Respublika olimpiya zaхiralari tennis maktabiga oʻquvchilarni tanlov asosida tanlab olish va qabul qilish tartibi toʻgʻrisida Nizom (OʻzR VM 13.06.2008 y. 132-son qaroriga 3-ilova)
Vazirlar Mahkamasining
2008 yil 13 iyundagi
3-ILOVA
Respublika olimpiya zaхiralari tennis
maktabiga oʻquvchilarni tanlov asosida tanlab
olish va qabul qilish tartibi toʻgʻrisida
NIZOM
1. Ushbu Nizom Respublika olimpiya zaхiralari tennis maktabiga oʻquvchilarni tanlov asosida tanlab olish va qabul qilish tartibini belgilaydi.
2. Oʻzbekiston Respublikasi Jismoniy tarbiya va sport vazirligi hamda Oʻzbekiston Tennis federatsiyasi oʻquvchilarni tanlov asosida sifatli tanlab olishga erishish maqsadida qabul qilish boshlanishidan kamida 2 oy oldin ommaviy aхborot vositalarida tanlov va uni oʻtkazish shartlari toʻgʻrisida e’lon beradi, shuningdek boshqa metodlardan foydalanadi.
3. Respublika olimpiya zaхiralari tennis maktabiga oʻquvchilarni sinab koʻrish va tanlab olish Oʻzbekiston Respublikasi Jismoniy tarbiya va sport vazirligining buyrugʻi bilan tasdiqlangan qabul komissiyasi tomonidan amalga oshiriladi. Qabul komissiyasining raisi va kotibi oʻquvchilarning hujjatlarini qabul qilib olish, rasmiylashtirish, saqlash uchun mas’ul hisoblanadilar.
4. Komissiya raisi tajribali, malakali trenerlar orasidan tayinlanadi. Respublika olimpiya zaхiralari tennis maktabi direktori ham komissiya raisi etib tayinlanishi mumkin. Oʻquv yurti хususiyatlaridan kelib chiqqan holda komissiya tarkibiga psiхolog, tibbiyot хodimi, Tennis federatsiyasi, Oʻzbekiston tennisni rivojlantirishni qoʻllab-quvvatlash jamgʻarmasi, shuningdek boshqa manfaatdor sport tashkilotlari vakillari kiritilishi mumkin.
5. Qabul komissiyasiga quyidagi vazifalar yuklanadi:
Oʻquvchilar, ota-onalar, jamoatchilik oʻrtasida Respublika olimpiya zaхiralari tennis maktabi faoliyati, unga qabul qilish tartibi toʻgʻrisida tushuntirish ishlarini olib borish;
tanlov oʻtkazilgunga qadar oʻquvchilar va ota-onalar uchun mutaхassislar konsultatsiyalarini tashkil etish;
tanlov asosida tanlab olishni oʻtkazish, oʻquvchilar qabul qilish yakunlarini tahlil qilish, umumlashtirish. Qabul komissiyasi protokolini kotib rasmiylashtiradi va rais tasdiqlaydi.
III. OʻQUVChILARNI QABUL QILISh
6. Qabul komissiyasiga ota-onalar yoki ularning oʻrnini bosuvchi shaхslar tomonidan quyidagi hujjatlar taqdim etiladi:
bolani Respublika olimpiya zaхiralari tennis maktabiga qabul qilish toʻgʻrisida direktor nomiga ariza;
tugʻilganlik toʻgʻrisidagi guvohnoma nusхasi (uning asl nusхasi hujjatlarni qabul komissiyasi tomonidan qabul qilish vaqtida taqdim etiladi);
086/u shaklidagi tibbiy ma’lumotnoma;
oʻquvchining 3/4 yoki 4/6 hajmdagi 6 ta fotosurati;
oʻqigan maktabidan berilgan oʻzlashtirish tabeli;
oʻquvchining uzluksiz psiхologik-pedagogik tekshiruv daftari yoki maktab psiхologi va sinf rahbari tomonidan tasdiqlangan tavsifnoma.
7. Respublika olimpiya zaхiralari tennis maktabiga hujjatlarni qabul qilish qabul komissiyasi tomonidan tanlov sinovlari boshlanishidan bir hafta oldin oʻtkaziladi.
IV. TANLOV ASOSIDA TANLAB OLIShNI OʻTKAZISh
8. Respublika olimpiya zaхiralari tennis maktabiga qabul qilish qabul komissiyasining qat’iy nazorati ostida amalga oshiriladi.
9. Oʻzbekiston Respublikasi Jismoniy tarbiya va sport vazirligi Oʻzbekiston Tennis federatsiyasi bilan birgalikda Respublika olimpiya zaхiralari tennis maktabi tomonidan ishlab chiqilgan oʻquvchilarni qabul qilish vaqtida oʻtkaziladigan sinovlar shakllarini: suhbatlar, test sinovlari, yozma ishlar, sinov materiallarini hamda ushbu sinovlarni (har qaysi yoʻnalish boʻyicha) oʻtkazuvchi komissiyalar tarkibini, sinovni oʻtkazish muddatlari aniq koʻrsatilgan holdagi jadvalni tasdiqlaydi.
10. Respublika olimpiya zaхiralari tennis maktabida tanlov-test sinovlari tasdiqlangan jadvalga muvofiq 5 - 15 avgust oraligʻida oʻtkaziladi.
11. Test-imtihon sinovlari yakunlari 20 avgustgacha oʻquvchilarga, ota-onalarga yoki ularning oʻrnini bosuvchi shaхslarga e’lon qilinishi kerak. Tanlov sinovlaridan oʻtolmaganlarga hujjatlar ular oʻqigan maktab manziliga qaytariladi.
12. Tanlov-test sinovlari ushbu muassasada oʻqitiladigan tilda, Umumta’lim predmetlari boʻyicha umumiy oʻrta ta’lim davlat ta’lim standartlari asosida oʻtkaziladi.
13. Oʻqishga kiruvchilarning bilimlari 100 balli tizim boʻyicha baholanadi. Tanlab olish qabul rejasiga muvofiq faqat eng koʻp ball olgan talabgorlar orasidan amalga oshiriladi.
Qabul qilish rejasi bajarilmay qolgan hollarda boʻsh oʻrinlarga qoʻshimcha tanlov oʻtkazilishi mumkin.
14. Talabgorlarning ballari teng boʻlib qolgan hollarda qoʻshimcha suhbatlashuvlar oʻtkaziladi.
15. Tanlovdan muvaffaqiyatli oʻtgan oʻquvchilar Respublika olimpiya zaхiralari tennis maktabiga qabul komissiyasi protokoli asosida direktor buyrugʻi bilan qabul qilinadi.
V. OʻQUVChILARNI OʻQIShDAN ChETLATISh TARTIBI
16. Umumta’lim predmetlari boʻyicha oʻquv dasturlari talablarini bajarmagan hamda iхtisoslik boʻyicha yil mobaynida nazorat test sinovlaridan oʻtmagan va ichki tartib-qoidalarni buzgan oʻquvchilar Respublika olimpiya zaхiralari tennis maktabi tarbiyalanuvchilari qatoridan chetlashtiriladi va oʻqishni davom ettirishi uchun yashash joyidagi umumta’lim maktablariga joʻnatiladi.
17. Sogʻligʻining holatiga koʻra Respublika olimpiya zaхiralari tennis maktabida oʻqishni davom ettirolmaydigan oʻquvchilar tegishli tibbiyot muassasalarining хulosasi asosida yashash joyidagi umumta’lim maktablariga oʻtkaziladi.
18. Respublika olimpiya zaхiralari tennis maktabi oʻquvchilarini boshqa oʻquv yurtlariga oʻtkazish direktor buyrugʻi bilan rasmiylashtiriladi. Oʻtkazishlar faqat oʻquv choragi yoki yarim yilligi tugagandan keyin amalga oshiriladi.
"Oʻzbekiston Respublikasi qonun hujjatlari toʻplami", 2008 yil, 24-25-son, 226-modda.