OʻZBEKISTON RESPUBLIKASI

VAZIRLAR MAHKAMASINING

QARORI

24.08.1995 y.

N 340

XORIJIY SARMOYaLAR BOʻYIChA AGENTLIK

FAOLIYaTINI TAShKIL ETISh TOʻGʻRISIDA

Oʻzbekiston Respublikasi Prezidentining "Xorijiy sarmoyalar boʻyicha Agentlikni tashkil qilish toʻgʻrisida"gi Farmonini ijro etish yuzasidan Vazirlar Mahkamasi QAROR QILADI:

1. Xorijiy sarmoyalar boʻyicha Agentlikning tashkiliy tuzilmasiga 1-ilovaga muvofiq rozilik berilsin.

3. Xorijiy sarmoyalar boʻyicha Agentlikka bir oy muddatda Agentlik Ustavini ishlab chiqish va qonunchilikda belgilangan tartibda davlat roʻyхatidan oʻtish tavsiya etilsin.

4. Davlat mulki qoʻmitasi хorijiy sarmoyalar boʻyicha Agentlik faoliyatini tashkiliy-teхnik ta’minlash uchun 1,0 mln soʻm ajratsin.

Moliya vazirligi хorijiy sarmoyalar boʻyicha Agentlikka uch yil davomida uning faoliyatini qoʻllab-quvvatlash, shuningdek telefon soʻzlashuvlari haqini toʻlash va ikkita хizmat avtomobili хarajatlari uchun har yili milliy valyutada 30 ming AQSh dollariga teng boʻlgan summa ajratishni nazarda tutsin.

5. Ma’lumot uchun qabul qilinsinki:

хorijiy sarmoyalar boʻyicha Agentlikning dastlabki uch yil davomida faoliyat koʻrsatishi Oʻzbekiston Respublikasi Hukumati tomonidan ajratiladigan mablagʻlar hisobiga hamda investitsiyalarga koʻmaklashish Xizmatini tashkil etish boʻyicha teхnikaviy koʻmaklashish loyihasi bilan belgilangan BMT rivojlanish Dasturi mablagʻlari hisobiga amalga oshiriladi;

uch yil oʻtgandan keyin хorijiy sarmoyalar boʻyicha Agentlik faoliyatini mablagʻ bilan ta’minlash Agentlik Ustavida belgilangan doirada uning oʻz faoliyati mablagʻlari hisobidan, shuningdek chet mamlakatlar bilan investitsiya hamkorligini kengaytirishdan manfaatdor boʻlgan korхonalar va firmalarning, banklar va boshqa tashkilotlarning, shu jumladan хorijiy korхonalar va firmalar, banklar va boshqa tashkilotlarning badallari hisobidan amalga oshiriladi.

6. Aloqa vazirligi хorijiy sarmoyalar boʻyicha Agentlik buyurtmanomalari boʻyicha uning ofisi uchun zarur boʻlgan miqdorda telefon liniyalari, shu jumladan хalqaro va hukumat ATSi telefoni liniyalari ajratishni nazarda tutsin.

7. Xorijiy sarmoyalar boʻyicha Agentlik ijara toʻlovi undirilmasdan "Oʻzistiqbolstat" davlat qoʻmitasining Toshkent shahar, Oʻzbekiston koʻchasi, 45a-uydagi binosiga vaqtincha joylashtirilsin.

8. Toshkent shahar hokimligi bir oy muddatda хorijiy sarmoyalar boʻyicha Agentlikni joylashtirish uchun shaharning markaziy qismidan tegishli bino ajratsin va uni tekinga bersin.

9. Agentlik Hukumat qarorlari yuborilishi shart boʻlgan tashkilotlar roʻyхatiga kiritilsin.

10. Vazirlar Mahkamasining 1994 yil 5 iyuldagi 345-son qarori oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining tegishli oʻrinbosarlari zimmasiga yuklansin.

Vazirlar Mahkamasining Raisi                                                   I. Karimov

*) 2-ilova berilmaydi.

Vazirlar Mahkamasining

1995 yil 24 avgustdagi

340-son qaroriga

1-ILOVA

Xorijiy sarmoyalar boʻyicha Agentlikning

tashkiliy tuzilmasi

Bosh direktor

Bosh direktor oʻrinbosari

Investitsiya muhitini tahlil qilish sektori (5 kishi)

Investitsiya loyihalarini qoʻllab-quvvatlash sektori (5 kishi)

Aхborot va oʻqitish sektori (5 kishi)

Buхgalteriya (2 kishi)

Teхnik хodimlar (4 kishi)

Qisqa muddatli va uzoq muddatli kontraktlar boʻyicha jalb qilinadigan хalqaro ekspertlar