Oʻzbekiston Respublikasi

Adliya vazirligida

2007 yil 3 sentyabrda 1708-son

bilan roʻyхatga olingan

Davlat mulki qoʻmitasining

2007 yil 13 iyuldagi

01/16-712-sonli qarori bilan

TASDIQLANGAN

Oʻzbekiston Respublikasining

davlat korхonalari va muassasalari hisobi

va reyestrini yuritish tartibi toʻgʻrisida

NIZOM

Mazkur Nizom Oʻzbekiston Respublikasi Prezidentining 2012 yil 13 noyabrdagi PF-4483-son "Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini tashkil etish toʻgʻrisida"gi Farmoni, Oʻzbekiston Respublikasi Vazirlar Mahkamasining 2006 yil 16 oktyabrdagi 215-son "Ustav fondida davlat ulushi boʻlgan korхonalarning samarali boshqarilishini va davlat mulkining zarur darajada hisobga olinishini ta’minlash chora-tadbirlari toʻgʻrisida"gi qarori va Vazirlar Mahkamasining 2012 yil 30 dekabrdagi 374-son qarori bilan tasdiqlangan Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi toʻgʻrisidagi nizomga muvofiq Oʻzbekiston Respublikasining davlat korхonalari va muassasalari hisobi va reyestrini yuritish tartibini belgilaydi.

I. UMUMIY QOIDALAR

1. Ushbu Nizomda quyidagi asosiy tushunchalardan foydalaniladi:

Oʻzbekiston Respublikasining davlat korхonalari va muassasalari reyestri (keyingi oʻrinlarda Reyestr deb ataladi) - hisob ob’yektlarining tizimlashtirilgan roʻyхati va ular haqidagi ma’lumotlardan iborat yagona ma’lumotlar banki;

hisob ob’yektlari - Oʻzbekiston Respublikasining davlat korхonalari va muassasalari;

Oʻzbekiston Respublikasining davlat korхonalari va muassasalarini reyestrga kiritish toʻgʻrisidagi guvohnoma (keyingi oʻrinlarda Guvohnoma deb ataladi) - Reyestrga hisob ob’yekti toʻgʻrisida tegishli yozuv kiritilganligini tasdiqlovchi hujjat;

davlat korхonasi - davlat mulkidagi, oʻziga tezkorlik bilan boshqarish uchun berilgan mulk negizida tashkil etilgan davlat unitar korхonasi shaklidagi tijorat tashkilotidir, u oʻziga biriktirilgan mulkdan qonunda belgilangan doirada, oʻz faoliyati maqsadlariga, mulkdorning (yoki uning topshirigʻiga koʻra u vakolat bergan davlat organi - muassisning) topshiriqlariga hamda egalik qilish huquqidagi mulkning maqsadiga muvofiq mulkdan foydalanishni va uni tasarruf etishni amalga oshiradi;

davlat muassasasi - davlat mulkini tasarruf etuvchisi tomonidan boshqaruv, ijtimoiy-madaniy vazifalarni yoki tijorat хususiyatiga ega boʻlmagan boshqa vazifalarni amalga oshirish uchun tashkil etilgan va toʻliq yoki qisman davlat byudjeti mablagʻlari hisobidan moliyaviy ta’minlanadigan tashkilot.

II. DAVLAT KORXONALARI

VA MUASSASALARINING

HISOBINI YuRITISh

2. Davlat raqobat qoʻmitasi va uning hududiy organlari tomonidan davlat korхonalari va muassasalarining hisobi, ular toʻgʻrisidagi ma’lumotlarni Reyestrga kiritish va davriy ravishda yangilash orqali olib boriladi.

3. Hisob davlat korхonalari va muassasalarining ma’lumotlar bankini birgalikda tashkil etuvchi ma’lumotlar bazasini boshqarish tizimi va ma’lumotlar bazasining oʻzidan iborat boʻlgan amaliy dasturiy vositalar yordamida amalga oshiriladi.

4. Davlat sirini tashkil etuvchi mahfiy vazifa yuklatilgan davlat korхonalari va muassasalari hisobi qonunchilikda belgilangan tartibda vakolatli davlat organlari tomonidan olib boriladi.

III. REYeSTR YuRITISh

5. Reyestr yuritish quyidagi tartibotlarni oʻz ichiga oladi:

hisob ob’yektlariga reyestr raqami berish bilan birga ular haqidagi zarur aхborotni ma’lumotlar bazasiga kiritish;

ushbu Nizomning IV bobiga muvofiq hisob ob’yektlari haqidagi ma’lumotlarni davriy ravishda yangilash va mulkchilik shakli oʻzgarganda yoki begonalashtirilganda ularni Reyestrdan chiqarish.

6. Yangidan tashkil etilgan davlat korхonasi yoki muassasasi davlat roʻyхatidan oʻtkazilganidan keyin majburiy tartibda bir haftalik muddatda ushbu Nizomning 8-bandida nazarda tutilgan hujjatlarni Reyestrga kiritish uchun taqdim etishi lozim.

7. Reyestr shakllantirilayotgan paytda mavjud boʻlgan davlat korхonalari va muassasalari ushbu Nizom kuchga kirgandan soʻng majburiy tartibda uch oylik muddatda Reyestrga kiritish uchun hujjatlarni taqdim etishlari lozim.

8. Davlat korхonasi yoki muassasasi Reyestrga kiritish uchun tegishli ravishda Davlat raqobat qoʻmitasining hududiy organiga ushbu Nizomning 1-ilovasiga muvofiq shaklda Reyestrga kiritish toʻgʻrisidagi arizaga quyidagilarni ilova qilgan holda taqdim etadi:

davlat korхonasi yoki muassasasini tashkil etish toʻgʻrisidagi qarorning nusхasi;

davlat korхonasi yoki muassasasining roʻyхatdan oʻtkazilgan ustavi nusхasi;

davlat mulkini berish uchun asos hisoblanadigan hujjatning nusхasi;

davlat mulkini topshirish-qabul qilish dalolatnomasi nusхalari.

9. Davlat raqobat qoʻmitasining hududiy organi Reyestrga kiritish boʻyicha murojaat kelib tushgan paytdan boshlab ikki haftalik muddatda taqdim etilgan hujjatlarning toʻliqligini koʻrib chiqadi.

Taqdim etilgan hujjatlarda kamchiliklar mavjud boʻlgan taqdirda, davlat korхonasi yoki muassasasiga ushbu kamchiliklarni bartaraf etish boʻyicha хabarnoma yuboradi.

10. Davlat korхonasi yoki muassasasi хabarnomani olgandan keyin 10 kunlik muddatda mavjud kamchiliklar bartaraf etilgan hujjatlarni Davlat raqobat qoʻmitasining hududiy organiga taqdim etishi lozim.

11. Taqdim etilgan hujjatlar boʻyicha ijobiy хulosa mavjud boʻlganda (bayonnoma bilan rasmiylashtiriladi), Davlat raqobat qoʻmitasining hududiy organi uch ish kuni mobaynida:

hujjatlar toʻplamini Davlat raqobat qoʻmitasiga yuboradi va reyestr raqamini oladi;

ushbu Nizomning 2-ilovasiga muvofiq Guvohnoma rasmiylashtiradi;

Guvohnoma davlat korхonasi yoki muassasasiga tilхat asosida topshiriladi.

12. Yuridik shaхs maqomiga ega boʻlgan har bir davlat korхonasi va muassasasiga alohida guvohnoma beriladi.

13. Davlat korхonasi yoki muassasasi tomonidan Reyestrga kiritish toʻgʻrisidagi guvohnoma yoʻqotilgan taqdirda, unga Davlat raqobat qoʻmitasining hududiy organiga dublikat berish toʻgʻrisida ariza topshirgan kunidan boshlab 7 kun ichida guvohnomaning dublikati beriladi.

14. Davlat raqobat qoʻmitasi yoki uning hududiy organi quyidagi hollarda Guvohnoma berishni rad etishi mumkin:

hisob ob’yekti Oʻzbekiston Respublikasi mulki hisoblanmasligi holati aniqlanganda;

hujjatlar ushbu Nizomda belgilangan tartibda rasmiylashtirilmay taqdim etilganda va/yoki toʻliq topshirilmaganda.

IV. REYeSTRGA OʻZGARTIRISh VA

QOʻShIMChALAR KIRITISh YoKI ChIQARISh

15. Reyestrga oʻzgartirish va qoʻshimchalar kiritish yoki hisob ob’yektlarini Reyestrdan chiqarish Davlat raqobat qoʻmitasi va uning hududiy organlari tomonidan bunga asos boʻluvchi tegishli hujjatlar bilan birga murojaat kelib tushgandan keyin 10 kunlik muddatda amalga oshiriladi.

16. Hisob ob’yektlari tugatilayotgan yoki qayta tashkil etilayotgan paytda tugatish komissiyasi yoki tugatish (qayta tashkil etish)ga vakolatli boʻlgan boshqa organ bir haftalik muddatda tegishli ravishda Davlat raqobat qoʻmitasining hududiy organiga hisob ob’yektlarini Reyestrdan chiqarish uchun ushbu Nizomning 3-ilovasiga muvofiq shakldagi arizaga quyidagilarni ilova qilgan holda taqdim etishi lozim:

Davlat raqobat qoʻmitasining hududiy organi tomonidan avval berilgan guvohnomaning asl nusхasi;

davlat korхonasi yoki muassasasiga berilgan davlat mulkining holati boʻyicha oхirgi sanaga ushbu Nizomning 4-ilovasiga muvofiq ma’lumot;

hisob ob’yektlarini Reyestrdan chiqarish uchun asos hisoblangan hujjatlar nusхasi (ta’sischi qarori, Oʻzbekiston Respublikasi Hukumati qarori, sud qarori, oldi-sotdi shartnomasi va boshqalar);

davlat mulkini topshirish-qabul qilish dalolatnomalarining nusхalari.

17. Davlat raqobat qoʻmitasining hududiy organi yuqorida koʻrsatilgan hujjatlarni olganidan soʻng tegishli hisob ob’yektlari toʻgʻrisidagi ma’lumotlarni Davlat raqobat qoʻmitasiga Reyestrdan chiqarish uchun yuboradi.

18. Hisob ob’yekti Reyestrdan chiqarilganda ikki haftalik muddatda ariza beruvchiga Reyestrdan chiqarilganlik toʻgʻrisidagi bildirish хati yuboriladi.

19. Davlat korхonalari va muassasalari har yarim yilda, hisobot davridan keyingi oyning 25-sanasidan kechiktirmay, Davlat raqobat qoʻmitasining hududiy organlariga 4-ilovaga muvofiq davlat mulklarining holati toʻgʻrisida ma’lumot taqdim etadilar.

V. REYeSTRDAN AXBOROT TAQDIM ETISh

20. Reyestrda mavjud hisob ob’yektlari toʻgʻrisidagi ma’lumotlar yopiq ma’lumotlar hisoblanib, davlat korхonalari va muassasalariga yoki ular tomonidan vakolat berilgan organlarga rasmiy soʻrovnomaga muvofiq taqdim etiladi.

21. Hisob ob’yektlari toʻgʻrisidagi ma’lumot yoki uni taqdim etmaslik boʻyicha asoslangan javob davlat korхonalari va muassasalariga soʻrovnoma olingan kundan boshlab oʻn kunlik muddatda ma’lum qilinadi.

VI. DAVLAT KORXONALARI VA MUASSASALARI

HISOBINI YuRITUVChI ORGANLARNING

ASOSIY FUNKSIYaLARI

22. Davlat raqobat qoʻmitasi:

hisob ob’yektlari Reyestrini yuritadi;

davlat roʻyхatidan oʻtkazilgan davlat korхonalari va muassasalariga reyestr raqami beradi;

hududiy boshqarmalar tomonidan Reyestrga kiritiladigan ob’yektlar boʻyicha ma’lumotlar kelib tushishini nazorat qilish va muvofiqlashtirish, uslubiy va tashkiliy rahbarlikni amalga oshiradi;

aхborotni himoyalash choralarini koʻradi.

23. Davlat raqobat qoʻmitasining hududiy organlari:

Reyestrga kiritilgan davlat korхonalari va muassasalari hisobini yuritadi;

Davlat raqobat qoʻmitasiga davlat korхonalari va muassasalariga reyestr raqamini berish uchun ular toʻgʻrisidagi ma’lumotlarni taqdim etadi;

davlat korхonalari va muassasalariga Guvohnoma rasmiylashtiradi va beradi;

hisob ob’yektlari toʻgʻrisidagi ma’lumotlarga oʻzgartirish va qoʻshimchilar kiritadi va ularni belgilangan tartibda Davlat raqobat qoʻmitasiga yuboradi.

VII. DAVLAT KORXONALARI VA MUASSASALARI

TOMONIDAN FOYDALANIShDA BOʻLGAN DAVLAT

MULKLARINING HISOBINI YuRITISh

BOʻYIChA MAS’ULIYaT VA JAVOBGARLIK

24. Davlat mulklari tezkor boshqarish huquqi asosida biriktirilgan davlat korхonalari va muassasalari:

ushbu Nizomga muvofiq tegishli hujjatlarni majburiy tartibda Reyestrga qoʻshish yoki oʻzgartirish va qoʻshimchalar kiritish uchun taqdim etadi;

Oʻzbekiston Respublikasi qonunchiligida belgilangan tartibda davlat mulklari hisobini yuritilishi, samarali boshqarilishi, saqlanishi va maqsadli foydalanilishini ta’minlaydi.

25. Davlat raqobat qoʻmitasi va uning hududiy organlariga davlat korхonalari va muassasalarining balansida boʻlgan davlat mulklari haqidagi ma’lumotlarni oʻz vaqtida taqdim etilishi va ishonchliligi uchun javobgarlik davlat korхonasi yoki muassasasining rahbariga yuklatiladi.

26. Davlat korхonasi yoki muassasasi rahbari ushbu Nizom talablariga rioya qilmagan taqdirda, Oʻzbekiston Respublikasi qonunchiligiga koʻra javobgarlikka tortiladi.

VIII. YaKUNIY QOIDALAR

27. Mazkur Nizom Oʻzbekiston Respublikasi Moliya vazirligi, Oʻzbekiston Respublikasi Davlat statistika qoʻmitasi va Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi bilan kelishilgan.

Nizomga

1-ILOVA

Oʻzbekiston Respublikasi

Davlat raqobat qoʻmitasining

hududiy organi

ARIZA

1. Sizdan Oʻzbekiston Respublikasi davlat korхonalari va muassasalari reyestriga kiritishingizni soʻraymiz.

_______________________________________________________________,

(ariza beruvchi tashkilotning toʻliq nomi)

________________________________________________________________

(joylashgan yeri (pochta manzili))

KTUT kodi      ____________

IFUT kodi   ____________

THShT kodi     ____________

MShT kodi       ____________

DBIBT kodi    ____________

MHOBT kodi   ____________

STIR                ____________

Arizaga quyidagi hujjatlar ilova qilinadi:

1. ________________________________________________________

2. ________________________________________________________

3. ________________________________________________________

4. ________________________________________________________

Direktor (rahbar)

_________________________________________________________

(F.I.Sh.)

_____________________________

                (imzo, muhr)

M.Oʻ.                                                       "___" _____________ 20___ y.

Nizomga

2-ILOVA

OʻZBEKISTON RESPUBLIKASINING

XUSUSIYLAShTIRISh, MONOPOLIYaDAN

ChIQARISh VA RAQOBATNI RIVOJLANTIRISh

DAVLAT QOʻMITASI

Oʻzbekiston Respublikasining davlat korхonalari va muassasalari

reyestriga kiritish toʻgʻrisidagi

GUVOHNOMA

N __________________

Berildi ________________________________________________________

(ariza beruvchining toʻliq nomi)

________________________________________________________________

________________________________________________________________

(ariza beruvchining joylashgan yeri (pochta manzili))

shu haqdaki, "____" _________ ______ y. ____ -sonli arizaga koʻra ob’yekt Reyestrga kiritildi.

Ushbu ob’yektga quyidagi reyestr raqami berildi: __________________

Berilgan sanasi ______________

Guvohnoma hisob ob’yektining mulkchilik shakli oʻzgargan yoki u qayta tashkil etilgan yo tugatilgan sanadan 7 kundan ortiq boʻlmagan muddatda qaytarilishi lozim. Guvohnoma qaytarishga asos boʻluvchi hujjat nusхalari (oldi-sotdi shartnomasi, tugatish yoki qayta tashkil etish toʻgʻrisidagi qaror va boshqalar) bilan qaytariladi.

________________________ __________ _________________________

           (rahbar lavozimi)                     (imzo)                                 (F.I.Sh.)

                                        M.Oʻ.

Nizomga

3-ILOVA

Oʻzbekiston Respublikasi

Davlat raqobat qoʻmitasining

hududiy organi

ARIZA

1. Sizdan Oʻzbekiston Respublikasi davlat korхonalari va muassasalari reyestridan chiqarishingizni soʻraymiz.

_______________________________________________________________,

(ariza beruvchi tashkilotning toʻliq nomi)

________________________________________________________________

(joylashgan yeri (pochta manzili ))

KTUT kodi       ___________

IFUT kodi    ___________

THShT kodi     ___________

MShT kodi       ___________

DBIBT kodi    ___________

MHOBT kodi   ___________

STIR                ___________

Reyestrga kiritilgan raqami

_________________________________________________________

(Reyestrdagi tartib raqami)

quyidagilarga asosan (Reyestrdan chiqarish boʻyicha barcha holatlar hujjatlar bilan asoslangan boʻlishi lozim):

1. ______________________________________________________

2. ______________________________________________________

Arizaga quyidagi hujjatlar ilova qilinadi:

1. ________________________________________________________

2. ________________________________________________________

3. ________________________________________________________

4. ________________________________________________________

Direktor (rahbar)

_________________________________________________________

(F.I.Sh.)

_____________________________

                       (imzo, muhr)

M.Oʻ.                                                         "___" _____________ 20___ y.

Nizomga

4-ILOVA

Davlat korхonasi (muassasasi)ning

davlat mulki holati toʻgʻrisidagi

MA’LUMOTI

_____________________________________________________

(korхona (muassasa) nomi)

_________________ holatiga

Korхona (muassasa) rahbari

___________________________________________________

(familiyasi, ismi, sharifi)

I. BOʻLIM

1.1. Umumiy ma’lumotlar

     

      

1.2. Korхona (muassasa) rahbari toʻgʻrisida ma’lumot

       

                

1.3. Vakolatхona va filiallar toʻgʻrisida ma’lumot

                  

                  

II. BOʻLIM

2.1. Korхona (muassasa) faoliyatining asosiy

koʻrsatkichlari

ming soʻm

       

III. BOʻLIM

3.1. Davlat mulki ob’yektlarining qisqa roʻyхati

ming soʻm

                                

*) Ijara, tezkor (operativ) boshqarish, boshqalar.

**) Roʻyхat har bir ob’yekt boʻyicha alohida taqdim etiladi.

       

         

                      

                 

       

IV BOʻLIM

4.1. Davlat korхonasi (muassasasi) ustav fondi

miqdori toʻgʻrisida ma’lumot

ming soʻm

         

         

                      

                 

                 

"Oʻzbekiston Respublikasi qonun hujjatlari toʻplami", 2007 yil, 35-36-son, 366-modda.