsulotlarining barcha turlariga aksiz soligʻi stavkalari miqdoriga tegishli qismi oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Bosh vazirning oʻrinbosari B.S. Hamidov zimmasiga yuklansin.
Oʻzbekiston Respublikasining Bosh vaziri A. Mutalov