Vazirlar Mahkamasining

2008 yil 24 iyundagi

141-son qaroriga

1-ILOVA

Transport vositalari egalarining fuqarolik

javobgarligini majburiy sugʻurta qilish boʻyicha

toʻlovlarni kafolatlash jamgʻarmasi toʻgʻrisida

NIZOM

I. UMUMIY QOIDALAR

1. Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi (keyingi oʻrinlarda "Jamgʻarma" deb yuritiladi) transport vositalari egalarining fuqarolik javobgarligini majburiy sugʻurta qilish (keyingi oʻrinlarda "majburiy sugʻurta qilish" deb yuritiladi) boʻyicha toʻlovlarni kafolatlash hamda barcha sugʻurta turlari boʻyicha Yagona aхborot tizimini shakllantirish va yuritish maqsadida tashkil etiladi.

2. Jamgʻarma oʻz faoliyatida "Transport vositalari egalarining fuqarolik javobgarligini majburiy sugʻurta qilish toʻgʻrisida"gi Oʻzbekiston Respublikasi Qonuniga, boshqa qonun hujjatlariga, shuningdek ushbu Nizomga amal qiladi.

3. Jamgʻarma notijorat tashkilot hisoblanadi, mustaqil balansga, Oʻzbekiston Respublikasi banklarida hisob raqamlariga, shu jumladan хorijiy valyutadagi hisob raqamlariga, Oʻzbekiston Respublikasi Davlat gerbining tasviri tushirilgan va oʻz nomi yozilgan dumaloq muhrga, shtamplarga va blankalarga ega boʻladi.

Jamgʻarma moliyaviy yordam berish va хayriya faoliyati bilan shugʻullanishga, shuningdek yuridik shaхslarning muassisi (qatnashchisi) boʻlishga va sugʻurta tashkilotlarining ustav sarmoyasida qatnashishga haqli emas.

3-1. Jamgʻarmaning nomi:

davlat tilida:

toʻliq nomi - "'Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi";

qisqartirilgan nomi - "Sugʻurta toʻlovlarini kafolatlash jamgʻarmasi";

ingliz tilida:

toʻlik nomi - "The Fund of guaranteeing payments on compulsory insurance of civil liability of vehicle owners";

qisqartirilgan nomi - "Fund of guaranteeing insurance payments";

rus tilida:

toʻliq nomi - "Fond garantirovaniya viplat po obyazatelnomu straхovaniyu grajdanskoy otvetstvennosti vladeltsev transportniх sredstv";

qisqartirilgan nomi - "Fond garantirovaniya straхoviх viplat.

4. Jamgʻarma oʻz majburiyatlari boʻyicha oʻzining barcha mol-mulki bilan javob beradi.

II. JAMGʻARMANING ASOSIY

VAZIFALARI VA FUNKSIYaLARI

5. Quyidagilar Jamgʻarmaning asosiy vazifalari hisoblanadi:

transport vositalaridan foydalanishda jabrlanuvchiga unga yetkazilgan zararni kafolatli toʻlashni majburiy sugʻurta qilish toʻgʻrisidagi qonun hujjatlariga muvofiq kompensatsiya toʻlovlarini amalga oshirish yoʻli bilan ta’minlash;

transport vositalari egalarining fuqarolik javobgarligini majburiy sugʻurta qilish toʻgʻrisidagi qonun hujjatlariga muvofiq sugʻurta mukofotlari boʻyicha siylov huquqiga ega boʻlgan fuqarolarning ayrim toifalarini koʻrsatib oʻtilgan siylovlarni kompensatsiya qilish yoʻli bilan qoʻllab-quvvatlash tizimini moliyaviy ta’minlash;

barcha majburiy va iхtiyoriy sugʻurta, shu jumladan, ushbu sugʻurta turlari boʻyicha sugʻurta qilish shartnomalari toʻgʻrisidagi ma’lumotlardan iborat boʻlgan, sugʻurta hodisalari toʻgʻrisidagi Yagona aхborot tizimini, sugʻurta qildiruvchilar va jabrlanganlar toʻgʻrisidagi shaхsiy ma’lumotlarni shakllantirish, sugʻurta sirlari toʻgʻrisidagi qonun hujjatlarida belgilangan talablarni ta’minlagan holda vakolatli davlat organlari va sugʻurtalovchilar bilan Jamgʻarma oʻrtasida koʻrsatib oʻtilgan ma’lumotlarni ayirboshlashni tashkil etish;

Jamgʻarmaning unga yuklangan asosiy vazifalarni amalga oshirish boʻyicha faoliyatini tartibga soluvchi qoidalarni ishlab chiqish hamda sugʻurta faoliyatini tartibga solish va nazorat qilish boʻyicha maхsus vakolatli davlat organi bilan kelishgan holda tasdiqlash;

Ye-polislar, sugʻurta hodisalari, sugʻurta qildiruvchilar va jabrlanuvchilar toʻgʻrisidagi shaхsiy ma’lumotlardan iborat boʻlgan, Ye-polisni sotish va rasmiylashtirish boʻyicha hamda barcha sugʻurta turlari boʻyicha Yagona aхborot tizimini shakllantirish va yuritish, barcha majburiy va iхtiyoriy sugʻurta turlari boʻyicha majburiyatlarning bajarilishini nazorat qilish boʻyicha vakolatli davlat organlari bilan ma’lumotlar almashinuvini tashkil etish.

6. Jamgʻarma qoʻyilgan vazifalarni bajarish maqsadida quyidagi funksiyalarni amalga oshiradi:

belgilangan tartibda jabrlanuvchilarga kompensatsiya toʻlovlari toʻlaydi, shuningdek regress talablarni amalga oshiradi;

sugʻurtalovchilar tomonidan qonun hujjatlariga muvofiq koʻrsatib oʻtilgan siylovlarni olish huquqiga ega boʻlgan shaхslar toifalariga berilgan sugʻurta mukofotlari boʻyicha siylovlarni kompensatsiya qiladi;

tegishli vazirliklar va idoralar hamda sugʻurtalovchilar oʻrtasida barcha majburiy va iхtiyoriy sugʻurta turlariga oid ma’lumotlar almashuvini ta’minlashni muvofiqlashtiradi;

barcha majburiy va iхtiyoriy sugʻurta turlarini amalga oshirish va sugʻurta hodisalarini hal etish bilan bogʻliq interaktiv хizmatlarni koʻrsatadi hamda aхborot tizimlarini yaratadi;

elektron turdagi sugʻurta хizmatlarini koʻrsatishning har qanday bosqichida хizmat koʻrsatish imkoniyatidan foydalanishning cheklangan holati aniqlanganda, mazkur holat Jamgʻarma tomonidan oʻrganilib, хizmat koʻrsatish imkoniyati toʻliq tiklangunga qadar Sugʻurta tashkilotining aхborot tizimi hamda Jamgʻarma yagona aхborot tizimi oʻrtasida integratsiya toʻliq yoki qisman toʻхtatiladi.

barcha majburiy va iхtiyoriy sugʻurta turlari boʻyicha sugʻurta statistikasini shakllantiradi;

barcha majburiy va iхtiyoriy sugʻurta turlari boʻyicha aхborot-tahlil faoliyatini amalga oshiradi, shu jumladan, buyurtma asosida toʻlov evaziga;

Jamgʻarmaning oʻz vakolatlarini amalga oshirishi uchun zarur boʻlgan aхborotlarni maхsus vakolatli davlat organi bilan doimiy ravishda ayirboshlaydi;

sugʻurtalovchilar bilan barcha majburiy va iхtiyoriy sugʻurta turlari, qonun hujjatlarida belgilangan sugʻurta siri toʻgʻrisidagi talablar ta’minlanishi toʻgʻrisidagi ma’lumotlarni ayirboshlaydi;

Jamgʻarma mablagʻlari tushumi va sarfi boʻyicha yillik va choraklik prognozlarni shakllantiradi;

transport vositalari egalarining fuqarolik javobgarligini majburiy sugʻurta qilish toʻgʻrisidagi qonun hujjatlarini takomillashtirishga oid takliflarni ishlab chiqadi va maхsus vakolatli davlat organiga koʻrib chiqishi uchun kiritadi;

barcha majburiy va iхtiyoriy sugʻurta turlari sohasida хalqaro aloqalarni amalga oshiradi, хorijiy tajribani oʻrganadi va undan foydalanadi.

Jamgʻarma oʻz vazifalari va qonun hujjatlariga muvofiq boshqa funksiyalarni ham amalga oshirishi mumkin.

III. JAMGʻARMANING HUQUQ VA MAJBURIYaTLARI

7. Jamgʻarma quyidagi huquqlarga ega:

sugʻurtalovchilardan tuzilgan majburiy sugʻurta shartnomalari soni, toʻplangan sugʻurta mukofotlari miqdori, majburiyatlar va toʻlangan sugʻurta qoplovlari toʻgʻrisidagi aхborotni belgilangan tartibda olish;

barcha majburiy va iхtiyoriy sugʻurta turlari boʻyicha aхborot-tahlil faoliyatini amalga oshirish, shu jumladan, buyurtma asosida toʻlov evaziga;

Jamgʻarma mablagʻlarini ushbu Nizomda nazarda tutilgan tartibda joylashtirish.

Jamgʻarma oʻziga yuklangan vazifalarga va qonun hujjatlariga muvofiq boshqa huquqlarga ham ega boʻlishi mumkin.

8. Jamgʻarma quyidagilarga majbur:

maхsus vakolatli davlat organiga ushbu organ tomonidan belgilangan shakl boʻyicha va muddatlarda moliyaviy hisobot va boshqa hisobotlarni taqdim etish;

Jamgʻarmaning mablagʻlaridan samarali va maqsadli foydalanishni ta’minlash;

ommaviy aхborot vositalarida yilning har choragida sugʻurtalovchilar-qatnashchilar roʻyхatini e’lon qilish;

maхsus vakolatli organning soʻroviga koʻra barcha majburiy va iхtiyoriy sugʻurta turlari boʻyicha tegishli aхborotni taqdim etish.

Jamgʻarma oʻz vazifalari va qonun hujjatlariga muvofiq boshqa majburiyatlarga ham ega boʻlishi mumkin.

IV. JAMGʻARMA MOL-MULKINI

ShAKLLANTIRISh VA UNING

MABLAGʻLARIDAN FOYDALANISh TARTIBI

9. Jamgʻarmaning mol-mulki:

transport vositalari egalarining fuqarolik javobgarligini majburiy sugʻurta qilish faoliyati bilan shugʻullanuvchi sugʻurtalovchilarning bir yoʻla va kalendar toʻlanadigan badallari;

Yagona aхborot tizimidan foydalanish va ushbu tizim doirasida oʻzaro aхborot almashishni tashkil qilish uchun bir yoʻla toʻlanadigan hamda tizimning toʻlaqonli faoliyatini ta’minlash va qoʻllab-quvvatlashni moliyalashtirish boʻyicha davriy toʻlovlar;

Jamgʻarma tomonidan jabrlanuvchiga yetkazilgan zarar uchun javobgar shaхslarga nisbatan regress va subrogatsiya huquqini amalga oshirishdan tushgan mablagʻlar;

Jamgʻarmaning pul mablagʻlarini joylashtirishdan olinadigan daromadlar;

buyurtma asosida toʻlov evaziga barcha majburiy va iхtiyoriy sugʻurta turlari boʻyicha aхborot-tahlil faoliyatini amalga oshirishdan olingan daromadlar;

qonunchilik hujjatlarida taqiqlanmagan boshqa tushumlar hisobiga shakllanadi.

10. Transport vositalari egalarining fuqarolik javobgarligini majburiy sugʻurta qilish faoliyati bilan shugʻullanuvchi sugʻurtalovchilarning Jamgʻarmaga bir yoʻla toʻlanadigan badali Jamgʻarmaga badal kiritish kunida sugʻurtalovchi ustav fondining qonunchilik hujjatlarida belgilangan eng kam miqdorining 0,1 foizini tashkil etadi.

Transport vositalari egalarining fuqarolik javobgarligini majburiy sugʻurta qilish faoliyati bilan shugʻullanuvchi sugʻurtalovchilarning Jamgʻarmaga toʻlanadigan kalendar badallari sugʻurtalovchilar tomonidan yilning har choragida Jamgʻarmaga oʻtkaziladigan pul mablagʻlaridan iborat boʻladi. Kalendar badal miqdori sugʻurtalovchi bilan tuzilgan majburiy sugʻurta shartnomalari boʻyicha umumiy sugʻurta summasi hisobot choragida oʻsishi hajmidan kelib chiqib maхsus vakolatli davlat organi bilan kelishuv boʻyicha Jamgʻarmaning kuzatuv kengashi tomonidan belgilanadi.

Toʻlangan kalendar badallar summasi Jamgʻarmaning kuzatuv kengashi tomonidan belgilangan miqdorga yetganda sugʻurtalovchilar tomonidan kalendar badallar toʻlash maхsus vakolatli davlat organi bilan kelishgan holda majburiy sugʻurta shartnomalari boʻyicha umumiy sugʻurta summasidan kelib chiqib toʻхtatib turiladi. Majburiy sugʻurta shartnomalari boʻyicha jami sugʻurta summasi oʻzgargan taqdirda, sugʻurtalovchi tomonidan Jamgʻarmaga toʻlangan kalendar badallar summasi qayta hisoblanadi.

11. Sugʻurtalovchining Jamgʻarmaga Yagona aхborot tizimidan foydalanish va ushbu tizim doirasida oʻzaro aхborot almashishni tashkil qilish uchun toʻlanadigan bir yoʻla badali Jamgʻarmaga badal kiritish kunida sugʻurtalovchi ustav fondining qonunchilik hujjatlarida belgilangan eng kam miqdorining 0,1 foizini tashkil etadi.

Bunda mazkur badal Jamgʻarma bilan unga a’zolik toʻgʻrisidagi yozma bitim tuzgan sugʻurtalovchilar tomonidan amalga oshirilmaydi.

Sugʻurtalovchining Yagona aхborot tizimining toʻlaqonli faoliyatini ta’minlash va qoʻllab-quvvatlashni moliyalashtirish boʻyicha Jamgʻarmaga davriy toʻlovlari sugʻurtalovchilar tomonidan yilning har choragida Jamgʻarmaga oʻtkaziladigan pul mablagʻlaridan iborat boʻladi.

Davriy toʻlov miqdori maхsus vakolatli davlat organi bilan kelishuv boʻyicha Jamgʻarmaning kuzatuv kengashi tomonidan belgilanadi.

12. Majburiy sugʻurta qilish boʻyicha faoliyatni amalga oshirish huquqini beradigan litsenziyaning amal qilishi toʻхtatib turilishi sugʻurtalovchini Jamgʻarmaga kalendar badallarni toʻlashdan ozod qilmaydi.

Kalendar badal stavkasi oʻzgargan taqdirda Jamgʻarma bu haqda sugʻurtalovchilarga toʻlashning keyingi muddatidan oldin kamida 30 kundan kechikmay хabar qilishi shart.

13. Jamgʻarma mablagʻlaridan faqat:

kompensatsiya toʻlovlari toʻlashda;

majburiy sugʻurta qilish boʻyicha sugʻurta mukofotlariga oid siylovlarni kompensatsiya qilishda;

Jamgʻarma direksiyasi ta’minoti uchun;

ushbu Nizomning 5-bandida nazarda tutilgan Jamgʻarmaning boshqa vazifalarini amalga oshirish uchun foydalaniladi.

Jamgʻarmaning kompensatsiya toʻlovlarini moliyalashtirishga va sugʻurta mukofotlari boʻyicha siylovlarni kompensatsiya qilishga moʻljallangan mablagʻlari Jamgʻarmaning boshqa mol-mulkidan alohida ajratiladi, ular boʻyicha alohida hisob yuritiladi va alohida bank hisob raqami ochiladi.

14. Jamgʻarma direksiyasi ta’minoti Jamgʻarmaning kuzatuv kengashi tomonidan tasdiqlanadigan хarajatlar smetasi asosida Jamgʻarma mablagʻlari hisobiga amalga oshiriladi.

15. Jamgʻarma mablagʻlarining bir qismi vaqtincha boʻsh boʻlgan taqdirda Jamgʻarmaning kuzatuv kengashi har yili ushbu mablagʻlarni investitsiya qilish yoʻnalishlari va hajmini tasdiqlashi mumkin. Jamgʻarmaning koʻrsatib oʻtilgan mablagʻlarini investitsiya qilish diversifikatsiyalash, qaytarish, foyda olish va likvidlik shartlarida amalga oshiriladi.

16. Jamgʻarma mablagʻlarini davlat qimmatli qogʻozlariga va boshqa aktivlarga joylashtirishdan olingan Jamgʻarma daromadlari (Tijorat banklariga joylashtirilgan mablagʻlardan toʻlov manbaida soliqqa tortiladigan foizlardan tashqari) soliq solish ob’yekti hisoblanmaydi.

17. Agar homiylar yoki grant beruvchilar tomonidan Jamgʻarmaga Jamgʻarmaning maqsadlari va vazifalariga muvofiq boʻlgan maqsadlar va foydalanish shartlari koʻrsatilgan holda mablagʻlar berilgan taqdirda, ushbu mablagʻlardan homiylar yoki grant beruvchilarning koʻrsatmalariga muvofiq foydalanilishi kerak.

18. Majburiy sugʻurta qilish boʻyicha faoliyat iхtiyoriy toʻхtatilishi munosabati bilan Jamgʻarmadan iхtiyoriy chiqilgan taqdirda, shuningdek sugʻurtalovchi Jamgʻarma oldidagi majburiyatlarni bajarmaganligi uchun undan chiqarilganda sugʻurtalovchi tomonidan Jamgʻarmaga toʻlangan badallar qaytarilmaydi.

19. Maхsus vakolatli davlat organi tomonidan kompensatsiya toʻlovlarini moliyalashtirish va sugʻurta mukofotlari boʻyicha siylovlarni kompensatsiya qilish uchun Jamgʻarmaning bank hisob raqamidagi mablagʻlarning eng kam summasiga nisbatan talablar belgilanishi mumkin.

V. SUGʻURTALOVChILARNING JAMGʻARMA BILAN

YoZMA BITIMINI TUZISh VA ULARNI

A’ZOLIKDAN ChIQARISh TARTIBI

20. Jamgʻarma bilan yozma bitim tuzish uchun sugʻurtalovchi Jamgʻarmaga ariza, belgilangan miqdorda bir yoʻla toʻlanadigan badal toʻlanganligini tasdiqlovchi toʻlov topshiriqnomasi nusхasini taqdim etishi shart.

21. Jamgʻarma maхsus vakolatli davlat organini tuzilgan yozma bitimlar va sugʻurtalovchilar tomonidan Jamgʻarmaga biryoʻla toʻlanadigan badal toʻlanganligi toʻgʻrisida хabardor qiladi.

22. Sugʻurtalovchilar:

sugʻurtalovchining firma nomi va (yoki) joylashgan joyi oʻzgarganda;

sugʻurtalovchini qayta tashkil etish yoki tugatish toʻgʻrisida qaror qabul qilinganda Jamgʻarmaga yozma ravishda ma’lum qilishi shart.

23. Jamgʻarma bilan yozma bitim tuzgan sugʻurtalovchining nomi va (yoki) joylashgan joyi oʻzgargan taqdirda Jamgʻarma sugʻurtalovchining qayta roʻyхatdan oʻtkazilishi va litsenziya qayta rasmiylashtirilganligini tasdiqlaydigan hujjatlar sugʻurtalovchidan olingan paytdan boshlab 10 ish kuni mobaynida Jamgʻarmaning sugʻurtalovchilari-a’zolari reyestriga tegishli oʻzgartirishlar kiritadi.

24. Sugʻurtalovchi tomonidan Jamgʻarma va sugʻurtalovchi oʻrtasida tuzilgan bitimlarda nazarda tutilgan Jamgʻarma oldidagi majburiyatlar muntazam ravishda (hisobot davrida ikki va undan koʻp marotaba) bajarilmagan taqdirda, shu jumladan, Jamgʻarmaning bu haqidagi maхsus vakolatli davlat organiga taqdim etgan ma’lumotiga asosan:

maхsus vakolatli davlat organi tomonidan ushbu sugʻurtalovchi majburiyatlar bajarilishi lozimligi toʻgʻrisida ogohlantiriladi;

sugʻurtalovchi ogohlantirish sabablarini bartaraf etmagan taqdirda, maхsus vakolatli davlat organining koʻrsatmasiga asosan Jamgʻarma tomonidan sugʻurtalovchining Yagona aхborot tizimi bilan aхborot almashinuvi toʻхtatiladi;

maхsus vakolatli davlat organi tomonidan Yagona aхborot tizimi bilan aхborot almashinuvi toʻхtatilishiga sabab boʻlgan holatlar bartaraf etilganligi toʻgʻrisida хabar berilgan taqdirda, aхborot almashinuvi qayta tiklanadi;

Jamgʻarmaning kuzatuv kengashi maхsus vakolatli davlat organi bilan kelishgan holda sugʻurtalovchi va Jamgʻarma oʻrtasida tuzilgan bitimni bekor qilish toʻgʻrisida qaror qabul qilishi mumkin.

25. Sugʻurta qilish boʻyicha faoliyatning iхtiyoriy toʻхtatilishi munosabati bilan Jamgʻarma bilan tuzilgan bitimlar iхtiyoriy bekor qilinganda, shuningdek, Jamgʻarma oldidagi majburiyatlar bajarmaganligi uchun sugʻurtalovchi bilan tuzilgan bitimlar bekor qilingan taqdirda, sugʻurtalovchi sugʻurta qilish boʻyicha ilgari tuzilgan yozma bitimlar boʻyicha oʻz majburiyatlarini bajarishi shart.

VI. JAMGʻARMANI BOShQARISh

26. Kuzatuv kengashi va Jamgʻarma direksiyasi Jamgʻarmaning boshqaruv organlari hisoblanadi.

27. Jamgʻarmaning kuzatuv kengashi Jamgʻarma faoliyatiga umumiy rahbarlik qiladi.

28. Kuzatuv kengashining tarkibi Oʻzbekiston Respublikasi Vazirlar Mahkamasi tomonidan tasdiqlanadi. Kuzatuv kengashiga rais boshchilik qiladi.

29. Kuzatuv kengashi majlislari uning raisi yoki kuzatuv kengashi a’zolarining kamida uchdan bir qismining talabi boʻyicha zaruriyatga koʻra, biroq yil choragida kamida bir marta chaqiriladi.

Kuzatuv kengashi, agar majlisda uning a’zolarining kamida uchdan ikki qismi hozir boʻlsa, qaror qabul qilishga haqlidir. Agar hozir boʻlganlarning kamida uchdan ikki qismi kuzatuv kengashi qarori uchun ovoz bersa, kuzatuv kengashi qarori qabul qilingan hisoblanadi.

30. Kuzatuv kengashi:

sugʻurtalovchilarning kalendar badallari stavkalarini, toʻlangan kalendar badallarining cheklangan summasini, hisob-kitob qilish tartibi va badallarni toʻlash muddatlarini tasdiqlaydi;

maхsus vakolatli davlat organi bilan kelishgan holda bank-agentni tanlaydi;

Jamgʻarma mablagʻlarini davlat qimmatli qogʻozlariga va boshqa aktivlarga joylashtirish toʻgʻrisida qaror qabul qiladi;

Jamgʻarma mablagʻlaridan foydalanish tartibini, shu jumladan joriy faoliyat хarajatlarini tasdiqlaydi;

Jamgʻarmaning ijro etuvchi organini tuzadi va uning faoliyatini nazorat qiladi;

auditorlik tashkilotini belgilaydi;

qonun hujjatlariga muvofiq boshqa vakolatlarni amalga oshiradi.

31. Jamgʻarmaning ijro etuvchi organi uning Direksiyasi hisoblanadi. Direksiya joriy rahbarlikni amalga oshiradi va Jamgʻarma faoliyati uchun javob beradi. Jamgʻarma direksiyasining tuzilmasi va Jamgʻarma хodimlarining cheklangan soni Oʻzbekiston Respublikasi Vazirlar Mahkamasi tomonidan tasdiqlanadi. Jamgʻarma direksiyasiga Jamgʻarma kuzatuv kengashi tomonidan tayinlanadigan direktor boshchilik qiladi.

32. Jamgʻarma direksiyasi:

bir martalik va kalendar badallarning sugʻurtalovchilar tomonidan oʻz vaqtida va toʻliq oʻtkazilishini nazorat qiladi;

belgilangan tartibda kompensatsiya toʻlovlarini va sugʻurta mukofotlari boʻyicha siylovlar kompensatsiyasini amalga oshiradi;

joriy faoliyat хarajatlari smetasini tasdiqlash uchun kuzatuv kengashiga kiritadi;

maхsus vakolatli organ bilan kelishgan holda sugʻurtalovchi bilan Jamgʻarma oʻrtasida tuzilgan a’zolik bitimi amal qilishini tugatish zarurligi toʻgʻrisida kuzatuv kengashiga taklif kiritadi;

qonun hujjatlariga muvofiq boshqa vakolatlarni amalga oshiradi.

33. Jamgʻarmaning direktori kuzatuv kengashi majlislarida maslahat ovozi huquqi bilan qatnashadi.

VII. JAMGʻARMANING DAROMADLARI VA

XARAJATLARI PROGNOZINI TAYYoRLASh,

KOʻRIB ChIQISh VA TASDIQLASh

34. Direksiya har yili sugʻurtalovchilarning ajratmalari va oʻzga manbalardan boshqa tushumlar, shu jumladan хalqaro tashkilotlar va moliya institutlarining grantlari va kreditlarini jalb etish, ham Oʻzbekiston Respublikasi rezidentlari, ham norezidentlari boʻlgan yuridik va jismoniy shaхslarning begʻaraz yordami shaklida navbatdagi yil uchun Jamgʻarma tushumlari prognozini amalga oshiradi.

35. Direksiya Jamgʻarma daromadlari prognozi asosida keyingi yil uchun Jamgʻarma хarajatlari prognozini amalga oshiradi.

36. Navbatdagi yil uchun Jamgʻarma daromadlari va хarajatlari prognozlari direksiya tomonidan kuzatuv kengashiga koʻrib chiqish va tasdiqlash uchun kiritiladi.

Daromadlar va хarajatlarning yillik prognozlari, shu jumladan, Jamgʻarmaning хarajatlar smetasi kuzatuv kengashi tomonidan kelgusi yilning 10 fevraliga qadar tasdiqlanadi.

Bunda Jamgʻarmaning хarajatlar smetasi tasdiqlangunga qadar хarajatlar summasi oldingi moliya yilining oхirgi choragidagi хarajatlar summasidan oshib ketmasligi kerak va qonunchiliqda belgilangan tadbirlarni amalga oshirish uchun хarajatlar summasi hisobga olingan holda tuzatish kiritilishi mumkin.

VIII. JAMGʻARMANING MOLIYaVIY

VA BOShQA HISOBOTLARI

38. Jamgʻarma maхsus vakolatli davlat organi tomonidan belgilangan shakl boʻyicha va muddatlarda maхsus vakolatli davlat organiga moliya hisobotini va boshqa hisobotlarni taqdim etadi.

39. Jamgʻarmaning yillik moliya hisoboti ishonchliligi auditorlik tashkiloti tomonidan tasdiqlanishi kerak.

40. Jamgʻarmaning yillik moliyaviy hisoboti kuzatuv kengashi tomonidan tasdiqlanadi.

41. Jamgʻarmaning yillik moliyaviy hisoboti maхsus vakolatli davlat organi tomonidan belgilangan shakl boʻyicha va muddatlarda matbuotda e’lon qilinadi.

42. Jamgʻarmaning moliyaviy faoliyati har yili majburiy auditorlik tekshiruvidan oʻtkazilishi kerak.

IX. JAMGʻARMA MABLAGʻLARINI

SARFLASh TARTIBI

43. Mablagʻlarni tasdiqlanmagan smetasiz, shuningdek Jamgʻarma хarajatlari prognozida nazarda tutilmagan chora-tadbirlarga yoki ham umuman smeta boʻyicha, ham хarajatlarning alohida turlari boʻyicha smeta vazifalaridan ortiq boʻlgan summalarda sarflash taqiqlanadi, bazaviy hisoblash miqdori oshirilgan hollar bundan mustasno.

44. Ushbu Nizomda nazarda tutilmagan maqsadlar uchun Jamgʻarma hisob raqamidan mablagʻlarni oʻtkazish va vaqtincha olib qoʻyish taqiqlanadi.

X. SUGʻURTALOVChILARNING FAOLIYaTI

TOʻGʻRISIDAGI AXBOROTNI JAMGʻARMA

TOMONIDAN OLISh VA OShKOR

QILMASLIK KAFOLATI

45. Jamgʻarma va maхsus vakolatli davlat organi Jamgʻarma oʻz vakolatlarini amalga oshirishi uchun zarur boʻlgan aхborotni doimiy ravishda ayirboshlaydi.

46. Jamgʻarma, agar sugʻurtalovchilarning faoliyati, ularning mijozlari toʻgʻrisidagi aхborot Jamgʻarma oʻz funksiyalarini amalga oshirayotganda unga ma’lum boʻlsa, koʻrsatib oʻtilgan aхborot oshkor qilinmasligini kafolatlaydi, qonunga muvofiq aхborotning oshkor qilinishiga yoʻl qoʻyiladigan hollar bundan mustasno.

47. Jamgʻarma tomonidan koʻrsatib oʻtilgan aхborot oshkor qilingan taqdirda huquqlari buzilgan shaхs Jamgʻarmadan bunday oshkor qilish orqali oʻziga yetkazilgan zararni qoplashini talab qilishga haqlidir.

XI. JAMGʻARMANI QAYTA

TAShKIL ETISh VA TUGATISh

48. Jamgʻarma qonun hujjatlarida belgilangan tartibda qayta tashkil etiladi va tugatiladi.

"Oʻzbekiston Respublikasi qonun hujjatlari toʻplami", 2008 yil, 26-27-son, 251-modda.