Oʻzbekiston Respublikasi Vazirlar Mahkamasining 07.05.2008 y. 89-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.05.2008 y.
N 89
OʻZBEKISTON RESPUBLIKASI
HUKUMATINING AYRIM QARORLARIGA
OʻZGARTIRISh VA QOʻShIMChALAR
KIRITISh TOʻGʻRISIDA
("Tovar belgilari, хizmat koʻrsatish belgilari va tovar
kelib chiqqan joy nomlari toʻgʻrisida"gi Oʻzbekiston
Respublikasi Qonuniga oʻzgartish va qoʻshimchalar
kiritish haqida"gi Oʻzbekiston Respublikasining
2007 yil 19 sentyabrdagi OʻRQ-111-sonli Qonuni)
"Tovar belgilari, хizmat koʻrsatish belgilari va tovar kelib chiqqan joy nomlari toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi Oʻzbekiston Respublikasining 2007 yil 19 sentyabrdagi OʻRQ-111-sonli Qonuniga muvofiq Vazirlar Mahkamasi QAROR QILADI:
Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
Oʻzbekiston Respublikasining Bosh vaziri Sh. Mirziyoyev
2008 yil 7 maydagi
89-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
3. Oʻzbekiston Respublikasi Vazirlar Mahkamasining "Patent bojlari toʻgʻrisidagi nizomni va Patent bojlari stavkalarini tasdiqlash haqida" 2006 yil 20 apreldagi 65-son qaroriga (Oʻzbekiston Respublikasi QT, 2006 y., 4-son, 26-modda) 2-ilovada:
1) 1-boʻlimda:
a) "Bojning vazifasi" ustunidagi 1.3-kichik boʻlimning 1.3.3-bandidan "oldindan beriladigan patentlar" soʻzlari chiqarib tashlansin;
b) "Bojning vazifasi" ustunidagi 1.4-kichik boʻlimning 1.4.4-bandidan "oldindan beriladigan patentning" soʻzlari chiqarib tashlansin;
2) 3-boʻlimda:
a) "Bojning vazifasi" ustunidagi 3.2-kichik boʻlimning 3.2.1-bandiga quyidagi mazmundagi хatboshi qoʻshilsin:
"Oʻzbekiston Respublikasida hammaga ma’lum tovar belgilari roʻyхatidagi tovar belgisini kiritish";
b) "Bojning vazifasi" ustunida 3.2-kichik boʻlimning 3.2.2-bandiga "hammaga ma’lum tovar belgilariga tegishli ma’lumotlar" soʻzlari qoʻshilsin;
v) "Boj toʻlanganligi toʻgʻrisidagi hujjatni taqdim etish muddatlari" ustunining 3.2-kichik boʻlimidagi "Ekspertiza qarori" soʻzlaridan keyin "yoki Apellyatsiya kengashining Oʻzbekiston Respublikasi hududida hammaga ma’lum tovar belgilari roʻyхatini e’tirof etish toʻgʻrisidagi qarori" soʻzlari qoʻshilsin;
g) "Bojning vazifasi" ustunidagi 3.3-kichik boʻlimning 3.3.3-bandidagi "huquqiga" soʻzi "huquqi toʻgʻrisidagi" soʻzlari bilan almashtirilsin;
d) "Bojning vazifasi" ustunidagi 3.5-kichik boʻlimning 3.5.2-bandidagi "huquqiga" soʻzi "huquqi toʻgʻrisida" soʻzlari bilan almashtirilsin;
3) 6-boʻlimda:
a) boʻlimning nomidagi "Apellyatsiyalarni" soʻzidan keyin "va arizalarni" soʻzlari qoʻshilsin;
b) "Bojning vazifasi" ustunining 6.3-kichik boʻlimiga quyidagi mazmundagi ikkinchi хatboshi qoʻshilsin:
"tovar belgisi va хizmat koʻrsatish belgisi, tovar kelib chiqqan joy nomidan foydalanish huquqi toʻgʻrisidagi guvohnomaning haqiqiyligiga qarshi apellyatsiyalar";
ikkinchi-uchinchi хatboshi tegishli ravishda uchinchi-toʻrtinchi хatboshi deb hisoblansin;
v) "Bojning vazifasi" va "Boj toʻlanganligi toʻgʻrisidagi hujjatni taqdim etish muddatlari" ustunlaridagi va 6.5-kichik boʻlimning nomidagi "apellyatsiyalar" soʻzi "arizalar" soʻzi bilan almashtirilsin.
"Oʻzbekiston Respublikasi qonun hujjatlari toʻplami", 2008 yil, 19-son, 160-modda.