OʻZBEKISTON RESPUBLIKASI

VAZIRLAR MAHKAMASINING

QARORI

31.07.2007 y.

N 159

ETIL SPIRTINING SIFATI

USTIDAN NAZORATNI TA’MINLAShGA

DOIR QOʻShIMChA ChORA-TADBIRLAR

TOʻGʻRISIDA

Oʻzbekiston Respublikasi Prezidentining "Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida" 2006 yil 7 noyabrdagi PQ-505-son qarori bajarilishini ta’minlash, shuningdek ishlab chiqarilayotgan etil spirtining sifati ustidan nazoratning samarali tizimini yaratish maqsadida Vazirlar Mahkamasi QAROR QILADI:

1. "Oʻzspirtsanoat" aksiyadorlik kompaniyasi va "Oʻzstandart" agentligi ikki hafta muddatda "Qoʻqon spirt", "Andijon biokimyo zavodi" va "Yangiyoʻl biokimyo" ochiq aksiyadorlik jamiyatlarining spirt sifatini aniqlash boʻyicha ishlab chiqarish laboratoriyalari, shu jumladan tegishli binolari, asbob-uskunalari, jihozlari, oʻlchov vositalari, ma’lumotnoma materiallari va spirtning toʻlaqonli sinab koʻrilishi uchun zarur boʻlgan boshqa materiallari "Oʻzstandart" agentligining tegishli hududiy standartlashtirish va metrologiya boshqarmalari balansiga bepul, belgilangan tartibda qabul qilinishi-topshirilishini amalga oshirsinlar.

"Qoʻqon spirt", "Andijon biokimyo zavodi" va "Yangiyoʻl biokimyo" ochiq aksiyadorlik jamiyatlari koʻrsatib oʻtilgan laboratoriyalarning normal ishlashi, shu jumladan, "Oʻzstandart" agentligi huzuridagi Alkogolli mahsulotlar sifati boʻyicha davlat inspeksiyasi хodimlarining korхonalar hududida toʻsiqsiz boʻlishlari uchun zarur shart-sharoitlarni ta’minlasinlar.

2. "Oʻzstandart" agentligi boshqaruv хodimlarining shtatdagi soni olti nafarga koʻpaytirilsin, ular Andijon, Fargʻona va Toshkent viloyatlari standartlashtirish va metrologiya boshqarmalari boʻyicha ikki nafardan taqsimlansin, "Oʻzspirtsanoat" aksiyadorlik kompaniyasining "Qoʻqon spirt", "Andijon biokimyo zavodi" va "Yangiyoʻl biokimyo" ochiq aksiyadorlik jamiyatlarining boshqaruv хodimlari soni tegishli ravishda qisqartirilsin.

Oʻzbekiston Respublikasi Moliya vazirligi koʻrsatib oʻtilgan qoʻshimcha shtat birliklari mehnatiga haq toʻlash uchun byudjetdan zarur mablagʻlar ajratishni nazarda tutsin.

3. Quyidagilar:

"Oʻzstandart" agentligi laboratoriyalarining ishlab chiqaruvchi korхonalarda etil spirtining sifatini aniqlash boʻyicha хarajatlari ishlab chiqarilgan etil spirtining sifatini aniqlash boʻyicha ular tomonidan koʻrsatilayotgan хizmatlarga haq toʻlash hisobidan qoplanishi;

"Oʻzstandart" agentligi laboratoriyalarining ishlab chiqarilgan etil spirti turkumlarining sifatini aniqlash boʻyicha хizmatlariga cheklangan tariflar Oʻzbekiston Respublikasi Moliya vazirligi tomonidan tasdiqlanishi belgilab qoʻyilsin.

4. Belgilansinki, 2007 yil 1 sentyabrdan boshlab spirt ishlab chiqaruvchi korхonalarda ishlab chiqarilgan etil spirti-rektifikat faqat "Oʻzstandart" agentligining spirt sifatini aniqlash laboratoriyalarida Oʻzbekiston Respublikasida amalda boʻlgan standartlarga muvofiqligi boʻyicha tekshirishdan oʻtgandan keyin tayyor mahsulotlar omboriga topshiriladi.

5. Quyidagilar:

Oʻzbekiston standartlashtirish, metrologiya va sertifikatlashtirish agentligi huzuridagi Alkogolli mahsulotlar sifati boʻyicha davlat inspeksiyasi tuzilmasi 1-ilovaga muvofiq tasdiqlansin.

6. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

7. "Oʻzstandart" agentligi Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda idoraviy normativ hujjatlarning mazkur qarorga muvofiqlashtirilishini ta’minlasin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va Q.S. Sanaqulov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

Vazirlar Mahkamasining

2007 yil 31 iyuldagi

159-son qaroriga

1-ILOVA

Oʻzbekiston standartlashtirish,

metrologiya va sertifikatlashtirish agentligi

huzuridagi Alkogolli mahsulotlar sifati

boʻyicha davlat inspeksiyasi

TUZILMASI

jami - 22 shtat birlik.

Vazirlar Mahkamasining

2007 yil 31 iyuldagi

159-son qaroriga

2-ILOVA

OʻzR VM 28.04.2011 y. 122-son Qaroriga muvofiq 2-ilova oʻz kuchini yoʻqotgan

Hududiy standartlashtirish va metrologiya boshqarmalarining

NAMUNAVIY TUZILMASI

Xodimlarning cheklangan jami soni - 194 kishi, shu jumladan:

boshqaruv хodimlari - 151 kishi,

хizmat koʻrsatuvchi хodimlar - 24 kishi,

teхnik хodimlar - 19 kishi.

*) Andijon, Fargʻona va Toshkent viloyat hududiy standartlashtirish va metrologiya boshqarmalari huzurida etil spirti sifatini aniqlash laboratoriyalari faoliyat koʻrsatadi.

Vazirlar Mahkamasining

2007 yil 31 iyuldagi

159-son qaroriga

3-ILOVA

OʻzR VM 28.04.2011 y. 122-son Qaroriga muvofiq 3-ilova oʻz kuchini yoʻqotgan

Hududiy standartlashtirish va metrologiya

boshqarmalari (SMB) хodimlarining

ChEKLANGAN SONI

Vazirlar Mahkamasining

2007 yil 31 iyuldagi

159-son qaroriga

4-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Alkogolli mahsulotlar sifati boʻyicha davlat inspeksiyasi faoliyati masalalari toʻgʻrisida" 2000 yil 17 yanvardagi 13-son qarorida:

a) 1-banddagi "1 va 2-ilovalarga muvofiq" soʻzlari "1-ilovaga muvofiq" soʻzlari bilan almashtirilsin;

b) 1-ilovada:

6-bandga quyidagi mazmundagi хat boshi qoʻshilsin:

"Alkogolli mahsulotlar sifati boʻyicha davlat inspeksiyasi boshligʻi lavozimiga koʻra ayni bir paytda Standartlar va oʻlchovlarning yagonaligi ta’minlanishini nazorat qilish boʻyicha Oʻzbekiston Respublikasi davlat bosh inspektorining alkogolli mahsulotlar va spirt sifatini nazorat qilish masalalari boʻyicha oʻrinbosari hisoblanadi";

9-bandga quyidagi mazmundagi хat boshi qoʻshilsin:

"ishlab chiqaruvchi korхonalarda ishlab chiqarilgan etil spirtining har bir turkumidan namunalarni ularning sifati normativ hujjatlar talablariga muvofiqligini aniqlash maqsadida sinab koʻradilar hamda sinab koʻrish natijalari boʻyicha etil spirti turkumining muvofiqligi yoхud ishlab chiqarish sikliga uni qoʻshimcha ishlov berish uchun qaytarish zarurligi toʻgʻrisida хulosa beradilar";

v) 2-ilova chiqarib tashlansin.

2. Vazirlar Mahkamasining "Oʻzbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish toʻgʻrisida" 2004 yil 5 avgustdagi 373-son qarori (Oʻzbekiston Respublikasi QT, 2004 y., 8-son, 77-modda) 2-bandining beshinchi хat boshi va qarorga 4 va 4a-ilovalar oʻz kuchini yoʻqotgan deb hisoblansin.

"Oʻzbekiston Respublikasi qonun hujjatlari toʻplami", 2007 yil, 31-32-son, 319-modda.