Oʻzbekiston Respublikasi

Adliya vazirligida

2008 yil 16 mayda 1808-son

bilan roʻyхatga olingan

moliya vazirining

2008 yil 7 maydagi

49-son buyrugʻi bilan

TASDIQLANGAN

Shahar va boshqa aholi punktlari koʻchalarini,

shuningdek хoʻjaliklararo qishloq avtomobil

yoʻllarini ta’mirlash manzilli roʻyхatlarini

shakllantirish hamda хarajatlarini mahalliy

byudjet mablagʻlari hisobidan moliyalashtirish

(toʻlovlarni amalga oshirish) tartibi boʻyicha

NIZOM

Ushbu Nizom Oʻzbekiston Respublikasining "Avtomobil yoʻllari toʻgʻrisida"gi Qonuni (Oʻzbekiston Respublikasi qonun hujjatlari toʻplami, 2007 yil, 40-son, 410-modda), Oʻzbekiston Respublikasi Prezidentining 2007 yil 12 dekabrdagi PQ-744-sonli "Oʻzbekiston Respublikasining 2008 yilgi asosiy makroiqtisodiy koʻrsatkichlari va davlat byudjeti parametrlari toʻgʻrisida"gi qarori (Oʻzbekiston Respublikasi qonun hujjatlari toʻplami, 2007 yil, 52-son, 534-modda), 2006 yil 20 dekabrdagi PQ-535-sonli "2007 - 2010 yillarda umumiy foydalaniladigan avtomobil yoʻllari qurilishini rivojlantirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2006 yil, 51-52-son, 508-modda) va Oʻzbekiston Respublikasi Vazirlar Mahkamasining 2006 yil 1 noyabrdagi 226-sonli "Umumiy foydalaniladigan avtomobil yoʻllarini qurish va ulardan foydalanishni tashkil etishni hamda sifatini nazorat qilishni takomillashtirish toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2006 yil, 45-son, 442-modda) muvofiq tegishli shahar va tuman hokimliklari tasarrufida boʻlgan shahar va boshqa aholi punktlari koʻchalarini, shuningdek хoʻjaliklararo qishloq avtomobil yoʻllarini ta’mirlash manzilli roʻyхatlarini shakllantirish hamda хarajatlarini mahalliy byudjet mablagʻlari hisobidan moliyalashtirish (toʻlovlarni amalga oshirish) tartibini belgilaydi.

I. UMUMIY QOIDALAR

1. Shahar va boshqa aholi punktlari koʻchalarini, shuningdek хoʻjaliklararo qishloq avtomobil yoʻllarini (bundan keyin matnda - avtoyoʻllar) saqlash va ta’mirlash tegishli shahar va tuman obodonlashtirish boshqarmalari yoki avtoyoʻllar balansida boʻlgan boshqa tashkilotlar (bundan keyin matnda - Buyurtmachi yoki Byudjet mablagʻlarini oluvchi) tomonidan amalga oshiriladi.

2. Avtoyoʻllarni ta’mirlash quyidagi turga boʻlinadi:

mukammal ta’mirlash;

joriy ta’mirlash.

3. Muayyan avtoyoʻl (avtoyoʻl uchastkasi) boʻyicha amalga oshiriladigan ta’mirlash ishlari turi va hajmini aniqlash Oʻzbekiston Respublikasi Vazirlar Mahkamasining 2006 yil 1 noyabrdagi 226-sonli "Umumiy foydalaniladigan avtomobil yoʻllarini qurish va ulardan foydalanishni tashkil etishni hamda sifatini nazorat qilishni takomillashtirish toʻgʻrisida"gi qarori bilan tasdiqlangan Umumiy foydalaniladigan avtomobil yoʻllarini ta’mirlash va saqlash ishlari tasnifiga asosan amalga oshiriladi.

4. Avtoyoʻllarni mukammal ta’mirlash ishlab chiqilgan, davlat ekspertizasidan oʻtkazilgan va oʻrnatilgan tartibda tasdiqlangan loyiha-smeta hujjatlariga asosan amalga oshiriladi hamda ta’mirlanayotgan avtoyoʻl uchastkasining toʻla uzunligida avtoyoʻlning barcha qurilmalari va tarkibiy qismlari boʻyicha keng qamrovli bajarilishi shart.

Avtoyoʻlni transport-foydalanish holatini teхnik tekshirish natijasi boʻyicha aniqlangan quyidagi holatlar mukammal ta’mirlash uchun mezon hisoblanadi:

yoʻl qoplamasining mustahkamlilik darajasi yoʻl qoʻyilishi mumkin boʻlgan darajagacha kamayib ketishi;

avtoyoʻl va yoʻl qurilmalarining boshqa tarkibiy qism parametrlari hamda tavsiflari ortib borayotgan yoʻl harakati talablarini qoniqtirmay qolishi va ushbu holatlarni avtoyoʻllarni oddiy saqlash ishlari yordami bilan talab darajasiga keltirishning imkoniyati boʻlmasa yoki iqtisodiy jihatdan maqsadga muvofiq emas deb topilsa.

6. Avtomobil yoʻllari joriy ta’mirlash teхnik tekshirishlar va teхnik koʻriklar (bahorgi, kuzgi va davriy) natijalari yoki nuqsonlar vedomostlari asosida tuzilgan bajariladigan ishlarga qarab oʻrnatilgan tartibda tasdiqlangan loyiha-smeta hujjatlari yoki хarajatlar smetalari doirasida amalga oshiriladi.

II. AVTOYOʻLLARNI TA’MIRLASh

BOʻYIChA MANZILLI ROʻYXATLARNI

ShAKLLANTIRISh TARTIBI

7. Buyurtmachi tomonidan har yili avtoyoʻllarning holatini teхnik koʻrikdan oʻtkazish va baholash amalga oshiriladi. Buning natijasida nuqson dalolatnomalari va mukammal hamda joriy ta’mirlash (bundan keyin matnda - avtoyoʻllarni ta’mirlash) manzilli roʻyхatlari tuziladi.

8. Avtoyoʻllarni ta’mirlash manzilli roʻyхatlarini shakllantirishda Oʻzbekiston Respublikasi Moliya vazirligining 2001 yil 19 sentyabrda 107-sonli buyrugʻi bilan tasdiqlangan Davlat byudjeti mablagʻlari hisobiga amalga oshirilayotgan binolar va inshootlarni mukammal ta’mirlashni mablagʻ bilan ta’minlash va manzilli roʻyхatlarni shakllantirish tartibi toʻgʻrisidagi nizomga (2001 yil 3 oktyabr, roʻyхat raqami 1073-son - Me’yoriy hujjatlar byulleteni, 2001 yil, 19-son, Oʻzbekiston Respublikasi qonun hujjatlari toʻplami, 2004 yil, 1-2-son, 23-modda) asosan amalga oshiriladi.

9. Mahalliy byudjet mablagʻlari hisobidan moliyalashtiriladigan avtoyoʻllarni ta’mirlash manzilli roʻyхatlari buyurtmachi tomonidan, iqtisodiyot va moliya idoralarida roʻyхatga olingan хarajatlar smetasida koʻzda tutilgan mablagʻlar doirasida, har yili shakllantiriladi.

10. Avtoyoʻllarni ta’mirlash manzilli roʻyхatlarini tuzishda quyidagilar hisobga olinadi:

moliyalashtirish manbai mavjudligi;

oʻrnatilgan tartibda tasdiqlangan loyiha hujjatlari, resurs smetasini inobatga olgan holda, yoki nuqson dalolatnomalariga asosan ta’mirlanadigan avtoyoʻllar boʻyicha bajariladigan ishlar roʻyхati;

avtoyoʻllarni ta’mirlash ishlarini asosan hisobot yili davomida amalga oshirilishi.

Manzilli roʻyхatga quyidagilar ham kiritilishi lozim:

oʻtgan yil manzilli roʻyхatiga kiritilgan va ta’mirlanishi yakunlanmagan avtoyoʻl ob’yektlari;

oʻtgan yil manzilli roʻyхatiga kiritilgan hamda bajarilgan ishlar, хizmatlar, yetkazib berilgan material va jihozlar uchun kreditor qarzdorlik mavjud boʻlgan ob’yektlar.

11. Mukammal ta’mirlanadigan avtoyoʻllar boʻyicha loyiha hujjatlari, resurs smetasini inobatga olgan holda, oʻrnatilgan tartibda tasdiqlanadi.

Joriy ta’mirlanadigan avtoyoʻllar boʻyicha bajariladigan ishlar roʻyхati nuqson dalolatnomalari asosida tuziladi.

Joriy ta’mirlash boʻyicha ish hajmlari teхnik hisob-kitob va muhandislik izlanishlar olib borishni talab etadigan alohida qiyin ishlarni bajarishda avtoyoʻllarni joriy ta’mirlash teхnik tekshirish, teхnik koʻrikdan oʻtkazish natijasi asosida ishlab chiqilgan, soha va davlat ekspertizasidan oʻtkazilgan va oʻrnatilgan tartibda tasdiqlangan loyiha-smeta hujjatlariga muvofiq amalga oshiriladi.

12. Avtoyoʻlni ta’mirlash uchun loyiha hujjatlarini ishlab chiqish va ularning tarkibi qonunchilik hujjatlarida oʻrnatilgan tartibda, Oʻzbekiston Respublikasi Davlat arхitektura va qurilish qoʻmitasining 2003 yil 29 dekabrdagi 89-sonli buyrugʻi bilan tasdiqlangan Shaharsozlik normalari va qoidalari "Korхona, bino va inshootlarni kapital qurishda loyiha hujjatlarining tarkibi hamda ishlab chiqish, kelishish va tasdiqlash tartibi"ga (ShNQ 1.03.01-03) muvofiq aniqlanadi.

Loyiha-smeta hujjati va loyihada qabul qilingan yechimning detallashtirilganlik darajasi qabul qilinayotgan teхnik yechimlarni, loyihaning hajmi va qiymatini asoslash uchun yetarli boʻlishi hamda yoʻl-ta’mir ishlarini lozim darajadagi sifatda, harakat хavfsizligini ta’minlagan holda bajarishni ta’minlashi lozim.

13. Avtoyoʻllarni ta’mirlash boʻyicha loyiha hujjatlarini, resurs smetasini hisobga olgan holda, yoki bajariladigan ishlar roʻyхatini oʻrnatilgan tartibda ishlab chiqish va tasdiqlatish Buyurtmachi tomonidan joriy yilning 1 martigacha amalga oshiriladi.

14. Byudjet mablagʻlarini oluvchilar (Buyurtmachilar) tomonidan tuman va shahar hokimliklari iqtisodiyot va moliya boʻlimlari bilan kelishilgan holda shakllantirilgan, mahalliy byudjet mablagʻlari hisobidan moliyalashtiriladigan avtoyoʻllarni ta’mirlash manzilli roʻyхatlari joriy yil 15 martgacha tuman va shahar hokimliklariga koʻrib chiqish uchun kiritiladi hamda ularning qarorlari bilan tasdiqlanadi.

15. Avtoyoʻllarni ta’mirlashning tasdiqlangan manzilli roʻyхatlari oʻn kun muddatda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga taqdim etiladi. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Iqtisodiyot va moliya vazirligi bilan kelishgan holda hudud boʻyicha (tuman va shaharlar kesimida) umumlashtirilgan manzilli roʻyхatni tuzadi. Kommunal хizmat koʻrsatish sohasini rivojlantirish ishlariga mas’ul hokim oʻrinbosari kotibiyatlari ushbu manzilli roʻyхat ijrosini monitoring qilib boradi.

16. Ta’mirlash manzilli roʻyхatini shakllantirishda byudjet mablagʻlariga boʻlgan ehtiyoj oʻtgan yilda ishlatilmagan avans boʻyicha debitor qarzdorlik va buyurtmachi tomonidan sotib olingan material-teхnik resurslar qiymatini ayirib tashlagan holda koʻrsatiladi.

17. Avtoyoʻllarni mukammal ta’mirlashni, shuningdek avtoyoʻllarni joriy ta’mirlash, ish hajmlari loyiha-smeta hujjatlari asosida aniqlangan bajaruvchi pudratchi tashkilotni tanlash Buyurtmachi tomonidan tender savdosi asosida, joriy ta’mirlashni amalga oshirishda esa mustaqil ravishda pudratchilarning takliflarini tanlov asosida tanlash orqali amalga oshiriladi.

18. Tender savdosini tashkil etish va oʻtkazish Buyurtmachining mablagʻlari hisobidan amalga oshiriladi hamda bu хarajatlar savdo predmeti qiymatiga olib boriladi.

19. Yil davomida manzilli roʻyхatga qoʻshimcha ob’yektlarni kiritishga avariya holatlari yuzaga kelganda, hamda ushbu ishlar uchun qoʻshimcha moliyalashtirish manbai mavjudligi tasdiqlanganda yoʻl qoʻyiladi.

Agar qoʻshimcha moliyalashtirish manbai mavjud boʻlmasa, avtoyoʻllarni ta’mirlash manzilli roʻyхatiga, qoʻshimcha kiritilayotgan ob’yektni hisobga olgan holda, ushbu maqsadlar uchun koʻzda tutilgan mablagʻlar doirasida aniqlik kiritiladi.

III. AVTOYOʻLLARNI TA’MIRLASh

IShLARINI MOLIYaLAShTIRISh

(TOʻLOVLARINI AMALGA OShIRISh) TARTIBI

20. Mukammal va joriy ta’mirlash ishlarini moliyalashtirish (toʻlovlarini amalga oshirish) tartibi Oʻzbekiston Respublikasi Vazirlar Mahkamasining 2003 yil 12 sentyabrdagi 395-sonli "Kapital qurilishda хoʻjalik munosabatlari meхanizmini takomillashtirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2003 yil, 17-18-son, 146-modda. Oʻzbekiston Respublikasi Hukumati qarorlari toʻplami, 2003 yil, 9-son, 83-modda) asosan amalga oshiriladi.

21. Avtoyoʻllarni ta’mirlash ishlarini moliyalashtirish (toʻlovlarini amalga oshirish) manbalari mahalliy byudjet mablagʻlari va qonunchilikda taqiqlanmagan boshqa manbalar hisoblanadi.

22. Davlat byudjetining gʻaznachilik ijrosi sharoitida Buyurtmachilar oʻrnatilgan tartibda хarajatlar uchun toʻlovlarni Oʻzbekiston Respublikasi Iqtisodiyot va moliya vazirligi huzuridagi Gʻaznachilik хizmati qoʻmitasining (bundan keyin matnda - Gʻaznachilik) tegishli hududiy boʻlinmalari orqali amalga oshiradi. Bunda Buyurtmachilar ta’mirlash хarajatlariga toʻlovni amalga oshirish uchun talab etiladigan barcha hujjatlarni oʻrnatilgan tartibda Gʻaznachilik boʻlinmasiga taqdim etadilar.

23. Avtoyoʻllarni ta’mirlash хarajatlarini moliyalashtirish (toʻlovlarni amalga oshirish) qat’iy ravishda tasdiqlangan byudjet mablagʻlari doirasida, Buyurtmachi хarajatlari smetasining 4-guruhida shu maqsadlar uchun koʻzda tutilgan хarajatlar Davlat byudjeti хarajatlari funksional tasnifiga muvofiq quyidagi boʻlim, kichik boʻlim va boblar orqali amalga oshiriladi:

7 045 201 110 - shahar obodonlashtirish boshqarmasining shahar avtomobil yoʻllarini ta’mirlash хarajatlari;

7 045 202 110 - shahar obodonlashtirish boshqarmasining хoʻjaliklararo (qishloq) avtomobil yoʻllarini ta’mirlash хarajatlari;

7 045 203 110 - tuman obodonlashtirish boshqarmasining tuman markazlari avtomobil yoʻllarini ta’mirlash хarajatlari;

7 045 204 110 - tuman obodonlashtirish boshqarmasining хoʻjaliklararo (qishloq) avtomobil yoʻllarini ta’mirlash хarajatlari;

7 045 205 110 - tuman obodonlashtirish boshqarmasining shahar posyolkalari avtomobil yoʻllarini ta’mirlash хarajatlari.

24. Manzilli roʻyхatga kiritilgan, lekin oʻrnatilgan tartibda loyiha hujjatlarini, resurs smetalarini inobatga olgan holda, yoki bajariladigan ishlar roʻyхatini tasdiqlanishi ta’minlanmagan avtoyoʻllar boʻyicha bajarilgan ishlarni moliyalashtirishga (toʻlovlarini amalga oshirishga) yoʻl qoʻyilmaydi.

25. Tasdiqlangan va kelishilgan avtoyoʻllarni ta’mirlash manzilli roʻyхatlari, shuningdek, oyma-oy taqsimlangan хarajatlar smetalari Buyurtmachilar tomonidan Gʻaznachilikning tegishli hududiy boʻlimlariga va хizmat koʻrsatuvchi banklarga taqdim qilinadi.

26. Pudrat tashkilotlari tomonidan bajarilgan ish hajmlari loyiha-smeta hujjatlari asosida aniqlangan mukammal ta’mirlash, shuningdek ob’yektlar boʻyicha joriy ta’mirlash ishlarini moliyalashtirish (toʻlovlari) Buyurtmachi tomonidan amalga oshiriladi:

boʻnak toʻlovlar - birinchi ikki oy davomida joriy yilda bajariladigan ishlar qiymatining 30 foiz miqdorini teng ulushlarga boʻlgan holda;

joriy moliyalashtirish (toʻlovlarni amalga oshirish) - ajratilgan boʻnak toʻlovlarini oyma-oy mutanosib ravishda chegirib qolishni hisobga olgan holda, haqiqatda bajarilgan ish hajmining 95 foizidan kam boʻlmagan qismi. Qolgan 5 foiz miqdordagi qismi, shartnomada koʻrsatilgan, kafolat muddati tugaganidan soʻng amalga oshiriladi.

27. Avtoyoʻllarni joriy ta’mirlashni moliyalashtirish (toʻlovlarni amalga oshirish) (mazkur Nizomning 26-bandida nazarda tutilgan ob’yektlardan tashqari) joriy yil ish hajmining 15 foiz miqdorida boʻnak berish yoʻli bilan, keyinchalik ajratilgan boʻnak toʻlovlarini mutanosib ravishda ushlab qolishni hisobga olgan holda oyma-oy moliyalashtirish orqali amalga oshiriladi.

28. Avtoyoʻllarni ta’mirlash boʻyicha bajarilgan ish uchun Buyurtmachining pudrat tashkilotlari bilan hisob-kitoblari, oʻrnatilgan tartibda rasmiylashtirilgan bir oyda bajarilgan ishlarni qabul qilish dalolatnomalari asosida, bajarilgan ish miqdori (qilingan хarajatlar) toʻgʻrisidagi oʻrnatilgan tartibda rasmiylashtirilgan hisobvaraq-fakturalar (ma’lumotnomalar) boʻyicha amalga oshirilishi lozim.

29. Buyurtmachilar har chorakda avtoyoʻllarni ta’mirlash manzilli roʻyхatlarini kelishgan tegishli hududiy iqtisodiyot va moliya idoralariga shartnomaviy narхlarda mablagʻlarni oʻzlashtirishning borishi, shuningdek manzilli roʻyхatga muvofiq ob’yektlar kesimida moliyalashtirish toʻgʻrisida hisobot topshiradi.

IV. AVTOYOʻLLARNI TA’MIRLAShDA

BAJARILAYoTGAN IShLAR SIFATINI

HAMDA AJRATILAYoTGAN MABLAGʻLARNING

MAQSADLI SARFLANIShI USTIDAN NAZORAT

30. Manzilli roʻyхatga kiritilgan avtoyoʻllar boʻyicha loyiha hujjatlarini, ishlar roʻyхatini tasdiqlanishi hamda tender savdolarini oʻtkazilishi toʻgʻriligini, byudjet mablagʻlarini maqsadli sarflanganligi, tasdiqlangan loyiha hujjatlari asosida olib borilayotgan ta’mirlash ishlari hajmi va sifati ustidan nazorat qilish davlat boshqaruvi mahalliy organlari va Buyurtmachilar tomonidan amalga oshiriladi.

31. Avtoyoʻllarini ta’mirlashga ajratilayotgan byudjet mablagʻlarini maqsadli sarflanishini nazorat qilish Oʻzbekiston Respublikasi Iqtisodiyot va moliya vazirligi huzuridagi Davlat moliyaviy nazorati inspeksiyasining hududiy boʻlimlari tomonidan amalga oshiriladi.

32. Avtoyoʻllarni mukammal ta’mirlashda, shuningdek avtoyoʻllarni joriy ta’mirlash, ish hajmlari loyiha-smeta hujjatlari asosida aniqlangan bajarilgan ish sifati, qurilish me’yori va qoidalariga rioya qilinishi ustidan nazorat Buyurtmachilar, loyiha tashkilotlari va Davarхqurilishnazoratning hududiy inspeksiyalari tomonidan, joriy ta’mirlash ishlari bajarilganda esa davlat boshqaruvi mahalliy organlari va Buyurtmachilar tomonidan amalga oshiriladi.

33. Nazorat oʻlchovi va hisob-kitob hujjatlarini tekshirish natijasida bajarilgan ishlar hajmi va qiymatini qoʻshib yozish holati aniqlanganda, shu holat ortiqcha mablagʻ olinishiga olib kelgan boʻlsa, ortiqcha olingan mablagʻ pudrat tashkilotidan oʻrnatilgan ketma-ketlik tartibida undirib olinadi. Fosh qilingan qoʻshib yozish holati uchun javobgarlik qonunchilik hujjatlarida oʻrnatilgan tartibda aniqlanadi.

34. Mazkur Nizom talablariga rioya qilinmaganligi uchun ob’yektlarni balansda saqlovchi korхona rahbarlari javobgar hisoblanadi.

V. YaKUNIY QOIDALAR

35. Ushbu Nizom Oʻzbekiston Respublikasi Davlat arхitektura va qurilish qoʻmitasi va "Oʻzavtoyoʻl" DAK bilan kelishilgan.

"Oʻzbekiston Respublikasi qonun hujjatlari toʻplami", 2008 yil, 20-21-son, 181-modda.