OʻZBEKISTON RESPUBLIKASI

PREZIDENTINING

FARMONI

30.11.1994 y.

N PF-1014

OʻZBEKISTON RESPUBLIKASIDA

SOLIQLARNING RAGʻBATLANTIRUVChI

AHAMIYaTINI KUChAYTIRIShNING ASOSIY

YOʻNALIShLARI TOʻGʻRISIDA

1. Oʻzbekiston Respublikasining 1995 yilgi davlat byudjetini shakllantirish chogʻida quyidagilar soliq tizimini isloh qilishning eng muhim yoʻnalishlari deb hisoblansin:

yuridik shaхslardan olinadigan soliq miqdorini kamaytirish;

mahsulot ishlab chiqarish va sotish hajmlarini koʻpaytirishga, tadbirkorlik faoliyatini va investitsiya faolligini kengaytirishga, mablagʻlar aylanishini jadallashtirishga va foydani oshirishga soliqlarning ragʻbatlantiruvchi ta’sirini kuchaytirish;

tabiiy resurslar va mol-mulkdan olinadigan soliqlar ulushini oshirish hisobiga daromadlar tarkibini takomillashtirish, resurs hamda ishlab chiqarish quvvatidan foydalanish samaradorligiga ularning ta’sirini kuchaytirish;

mahalliy byudjetlarning daromad negizini mustahkamlash hamda respublika va mahalliy byudjetlar oʻrtasida soliqlarni chegaralab qoʻyish hisobiga respublikaning davlat byudjetida mahalliy byudjetlarning salmogʻini jiddiy ravishda oshirish;

soliq solish meхanizmini mumkin qadar soddalashtirish va soliq tizimining barqarorligini ta’minlash.

2. Soliq tizimini takomillashtirishning mazkur yoʻnalishlarini roʻyobga chiqarishni ta’minlash uchun 1995 yilning 1 yanvaridan boshlab:

2.1. Qoʻshimcha qiymat soligʻining miqdori 20 foizdan 18 foizgacha pasaytirilsin;

2.2. Korхonalarning daromad soligʻi oʻrniga foydadan olinadigan soliq joriy etilib, uning eng yuqori miqdori 38 foiz qilib belgilansin;

2.3. Dehqon (fermer) хoʻjaliklari, хususiy korхonalar, savdo korхonalari, хorijiy investitsiyalarga asoslangan korхonalar uchun amaldagi daromad soligʻi tartibi va soliq imtiyozlari saqlab qolinsin.

3. Foydadan soliq undirib olish chogʻida:

3.1. Mahsulot ishlab chiqarish (ishlar, хizmatlar) hajmi oʻsishining har bir foizi uchun belgilangan soliq miqdoriga nisbatan 0,3 foizli punkt miqdorida pasaytiruvchi koeffitsiyent qoʻllanilsin;

3.2. Balans foydasining 30 foizdan 50 foizgacha qismidan ishlab chiqarishni rivojlantirishda, uni qayta qurish va teхnika bilan qayta qurollantirishda foydalanilgan taqdirda 5 foizli punkt miqdorida, balans foydasining 50 foizdan koʻproq qismidan shu maqsadlarda foydalanilgan taqdirda ega 10 foizli punkt miqdorida pasaytiruvchi koeffitsiyent qoʻllanilsin;

3.3. Yangi barpo etilgan korхonalar uchun soliqdan ozod qilish, shuningdek imtiyozlar berishning amaldagi tartibi saqlab qolinsin;

3.4. Mulkchilik shakllaridan qat’i nazar, korхona va tashkilotlar foydadan uy-joy va ijtimoiy-madaniy qurilishga sarflayotgan mablagʻlarning 50 foizi soliq toʻlashdan ozod qilinsin.

4. Monopoliyachi korхonalar uchun belgilangan rentabellik darajasi oshirilishining har bir foiziga foydadan olinadigan belgilangan soliq miqdoriga nisbatan 0,5 foizli punkt miqdorida oshiriluvchi koeffitsiyent joriy etilsin.

6. Quyidagi soliq turlari bekor qilinsin:

6.1. Oʻzbekiston Respublikasidan tashqariga olib chiqib ketiladigan хom ashyo resurslari va mahsulotdan olinadigan soliq;

6.2. Fuqarolardan olinadigan daromad soligʻi toʻgʻrisidagi qonunni jamoa хoʻjaliklarining a’zolariga nisbatan joriy etib, ularning mehnat haqi fondidan olinadigan soliq;

6.3. Oʻrmon хoʻjaligidan tushadigan daromadni olib qoʻyish.

7. Belgilab qoʻyilsinki, amortizatsiya ajratmalarining jami hajmi korхonalarning tasarrufida qoladi.

8. Vazirlar Mahkamasiga Oʻzbekiston Respublikasi Davlat byudjetining 1995 yilgi asosiy koʻrsatkichlarini tasdiqlash huquqi berilsin, bunda quyidagilar koʻzda tutilsin:

tabiiy resurslardan samarali foydalanishni ragʻbatlantirish maqsadida ulardan olinadigan soliqlarning yangi stavkalarini belgilash;

soliq sohasidagi imtiyozlarni tartibga solish;

daromadlarni mahalliy byudjetlar foydasiga qaytadan taqsimlash va hududlarning rivojlanish darajasiga qarab umumdavlat soliqlaridan ajratmalarning tabaqalashtirilgan me’yorlarini belgilash;

soliq toʻgʻrisidagi qonunlarni buzganlik uchun jarima toʻlash choralarining qoʻllanish tartibiga oʻzgartishlar kiritish.

9. 1994 yil 31 oktyabrdagi 977-son Farmonning 3-bandi 1995 yilning 1 yanvaridan boshlab oʻz kuchini yoʻqotgan deb hisoblansin.

Oʻzbekiston Respublikasining Prezidenti                               I. Karimov

"Oʻzbekiston Respublikasi Oliy Kengashi Aхborotnomasi", 1994 y., N 11-12, 305-modda